Ýurdumyzda giňden bellenilýän Türkmen alabaýynyň baýramy mynasybetli Türkmenistanyň Döwlet çeperçilik akademiýasynyň sergi zalynda bäsleşikli sergi üçin hödürlenen eserler giňden ýaýbaňlandyryldy. Bu ýerde ýokary okuw mekdebiniň mugallymlarynyň, talyplarynyň ýörite taýýarlan 250-den gowrak işleri görkezilip, olar nakgaşlyk, grafika, heýkeltaraşlyk, gobelen, dizaýner-bezeg hem-de neşir önümleri bolmak bilen türkmen alabaýyna mahsus häsiýetleri, şekilleri özünde jemleýär. Biri-birinden gözegelüwliligi hem-de çeperçilik taýdan kämilligi bilen halkymyzyň milli buýsanjy bolan alabaýlaryň mertligini, edermenligini, gaýduwsyzlygyny täsirli suratlandyrýarlar.