Welaýat kitaphanasynda welaýat saglygy goraýyş müdirliginiň, Saglygy goraýyş işgärleriniň kärdeşler arkalaşygynyň Balkanabat şäher geňeşiniň, Balkan lukmançylyk orta okuw mekdebiniň bilelikde guramagynda Gahryman Arkadagymyzyň «Türkmenistanyň dermanlyk ösümlikleri» atly kitabynyň 15-nji jildiniň tanyşdyrylyş dabarasy geçirildi.
Türkmenistanyň Ylymlar akademiýasynyň akademigi, lukmançylyk ylymlarynyň doktory, professor Gurbanguly Berdimuhamedowyň ylmy-ensiklopedik kitabynyň 15-nji jildiniň çapdan çykmagy diňe bir saglygy goraýyş işgärleriniň däl-de, eýsem, tutuş halkymyzyň begenjini artdyrdy. Gahryman Arkadagymyzyň türkmen topragynda bitýän ösümlikleriň dermanlyk häsiýetini, ony taýýarlamagy we ulanmagy açyp görkezýän ylmy-ensiklopedik işiniň fitoterapiýa ylmyny ösdürmekde ähmiýeti örän ýokarydyr.
