Düýn — 25-nji awgustda paýtagtymyzdaky «Aşgabat» aýdym-saz merkezinde Türkmenistanyň Prezidentiniň yglan eden «Türkmeniň Altyn asyry» atly bäsleşiginiň çäklerinde höwesjeň aýdymçy ýaşlaryň arasynda geçirilýän «Ýaňlan, Diýarym! — 2023» telebäsleşiginiň jemleýji tapgyry geçirildi. Oňa bäsleşigiň deslapky tapgyrlarynda ýeňiji bolmagy başaran ýaş aýdymçylaryň 12-si gatnaşdy.
Arkadag Serdarly bagtyýar ýaşlar ýylynda belleniljek ýurt Garaşsyzlygymyzyň 32 ýyllyk baýramynyň öňüsyrasynda geçirilen bäsleşigiň nobatdaky tapgyry hem uly ruhubelentlikde geçirildi. Dabaranyň başynda hormatly Prezidentimiziň bäsleşige gatnaşyjylara iberen gutlagy okaldy.
