Garaşsyzlyk türkmen halkyna beýik Pyragynyň arzuwlan berkarar döwleti bilen birlikde, şöhratly taryhyna, dünýä halklarynyň medeniýetleriniň arasynda aýratyn orny bolan medeniýetine buýsanmaga, guwanmaga we olary öwrenip, dünýä ýaýmaga-da çäksiz mümkinçilikler döretdi. Medeniýeti gojaman taryhyň özi ýaly gadymyýete kök uran halkymyzyň şol maddy, medeni we ruhy gymmatlyklaryny dünýä ýaýmakda ynsanperwer ulgamdaky halkara hyzmatdaşlyklaryň ähmiýeti uludyr.
Ýurdumyz 1993-nji ýylyň 17-nji awgustyndan bäri ÝUNESKO-nyň doly hukukly agzasydyr. Arkadag Serdarly bagtyýar ýaşlar ýylynda Türkmenistanyň ÝUNESKO bilen hyzmatdaşlygyna 30 ýyl dolýar.
