Berkarar döwletiň täze eýýamynyň Galkynyşy döwrüne şan beren ajaýyp wakalaryň biri bolan Arkadag şäheriniň açylmagy bilen, ýurdumyzda ýene-de bir jenneti künjek peýda boldy. Bu ajaýyp şäher sanly ulgamyň ornaşdyrylan ajaýyp mekanydyr. Sebitde ýeke-täk «akylly» şäher bolan bu ajaýyp şäherde ilatyň saglygyny goramak babatynda ähli mümkinçilikler döredilendir. Ýeri gelende bellesek, hormatly Prezidentimiziň ak patasy bilen ulanylmaga berlen ajaýyp şäherde lukmançylyk maksatly dürli desgalaryň bardygyny aýratyn bellemek möhümdir. Bu babatda, ilki bilen, Saçly Dursunowa adyndaky lukmançylyk orta hünär okuw mekdebiniň işe girizilendigini bellemelidiris. 2023-2024-nji okuw ýylyndan başlap, bu okuw jaýy özüniň ilkinji bagtyýar talyplaryny okuwa kabul edýär. Lukmançylyk ylymy babatda kämil hünärmenleri taýýarlajak bu orta hünär okuw mekdebi şäheriň ajaýyp binalary bilen sazlaşygy emele getirýär.
Gahryman Arkadagymyzyň başlangyjy bilen bina edilen ajaýyp şäherde saglygy goraýyş maksatly dürli binalaryň gurlandygyny bellemek gerek. Milli Liderimiziň başlangyjy bilen bu ajaýyp şäherde Gurbanguly Berdimuhamedow adyndaky çagalar sagaldyş-dikeldiş merkeziniň gurlandygy has-da buýsandyrýar. Bu merkezde çagalaryň saglygyny dikeltmek babatynda täze tehnologiýalaryň ornaşdyrylandygyny nygtamak gerek. Gahryman Arkadagymyzyň başlangyjy bilen bina edilen merkeziň enjamlaşdyrylyşynda nesil saglygyny dikeltmek bilen bagly ähli mümkinçilikler döredilendir. Şeýle hem bu ýerde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ştab-kwartirasynyň ýerleşdirilendigini-de aýratyn bellemelidiris. Bu gazna tarapyndan häzirki wagtda ýüzlerçe çaganyň saglygy dikeldildi, olar gaznanyň hasabyna bejergi aldylar. Bu haýyrly işler häzirki wagtda hem işjeň dowam etdirilýär. Dünýäniň ösen tehnologiýalary hem-de lukmançylygyň iň täze gazananlary esasynda bina edilen merkezde çagalaryň saglygyny dikeltmäge ýardam berýän enjamlar ýerleşdirilipdir. Bu bolsa «Sagdyn nesil — kuwwatly Watan» diýen belent şygary dabaralandyrýan ýurdumyzyň gazanan ajaýyp üstünlikleriniň biridir. Şeýle hem bu ajaýyp şäherde köpugurly hassahananyň we beýleki saglygy goraýyş maksatly binalaryň bardygyny bellemek gerek. Olarda ynsan saglygyny goramak babatynda alnyp barylýan beýik işleri üstünlikli durmuşa geçirmek üçin ähli mümkinçilikler döredilen. Şeýle ajaýyp mümkinçilikleri bar bolan döwrebap saglygy goraýyş edaralaryny halkymyza yzygiderli sowgat berýän türkmen halkynyň Milli Lideri Gahryman Arkadagymyzyň, Arkadagly Serdarymyzyň janlary sag, ömürleri uzak bolsun, il-ýurt bähbitli beýik işleri rowaçlyklara beslensin!
