Hormatly Prezidentimiziň taýsyz tagallalary netijesinde, milli saglygy goraýyş ulgamy döwrebaplaşdyrylýar we bu ugurda belent sepgitlere ýetilýär. Eziz Watanymyzda häzirki zaman lukmançylyk hyzmatlaryndan peýdalanmaga giň mümkinçilikler döredilýär. Ýurdumyzda gurlan we gurulýan häzirki zaman hassahanalary we bejeriş-anyklaýyş merkezleri ilatymyza dünýä ülňülerine laýyk gelýän hyzmatlary hödürleýär. Berkarar döwletiň täze eýýamynyň Galkynyşy döwründe sagdyn durmuş ýörelgesiniň yzygiderli wagyz edilmegi, köpçülikleýin bedenterbiýe-sagaldyş hereketiniň we sportuň ösdürilmegi ýurdumyzda ruhy we beden taýdan sagdyn nesilleri kemala getirmäge ýardam edýär.
Ýurdumyza saglygy goraýyş ulgamyny gowulandyrmak üçin ilkinji lukmançylyk enjamlarynyň getirilmegi, BMG-niň Ösüş maksatnamasy tarapyndan «Türkmenistanyň Hökümetiniň hemmeler üçin ýokary hilli dermanlara elýeterliligini, lukmançylyk hyzmatlarynyň yzygiderliligini we hilini üpjün etmek arkaly saglygy goraýşyň hyzmatlarynyň ählumumy gurşawynyň ýolunda ösüşi çaltlaşdyrmak boýunça möhüm tagallalary üçin» atly güwänamasynyň, BSGG-niň Supramilli referens-barlaghanasynyň (Gauting, GFR) degişli güwänamasynyň berilmegi saglygy goraýyş edaralarynyň, ylmy-kliniki merkezleriň hünärmenleri üçin aýratyn ähmiýetlidir.
