"Türkmenistanyň senagaty" žurnaly

Esaslandyryjysy: Türkmenistanyň Senagat we gurluşyk önümçiligi ministrligi
Salgysy: Aşgabat şäheri, Arçabil şaýoly 132-nji jaýy
Telefon belgileri: 39-02-03

Žurnaly PDF görnüşinde ýükläp almak

Makalalar

Gyzykly gezelenç çäresi

Türkmenistanyň Magtymguly adyndaky Ýaşlar guramasynyň Daşoguz şäher geňeşi ýaş nesilleriň halkymyzyň medeni-ruhy mirasyna bolan hormat-sarpasyny artdyrmak, şeýle hem olary  türkmen halkynyň döreden bütin adamzat üçin bahasyna ýetip bolmajak gymmatlyklary bilen tanyşdyrmak maksady bilen, guramanyň işjeň agzalarynyň gatnaşmagynda welaýat Taryhy we ülkäni öwreniş muzeýine «Geçmişden geljege ýagty ýadygär — medeni mirasym dünýä ýaň salýar» atly gezelenç çäresini gurady. Gezelenç çäresine gatnaşanlar halkymyzyň ruhy, medeni gymmatlyklary, türkmen döwletiniň şöhratly taryhynda yz galdyran beýik şahsyýetlerimiziň durmuş ýoly, bitiren hyzmatlary, milli däp-dessurlarymyz, şeýle hem Berkarar döwletiň täze eýýamynyň Galkynyşy döwründe hormatly Prezidentimiz Arkadagly Gahryman Serdarymyzyň ata Watanymyzy ähli ugurlar boýunça depginli ösdürmäge, halkymyzyň ýaşaýyş-durmuş derejesiniň has-da gowulandyrmaga gönükdirilen beýik işleri, ýurdumyzda gurulýan önümçilik we durmuş maksatly döwrebap desgalardyr binalar dogrusynda gürrüň berýän maglumatlar, suratlar, milletimiziň şanly geçmişi  barada söz açýan arheologik tapyndylar bilen ýakyndan tanyşdylar.

11 Iýul 2024

Jemgyýet

Zyýaratlaryňyz kabul bolsun!

Biz beýik ýurduň raýatlary. Bu hakykaty halk üçin her bir raýat üçin Arkadagly Gahryman Serdarymyzyň döredip berýän giň mümkinçilikleri netijesinde, ruhy päkligiň, arassa ahlaklylygyň baýramy bolan mübärek Gurban baýramynyň bellenilýän aýynda ildeşlerimiziň ençemesi  haj parzyny ýerine ýetirip gelen pursatlarynda has-da aýdyň duýulýar. Yslam dininiň bäş parzynyň biri bolan haj parzyny berjaý etmek, mukaddes Käbä zyýarat etmek ildeşlerimiziň kalplarynda egsilmez kanagatnama duýgularyny oýarýar. Bilşimiz ýaly, haj parzyny berjaý etmek üçin ýurdumyzdan köp sanly zyýaratçy, hormatly Prezidentimiziň taýsyz tagallalary bilen, Saud Arabystanyna iberildi. Ildeşlerimiziň haj parzyny berjaý etmekleri üçin her ýyl Saud Arabystanyna zyýarata iberilmegi ýurdumyzda medeni-ruhy gymmatlyklarymyza aýratyn ähmiýet berilýändigini, milli ynsanperwer däplerimiziň mynasyp dowam etdirilýändigini görkezýär. Ýakynda zyýaratçylar dini däpleri, keramatly ýerlere haj parzyny berjaý edip, sag-aman ýurdumyza dolanyp geldiler.

11 Iýul 2024

Jemgyýet

Wagyz-nesihat duşuşygy

Zähmetsöýerlik — bagtyýarlyk TMÝG-niň Sakarçäge etrap geňeşiniň etrabyň “Galkynyş” sport desgasy bilen bilelikde guramagynda “Zähmetsöýerlik bagtyýarlyk we uzak ýaşamakdyr” ady bilen wagyz-nesihat duşuşygy geçirildi. Duşuşyga TMÝG-niň etrap geňeşiniň işgärleri we işjeň agzalary, etrabyň “Galkynyş” sport desgasynyň tälimçileri, türgenleri we etrabyň sporta höwesjeň okuwçy oglanlary gatnaşdylar.

11 Iýul 2024

Jemgyýet

Saýlawlaryň jemleri jemlenildi

Mälim bolşy ýaly, şu ýylyň 7-nji iýulynda Aşgabat şäheriniň 1-nji «Garaşsyzlyk», 2-nji «Bitaraplyk» we 6-njy «Köpetdag» saýlaw okruglary boýunça Türkmenistanyň Mejlisiniň möhletinden öň çykyp giden deputatlarynyň saýlawlary geçirildi. 9-njy iýulda Türkmenistanda Saýlawlary we sala salşyklary geçirmek boýunça merkezi toparyň mejlisinde şol saýlawlaryň jemleri jemlendi. Bu çärä Merkezi saýlaw toparynyň agzalary we onuň ýanynda döredilen iş toparlarynyň wekilleri, milli synçylar, köpçülikleýin habar beriş serişdeleriniň wekilleri gatnaşdy. Mejlisiň dowamynda bäsdeşlik, aýanlyk, açyklyk ýörelgeleri esasynda geçen saýlawlaryň Türkmenistanyň saýlap alan demokratik ýoluna hem-de Gahryman Arkadagymyz tarapyndan başy başlanyp, hormatly Prezidentimiziň baştutanlygynda üstünlikli durmuşa geçirilýän özgertmelere ygrarlydygyny nobatdaky gezek subut edendigi, şeýle hem saýlawçylaryň ýokary işjeňlik görkezendigi bellenildi. Saýlawlara bellige alnan saýlawçylaryň umumy sanynyň 91,32 göteriminiň gatnaşandygyny aýratyn bellemek gerek.

11 Iýul 2024

Jemgyýet

Bäsleşik geçirildi

Häzirki wagtda Balkan welaýatynyň dürli künjeklerinden bolan çagalar Gyzylarbat etrabyndaky «Dürdäne» çagalar sagaldyş-alyş merkezinde dynç alýarlar. Merkezde çagalaryň wagtlaryny gyzykly, täsirli geçirmekleri üçin zerur şertler döredilipdir. Kitaphana, internet otagy, sport eýwany, howuz, sportuň dürli görnüşleri bilen meşgullanmak üçin açyk meýdançalar, aýdym-saz otaglary dynç alýan çagalaryň hyzmatynda. Türkmenistanyň Demokratik partiýasynyň Gyzylarbat etrap komitetiniň işgärleri beýleki ýerli jemgyýetçilik guramalarynyň wekilleri we etrap bilim bölümi bilen bilelikde sagaldyş-dynç alyş merkezinde dürli medeni çäreleri, sport bäsleşiklerini yzygiderli geçirýär. Ýakynda çagalar sagaldyş-dynç alyş merkezinde, dynç alýan çagalaryň arasynda «Watan waspyn edeliň!» atly surat çekmek boýunça bäsleşik geçirildi. Çagalaryň wagtlaryny gyzykly, täsirli geçirmek maksady bilen geçirilen bäsleşikde çagalar ata Watanymyzy, gözel tebigatymyzy wasp edýän suratlary çekdiler.

11 Iýul 2024

Jemgyýet

Döwletliligiň nyşany

Düýe saklanýan öýe rysgal-bereketiň ýagýandygy baradaky ynanç halkymyzyň arasynda uly meşhurlyga eýedir. Türkmen halky düýe bilen bagly wakalary mydama gowulyga ýorýar. Duýgur, namysjaň, unutmazak, azaşmaýan, suwsuzlyga çydamly bolan bu jandaryň hormatyna ene-mamalarymyzyň agtyklaryny, çowluklaryny «maýam», «köşegim», «inerim» diýip söýgüleýändigini bilýäris. Türkmeniň ahalteke aty, arwana düýesi, saryja goýny — Watanymyzyň milli gymmatlyklarydyr. Düýe maly Hakyň ynsan balasyna eçilen baýlyklarynyň biridir. Şeýle baýlyklara uly sarpa goýlup, 10-njy iýulda Türkmenistanyň Döwlet medeniýet merkeziniň Döwlet muzeýinde «Türkmenlerde düýe bezemegiň gadymy däpleri» atly sergi guraldy. Bu sergi dana akyldarymyz Magtymguly Pyragynyň doglan gününiň 300 ýyllygyna bagyşlandy.

11 Iýul 2024

Jemgyýet

Aşgabatda köpçülikleýin habar beriş serişdeleriniň wekilleri bilen okuw maslahaty guraldy

ÝHHG-niň Aşgabatdaky merkezi döwlet edaralarynyň metbugat gulluklaryny döretmek we olaryň işini guramak boýunça utgaşykly görnüşde iki günlük okuw maslahatyny geçirdi. Çärä Türkmenistanyň Mejlisiniň, ýurdumyzyň birnäçe ministrlikleriniň we pudaklaýyn dolandyryş edaralarynyň, köpçülikleýin habar beriş serişdeleriniň wekilleri gatnaşdylar. Çagyrylanlaryň hatarynda halkara bilermenler Daýnýus Radzýawiçýus we Žiwile Nawiskaýte-Babkin (Litwa) boldy. Okuw maslahatynyň esasy maksady oňa gatnaşyjylary döwlet edaralarynyň metbugat gulluklarynyň öňdebaryjy iş tejribesi bilen tanyşdyrmakdan hem-de olaryň köpçülikleýin habar beriş serişdeleri bilen gatnaşyklaryny kämilleşdirmäge ýardam bermekden ybarat boldy.

11 Iýul 2024

Jemgyýet

«Awtomobil ulag hyzmaty» jemgyýetçilik awtobuslaryny dolandyrmak üçin tejribeli sürüjileri işe çagyrýar

«Awtomobil ulag hyzmaty» AGPJ tejribeli sürüjileri paýtagtymyz Aşgabadyň çäginde jemgyýetçilik awtobuslaryny dolandyrmak üçin işe çagyrýar. Işlemäge isleg bildirýänleriň «D» derejeli sürüjilik şahadatnamasynyň (8 hem-de şondan köp adamlyk ýolagçy ulaglaryny dolandyrmak üçin) bolmagy hökmandyr. Sürüjiler bu ýerde «Hyundai» we «Toyota» kysymly jemgyýetçilik awtobuslaryny dolandyrmaly bolarlar.

11 Iýul 2024

Jemgyýet

Raýat hukuklarynyň esaslaryny berkidip

Türkmenistan Garaşsyz döwlet hökmünde 1992-nji ýylyň 2-nji martynda Birleşen Milletler Guramasynyň agzalygyna kabul edilip, dünýä bileleşiginiň doly hukukly agzasy boldy. Şunlukda, ýurdumyz BMG-niň Tertipnamasynda bellenen düzgünlerdir ýörelgelere, Adam hukuklary hakynda ählumumy Jarnama, Baş Assambleýanyň we beýleki düzümleriň halkara resminamalaryna, esasy konwensiýalaryna eýermegi özüne borç edinip aldy. Şondan bäri geçen taryhy döwrüň dowamynda gurama bilen hyzmatdaşlygyň gerimi yzygiderli giňeldilip, ol milli hem umumadamzat bähbitlerine doly laýyk gelýär. Golaýda Birleşen Milletler Guramasynyň Baş sekretary Antoniu Guterrişiň Türkmenistanda saparda bolup, hormatly Prezidentimiz we Gahryman Arkadagymyz bilen netijeli gepleşikleri geçirmegi özara gatnaşyklarda täze tapgyryň başyny başlady. Iri halkara guramanyň ýolbaşçysy bilen geçiren duşuşygynda döwlet Baştutanymyz ählumumy howpsuzlyga, sebit ýagdaýlaryna, durnukly ösüşe, ynsanperwer meselelere üns bermegi strategik dialogyň ileri tutulýan ugurlary hökmünde görkezdi. Hakykatdan-da, dünýäniň aýry-aýry sebitlerinde dartgynly ýagdaýlaryň dowam edýän häzirki şertlerinde ynsanperwer meseleler boýunça oýlanyşykly çözgütleriň tapylmagy örän uly zerurlyk bolup öňe çykýar. Şunda gapma-garşylyklaryň öňün

11 Iýul 2024

Jemgyýet

Sahawatlylygyň mübärek nury

Bilşimiz ýaly, yslam dininiň bäş parzynyň biri bolan haj parzyny berjaý etmek üçin ýurdumyzdan köp sanly zyýaratçy, hormatly Prezidentimiziň taýsyz tagallalary bilen, Saud Arabystanyna iberildi. Ýakynda zyýaratçylar dini däpleri, keramatly ýerlere haj parzyny berjaý edip, sag-aman ýurdumyza dolanyp geldiler. Biz hem mukaddes Käbä zyýarat eden ildeşlerimiziň buýsançly ýürek sözlerini gazetimiziň okyjylary bilen paýlaşmagy makul bildik. Begmyrat HAÝTYÝEW, Aşgabat şäheriniň Büzmeýin etrabynyň ýaşaýjysy:

11 Iýul 2024

Jemgyýet

«Arkaç» — çagalaryň köňül küýsegi

Şatlykly tomsuň häzirki günlerinde çagalar «Awaza» milli syýahatçylyk zolagynda hem-de ýurdumyzyň dürli künjeklerinde ýerleşýän sagaldyş we dynç alyş merkezlerinde köpçülikleýin dynç alýarlar. Şonuň bilen bir hatarda, seýilgählerdir beýleki dynç alyş ýerleri-de çaga gülkülerine, şatlyk-şowhuna beslenýär. Paýtagtymyzdaky «Arkaç» söwda-dynç alyş merkezi gysga wagytda iň bir gelim-gidimli ýerleriň birine öwrüldi. Döwrebap toplumda çagalaryň hem-de uly ýaşlylaryň wagtyny hoş geçirmegi üçin giň mümkinçilikler döredilipdir.

11 Iýul 2024

Jemgyýet

Dynç alyş şadyýan geçsin!

Häzirki günlerde çagalaryň tomusky dynç alyş döwri dowam edýär. Olaryň bir topary dynç alyş we sagaldyş merkezlerinde bolup, günlerini şadyýan geçirýär. Dynç alyş merkezlerinde bolýan çagalaryň howpsuzlygyny üpjün etmek, ýangyn howpsuzlygynyň düzgünleriniň berk berjaý edilmegini gazanmak möhüm meseleleriň biridir. Terbiýeçilerdir beýleki işgärler ýangyn howpsuzlyk düzgünlerini bilmäge we olary ýerine ýetirmäge borçludyrlar. Olar ýangyn dörän halatynda çagalary halas etmek hem-de ýangyna garşy göreşmek boýunça özlerine bagly ähli zerur çäreleri görmelidirler. Munuň üçin ýangyn dörän halatynda çagalary we maddy gymmatlyklary halas etmegiň, ýangyna garşy göreşmegiň meýilnamasy işlenilip düzülmelidir hem-de onda her bir işgäriň ýerine ýetirmeli borçlary we wezipeleri görkezilmelidir.

10 Iýul 2024

Jemgyýet

Tomsuň taýsyz tagamy

Tomus paslynyň gelmegi bilen çagalaryň we ulularyň buzgaýmak, sowadylan miwe şerbetlerine bolan islegi barha artýar. Howanyň yssy mahallarynda buzgaýmak bedeniňi sowatmaga ýardam berýär. Ýöne bu süýji tagamyň başga-da peýdaly taraplary kändir. Alymlaryň tassyklamaklaryna görä, buzgaýmagyň ýadawlygyňy aýyrmakda, dartgynlylygy ýeňip geçmekde-de ähmiýeti uludyr. Bilşimiz ýaly, bu tagam süýtden hem-de gaýmakdan taýýarlanylýar. Olaryň düzümindäki triptofan beýni öýjüklerini rahatlandyrýar. Şähdiňi açýar, ukyňy kadalaşdyrýar. Buzgaýmagyň daşy, köplenç halatda, şokoladly bolýar. Şokoladyň keýpiňi göteriji, gan basyşyňy kadalaşdyryjy güýje eýedigini bellemek hökmanydyr. Gippokrat hem şokoladyň «ýaltalygy bejerýändigini» aýdyp geçipdir.

10 Iýul 2024

Jemgyýet

Ismiň düşmüş ilden-ile

«Pähim-paýhas ummany Magtymguly Pyragy» ýyly halkymyzyň durmuşynda ýatdan çykmajak taryhy wakalara beslenýär. Çeper söze hormaty belent halkymyz dana Pyragynyň doglan gününiň 300 ýyllygyny halkara derejede giňden belleýär. Şanly toýuň dabaralary bu günki gün älem içre ýaň salyp, halklaryň edebi we medeni ýakynlygyny has-da berkidýär. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň şu ýylyň 4-nji iýulynda Gazagystan Respublikasyna amala aşyran iş sapary taryhy ähmiýetli wakalara baý boldy. Saparyň çäklerinde doganlyk döwletiň paýtagtynda Magtymguly Pyragynyň ýadygärliginiň açylyş dabarasy şanly ýylyň dabaralary bilen ajaýyp sazlaşygy emele getirdi. Gahryman Arkadagymyz dabarada eden çykyşynda: «Pähim-paýhas ummany Magtymguly Pyragy» ýylynda akyldar şahyrymyzyň doglan gününiň 300 ýyllygy mynasybetli Gazagystan Respublikasynyň Astana şäherinde Magtymguly Pyragynyň heýkeliniň oturdylmagy dost-doganlygymyzyň ebedidigini hem-de mizemezdigini görkezýär» diýip bellemek bilen, beýik söz ussadynyň ýadygärliginiň iki halkyň arasyndaky gatnaşyklary berkitmekdäki ähmiýetini nygtady. Ýeri gelende bellesek, «Magtymguly Pyragy» medeni-seýilgäh toplumynda doganlyk döwletleriň ýazyjy-şahyrlarynyň heýkelleri bilen birlikde, gazak halkyny

10 Iýul 2024

Jemgyýet

Ruhy-ahlak ýörelgeler dabaralanýar

Täze taryhy döwrüň «Pähim-paýhas ummany Magtymguly Pyragy» ýylynyň mübärek Gurban baýramy günlerinde ýurdumyzyň zyýaratçylarynyň uly topary haj parzyny berjaý etmek maksady bilen, Saud Arabystany Patyşalygynyň mukaddes Mekge we Medine şäherlerinde boldular. Gahryman Arkadagymyzyň belent başlangyçlaryny, asylly ýörelgelerini mynasyp dowam etdirýän Arkadagly Gahryman Serdarymyzyň goldawy bilen bu dessurlary berjaý etmäge giden zyýaratçylaryň hatarynda welaýatymyzdan ildeşlerimiziň hem birnäçesi bar. Abdykerim ÝUSUPOW,

10 Iýul 2024

Jemgyýet

«Gülüň owadan!»: bäsleşigiň welaýat tapgyry

Güllerden görk alan gözellik Türkmenistanyň Zenanlar birleşiginiň Merkezi geňeşiniň, Kärdeşler arkalaşyklarynyň Milli merkeziniň bilelikde döwrüň çeper elli, zähmetsöýer zenanlarynyň arasynda yglan eden «Gülüň owadan!» atly bäsleşiginiň golaýda welaýat tapgyry geçirildi. TZB-niň welaýat bölüminiň guramagynda «Bagt köşgi» toý dabaralary merkezinde geçirilen bäsleşigiň bu tapgyryna deslapky tapgyrda ýeňiji bolan çeper elli zenanlaryň uly topary gatnaşdy. Zenanlaryň kalby deýin mylaýym ruha beslenen, olaryň on barmagynyň oýnamyndan dörän inçeden çeper el işlerinden görk alan ajaýyp görnüşler çykyşlar bilen özboluşly sazlaşdy.

10 Iýul 2024

Jemgyýet

... Barsam, Käbäni görsem

Ynsanperwerlik ýörelgeleri Golaýda haj parzyny berjaý etmek maksady bilen Saud Arabystanynda bolan zyýaratçylar Watanymyza dolanyp geldiler. Musulmanlaryň esasy baýramlarynyň biri bolan Gurban baýramynyň mübärek günlerinde Türkmenistanyň bäş welaýatynyň we paýtagtymyzyň wekilleri dünýäniň millionlarça zyýaratçylary bilen bilelikde mukaddes Käbä tagzym etmek we beýleki däp-dessurlary berjaý etmek üçin Mekgede hem-de Medinede boldular.

10 Iýul 2024

Jemgyýet

Kadalary berjaý etmek möhümdir

Hormatly Prezidentimiziň ýaş nesil barada edýän aladalaryndan ugur alyp, ýurdumyzda mekdep okuwçylarynyň tomusky dynç alyş döwründe göwnejaý dynç almaklaryny guramak maksady bilen geçirilýän wagyz-nesihat çärelerinde suwa düşülýän ýerlerde howpsuzlyk düzgünlerini berjaý etmek barada aýratyn bellenip geçilýär. Howanyň yssy günlerinde çagalar suwa düşüp, wagtlaryny şadyýan geçirmäge çalyşýarlar. Olara suwa düşülende berjaý edilmeli howpsuzlyk düzgünleriniň bardygyny-da ýatlatmak her birimiziň borjumyzdyr. Suwa ýörite bellenen, rugsat berlen ýapgyt kenarly, çägesöw ýerlerde düşülmegi amatlydyr. Suwa düşülmezinden öň gowy ýüzüp bilýänleriň biri düşüljek ýeriň — suwuň aşagyny oňat barlap, ol ýerde daş, aýna bölekleriniň, agaç kötükleriniň we beýleki howply zatlaryň ýokdugyny gözden geçirmeli, kenarlardan, köprülerden suwa bökmegiň howpludygyny düşündirmeli.

10 Iýul 2024

Jemgyýet

Algyn pendim, jigerbendim!

Sabyr — üstünligiň açary Ynsan ömri durmuşyň dürli ýollary bilen gabatlaşýar. Ol ýollarda adamy diňe sabyrlylygy myradyna we menziline ýetirip biler. Akyldar şahyrymyz Magtymguly Pyragynyň «Sabyrly gul dura-bara şat bolar» diýmesinde-de şol hikmet bardyr. Dürli ynsan ykballary, durmuş ýollary hakynda okaýan kitaplarymyz, eşidýän gürrüňlerimiz, görýän kinofilmlerimiz bize sabyrly ýaşamagy, ýagny umytly ýaşamagy öwredýär. Umyt bolsa sabry döredýän güýçdür.

10 Iýul 2024

Jemgyýet

Şadyýan döwür

Häzirki wagtda ýurdumyzda çagalaryň tomusky dynç alyş möwsümi dowam edýär. Tomsuň ilkinji günlerinde okuw möwsümini tamamlan çagalary ýurdumyzyň ajaýyp Gökdere jülgesindäki köpsanly sagaldyş-dynç alyş merkezleri mähirli garşylady. Ösüp gelýän nesillerimiziň beden taýdan berk, ruhy taýdan sagdyn bolmaklary üçin ýurdumyzda döwlet derejesinde giň mümkinçilikler döredilýär. Ynha, şeýle mümkinçilikleriň biri — tomus möwsüminde çagalaryň wagtlaryny hoş geçirmekleri we öz deň-duşlary bilen sazlaşykly hereketde bolmaklary üçin gözel Gökderede we welaýatlarymyzyň dürli künjeklerinde jana melhem tebigatyň goýnundaky çagalar sagaldyş-dynç alyş merkezlerinde gyzgalaňly döwür dowam edýär. Dürli ýaşdaky çagalaryň arasynda döredijilik, sport, medeni-köpçülikleýin çäreleri yzygiderli alnyp barylýar. Bu çäreleriň, bäsleşikleriň netijesinde çagalaryň häsiýetlerinde köpçülige uýgunlaşmak, bir maksada agzybirlik bilen gulluk etmek ýaly oňat häsiýetler kemala gelýär.

10 Iýul 2024

Jemgyýet