SIRKULÝAR YKDYSADYÝETE GEÇMEGIŇ ÖSEN TEJRIBESI: KOREÝA RESPUBLIKASY
Koreýa Respublikasy senagat taýdan ösen ýurt hökmünde dünýäde giňden tanalýar. Sirkulýar ykdysadyýete geçmekde ýurtda nusgalyk tejribe hem toplanandyr. Koreýa Respublikasynda 2008-nji ýylda «Pes uglerodly ýaşyl ösüşiň milli strategiýasy» kabul edilýär. Bu strategiýa ekologiýa zeper ýetirilmeginiň öňüni almagyň we maýa goýumlarynyň hasabyna energiýa netijeliligini ýokarlandyrmak, daşky gurşawa we howa düşýän ýüki azaltmak arkaly ykdysady ösüşi gazanmagy göz öňünde tutýar. «Pes uglerodly ýaşyl ösüşiň milli strategiýasy» sirkulýar ykdysadyýete geçmegiň ýörelgelerini öz içine almak bilen, onda atmosfera goýberilýän parnik gazlaryny azaltmak we howanyň üýtgemegine uýgunlaşmak; «ýaşyl» tehnologiýalary ulanýan täze kuwwatly hereketlendirijileri döretmek; durmuş düzgünlerini «ýaşyllaşdyrmak» we ýurdy «ýaşyl ykdysadyýetli» nusgawy döwlete öwürmek arkaly ilatyň ýaşaýşynyň hil derejesini