Aşgabatda hokkeý boýunça halkara ýaryş badalga aldy

15-nji aprelde paýtagtymyzda şaýbaly hokkeý boýunça halkara ýaryşyň açylyş dabarasy boldy. Oňa Ýewropanyň we Aziýanyň 10 ýurdundan toparlar gatnaşýar. Ýaryşyň ähli duşuşyklarynyň geçiriljek ýeri bolan Gyşky oýunlar sport toplumynyň 10 müň orunlyk meýdançasynda ýaryşyň açylyş dabarasy uly ruhubelentlige beslendi. Dabaraly ýagdaýda hormatly Prezidentimiz Serdar Berdimuhamedowyň Gutlagy okalýar. Onda Garaşsyz, hemişelik Bitarap Türkmenistanda köpçülikleýin bedenterbiýe-sagaldyş hereketiniň pugtalandyrylmagy bilen bir hatarda, ussat türgenleri, tälimçileri we bu ugra degişli hünärmenleri taýýarlamak arkaly ýokary netijeli sportuň ösdürilmegine, halkara hyzmatdaşlygyň işjeňleşdirilmegine hem uly üns berilýändigi bellenilýär.

Aşgabatda hokkeý boýunça halkara ýaryş badalga aldy

Aşgabat, 15-nji aprel (TDH). Şu gün paýtagtymyzda şaýbaly hokkeý boýunça halkara ýaryşyň açylyş dabarasy boldy. Oňa Ýewropanyň we Aziýanyň 10 ýurdundan toparlar gatnaşýar. Berkarar döwletiň täze eýýamynyň Galkynyşy döwründe türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow tarapyndan başy başlanyp, häzirki döwürde hormatly Prezidentimiz Serdar Berdimuhamedow tarapyndan üstünlikli durmuşa geçirilýän toplumlaýyn strategiýalaryň netijesinde, türkmen sporty hil taýdan täze derejä çykaryldy. Halkara Olimpiýa Komitetiniň, Aziýanyň Olimpiýa Geňeşiniň agzasy bolan ýurdumyz Olimpiýa hereketiniň ösdürilmegine mynasyp goşant goşýar. Türkmenistan sport mümkinçiliklerini parahatçylygyň hem dostlugyň bähbitlerine gönükdirip, ilkinji nobatda, dünýä bileleşigi bilen hyzmatdaşlygy yzygiderli pugtalandyrýar.

Göni ýaýlymdaky täsirli teswirler

Şu günler paýtagtymyzda geçirilýän hokkeý boýunça halkara ýaryş dünýäniň sport jemgyýetçiliginiň ünsüni özüne çekýär. Bagtyýar ildeşlerimiz bolsa bu ýaryşyň gyzykly duşuşyklaryna milli teleýaýlymlarymyzyň ikisi arkaly üç dildäki teswirleme bilen tomaşa etmäge mümkinçilik aldylar. «Türkmenistan: Sport» we «Ýaşlyk» teleýaýlymlarynda göni ýaýlymda alnyp görkezilýän duşuşyklary üç dilde teswirlemäge tejribeli teswirleýjiler bilen bilelikde Magtymguly adyndaky Türkmen döwlet uniwersitetiniň we Döwletmämmet Azady adyndaky Türkmen milli dünýä dilleri institutynyň talyplary hem gatnaşýarlar.

Ýaryşyň guramaçylygyna goşant

Merjen paýtagtymyzda geçirilýän hokkeý boýunça halkara ýaryş eýýäm ilkinji gününden ýokary guramaçylyk derejesine eýe boldy. Muny halkara sport baýramçylygyna gatnaşmak üçin ýurdumyza gelen myhmanlar hem nygtaýarlar. Bu babatda meýletinçi talyplar hem kesgitlenen ugurlaryň 14-si boýunça iş alyp barýarlar. Has takygy, Magtymguly adyndaky Türkmen döwlet uniwersitetinden, Myrat Garryýew adyndaky Türkmenistanyň Döwlet lukmançylyk uniwersitetinden, Halkara ynsanperwer ylymlary we ösüş uniwersitetinden, Ýagşygeldi Kakaýew adyndaky Halkara nebit we gaz uniwersitetinden, Daşary işler ministrliginiň Halkara gatnaşyklary institutyndan, Döwletmämmet Azady adyndaky Türkmen milli dünýä dilleri institutyndan, Türkmen döwlet bedenterbiýe we sport institutyndan saýlanyp alnan talyplaryň 200-si akkreditasiýa kartlaryny resmileşdirmek; protokol; sport ýygyndylary; lukmançylyk hyzmatlary; desgany dolandyrmak; maglumat tehnologiýalary; ýaýlyma bermek, media we metbugat; ýaryşyň açylyş, ýapylyş, sylaglaýyş dabaralary; iýmit üpjünçiligi; ulag hyzmatlary; myhmanlary garşy almak we ugratmak; myhmanlary ýerleşdirmek ýaly ugurlar boýunça degişli ýardamlary berýärler.

Güneşli Diýarymyzda gyşky oýnuň baýramy

Düýn — 15-nji aprelde Aşgabatda ýene bir sport baýramçylygyna — hokkeý boýunça halkara ýaryşa badalga berildi. Güneşli ülkämizde ajaýyp ýaz günlerinde geçirilýän sportuň gyşky görnüşi boýunça ýaryşda hokkeý boýunça Türkmenistanyň birnäçe gezek çempiony bolan «Galkan» dokuz ýurda wekilçilik edýän toparlar bilen güýç synanyşar. Gahryman Arkadagymyzyň tagallalary bilen bina edilip, 10 müň tomaşaça niýetlenen Gyşky oýunlar sport toplumynda hokkeý boýunça iri halkara ýaryşyň geçirilmegi ýurdumyzda sportuň bu görnüşiniň ösüşine kuwwatly itergi bermekde, ildeşlerimizi, aýratyn-da, ýaşlary sporta we sagdyn durmuş ýörelgesine höweslendirmekde uly ähmiýete eýe bolar. Ýaryşdan öňki çäreler

Türkmen hokkeýi ösüş ýolunda

Gahryman Arkadagymyzyň tagallalary bilen gurlup, ulanylmaga berlen döwrebap sport düzümleri taryh üçin gysga döwürde ýurdumyzda gyşky sport oýunlarynyň iň meşhury hasaplanýan hokkeýiň ösmegine şert döretdi. 2015-nji ýylyň maýynda Türkmenistanyň Milli hokkeý federasiýasy Halkara hokkeý federasiýasynyň agzasy boldy. Türkmenistanyň hokkeý boýunça ýygyndy topary gysga döwürde oňyn netijeleri gazanyp, dünýä çempionatynyň üçünji diwizionynyň «A» toparçasynda çykyş etmäge hukuk gazandy. Şu ýylyň 10 — 16-njy marty aralygynda Gyrgyz Respublikasynda geçirilen ýaryşda Türkmenistanyň milli ýygyndysy Meksikanyň we Günorta Afrika Respublikasynyň toparlaryndan üstün çykyp, indiki ýyl hem üçünji diwizionyň «A» toparçasynda oýnamaga hukuk gazandy. Bu diwizionyň «A» toparçasynda ýeňiji bolan topar indiki ýyl ikinji diwizionyň «B» toparçasynda çykyş etmäge hukuk gazanýar. Şeýle gurluş kämilleşýän toparlara geljekki möwsümlerde has güýçli toparlar bilen güýç synanyşmaga mümkinçilik berýär. Her ýyl geçirilýän dünýä çempionatyna bolsa dünýäniň iň güýçli toparlarynyň 16-sy gatnaşýar.

Fijital — döwrüň täzeçilligi

Parahatçylygyň, dostlugyň we sportuň baýramy

Aşgabatda hokkeý boýunça halkara ýaryşa badalga berildi 15-nji aprelde paýtagtymyzdaky Gyşky oýunlar sport toplumynda hokkeý boýunça halkara ýaryşyň açylyş dabarasy boldy. Bu waka Aşgabadyň halkara sport merkezi hökmünde ykrar edilýändiginiň, şeýle-de hormatly Prezidentimiziň baştutanlygynda üstünlikli durmuşa geçirilýän bedenterbiýäni we sporty ösdürmäge gönükdirilen strategiýanyň dünýä jemgyýetçiliginde giň goldawa eýe bolýandygynyň nobatdaky aýdyň güwäsidir.

Aşgabatda Hokkeý boýunça halkara ýaryşyna badalga berildi

Şu gün — 15-nji aprelde paýtagtymyzdaky Gyşky oýunlar sport toplumynda Hokkeý boýunça halkara ýaryşyna badalga berildi. Halkara hokkeý ýaryşynyň açylyş dabarasy aýdym-saza beslendi. Mälim bolşy ýaly, ýaryşa 10 döwletiň — Bahreýn, Belarus, Eýran, Gazagystan, Gyrgyzystan, Oman, Russiýa, Türkmenistan, Türkiýe we Özbegistan ýaly döwletleriň hokkeý toparlary gatnaşýarlar. Hokkeý boýunça geçirilýän halkara ýaryşy türgenleriň ussatlyklarynyň, tejribeleriniň artmagynda ägirt uly ähmiýetlidir.

Halkara hokkeý ýaryşy badalga aldy

Şu gün paýtagtymyzyň Gyşky oýunlar sport toplumynda Hokkeý boýunça halkara ýaryşynyň açylyş dabarasy boldy. Türkmenistanyň, Belarus, Türkiýe, Gazagystan, Gyrgyz, Özbegistan Respublikalarynyň, Russiýa Federasiýasynyň Tatarystan Respublikasynyň, Oman Patyşalygynyň, Bahreýn Patyşalygynyň, Eýran Yslam Respublikasynyň öňdebaryjy hokkeý toparlarynyň gatnaşmagynda şu gün badalga alan bu halkara sport ýaryşy Watanymyzyň syýahatçylygyny ösdürmekde hem uly ähmiýete eýe bolar. Halklaryň arasynda dost-doganlygy, hoşniýetli goňşuçylygy has-da pugtalandyrmak jemgyýetde sagdyn durmuş ýörelgelerini işjeň ornaşdyrmak, ýurdumyzyň halkara sport abraýyny mundan beýläk-de belende götermek maksady bilen, şu ýylyň 15 — 20-nji apreli aralygynda Aşgabat şäherindäki Gyşky oýunlar sport toplumynda hokkeý boýunça halkara ýaryşyň geçirilmegi eziz Diýarymyzyň dünýä derejesinde sport abraýynyň has-da belende galýandygynyň nobatdaky şaýadydyr.

Halkara hokkeý bäsleşigi

Şu gün — 15-nji aprelde gözel paýtagtymyz Aşgabatdaky Gyşky oýunlar sport toplumynda hokkeý boýunça halkara ýaryşy badalga aldy.  Hormatly Prezidentimiziň hokkeý boýunça halkara ýaryşa gatnaşyjylara Gutlagynda: «Eziz Diýarymyzyň sport taryhynda möhüm waka bolan bu ýaryşyň halkara sport hyzmatdaşlygyny pugtalandyrmaga, parahatçylygy we dostlugy dabaralandyrmaga, Olimpiýa hereketiniň ýörelgelerini wagyz etmäge hem-de ornaşdyrmaga, hokkeý boýunça türgenleriň  ussatlyklaryny, tejribelerini artdyrmaga uly goşant goşjakdygyna  berk ynanýaryn» diýen sözleri bäsleşigiň uly ruhubelentlige beslenjekdigini aýan edýär. Bu bäsleşikde türkmen janköýerleri ýurdumyzyň birnäçe gezek çempiony bolan «Galkan» toparyna uly ynam bildirýärler.  Bu toparda ençeme bäsleşiklere gatnaşan tejribeli hokkeýçileriň bolmagy bellenilmäge mynasypdyr.

Ýaş boksçynyň ýeňişleri

Ähli ulgamlar bilen bir hatarda, sportda gazanylýan üstünlikler hem biziň her birimiziň kalbymyzy joşdurýar. Ýeňşi sanardan has kän bolan şeýle türgenleriň içinde mekdep okuwçylary-da köp. Bu bolsa ýaş nesillerimiziň ýokary derejede bilim almagy, sungatyň we sportuň dürli görnüşleri bilen meşgullanmagy üçin döredilýän şertleriň, mümkinçilikleriň berýän miwesidir. Ýurdumyzda sporty ösdürmeklige, has-da kämilleşdirmeklige berilýän üns-aladanyň netijesinde ýaşajyk oglan-gyzlar sport zallaryna, ýörite türgenleşiklere gatnap, ussat türgenlerden tälim alýarlar. Ine, şeýle ýaş türgenleriň biri-de boksçy jigimiz Mekan Sabyrowdyr. Ol Aşgabat şäherindäki 82-nji orta mekdebiň 11-nji synpynda okaýar. Okuwyndan daşary Olimpiýa şäherçesiniň boks boýunça türgenleşik zalyna gatnaýar. Ýaş türgende boksa bolan gyzyklanma on ýaşlaryndaka başlady. Onuň bu ugra höwesiniň bardygyny aňan kakasy ony 3-nji synpda okaýan wagtlary Köpetdag stadionynyň boks boýunça ýörite zalyna gatnatmaga başlady. Şeýlelikde, sportuň bu görnüşine bolan söýgi ony türgenleşik zallaryna, yzygiderli türgenleşikler, özüne bolan ynamy bolsa ýeňişlere ýetirdi. Şol gazanylan üstünlikleriň käbiriniň üstünde durup geçeliň.

Paýhas oýnunyň ýaşajyk ýyldyzy

Aşgabat şäheriniň Bedenterbiýe we sport baradaky Baş müdirliginiň ýöriteleşdirilen Küşt we şaşka mekdebi ökde, ussat küştçüleriň ilkinji mekdebi hasaplanylýar. Bu mekdepde okan küştçüleriň, okaýan okuwçylaryň ençemesi özleriniň zehinlerini, ukyp-başarnyklaryny dürli ýaryşlarda görkezmegi başardylar. Ýöriteleşdirilen küşt we şaşka mekdebiniň zehinli okuwçysy Merýem Agajanowa Aşgabat şäherindäki 55-nji orta mekdebiň 11-nji synp okuwçysy. Ol dokuz ýaşyndan bäri küşt we şaşka mekdebine gatnap, sportuň bu görnüşini özleşdirmäge çalyşýar. Ol başlangyç synplarda okaýarka, synpdaş gyzjagazlarynyň arasynda küşt bilen içgin gyzyklanýanlary bardy. Olar küşt oýnunyň käbir göçümleri, düzgünleri barada aýdyp berýärdiler. Şonda Merýemde küşt oýnuny has içgin öwrenmek, doly özleşdirmek, bu ugurda ussatlyga ýetmek arzuwy döredi. Şol arzuw ony küşt we şaşka mekdebine getirdi. Onuň ilkinji tälimçisi Saodat Açylowa, şeýle hem Türkmenistanyň at gazanan tälimçisi, sport ussady, Halkara küşt federasiýasynyň (FIDE) hünärmeni we emini Serdar Annaberdiýew. Ussat tälimçilerden tälim alýan Merýem jigimiz şu ýylyň 4-nji martyndan 17-nji marty aralygynda Aşgabat şäherinde geçirilen aýal-gyzlaryň arasynda Türkmenistanyň ýokary ligasynda küştüň nusg

Sport. Sport. Sport.

Türgenler ezberligini görkezdiler Golaýda welaýat bedenterbiýe we sport baradaky baş müdirliginiň guramagynda Mary şäherindäki köpugurly sport toplumda sportuň ýeňil atletika görnüşi boýunça welaýatyň kubogyny almak ugrunda ýaryş geçirildi. Ýaryşa welaýatymyzyň sport mekdepleriniň türgenleri gatnaşdylar.

Türkmenistan — sport ýurdy

«7/24. tm» №16 (203), 15.04.2024 Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de ýur­du­myz­da be­den­ter­bi­ýe we spor­ty ös­dür­mek­de uly iş­ler ama­la aşy­ryl­ýar. Mu­nuň aý­dyň my­sa­ly hök­mün­de ýet­gin­jek tür­gen­le­riň ara­syn­da sag­dyn dur­muş ýö­rel­ge­si­ni wa­gyz et­mek mak­sa­dy bi­len ge­çi­ril­ýän du­şu­şyk­la­ry gör­kez­mek bo­lar. Şeý­le du­şu­şyk­la­ryň bi­ri Te­jen et­rap be­den­ter­bi­ýe we sport bö­lü­mi­niň gu­ra­ma­gyn­da Te­jen şä­he­rin­dä­ki sport mek­de­bin­de ge­çi­ril­di. Wa­gyz-ne­si­hat du­şu­şy­gyn­da ýaş tür­gen­le­ri­mi­ze be­den­ter­bi­ýäniň we spor­tuň yn­sa­nyň fi­zi­ki taý­dan ukyp-ba­şar­ny­gy­ny ýo­kar­lan­dyr­mak­da, ça­ga­nyň ça­la­syn­ly­gy­ny, çe­ýe­li­gi­ni ös­dür­mek­de ber­ýän tä­si­ri ha­kyn­da gür­rüň be­ril­di. Sport ada­myň di­ňe bir fi­zi­ki taý­dan däl, eý­sem onuň edep­li we ter­bi­ýe­li bo­lup ýe­tiş­me­gin­e hem oňyn tä­si­ri­ni ýe­tir­ýär. Bu ba­bat­da my­sa­llar ar­ka­ly ber­ki­di­lip edi­len gür­rüň­deş­lik du­şu­şy­ga gat­na­şan ýaş­lar­da uly gy­zyk­

«Olimp» orta sport mekdebi — bäsleşigiň ýeňijisi

«7/24. tm» №16 (203), 15.04.2024 «Ýo­ka­ry sport­da Türk­me­nis­ta­ny dün­ýä ta­nat­mak me­niň esa­sy mak­sat­la­ry­myň bi­ri­dir» diý­ýän Ar­ka­dag­ly Gah­ry­man Ser­da­ry­my­zyň ta­gal­la­sy bi­len, ýur­du­myz­da gel­jek­ki olim­pi­ýa­çy tür­gen­le­ri taý­ýar­la­mak ba­bat­da ýo­ka­ry dep­gin­li iş­ler al­nyp ba­ryl­ýar. Paý­tag­ty­myz­da we we­la­ýat mer­kez­le­ri­miz­de ýaş olim­pi­ýa­çy­la­ry taý­ýar­la­mak bo­ýun­ça ýö­ri­te or­ta hü­när okuw mek­dep­le­ri he­re­ket ed­ýär.

Hokkeý boýunça halkara ýaryşa bagyşlanan mediaforum geçirildi

Aşgabadyň Olimpiýa şäherjiginiň "Sport" myhmanhanasynyň mejlisler jaýynda türkmen paýtagtynda geçirilýän şaýbaly hokkeý boýunça halkara ýaryşa bagyşlanan mediaforum boldy. Bu barada TDH habar berýär. Bellenilişi ýaly, mediaforuma Türkmenistanyň Bedenterbiýe we sport baradaky döwlet komitetiniň, Telewideniýe, radiogepleşikler we kinematografiýa baradaky döwlet komitetiniň, Türkmenistanyň, Özbegistanyň, Gyrgyz Respublikasynyň hokkeý federasiýalarynyň ýolbaşçylary, ýaryşa gatnaşýan toparlaryň, şeýle hem köpçülikleýin habar beriş serişdeleriniň wekilleri gatnaşdylar.

Ýazky at çapyşyk möwsümine badalga

Düýn Mary atçylyk sport toplumynda «Pähim-paýhas ummany Magtymguly Pyragy» ýylynyň ýazky at çapyşyk möwsümine badalga berildi. Dabara welaýat, etrap, şäher häkimlikleriniň ýolbaşçy düzümleri, halk maslahatlarynyň agzalary, Mejlisiň deputatlary, syýasy partiýalaryň, jemgyýetçilik guramalarynyň, köpçülikleýin habar beriş serişdeleriniň, ýaşuly nesliň wekilleri, ýurdumyzyň dürli künjeklerinden gelen halypa we ýaş atşynaslar, bagtyýar ýaşaýjylar, talyplar uly ruhubelentlikde gatnaşdylar.

Türkmen sportunyň rowaç gadamlary

Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda giň sport hyzmatdaşlygyny alyp barýan Türkmenistan sport arkaly halklary parahatçylyga, agzybirlige, ösüşe çagyrýar. Diýarymyzda häzirki wagtda sportuň dürli görnüşleri uly üstünliklere eýe bolup, olar bilen meşgullanýan ýaşlaryň sany barha artýar. Halklaryň arasynda dost-doganlygy, hoşniýetli goňşuçylygy has-da pugtalandyrmak, bedenterbiýäni we sporty wagyz etmek, jemgyýetde sagdyn durmuş ýörelgelerini işjeň ornaşdyrmak, ösüp gelýän ýaş nesli sport bilen meşgullanmaga giňden çekmek, ýurdumyzyň halkara sport abraýyny mundan beýläk-de belende götermek maksady bilen, hormatly Prezidentimiziň şu ýylyň 15 — 20-nji apreli aralygynda Aşgabat şäherindäki Gyşky oýunlar sport toplumynda hokkeý boýunça halkara ýaryşy geçirmek hakynda Karara gol çekmegi «Pähim-paýhas ummany Magtymguly Pyragy» ýylynda eziz Diýarymyzyň dünýä derejesinde sport abraýynyň has-da belende galýandygynyň nobatdaky güwäsidir. Türkmenistanyň, Belarus, Türkiýe, Gazagystan, Gyrgyz, Özbegistan Respublikalarynyň, Russiýa Federasiýasynyň Tatarystan Respublikasynyň, Oman Patyşalygynyň, Bahreýn Patyşalygynyň, Eýran Yslam Respublikasynyň öňdebaryjy hokkeý toparlarynyň gatnaşmagynda şu gün badalg

“Galkandan” tamamyz uly

Şu günler paýtagtymyzda sport ruhy höküm sürýär. 15 — 20-nji aprel aralygynda hokkeý boýunça halkara ýaryş geçirilýän ak şäherimizde dünýäniň on ýurdundan gelen türgenler buzdaky sportuň bu görnüşi boýunça ukyp-başarnyklaryny görkezerler. Biz — sport janköýerleri ozal teleýaýlymda synlaýan buz üstündäki oýunlarymyza ýakyndan tomaşa etmäge mümkinçilik alarys. Has dogrusy, biz bu ýaryşda ýurdumyza wekilçilik edýän «Galkan» toparyna janköýerlik ederis. Hokkeý boýunça birnäçe gezek Türkmenistanyň çempiony bolmagy başaran «Galkan» topary öz janköýerlerine mynasyp oýny sowgat eder diýip ynamly aýdyp bileris. Şu güne çenli Türkmenistanyň hokkeý boýunça milli ýygyndysynyň esasy oýunçylarynyň «Galkan» toparyndan düzülendigi aýratyn bellenilmeli ýagdaýdyr. Şonuň üçin ýaryşda bu topardan uly netijelere garaşýarys. Onuň düzüminde ençeme ýyl bäri çykyş edip gelýän hokkeýçiler bar. Olar halkara derejede geçirilen birnäçe ýaryşa, okuw-türgenleşiklere gatnaşdylar. Bu bolsa olaryň gowy tejribe toplamaklaryna şert döretdi.