Gülaby suwy ýa-da «gidrolat» diýlip atlandyrylýan serişde kosmetiki önümleriň täze görnüşi. Bu önüm soňky döwürlerde kosmetologiýa dünýäsinde ýokary islegden peýdalanýar. Geçirilen barlaglaryň netijesinde ýüzlerçe ýyl bäri saglyga peýdasy üçin ulanylýan gülaby suwunyň antibakterial, antiseptik we rahatlandyryjy ýaly, bejerijilik häsiýetleri anyklanyldy. Gülaby suwy ösümlikleriň gülleridir ýapraklarynyň buga tutulmagy bilen ýasalýar. Bu suw kosmetologiýada we iýmit önümlerinde ulanylýan meşhur maddadyr. Bilermenler tarapyndan geçirilen ylmy-barlaglarda gülüň ýapragyndan bug bilen alnan ekstraktyň düzümindäki polifenollaryň we flawonoidleriň deridäki ýaralaryň iriňlemeginiň öňüni almakda hem peýdalydygy mälim edildi. Gülaby suwy deriniň ähli görnüşleri üçin amatly bolup, hususan-da, gury, duýgur ýa-da wagtyndan öň garraýan deriler üçin ajaýyp serişdedir. Bu serişdäni islendik ösümlikden diýen ýaly, taýýarlap bolýar. Emma kosmetiki serişdäniň dermanlyk we bejerijilik ähmiýeti bolany üçin, adatça, bejeriş häsiýetli ösümlikler ulanylýar. Gülaby suwunyň kosmetiki we bejerijilik häsiýetli ulanylýan ýerleri: