BAGTYÝARLYGYŇ GIREWI

Bedende dürli keselleriň başlanmagyna sebäp bolýan neşekeşlikden, arakhorlukdan we beýleki ýaramaz endiklerden özümizi we çagalarymyzy, ýakynlarymyzy goramaga her birimiz borçludyrys. Gahryman Arkadagymyzyň, Arkadagly Gahryman Serdarymyzyň taýsyz tagallalary bilen ýurdumyzda sagdyn durmuş ýörelgeleri giňden ornaşdyrylýar. Neşe söwdasyna baş goşýanlar we ondan ejir çekýänler jemgyýetimiziň durmuşyndan ýok boldy diýsegem boljak. Ýöne şonda-da, biz entek hüşgärligi elden bermeli däldiris.