Häsiýeti. Dag derman ösümligi.

Buzeniň söwdegi — söwdekler maşgalasynyň adybir urugynyň boýy 25 — 60 sm köpýyllyk otjumak wekili. Ösümlik çal reňkli, çybyk görnüşli aşaky bölegi agaçlaşan we gyşa çenli gür şahalanan baldaklary saklanýar. Aşaky baldakdaky ýapraklary teňňejik görnüşli, çalt guraýar. Beýlekileri — ýumurtga görnüşli ýa-da ýumurtga görnüşli-neşder şekilli, uzynlygy 0,7 — 1,8 sm we ini 0,3 — 0,8 sm, kütek, käte ujy gysga, ýiti, esasy tegelenen, sapaksyz, gyralary abat, kirpiklije ýa-da tüýsüz, güllemeýän şahalarynyň ýapraklary has inçe, çyzykly, kepjeli, esasy gysylan örän gysga sapaklyja.