Halkara saglyk merkezleri müdiriýetiniň Halkara endokrinologiýa we hirurgiýa merkeziniň umumy endokrinologiýa bölüminiň lukmany Ogulsona Babaýewa žurnalist Narjan Kasymowa bilen söhbetdeşlikde adamyň gündelik iýmitinde giňden ulanylýan önüm bolan şekeriň saglyga täsiri barada gürrüň berýär.

Şeker, edil duz, dürli görnüşli ýaglar (şol sanda mal ýaglary) ýaly ýaşaýyş üçin zerur gerek. Ýöne artykmaç mukdarda ulanylanda onuň saglyga uly zyýan ýetirip biljekdigi hem mälimdir. Şekeriň, onda-da senagatda işlenen şekeriň köp mukdarda yzygiderli ulanylmagy maddalaryň alyş-çalşynyň (metabolizm) bozulmagyna, semizligiň, süýjüli diabetiň döremegine itergi berip bilýär.