— Gök garlawaç, garlawaç,
Özüň örän gürlewaç!
Aýt, näme iş bitirýäň?
— Gör-ä, çirkeý getirýän,
— Çirkeýi näme etjek?
— Ony çagama eltjek.
— Hany, çagaň nirede?
— Çagam belent söwütde.
— Hany, söwüt nirede?
— Ot alyp, köýüp gitdi.
— Onda ol ot nirede?
— Ýagyş ýaganda öçdi.
— Hany, ýagyş nirede?
— Ony taýjagaz içdi.
Soň oňa ganat bitdi,
Ol kişňäp uçup gitdi.
Seret Göge, gaýraňa,
Taý asmanda böküp ýör.
Gör, ol ýaýrara goýman,
Buldy toplap bakyp ýör.
