Osman Ödäýew diýilse türkmen edebiýatynda öz zehini, başarnygy, ýürekdeşligi bilen yz goýan ussat ýazyjy göz öňüňde janlanýar. Ol hemmeler bilen mähribandy, mylaýym gürleşerdi. Bu bolsa onuň adamkärçiliginiň belentligindendi. 1977-nji ýylda «Sowet edebiýaty» (häzirki «Garagum») žurnalynyň baş redaktory Kerim Gurbannepesow: «Döredijilik meýdanyna aralaşsaň gowy bolar» diýip, meni korrektorlyga işe kabul edipdi.
Osman bolsa 1979-njy ýylda şol wagtky «Türkmenistan kommunisti» žurnalynda korrektor bolup işe başlapdy. Ikimizem korrektor bolup işleýänimiz üçin, gabat gelse maňa degşerdi:
