Hormatly Prezidentimiz Gurbanguly Berdimuhamedowyň adyna doglan güni mynasybetli ýurdumyzyň ähli künjeklerinden we daşary ýurtlardan gutlag hatlarynyň gelip gowuşmagy dowam edýär. Döwlet hem-de jemgyýetçilik işgärleri, diplomatlar, işewürler, guramalaryň we kärhanalaryň ýolbaşçylary öz gutlaglarynda milli Liderimiziň baştutanlygynda Berkarar döwletimiziň bagtyýarlyk döwründe Türkmenistanda ägirt uly taslamalaryň amala aşyrylýandygyny, dürli pudaklarda düýpli özgertmeleriň geçirilýändigini nygtaýarlar.

Hormatly Prezidentimiz Gurbanguly Berdimuhamedowa doglan güni mynasybetli ýurdumyzyň ähli künjeklerinden hem-de daşary ýurtlardan köp sanly gutlag hatlary we telegrammalary gelýär. Döwlet hem-de jemgyýetçilik işgärleri, diplomatlar, edaralaryň, guramalaryň we kärhanalaryň ýolbaşçylary, dürli pudaklaryň işgärleri öz gutlaglarynda milli Liderimiziň durmuşa geçirýän giň gerimli özgertmeleri netijesinde eziz Diýarymyzda durmuşyň ähli ulgamlarynda ägirt uly üstünlikleriň gazanylandygyny belleýärler. Hatlary iberenler döwlet Baştutanymyzy doglan güni bilen tüýs ýürekden we mähirli gutlap, berk jan saglyk, türkmen halkynyň bagtyýarlygynyň hem-de abadançylygynyň bähbidine öňde goýlan ähli meýilnamalary we maksatnamalary mundan beýläk-de üstünlikli durmuşa geçirmek üçin tükeniksiz gujur-gaýrat we ruhubelentlik arzuw edýärler.

Aşgabat, 29-njy iýun (TDH). Şu gün Türkmenistanyň Prezidenti Gurbanguly Berdimuhamedowyň we Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik boldy. Russiýanyň Baştutany milli Liderimizi doglan güni bilen gutlap, berk jan saglyk, abadançylyk we köpugurly döwlet işinde mundan beýläk-de üstünlikler arzuw etdi. Bellenilişi ýaly, Russiýada Türkmenistanyň Baştutanynyň iki döwletiň arasyndaky däp bolan hyzmatdaşlygyň pugtalandyrylmagyna gönükdirilen tagallalaryna ýokary baha berilýär.

Aşgabat, 29-njy iýun (TDH). Şu gün Türkmenistanyň Prezidenti Gurbanguly Berdimuhamedowyň we Türkiýe Respublikasynyň Prezidenti Rejep Taýyp Ärdoganyň arasynda telefon arkaly söhbetdeşlik geçirildi. Dostluky ýurduň baştutany milli Liderimizi 63 ýaşynyň dolmagy — yslam dünýäsinde Muhammet pygamberiň ýaşy hökmünde belent sarpa goýulýan sene bilen gutlap, berk jan saglyk, abadançylyk hem-de ýokary döwlet wezipesinde, jogapkärli we köpugurly işlerinde üstünlikler arzuw etdi.

Aşgabat, 29-njy iýun (TDH). Şu gün Türkmenistanyň Prezidenti Gurbanguly Berdimuhamedowyň we Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik boldy. Söhbetdeşler birek-birek bilen mähirli salamlaşyp, ikiçäk gürrüňdeşlikde mizemez dostluk we hoşniýetli goňşuçylyk gatnaşyklary bilen berkidilen döwletara hyzmatdaşlygyň ileri tutulýan meselelerini ara alyp maslahatlaşmaga dörän mümkinçilige kanagatlanma bildirdiler.

Aşgabat, 29-njy iýun (TDH). Şu gün hormatly Prezidentimiz Gurbanguly Berdimuhamedow bilen Gazagystan Respublikasynyň Prezidenti Kasym-Žomart Tokaýewiň arasynda telefon arkaly söhbetdeşlik boldy. Dostlukly ýurduň Baştutany milli Liderimizi 63 ýaşynyň dolmagy bilen tüýs ýürekden gutlady hem-de hormatly Prezidentimize berk jan saglyk, uzak ömür, abadançylyk we ýokary döwlet wezipesinde alyp barýan jogapkärli işinde uly üstünlik arzuw etdi.

Aşgabat, 29-njy iýun (TDH). Şu gün hormatly Prezidentimiz Gurbanguly Berdimuhamedow bilen Gyrgyz Respublikasynyň Prezidenti Sooronbaý Žeenbekowyň arasynda telefon arkaly söhbetdeşlik boldy. Gyrgyzystanyň Baştutany milli Liderimiz bilen mähirli salamlaşyp, hormatly Prezidentimizi doglan güni bilen gutlady we berk jan saglyk, abadançylyk, Garaşsyz Türkmenistanyň durmuş-ykdysady taýdan ösüşine, halkyň abadançylyk derejesiniň ýokarlanmagyna gönükdirilen döwlet işlerinde üstünlik arzuw etdi.

Aşgabat, 29-njy iýun (TDH). Şu gün Türkmenistanyň Prezidenti Gurbanguly Berdimuhamedowyň we Owganystan Yslam Respublikasynyň Prezidenti Mohammad Aşraf Ganiniň arasynda telefon arkaly söhbetdeşlik boldy. Iki döwletiň Baştutanlary birek-birek bilen mähirli salamlaşyp, köpasyrlyk dost-doganlyk we hoşniýetli goňşuçylyk gatnaşyklary bilen berkidilen türkmen-owgan hyzmatdaşlygynyň ýokary derejesini nygtadylar.

Aşgabat, 29-njy iýun (TDH). Şu gün hormatly Prezidentimiz Gurbanguly Berdimuhamedow bilen Azerbaýjan Respublikasynyň Prezidenti Ilham Aliýewiň arasynda telefon arkaly söhbetdeşlik boldy. Iki ýurduň Liderleri birek-birek bilen mähirli salamlaşyp, Türkmenistanyň we Azerbaýjanyň taryhy gatnaşyklara, hoşniýetli goňşuçylyk däplerine hem-de hormat goýmak ýörelgelerine esaslanýan dost-doganlyk gatnaşyklaryna ygrarlydygyny tassykladylar.

Aşgabat, 29-njy iýun (TDH). Şu gün Türkmenistanyň Prezidenti Gurbanguly Berdimuhamedowyň we Russiýa Federasiýasynyň Federal Ýygnagynyň Federasiýa Geňeşiniň başlygy Walentina Matwiýenkonyň arasynda telefon arkaly söhbetdeşlik boldy. Russiýanyň Parlamentiniň ýokary palatasynyň ýolbaşçysy milli Liderimizi doglan güni bilen tüýs ýürekden gutlap, berk jan saglyk, uzak ömür we ýokary döwlet wezipesinde alyp barýan giň gerimli işlerinde täze üstünlikleri arzuw etdi.