Döwlet Baştutanymyzyň adyna Hasyl toýy mynasybetli köp sanly gutlag hatlarynyň hem-de telegrammalaryň gelmegi dowam edýär. Döwlet hem-de jemgyýetçilik işgärleri özleriniň gutlaglarynda Berkarar döwletimiziň bagtyýarlyk döwründe bu baýramçylygyň türkmen topragynyň sahawatlylygyny we ata-babalarymyzyň şöhratly ekerançylyk däplerini mynasyp dowam etdirýän halkymyzyň zähmetsöýerligini alamatlandyrýandygyny belleýärler.
Hatlary we telegrammalary iberenler milli Liderimiz Gurbanguly Berdimuhamedowy tüýs ýürekden gutlap, döwlet Baştutanymyza berk jan saglyk, uzak ömür, eziz Watanymyzyň mundan beýläk-de gülläp ösmeginiň bähbidine alyp barýan giň möçberli işinde täze ajaýyp üstünlikleri arzuw edýärler.
