Parahatlyk — ömürlerň çyragy

Parahatçylyk sözüniň güýji-täsiri her bir ynsanyň kalbynda üýtgeşik duýgulary oýarýan bolsa gerek. Parahatçylygyň ähmiýeti dünýäniň abatlygy, adamlaryň haýyrly duýgularynyň bitewiligi bilen berk baglanyşyklydyr. Düýn Türkmen döwlet Neşirýat gullugy bilen «Esger» gazetiniň redaksiýasynyň bilelikde geçiren medeni çäresi hem parahatçylyk diýlen kämil we arzyly düşünjäniň ähmiýetine bagyşlandy.      Çäräni «Esger» gazetiniň uly habarçysy, şahyr Aýgül Garaýewa açdy we ol alypbaryjy hökmünde ynsan ömrüniň nury-çyragy bolan parahatçylyk babatdaky pikirlerini labyzly şygyr setirleri bilen utgaşdyryp beýan etdi. Ol öz çykyşynda Gahryman Arkadagymyzyň we Arkadagly Gahryman Serdarymyzyň ýurdumyzda parahatçylygyň höküm sürmegi babatda alyp barýan içeri we daşary syýasatlarynyň manysy we ähmiýeti dogrusynda giňişleýin durup geçdi.

Sungat sapaklary

Paýtagtymyzda dowam edýän «Gorkut ata» halkara kinofestiwalyna gatnaşmak üçin türki döwletlerden gelen tejribeli kino işgärleri düýn Türkmen döwlet medeniýet institutynda talyplar bilen duşuşyp, ussatlyk sapaklaryny geçdiler. Özboluşly döredijilik duşuşygyna gatnaşan türki dilli döwletleriň kino wekilleriniň arasynda Mete Soýdan, Altynaý Nogerbek, Anarkul Nazarkulowa, Mammadli Aghasi Sara Saad Han, Rejep Renan Bilek ýaly sungat ussatlary bar. Olar talyplara baý iş tejribeleri barada gürrüň berdiler.

Dostlary doganlaşdyrýan kino baýramy

Düýn paýtagtymyzdaky «Aşgabat» myhmanhanasynda ýurdumyzda geçirilýän «Gorkut ata» atly halkara kinofestiwalyň çäklerinde TÜRKSOÝ-na agza ýurtlaryň kinematograflarynyň duşuşygy geçirildi. Olar soňky bir ýylyň dowamynda eden işleri, geljekde ýerine ýetirilmeli taslamalar, edilmeli işler dogrusynda pikir alyşdylar. Biz hem oňa gatnaşyjylaryň käbiriniň beren gürrüňlerini ýazga geçirdik. Israfil KURALAÝ,«Yedirenk» kommunikasiýalar toparynyň baş direktory, kinofestiwalyň emini (Türkiýe):

Abraýly festiwaldaky üstünlik

Şu ýyl Moskwada 8-nji gezek geçirilen Nury Halmämmedow adyndaky «Dutaryň owazy» halkara sungat festiwaly beýik türkmen şahyry Magtymguly Pyragynyň doglan gününiň 300 ýyllygyna bagyşlandy. Ol sazandalardyr wokalçylara, kompozitorlardyr ýaş ýerine ýetirijilere, suratkeşlerdir çeper sözüň muşdaklaryna öz döredijilik mümkinçiliklerini giňden açyp görkezmek üçin özboluşly meýdança bolup hyzmat etdi. Festiwalyň çäginde aýdymçy-sazandalaryň arasynda geçirilen onlaýn bäsleşikde türkmenistanly ýaşlar hem üstünlikli çykyş edip, baýrakly orunlara mynasyp boldular. Meşhur kompozitor Nury Halmämmedowyň adyny göterýän «Dutaryň owazy» halkara sungat festiwaly 2015-nji ýyldan bäri aýdym-saz muşdaklaryna şatlyk paýlap gelýär. Geçen ýyllarda oňa 600-den gowrak adam gatnaşdy. Bu sungat baýramçylygynyň şu ýylky meýilnamasy dürli bäsleşikleri öz içine aldy. Şolaryň hatarynda etnomedeniýet däp-dessury esasynda dürli hünärlerden sazandalaryň akademiki sazynyň iň gowy ýerine ýetirilişi, Magtymguly Pyragynyň goşgularyna düzülen saz eserleri boýunça bäsleşikler, «Pähim-paýhas ummany Magtymguly Pyragy», «Magtymguly, sözlär tili türkmeniň» atly konsertler, «Magtymguly we onuň dünýä medeniýetindäki orny» atly ylmy-amaly maslahat hem bar.

Baky sungat keşbi ýaly, Dostluk kinofestiwaly

Anarkul NAZARKULOWA,Gyrgyz Respublikasynyň halk artisti:

Türkmen kinosy ösüş ýolunda

Türkmen halkynyň milli Lideri Gahryman Arkadagymyzyň, Arkadagly Gahryman Serdarymyzyň bimöçber tagallalary bilen türkmen medeniýeti, sungaty barha gülläp ösýär. Milli medeniýetimiziň kino sungaty hem döwrebap ösüşleri başdan geçirýär. Gysga döwrüň içinde surata düşürilip, ekrana çykarylan milli kinofilmler Türkmenistanyň Telewideniýe, radiogepleşikler we kinematografiýa baradaky döwlet komitetiniň Oguzhan adyndaky «Türkmenfilm» birleşiginiň döredijilik toparynyň işiniň döwrebap ösüş ýoluna düşendigini buşlaýar. Biz hem Oguzhan adyndaky «Türkmenfilm» birleşiginiň soňky ýyllarda ýaýlyma çykaran we täze surata düşürýän filmleri hakynda söhbet etmegi makul bildik. Häzirki döwürde Oguzhan adyndaky «Türkmenfilm» birleşiginde zähmet çekýän Sahysalyh Baýramow, Rahymberdi Annagulyýew, Myrat Orazow, Maksat Gylyjow, Baýmyrat Musaýew ýaly soňky ýyllarda ýetişen kino ussatlary we belli halypalar tarapyndan «Beýik Ýüpek ýoly», «Atalar we ogullar», «Gyzyl kürte», «Istärin», «Daragt», «Dutaryň owazy», «Kompozitor», «Ekologiýa — päkize durmuş», «Gyzyl alma» atly çeper we çeper-publisistik filmler hem-de «Ýiten top» atly multfilm surata düşürilip, tomaşaçylara ýetirildi.

Akbilek — Artygyň aty

Bir gezek türkmen bedewleri barada söhbet açylanda, kärdeşimiz Garrybaý Aşyrow hem söhbetdeşlige goşuldy. Şonda ol kakasy Baýly aganyň bu barada köp zatlary bilýändigini aýtdy. Biz bu babatda söhbetdeş bolmak üçin baranymyzda, Aşgabat şäheriniň Bagyr ýaşaýyş toplumynyň ýaşaýjysy, Türkmenistanyň at gazanan atşynasy Baýly Aşyrow şeýle gürrüň berdi: — Türkmen halkynyň milli buýsanjy bolan ahalteke bedewlerine bolan yhlasym örän uly. Ýaşlyk döwrümde Aşgabadyň Atçylyk toplumynda on ýyllap at çapdym. Häzir hojalygymda hususy atlarym bar. Atlarym uly çapyşyklara gatnaşyp, uly-uly baýraklara eýe boldy. Meniň kakam Türkmenistanyň at gazanan atşynasy, ussat seýis Aşyr Garrybaýew bütin ömrüni ahalteke atlaryna bagyş etdi. Käte onuň ýetişdiren atlary bilen bagly pursatlar ýadyma düşýär.

Türkmen akapellasynyň öňbaşçysy

Sungata söýgi çägi bilmeýär. Käbir ussatlaryň öz dogduk mekanyndan has alysdaky halkyň edebiýatyna, sungatyna... siňip gidişini göreniňde-de, muňa göz ýetirýärsiň. Şeýle sungat ussatlarynyň biri-de Türkmenistanyň at gazanan artisti, kompozitor Genrih Stanislawowiç Držewskidir. 1903-nji ýylyň 21-nji oktýabrynda Drogobyç şäherinde dünýä inen G.Držewskiý ýaşlygyndan çeper höwesjeňler toparlaryna gatnaşýar. Maşgalasynda sazandalaryň bolmagy ýaş Genrihde hem saza uly höwes döredýär. Moskwa, Lugansk, Ýalta, Feodosiýa, Harkow, Donesk şäherleriniň filarmoniýalarynda konsertmeýsterlik etmegi onuň üçin uly mekdep bolýar.

Ki­no sun­ga­ty ar­ka­ly halk­la­ry ýa­kyn­laş­dy­ryp

Kinematografiýa sungatynyň döwrebap hukuk binýady

«Pähim-paýhas ummany Magtymguly Pyragy» ýylynyň 13-nji noýabrynda gözel paýtagtymyzda  «Gorkut ata» atly halkara kinofestiwaly öz işine başlady. Hormatly Prezidentimiziň festiwala  gatnaşyjylara iberen Gutlagynda: «Beýik söz ussadymyzyň doglan gününiň 300 ýyllygy bellenilýän «Pähim-paýhas ummany Magtymguly Pyragy» ýylynyň toý-dabaraly günlerinde türki döwletleriň wekilleriniň gatnaşmagynda «Gorkut ata» atly halkara kinofestiwalyň Aşgabat şäherinde geçirilmeginde hem uly many bardyr. Bu günki gün ak mermerli paýtagtymyzda halkara festiwallary, konsertleri we forumlary ýokary derejede geçirmek üçin ähli zerur şertler döredilip, ýurdumyzyň bu ugurda toplan tejribesi bütin dünýäde ykrar edilýär» diýip bellemegi, ýurdumyzda sungata belent sarpa goýulýandygynyň aýdyň mysalydyr. Arkadagly eýýamymyzda türkmen medeniýeti dünýä medeniýetiniň bir akabasyna, umumadamzat medeniýetiniň aýrylmaz bir bölegine öwrüldi. Şu ýylyň 19-njy iýulynda hormatly Prezidentimiziň sanly ulgam arkaly geçiren Türkmenistanyň Ministrler Kabinetiniň nobatdaky mejlisinde medeniýet babatda garalan döwlet durmuşyna degişli birnäçe meseleleriň hatarynda medeniýet ulgamynda ýurdum