Dün­ýä­niň iň gym­mat iý­mit­le­ri

Öz­bo­luş­ly sta­di­on gu­rlar

Sa­ud Ara­bys­ta­nyn­da 2034-nji ýylda ge­çi­ril­jek fut­bol bo­ýun­ça Dün­ýä çem­pio­na­ty üçin öz­bo­luş­ly sta­di­on gur­mak me­ýil­leş­di­ril­ýär. «Ne­om» meý­dan­ça­sy gel­jek­ki «The Li­ne» aý­na me­ga­po­li­si­niň tas­la­ma­sy­nyň çä­gin­de gur­lar di­ýip, «Pa­ra­met­ric Archi­tectu­re» web saý­ty ýaz­ýar. Ýer­den 350 metr­den gow­rak be­lent­lik­de ýer­leş­jek sta­di­on dün­ýä­de iň be­ýik sport des­ga­la­ry­nyň bi­ri bo­lar. Bi­na­gär­lik tas­la­ma­sy aý­na bö­lek­le­rin­den dö­re­di­len üçe­gi göz öňün­de tu­tup, bu sta­dio­na fu­tu­ris­tik gör­nü­şi be­rer. Sta­di­ona 46 müň­den gow­rak ada­m syg­ar.

«Boeing»-iň tä­ze ýol­baş­çy­sy

«Boeing» kor­po­ra­si­ýa­sy­nyň tä­ze baş di­rek­to­ry we­zi­pe­si­ne 64 ýaş­ly Kel­li Ort­berg bel­len­di. Ol 8-nji aw­gust­da we­zi­pe­si­ne gi­ri­şdi. Kel­li Ort­berg mart aýyn­da iş­den çe­kil­ýän­di­gi­ni mä­lim eden Deýw Kal­hu­nyň or­nu­ny eýe­le­di. Ýol­baş­çy­ly­gyň üýt­ge­me­gi awia­kom­pa­ni­ýa­nyň bir­nä­çe me­se­le­ler, şol san­da, paý­na­ma­la­ryň ba­ha­sy­nyň pe­se gaç­ma­gy we ikin­ji çär­ýek­de ýit­gi­ler bi­len ýüz­be-ýüz bo­lan döw­ri bo­lup geç­ýär. Şu ýyl «Boeing»-iň paý­na­ma­la­ry 27 gö­te­rim ar­zan­la­dy, bu bol­sa 2020-nji ýyl­dan bä­ri iň pes gör­ke­zi­ji­dir. Kom­pa­ni­ýa he­läk­çi­li­ge we uçuş­la­ryň uzak wagt­lap tog­ta­dyl­ma­gy­na ge­ti­ren «Boeing 737 MAX» uçar­la­ry hem-de beý­le­ki teh­ni­ki bök­denç­lik­ler se­bäp­li çyn­la­kaý päs­gel­çi­lik­le­re du­çar bol­dy.

Uçu­ry­lyş yza süý­şü­ril­di

NA­SA «Lu­nar Ga­te­way» kos­mos stan­si­ýa­sy­nyň uçu­ry­ly­şy­ny teh­ni­ki kyn­çy­lyk­lar se­bäp­li bäş ýyl yza süý­şür­di. Bu ba­ra­da ABŞ-nyň hö­kü­me­ti­niň Ýo­ka­ry gö­zeg­çi­lik eda­ra­sy­nyň tä­ze ha­sa­ba­tyn­da mä­lim edil­ýär. Stan­si­ýa­nyň il­kin­ji ele­ment­le­ri asyl me­ýil­na­ma­da kes­git­le­nen­den bäş ýyl soň – 2027-nji ýy­lyň de­kab­ryn­dan gi­jä gal­man uçu­ry­lar. «Lu­nar Ga­te­way» Aýyň tö­we­re­gin­dä­ki ga­lo-or­bi­ta­da uç­mak we adam­la­ryň Aýa bar­ma­gy­na gö­nük­di­ri­len «Ar­te­mis» prog­ram­ma­sy­nyň mö­hüm bö­le­gi bo­lup hyz­mat et­mek üçin dö­re­di­len ki­çi­jik kos­mos stan­si­ýa­sy­dyr. «Ga­te­way»-i 2028-nji ýy­lyň sent­ýabr aýyn­da me­ýil­leş­di­ril­ýän «Ar­te­mis IV» mis­si­ýa­sy üçin işe gi­riz­mek göz öňün­de tu­tul­ýar. Şeý­le-de bol­sa, stan­si­ýa­ny işe gi­riz­me­giň hä­zir­ki ter­ti­bi mis­si­ýa­ny gol­da­mak üçin ze­rur möh­let­den eý­ýäm üç aý yza gal­ýar.

Ada sa­tu­wa çykaryldy

Şot­lan­di­ýa­da 27 gek­tar meý­da­ny tutýan boş ýa­tan Flad­da-Çuaýn ada­sy 190 müň funt ster­lin­ge sa­tu­wa çy­ka­ryl­dy. Goz­gal­ma­ýan em­läkleriň söwdasy bilen meşgullanýan kompaniýanyň web sa­hy­pa­syn­da bu ada­nyň ta­ry­hy ýa­dy­gär­lik­le­ri bi­len ta­nal­ýan­dy­gy­ bel­le­nil­ýär. Ir­lan­di­ýa­nyň mi­fo­lo­gi­ýa­syn­da ol ebe­di ju­wan­ly­gyň ada­sy, he­mi­şe to­mus bo­lup, Gü­nüň bol­sa hiç ha­çan ýaş­ma­ýan mu­kad­des ýe­ri ha­sap­lan­ýar.

Tä­ze Baş sek­re­ta­r saý­lan­dy

Wýet­nam Kom­mu­nis­tik par­ti­ýa­sy­nyň Mer­ke­zi ko­mi­te­ti­niň mej­li­si Wýet­nam So­sia­lis­tik Res­pub­li­ka­sy­nyň Pre­zi­den­ti­ To La­my 2021-2026-njy ýyl­lar üçin Wýet­na­myň Kom­mu­nis­tik par­ti­ýa­sy­nyň Mer­ke­zi Ko­mi­te­ti­niň tä­ze Baş sek­re­ta­ry we­zi­pe­si­ne saý­la­dy. To Lam ses­le­riň kö­plü­gi bi­len WKP-niň Mer­ke­zi ko­mi­te­ti­niň Baş sek­re­ta­ry we­zi­pe­si­ne saý­la­nyp, bu we­zi­pe­de Nguen Fu Çon­guň or­nu­ny tut­dy. Baş sek­re­tar we ýur­duň Pre­zi­den­ti To Lam, par­ti­ýa­nyň Mer­ke­zi ko­mi­te­ti­niň, Sy­ýa­sy býu­ro­nyň we sek­re­ta­ria­tyň işi­ne Sy­ýa­sy býu­ro­nyň bel­län borç­la­ry­na we yg­ty­ýar­lyk­la­ry­na la­ýyk­lyk­da ýol­baş­çy­lyk eder.

Wi­se-pre­zi­dent bel­len­di

Eý­ra­nyň tä­ze saý­la­nan Pre­zi­den­ti Ma­sud Pe­zeş­ki­an öň­ki da­şa­ry iş­ler mi­nist­ri Mo­ham­med Ja­wad Za­ri­fi stra­te­gi­k me­se­le­ler bo­ýun­ça wi­se-pre­zi­dent we Stra­te­gi­k bar­lag­lar mer­ke­zi­niň baş­ly­gy we­zi­pe­si­ne bel­le­di. Bu ba­ra­da IR­NA ha­bar­lar gul­lu­gy ha­bar ber­di. Pre­zi­dent 30-njy iýul­da mej­lis­de ka­sam ka­bul eden­den soň, bu ba­ra­da­ky ka­ra­ra gol çek­di.

Azyk howp­suz­ly­gy üçin çöz­güt

Hin­dis­ta­nyň Prem­ýer-mi­nist­ri Na­rend­ra Mo­di Nýu-De­li­de oba ho­ja­ly­gy bo­ýun­ça yk­dy­sat­çy­la­ryň hal­ka­ra mas­la­ha­ty­ny açyp, azyk howp­suz­ly­gy ba­bat­da öň bü­tin dün­ýä­de ala­da dö­re­dip ge­len Hin­dis­ta­nyň in­di äh­lu­mu­my azyk we iý­mit howp­suz­ly­gy­ny üp­jün et­mek ba­ra­da çöz­güt­le­ri tek­lip edip bil­ýän ýur­da öw­rü­len­di­gi­ni bel­le­di. Mo­di Hin­dis­ta­nyň şu­nuň ýa­ly hal­ka­ra mas­la­ha­ty­ny soň­ky ge­zek 65 ýyl mun­dan öň ge­çi­ren­di­gi­ni ýat­lap geç­di. Onuň söz­le­ri­ne gö­rä, şol dö­wür­de Res­pub­li­ka azyk we oba ho­ja­lyk pu­da­gyn­da kyn gün­le­ri baş­dan ge­çir­ýän tä­ze ga­raş­syz ýurt­dy. – Bu gün Hin­dis­tan azyk ha­ryt­la­ry­ny bol ön­dür­ýän döw­let bo­lup, ýur­du­myz süýt, kö­sük­li önüm­ler, dä­ne, mi­we, gök-bak­ja, pag­ta, şe­ker, çaý, ba­lyk önüm­çi­li­gi bo­ýun­ça dün­ýä­de ikin­ji orun­da dur­ýar – di­ýip, Mo­di nyg­ta­dy. Ol öz ýur­du­nyň azyk ul­ga­my­ny üýt­ge­dip gur­mak­da­ky tej­ri­be­si­niň äh­lu­mu­my Gü­nor­ta üçin bäh­bit­li bol­jak­dy­gy­na umyt bil­dir­di.

Har­ris res­mi taý­dan da­laş­gär bol­dy

ABŞ-nyň wi­se-pre­zi­den­ti Ka­ma­la Har­ris De­mok­ra­tik par­ti­ýa­dan Ame­ri­ka­nyň Bir­le­şen Ştat­la­ry­nyň pre­zi­dent­li­gi­ne res­mi taý­dan da­laş­gär bol­dy. Bu ba­ra­da ABŞ-nyň De­mok­ra­tik par­ti­ýa­sy­nyň Mil­li ko­mi­te­ti par­ti­ýa­nyň mil­li gu­rul­ta­ýy­na gat­naş­jak­dyk­la­ry­ny mä­lim eden we­kil­le­riň wir­tu­al ses be­riş­li­gi ta­mam­la­nan­dan soň yg­lan et­di. – ABŞ-nyň wi­se-pre­zi­den­ti Ka­ma­la Har­ris bir hep­de­lik on­laýn ses be­riş­lik­de ABŞ-nyň De­mok­ra­tik par­ti­ýa­sy­nyň gu­rul­ta­ýy­na gat­naş­jak­la­ryň 99 gö­te­ri­mi­niň res­mi gol­da­wy­na eýe bol­dy – di­ýip, par­ti­ýa­nyň Mil­li ko­mi­te­ti­niň baş­ly­gy Jeý­mi Har­ri­son ha­bar ber­di.

Dünýä täzelikleri

Şa­ýy­lyk­la­ry çy­kar­dy. Şu ýy­lyň 8-13-nji sent­ýab­ryn­da As­ta­na­da geçiriljek Çar­wa­dar­la­ryň V Bü­tin­dün­ýä oýun­la­ry­na ga­bat­lap, Gyr­gyz Res­pub­li­ka­sy­nyň Mer­ke­zi ban­ky hüm­me­ti 10 som bo­lan şa­ýy­lyk­la­ry çy­kar­dy. Şa­ýy­lyk­lar gyr­gyz spor­ty «at ça­by­şa» ba­gyş­la­nan. Ýur­duň çä­gin­de res­mi tö­leg se­riş­de­si bol­jak şa­ýy pul­la­ryň müň sa­ny­sy çy­ka­ry­ldy. Eg­ri bo­ýun­ly ži­raf ta­pyl­dy. Gü­nor­ta Af­ri­ka­nyň Krýu­ger mil­li se­ýil­gä­hin­de boý­nu­nyň adat­dan da­şa­ry de­for­ma­si­ýa­sy bo­lan ži­raf ta­pyl­dy. Hü­när­men­ler hä­zir bu ada­ty bol­ma­dyk ýag­da­ýyň se­bä­bi­ni anyk­la­mak­da kyn­çy­lyk çek­ýär­ler. We­te­ri­nar Sa­ra Fer­ýu­son bol­sa, bu ano­ma­li­ýa­nyň do­ga­bit­di boý­ny eg­ri­lik­den ge­lip çyk­ýan­dy­gy­ny çak­la­ýar.