HABARLAR

«Ýaşyl» dünýäni gurmaga çagyryş

4-nji martda paýtagtymyzdaky «Ýyldyz» myhmanhanasynyň mejlisler zalynda Ýewropada Howpsuzlyk we Hyzmatdaşlyk Guramasynyň Baş sekretarynyň hem-de Merkezi Aziýa döwletleriniň daşky gurşawy goramak ministrleriniň ýokary derejeli duşuşygy geçirildi. Bu duşuşygyň gün tertibi daşky gurşawy goramak meselesiniň sebitiň ýurtlary, ÝHHG we tutuş halkara jemgyýetçilik üçin ileri tutulýan ugurdygyny görkezýär. Ýewropada Howpsuzlyk we Hyzmatdaşlyk Guramasynyň Baş sekretary Helga Şmid öz çykyşynda häzirki döwrüň ekologik wehimlerine, durnukly ösüşi, energetika we azyk howpsuzlygyny, sebitde ählumumy abadançylygy, durnuklylygy üpjün etmek bilen gönüden-göni baglanyşykly howa meseleleriniň esasy ugurlaryna ünsi jemlemäge mümkinçilik berýän häzirki duşuşygyň ähmiýetini belledi. Şeýle hem suw serişdelerini durnukly dolandyrmak, suw diplomatiýasyny ösdürmek, bu işe zenanlary işjeň çekmek möhüm meseleleriň biri hökmünde kesgitlenildi. Şunuň bilen baglylykda, ÝHHG bilen Merkezi Aziýa döwletleriniň arasynda bu ugurda ýakyn hyzmatdaşlygyň ýola goýlandygy nygtaldy.

7 Mart 2024

Hyzmatdaşlyk

“Türkmendemirýollary” agentligi bilen “Uzbekiston temir ýullari” paýdarlar jemgyýetiniň ýolbaşçylarynyň arasynda gepleşikler geçirildi

2024-nji ýylyň 6-njy martynda Aşgabatda “Türkmendemirýollary” agentligi bilen “Uzbekiston temir ýullari” paýdarlar jemgyýetiniň ýolbaşçylarynyň arasynda ikitaraplaýyn gepleşikler geçirildi. Duşuşyk “Türkmendemirýollary” agentliginiň Başlygy A.Atamuradowyň we “Uzbekiston temir ýullari” paýdarlar jemgyýetiniň başlygy Z.G.Narzullaewiň ýolbaşçylygynda alnyp baryldy.

7 Mart 2024

Hyzmatdaşlyk

Gazagystan bilen Özbegistanyň aralygynda ýük daşamak işi ýönekeýleşdiriler

Özbek rugsatnamasynyň berilmegini has ýönekeýleşdirmek üçin Gazagystan Respublikasynyň ulag, maliýe hem-de sanly ösüş, innowasiýa we aerokosmos senagaty ministrleriniň bilelikdäki buýrugynyň taslamasy işlenip düzüldi. Buýruk özbek rugsatnamalarynyň blankalaryny bermek üçin synag taslamasyny durmuşa geçirmek barada bolup durýar. Bu barada Gazagystan Respublikasynyň Ulag ministrliginiň maglumatlaryna salgylanýan «Kazinform» agentligi habar berýär. Synag taslamasy Atameken, B.Konysbaýewa, Gazygurt, Kaplanbek we Tažen barlag nokatlarynda «üçünji ýurtlara/ýurtlardan» görnüşli rugsatnamalaryň elektron nusgasynda berilmegini göz öňünde tutýar.

7 Mart 2024

Hyzmatdaşlyk

Madhumita Hazarika Bhagat: «Türkmenistanda Hindistana wekilçilik edýändigime örän şat»

Bitarap Türkmenistan daşary syýasatynda dünýäniň ýakyn-u-alysdaky ýurtlary bilen özara bähbitli gatnaşyklary ösdürmäge aýratyn ähmiýet berýär. Şolaryň hatarynda Günorta Aziýanyň ykdysady taýdan iň kuwwatly döwleti hasaplanýan Hindistan Respublikasy hem bar. Golaýda bolsa bu dostlukly ýurduň Türkmenistanda täze bellenen Adatdan daşary we Doly ygtyýarly ilçisi Madhumita Hazarika Bhagat resmi taýdan öz diplomatik wezipesine girişdi. Biz hem hormatly ilçini täze wezipä bellenilmegi bilen gutlap, onuň türkmen-hindi hyzmatdaşlygyny ösdürmegiň mümkinçilikleri babatda pikir-garaýyşlarydyr geljekki meýilnamalary bilen gyzyklandyk.

7 Mart 2024

Hyzmatdaşlyk

Türkmen-ýapon parlamentara hyzmatdaşlygyny işjeňleşdirip

Şu ýylyň fewral aýynyň ahyrky günlerinde Türkmenistanyň Mejlisiniň Başlygynyň ýolbaşçylygyndaky wekiliýet Ýaponiýada iş saparynda boldy. Dostlukly ýurduň dürli wezipelerdäki ýolbaşçylary bilen geçirilen duşuşyklar netijeli häsiýete eýe bolup, olaryň çäklerinde parlamentara gatnaşyklary ösdürmek, parlament diplomatiýasy arkaly halklary ýakynlaşdyrmak babatda möhüm meselelere garaldy. Häzirki zaman dünýäsinde parlamentleriň orny barha ýokarlanýar. Parlament diplomatiýasy dünýä halklarynyň we ýurtlarynyň arasynda dostlukly gatnaşyklaryň ösdürilmeginde uly ähmiýete eýedir. Bu günki gün türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlangyçlaryny mynasyp dowam etdirýän hormatly Prezidentimiziň tagallalary esasynda parlamentara gatnaşyklary pugtalandyrmakda uly öňegidişlikler gazanylýar, bu babatda hyzmatdaşlyk edilýän döwletleriň sany hem barha artýar. Türkmenistanyň Mejlisi Parlamentara Birleşigiň, Ýewropada Howpsuzlyk we Hyzmatdaşlyk Guramasynyň Parlament Assambleýasynyň agzasy bolup durýar. Munuň özi döwletara gatnaşyklaryň özara ynanyşmak esasynda guralmagyna oňyn täsirini ýetirýär, kanun çykaryjylyk işi boýunça halkara tejribeleri içgin öwrenmäge we olary milli kanunçylyk bilen sazlaşdyrmaga mümki

7 Mart 2024

Hyzmatdaşlyk

Ylym-bilim ulgamy: öňdebaryjy tejribeler özleşdirilýär

Katar Döwletiniň bilim ulgamynda toplan oňyn tejribesini öwrenmek we bu babatda halkara hyzmatdaşlygy has-da işjeňleşdirmek maksady bilen, Türkmenistanyň bilim ministriniň ýolbaşçylygyndaky wekiliýet golaýda Doha we Lusail şäherlerinde iş saparynda boldy. Katarda ylym-bilim ulgamy döwlet syýasatynyň strategik ugry hasaplanýar. Muňa Kataryň Ylym, bilim we jemgyýetçilik ösüşi boýunça gaznasy (Qatar Foundation) tarapyndan maliýeleşdirilýän «Bilim şäherçesinde» ýerleşýän halkara uniwersitetleriň işi bilen tanşanyňda, has anyk göz ýetirmek bolýar. Nebitdir gazdan gelýän girdejiniň bir bölegini ylym-bilime maksadalaýyk gönükdirmek bilen, Kataryň Hökümeti bu babatda dünýä nusgalyk işleriň ençemesini amala aşyrypdyr.

7 Mart 2024

Hyzmatdaşlyk

Täze howa gatnawy

Ýakynda «Türkmenhowaýollary» agentliginiň uçary Aşgabat — Hoşimin — Aşgabat ugurlary boýunça ilkinji uçuşy amala aşyrdy. Bu waka ýurdumyzyň ulag ulgamynda durmuşa geçirýän giň gerimli özgertmeleriniň aýdyň netijesidir. Aşgabat bilen Hoşimin şäherleriniň arasynda howa gatnawynyň ýola goýulmagy iki ýurduň hyzmatdaşlyk gatnaşyklarynyň täze derejä çykýandygyny görkezýär. Munuň özi işewür düzümleriň wekilleri bilen bir hatarda, jahankeşdeler üçin-de oňaýly mümkinçiligi üpjün edýär. Bu durmuş-ykdysady ugur bilen birlikde, medeni-ynsanperwer hyzmatdaşlygyň ösdürilmegine-de giň ýol açýar. Täze howa gatnawy soňky ýyllarda ýurdumyzda halkara hyzmatdaşlygyň ösdürilýändiginiň aýdyň beýanydyr. Munuň özi Türkmenistanyň dünýäniň dürli ýurtlary, şol sanda Aziýa — Ýuwaş umman sebitiniň döwletleri bilen gatnaşyklarynyň işjeň häsiýete eýe bolýandygyny alamatlandyrýar.

7 Mart 2024

Hyzmatdaşlyk

Köpugurly gözden geçirilişiň oňyn netijeleri

Düýn Türkmenistanyň Söwda-senagat edarasynda üç günläp dowam eden owgan harytlarynyň sergisiniň ýapylyş dabarasy boldy. Köpugurly gözden geçirilişiň çäklerinde Türkmen-owgan işewürlik maslahaty, iki ýurduň zenan telekeçileriniň duşuşygy, şeýle-de Türkmenistanyň Döwlet haryt-çig mal biržasy tarapyndan ýurdumyzyň we owgan işewürleriniň gatnaşmagynda göçme birža söwdalary geçirildi. Dostlukly gatnaşyklary pugtalandyran sergä Owganystanyň 230-dan gowrak kompaniýadyr kärhanalarynyň ýolbaşçylarynyň hem-de hünärmenleriniň uly wekilçilikli topary gatnaşdy. Owgan harytlarynyň paýtagtymyzdaky sergisine baryp görenler dürli ugurlara degişli diwarlyklar bilen tanyşdylar. Bu ýerde halylar, şaý-sepler, gurluşyk harytlary, hojalyk we senagat himiýasy, gök, miwe we azyk önümleri hem-de beýleki harytlar görkezildi. Sergä gatnaşyjylaryň dykgatyna goňşy ýurduň söwda pudagynyň ösüşlerine bagyşlanan wideoşekiller ýetirildi. Halk senetçiliginiň, amaly-haşam sungatynyň eserleri, şol sanda keramiki, agaçdan oýulyp ýasalan önümler myhmanlarda uly gyzyklanma döretdi.

7 Mart 2024

Hyzmatdaşlyk

Halkara hyzmatdaşlygyň täze tapgyry

«Pähim-paýhas ummany Magtymguly Pyragy» ýyly halklaryň özara dost-doganlygynyň berkeýän ýylyna öwrülýär. Şanly ýylyň bahar paslynyň ilkinji günlerinde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Türkiýe Respublikasyna amala aşyran iş sapary çuňňur many-mazmuna eýe boldy. Gahryman Arkadagymyzyň Türkiýe Respublikasynda geçirilen üçünji Antalýa diplomatiýa forumyna gatnaşyp, taryhy çykyş etmegi möhüm ähmiýetli jemgyýetçilik-syýasy waka öwrüldi. Milli Liderimiziň bu ýerde Türkiýe Respublikasynyň Prezidenti Rejep Taýyp Ärdogan bilen geçiren duşuşygy netijeli häsiýete eýe boldy. Bilşimiz ýaly, Türkmenistan Türkiýe Respublikasy bilen hyzmatdaşlyk gatnaşyklaryny barha işjeňleşdirýär. Munuň şeýledigini geçirilen gepleşikleriň dowamynda ikitaraplaýyn söwda dolanyşygynyň häzirki wagtda 2,5 milliard amerikan dollaryndan gowrak bolup, geljekde bu görkezijini 5 milliard amerikan dollaryna çenli ýetirmäge mümkinçiligiň bardygy barada aýdylanlar hem tassyklaýar. Bu hem dünýä ykdysadyýetiniň çalt depginler bilen ösýän döwründe işjeň gatnaşyklaryň ýola goýulmagynyň möhüm ähmiýete eýedigini görkezýär. 

6 Mart 2024

Hyzmatdaşlyk

Ýaponiýanyň Halkara Hyzmatdaşlyk agentliginiň wekilleriniň Türkmenbaşy Halkara deňiz portuna sapary

2024-nji ýylyň 5-nji martynda Ýaponiýanyň Halkara Hyzmatdaşlyk agentliginiň (JICA) wekilleri ikitaraplaýyn hyzmatdaşlygy ýola goýmak babatynda meseleleri ara alyp maslahatlaşmak maksady bilen Türkmenbaşy Halkara deňiz portuna sapary amala aşyrdylar. Saparyň dowamynda Ýolagçy-parom terminalynyň mejlisler zalynda myhmanlara Türkmenbaşy halkara deňiz portyň enjamlary we tehnikalary, ýerine ýetirýän hyzmatlary we nyrhlary barada jikme-jik beýan edýän prezentasiýa görnüşli gürrüň berildi. Soňra myhmanlar her terminal bilen aýratyn tanyşyp, portuň mümkinçiliklerini we kuwwatlylygyny öwrendiler. Şeýle-de, myhmanlara üstaşyr ýükler üçin “gümrük düzgüni” tertibiniň artykmaçlyklary barada gürrüň berildi. Bu hyzmat portuň çäginde dürli ýükleri we harytlary gümrük paçlaryny töletmezden, 3 ýyla çenli saklamaga mümkinçilik berýär. Bu usul köp müşderler üçin amatly bolup, ýagny, gümrük resminamalaryny bellige almak we ýükleri daşamak üçin wagty we çykdajylary ep-esli azaldar.

6 Mart 2024

Hyzmatdaşlyk