«Ak pamygyň» täze üstünlikleri

Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Serdarymyzyň taýsyz tagallalary bilen Arkadag Serdarly bagtyýar ýaşlar ýylynda welaýatymyzyň edara-kärhanalarynda hem önüm öndürmekde ýokary görkezijiler gazanylýar. Döwletimiz tarapyndan döredilýän giň mümkinçilikleriň netijesinde her ýyly üstünlikli jemleýän senagat kärhanalarynyň arasynda Türkmenabat şäherindäki «Ak pamyk» pamyk serişdelerini öndürýän fabrik hem bar. Şu ýyl işläp başlanyna 15 ýyl dolýan bu fabrikde ýurdumyzyň ýüplük egriji fabrikleriniň önümleri gaýtadan işlenilip we arassalanylyp, gaýry zatlarda ulanmak üçin niýetlenilen pamyk hem-de lukmançylyk pamygy öndürilýär. Bu ugurda baý tejribe toplan Çary Abdullaýew kärhana ýolbaşçylyk edýär. Bu ýerde öndürilýän önümleriň hil derejesiniň dünýä ülňülerine doly laýyk gelmegi önümlere bolan islegleri has-da güýçlendirýär. Häzirki wagtda «Ak pamyk» haryt nyşanly milli önümlerimiz, esasan-da, lukmançylyk pamygy içerki bazarlar bir hatarda Azerbaýjan, Türkiýe, Belgiýa ýaly ýurtlara-da eksport edilýär. Bu bolsa fabrigiň agzybir işgärleriniň jogapkärçiligini has hem artdyryp, olary täze zähmet üstünliklerine ruhlandyrýar.

Telekeçilige — giň ýol!

Hususyýetçilerimiziň goşandy Şanly wakalary bilen dabarasy dag aşýan Arkadag Serdarly bagtyýar ýaşlar ýylynyň guwançly wakasy bolan Türkmenistanyň Senagatçylar we telekeçiler birleşmesiniň döredilmeginiň 15 ýyllygy bellenilip geçildi. Şu sene ýurdumyzda telekeçiligiň çalt depginlerde ösdürilmeginde möhüm ähmiýete eýe boldy. Telekeçilere döwlet tarapyndan goldaw-ýardam berilmegi harytlaryň we önümleriň bolçulygynyň döredilmegine giň mümkinçilikleri açdy. Ilatyň ýokary hilli harytlara we önümlere bolan islegini has doly kanagatlandyrmakda uly işler bitirildi we bitirilýär.

«Ýe­di ýyl­dy­rym» — ýo­ka­ry hil we çalt hyz­mat

(Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň dö­re­dil­me­gi­niň 15 ýyl­ly­gy my­na­sy­bet­li ge­çi­ri­len ser­gi­niň çäk­le­rin­de) Bil­şi­miz ýa­ly, 17 — 23-nji mart­ aralygynda Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň dö­re­dil­me­gi­niň  15 ýyl­ly­gy my­na­sy­bet­li Türk­me­nis­ta­nyň Söw­da-se­na­gat eda­ra­syn­da türk­men işe­wür­le­ri­niň 200-den gow­ra­gy­nyň gat­naş­ma­gyn­da ser­gi gu­ral­dy. Mil­li ba­har baý­ra­my bi­len ut­ga­şyp ge­len bu ser­gi tä­ze öwüş­gin­le­re adat­da­ky­lar­dan has baý bol­dy. Bir hep­de­läp do­wam eden ser­gi ýur­du­my­zyň hu­su­sy önüm ön­dü­ri­ji­le­ri­niň önüm­le­ri we hö­dür­le­ýän hyz­mat­la­ry bi­len ta­nyş­ma­ga, şeý­le-de, işe­wür­lik ge­le­şik­le­ri­ni bag­laş­ma­ga uly müm­kin­çi­lik­le­ri dö­ret­di.

«TÄZE AÝ» — lezzete baý!

Hususy pudakdaky özgertmeler

nobatdaky gözden geçirilişde aýdyň ýüze çykdy 23-nji martda Türkmenistanyň Söwda-senagat edarasynda Senagatçylar we telekeçiler birleşmesiniň döredilmeginiň 15 ýyllygy mynasybetli ýurdumyzyň dürli künjeginde iş alyp barýan hususy düzümleriň 200-den gowragyny bir ýere jemläp, bir hepdeläp dowam eden sergi öz işini tamamlady. Bu waka bilen baglanyşykly geçirilen maslahat hususy pudakda geçen döwrüň dowamynda gazanylan üstünliklere ser salmakda, geljekde öňde durýan möhüm wezipeleri kesgitlemekde uly ähmiýete eýe boldy.

Telekeçilik işiniň kanunçylygy

Berkarar döwletiň täze eýýamynyň Galkynyşy döwründe ýurdumyz ykdysady taýdan ösen döwletleriň hatarynda tanalýar. Şu nukdaýnazardan, Esasy Kanunymyza jemgyýetiň ykdysady esaslaryny düzgünleşdirýän täze bir bölümiň girizilmegi möhüm ähmiýete eýe boldy. Ykdysadyýetiň durnukly ösüşini üpjün etmäge gönükdirilen maksatnamalary durmuşa geçirmegiň kämil hukuk binýadynyň emele getirilmegi döwrüň derwaýys meseleleriniň biridir. Şundan ugur alnyp, konstitusion ýörelgelere laýyklykda kabul edilen «Türkmenistanda maýa goýum işi hakynda», «Daşary ýurt maýa goýumlary hakynda», «Karz edaralary we bank işi hakynda», «Daşary ykdysady iş hakynda», «Gymmatly kagyzlar bazary hakynda», «Eýeçilik hakynda», «Erkin ykdysady zolaklar hakynda», «Kärende hakynda», «Türkmenistanyň Senagatçylar we telekeçiler birleşmesi hakynda» (rejelenen görnüşi) we beýleki Kanunlar gürrüňi edilýän möhüm ulgamyň depginli ösüşiniň hukuk binýady bolup çykyş edýär.

Hususy pudak — milli ykdysadyýetiň hereketlendiriji güýji

Ýurdumyzyň hususy pudagyny ösdürmek milli ykdysadyýetimiziň ileri tutulýan ugurlarynyň biridir. Diýarymyzyň eksport kuwwatyny artdyrmakda, täze önümçilikleri ýola goýmakda, bazar bolçulygyny döretmekde, iş üpjünçiliginde hususy pudaga möhüm orun degişlidir. 18-nji martda hormatly Prezidentimiz Serdar Berdimuhamedowyň Türkmenistanyň Senagatçylar we telekeçiler birleşmesiniň döredilmeginiň 15 ýyllygy mynasybetli geçirilýän sergide bolup, ýurdumyzyň işewür düzümleriniň öndürýän önümleri, senagat harytlary hem-de olaryň görnüşleri bilen tanyşmagy bolsa türkmen telekeçileri üçin şanly waka öwrüldi. Sergi monitor arkaly görkezilýän maglumatlardan başlanýar. Onda ýurdumyzyň Senagatçylar we telekeçiler birleşmesiniň agzalarynyň 15 ýylyň dowamynda ýerine ýetiren işleriniň netijeleri, hususy ulgamyň gazanýan üstünlikleri we mynasyp bolan güwänamalary, diplomlary barada giňişleýin maglumatlar berilýär. Paýtagtymyzdaky Söwda-senagat edarasynda guralýan sergide görkezilýän dürli önümler barada Ministrler Kabinetiniň Başlygynyň orunbasary B.Atdaýew hem-de ýurdumyzyň Senagatçylar we telekeçiler birleşmesiniň başlygy D.Hudaýberdiýew hasabat berdiler.

«Mukaddesiň» süýjülik dünýäsinde

Körpejelerden: «Iň süýji zat näme?» diýip sorasaňyz, aglabasy: «Tort» diýer. «Tort süýjülikleriň seresi» diýseňem, hakykata golaý gelýär. Çünki onuň düzümine şekerden başlap, süýji nygmatlaryň ählisi diýen ýaly girýär, miwelidir şokoladly, doňdurmaly tortlar-da bar. Şatlykly günlerimizde desterhanymyzy süýjülik tortlary bezeýär. Nika toýlaryndaky süýjülik tortunyň görnüşi-de, lezzeti-de başgaça bolýar. Onda ýaş çatynjalara durmuş süýjülikleriniň arzuwy bar. Ynha, telekeçi gelin Munira Mustafakulowa şeýle süýji tortlary taýýarlamagyň ussady. Onuň ýolbaşçylygyndaky «Mukaddes» süýjülik merkezi süýjülik dünýäsini ýada salýar. Ol ýerde tortlaryň ona golaý görnüşi bilen birlikde, dürli konditer önümleri hem taýýarlanylýar.

Arzuwlary wysalyna gowuşdy

Berkarar döwletiň täze eýýamynyň Galkynyşy döwründe milli ykdysadyýetimiziň kuwwatlanmagynda, ak bazarlarymyzda we söwda nokatlarynda milli önümlerimiziň agdyklyk etmeginde türkmen telekeçileriniň mynasyp orny bardyr. Olar döwlet Baştutanymyzyň hususy ulgamy ösdürmek baradaky belent başlangyçlaryndan ruhlanyp, täze önümçilikleri açmakda, halkyň gündelik sarp edýän azyklyk we senagat önümlerini öndürmekde ýokary işjeňlik görkezýärler. Şeýle hususyýetçileriň arasynda Türkmenistanyň Senagatçylar we telekeçiler birleşmesiniň agzasy Samandar Mustafakulowyň alyp barýan işleri hem aýratyn bellärliklidir. Hususyýetçi Kerki etrabynyň Kerki şäherindäki kärhanasynda indi 10 ýyldan bäri «Awaza», «Hazar», «Daşrabat» ýaly haryt nyşanly gaýnadylan, kakadylan we ýarym kakadylan şöhlat önümlerini öndürip gelýär. Şöhlat önümçiligi et kabul ediji, sowadyjy, taýýarlaýjydyr gaplaýjy we barlamhana bölümlerinden ybaratdyr. Bu bölümlerde Russiýa Federasiýasynda öndürilen ýokary hilli et dograýjy, garyjy, üweýji, mal süňküni kesiji we beýleki zerur enjamlar bökdençsiz işledilýär. Önümçilik doly awtomatlaşdyrylan usulda alnyp barylýar. Onda işçi-hünärmenleriň onlarçasy zähmet çekýär.

Hususy pudagyň üstünlikleri

17-nji martda paýtagtymyzda ýerleşýän Söwda-senagat edarasynda Senagatçylar we telekeçiler birleşmesiniň döredilmeginiň 15 ýyllygyna bagyşlanan sergi öz işine başlady. Oňa Hökümet agzalary, Mejlisiň, ministrlikleriň we pudaklaýyn dolandyryş edaralarynyň, jemgyýetçilik guramalarynyň, köpçülikleýin habar beriş serişdeleriniň, dürli ýurtlaryň we halkara guramalaryň Türkmenistandaky diplomatik wekilhanalarynyň ýolbaşçylarydyr wekilleri gatnaşdylar. Ir bilen dabaraly açylyşa gatnaşyjylar döwlet Baştutanymyzyň Gutlagyny uly ruhubelentlik bilen diňlediler. Soňra dabara döredijilik toparlarynyň çykyşlary bilen utgaşdy. Bilşimiz ýaly, 2008-nji ýylda döredilen Senagatçylar we telekeçiler birleşmesi ýurdumyzyň hususy işewürliginiň 28 müňden gowrak wekilini özünde jemläp, milli ykdysadyýetimiziň ösüşlerine mynasyp goşant goşýar. Şol gün Söwda-senagat edarasynyň sergiler zalynda 200-den gowrak gatnaşyjy öz diwarlyklaryny ýaýbaňlandyrdy. Senagatçylar we telekeçiler birleşmesiniň daşary ýurtlardan getirilýän harytlaryň ornuny tutýan, eksport ugurly önümleri öndürmek boýunça wezipeleri çözmekde gazanan üstünliklerine sergide aýratyn üns çekildi.