Ýurdumyzda hormatly Prezidentimiziň baştutanlygynda saglygy goraýyş ulgamynda halkara hyzmatdaşlygy ylmy taýdan ösdürmek, lukmançylyk diplomatiýasyny giň gerim bilen ýaýbaňlandyrmak boýunça uly tutumly işler alnyp barylýar. 8-nji oktýabrda Aşgabadyň «Ýyldyz» myhmanhanasynda geçirilen «Lukmançylyk diplomatiýasy — sagdyn dünýäniň binýady» atly halkara maslahat lukmançylyk diplomatiýasyny ösdürmekde uly ähmiýete eýe boldy.
Türkmenistanyň Daşary işler ministrligi hem-de BSGG-niň Ýewropa sebit edarasy tarapyndan guralan onlaýn-maslahata türkmenistanly we dürli ýurtlardan gelen alym-lukmanlar, BSGG-niň Ýewropa sebit edarasynyň direktory H.Klýuge, BSGG-niň Türkmenistandaky wekili Ý.Zaýsew, saglygy goraýyş boýunça Türkmen-german forumynyň başlygy, professor Klaus Parhofera, BMG-niň diplomatik missiýalarynyň wekilleri hem-de düzüm bölekleriniň ýolbaşçylary gatnaşdylar. Forumda COVID-19 pandemiýasyna garşy öňüni alyş sanjymlaryny geçirmek we sanjymlaryň hemmeler üçin elýeterli bolmagyny üpjün etmek hem-de COVAX guraly bilen baglanyşykly meseleler ara alnyp maslahatlaşyldy. Bu halkara çärede COVID-19 pandemiýa döwründe alnan tejribäni köpçülikleýin ulanmak mümkinçiliklerine seredildi. Halkara maslahatda bu babatda dürli döwletlerde toplanan tejribe boýunça pikir alşyldy hem-de öňüni alyş çäreleri boýunça Türkmenistanyň tejribesine uly baha berildi.
