Zenanlaryň futbol oýnamagy orta asyrlara çenli Hytaýda-da, ösen Ýewropa ýurtlary bolan Angliýada, Germaniýada, Niderlandlarda hem kän bir oňlanylmandyr. Ýöne wagtyň geçmegi bilen, bu ugurdaky tagallalar ýerine düşüpdir.
Şotlandiýada ХVII asyryň ahyrlarynda zenan toparlarynyň arasynda resmi ýaryşlaryň guralandygy barada maglumatlar bar. Şeýle-de bolsa, 1970-nji ýyla çenli dünýäniň aglaba ýurtlarynda futbol diňe erkek kişileriň meşgullanýan sport görnüşi hasaplanypdyr. Muňa garamazdan, ABŞ-da, Norwegiýada, Şwesiýada, Italiýada, Germaniýada futbol bilen çynlakaý meşgullanýan zenanlar ýyl-ýyldan köpelipdir.
