Türkmen döwlet bedenterbiýe we sport institutynyň toparlary hemişe uly üstünlikleri bilen tapawutlanýarlar. Bu hakykaty golaýda woleýbol boýunça klub toparlarynyň arasynda geçen Türkmenistanyň birinji ligasy — ýurdumyzyň milli çempionaty hem aýdyň tassyklady.
14 — 20-nji noýabr aralygynda guralan ýaryş aýlawlaýyn görnüşde geçdi. Bu ýerde 8 topar ýeňiş ugrunda göreşdi. Biziň bilim berýän talyp oglanlarymyz ýaryşyň çäginde duşuşan toparlarynyň ählisinden diýen ýaly rüstem gelip, ýeňiji bolmagy başardylar. Dartgynly geçen bäsleşikde ynamly çykyş eden ýaşlarymyzyň ýeňşi ýokary okuw mekdebimiziň mugallymlarynyň hem tälimçileriniň irginsiz yhlasynyň miwesidir.
