Ýakynda Türkmenistanyň futbol çempionatynyň Ýokary ligasynda 26-njy tapgyryň senesi süýşürilen duşuşygy geçirilip, onda «Merw» öz meýdanynda paýtagtymyzyň «Altyn Asyr» toparyny 1:0 hasabynda ýeňlişe sezewar etdi. Mary şäheriniň toparyna ýeňiş getiren topy oýnuň 34-nji minutynda Guwanç Berdimyradow geçirdi. Gazanan bu ýeňşinden soň utugyny 32-ä ýetiren «Merw» bäşinji orny eýelemegini dowam edýär. 26 oýunda 56 utuk toplan «Altyn Asyr» 3-nji orny eýeleýär.
***
