15 — 17-nji noýabrda basketbol boýunça 2010-2011-nji ýyllarda doglan oglanlaryň arasynda Aşgabat şäheriniň birinjiligi geçirildi. «Aşgabat» köpugurly stadionynda geçirilen ýaryşda Aşgabat şäheriniň bedenterbiýe we sport baradaky Baş müdirliginiň 9-njy sport mekdebiniň «Aşgabat» topary (tälimçisi Berdi Atahanow) 1-nji orny eýeledi. «Olimp» orta sport mekdebiniň topary 2-nji, Ýaş olimpiýaçylary taýýarlaýyş mekdebiniň topary 3-nji orunlara mynasyp boldular.
Şeýle hem Mary şäherinde 2010-njy ýylda doglan we ondan kiçi oglan-gyzlaryň arasynda gandbol boýunça Türkmenistanyň birinjiligi geçirildi. Ýaryşda 1-nji orny Aşgabat şäheriniň topary eýeledi (tälimçiler Nurgözel Öwezowa, Oksana Kobzewa). Lebap welaýatynyň topary 2-nji, Balkan welaýatynyň topary 3-nji orunlara mynasyp boldular. Dawutgeldi Ferejullaýew, Danil Durnew, Kerim Döwletgeldiýew ýaly türgenler ýaryşyň iň ökde oýunçylary diýlip saýlandylar.
