"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Bagtyýarlyk nury

Bagtyýar türkmen halky 27-nji sentýabrda Watanymyzyň baş baýramyny — Türkmenistanyň Garaşsyzlyk gününi dabaraly belläp geçer. Şu ýyl şanly Garaşsyzlygymyza 33 ýyl bolýar. Taryh üçin uzak bolmadyk geçen döwrüň içinde ýurdumyz düýpgöter özgerip, asyrlara barabar işler durmuşa geçirilýär. Täze obalar, şäherçedir şäherler, döwrebap medeni-durmuş, önümçilik maksatly desgalar, köp sanly kaşaň ymaratlar... bularyň ählisi mukaddes ýurt Garaşsyzlygynyň eçilen miweleri. Milli ykdysadyýetimiziň beýik ösüşlerine, halkymyzyň ýokary ýaşaýyş-durmuş derejesine hem diýseň buýsanýarys. Hormatly Prezidentimiz Serdar Berdimuhamedowyň 13-nji sentýabrda sanly ulgam arkaly geçiren Ministrler Kabinetiniň nobatdaky mejlisiniň barşynda paýtagtymyzda Türkmenistanyň Garaşsyzlygynyň 33 ýyllygy mynasybetli ýurdumyzyň ykdysady üstünlikleriniň sergisiniň guraljakdygy barada aýdylmagy bizi diýseň begendirdi. Çünki mukaddes Garaşsyzlygymyzyň şanly 33 ýylynyň dowamynda ýurdumyzyň durmuşynyň dürli ugurlarynda gazanylan üstünliklere nazar aýlamakda bu serginiň ähmiýeti uly bolar.

16 Sentýabr 2024

Jemgyýet

Ýol hereketiniň howpsuzlygy — ömrümiziň rahatlygy

Tejen etrabyndaky 41-nji orta mekdepde “Ýol hereketiniň howpsuzlygy — ömrümiziň rahatlygy” atly biraýlygyň çäginde geçirilen duşuşyk “Türkmenistan” Ýaşlar bedenterbiýe-sport guramasynyň welaýat bölümi, Türkmenistanyň Magtymguly adyndaky Ýaşlar guramasynyň etrap Geňeşi, etrap bilim bölümi hem-de etrap polisiýa bölüminiň polisiýanyň ýol gözegçilik bölümçesi tarapyndan guraldy. Mekdep okuwçylarynyň arasynda bolan duşuşygyň esasy maksady ýaşlaryň ýol hereketiniň kadalaryny berjaý etmegini gazanmakdan we bu ugurdaky düşünjesini ýokarlandyrmakdan ybarat boldy. Duşuşykda etrap polisiýa bölüminiň polisiýanyň ýol gözegçilik bölümçesiniň wekilleriniň çykyşlary has-da täsirli boldy. Olar ýörite şertli belgileri görkezip, okuwçy ýaşlara ýoluň pyýadalara niýetlenen ýerinden geçmegiň düzgün-kadalaryny düşündirdiler. Gymmatly öwüt-ündewler ýaşlarda uly täsirleri döretdi.

16 Sentýabr 2024

Jemgyýet

Watanymyzyň ösüşlerine buýsanç

Türkmenistanyň Halk Maslahatynyň syýasy-jemgyýetçilik ähmiýetini, mukaddes Garaşsyzlygymyzyň şanly 33 ýylynyň dowamynda ýurdumyzyň durmuşynyň dürli ugurlarynda gazanylan üstünlikleri ilat arasynda wagyz-nesihat etmek maksady bilen, Sarahs etrabynyň edara-kärhanalarynda duşuşyklardyr maslahatlar, “tegelek” stoluň başyndaky söhbetdeşlik geçirilýär. Türkmenistanyň Magtymguly adyndaky Ýaşlar guramasynyň etrap Geňeşiniň işgärleri we işjeň agzalary hem şeýle mazmunly duşuşyklara işjeň gatnaşmak bilen, etrabymyzyň ýaşlaryna Watanymyzyň durmuşynda bolup geçýän taryhy wakalar barada gürrüň berýärler. Wagyz-nesihat duşuşyklarynda «Ýaşlar barada döwlet syýasaty hakynda» Türkmenistanyň Kanunynyň rejelenen görnüşiniň, şonuň çäginde «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasynyň» we ony durmuşa geçirmek boýunça çäreleriň meýilnamasynyň üstünlikli durmuşa geçirilýändigi baradaky söhbete hem aýratyn üns çekilýär. Berkarar döwletiň täze eýýamynyň Galkynyşy döwründe ýurdumyzda ýokary ahlakly, bilimli, sagdyn ruhly, watansöýüji nesli kemala getirmek babatdaky tagallalaryň ýaşlarda gyzgyn goldaw tapýandygyna ýerlerde geçirýän çärelerimizde buýsanç bilen göz ýetirýäris. Şeýle ajaýyp döwre ýetiren Gahryman Arkadagymyza we Arkadagly Gahryman Serdarymyza etrabymyzyň ýaşlarynyň alkyşy tükeniksizdir.

16 Sentýabr 2024

Jemgyýet

“Ýol hereketiniň howpsuzlygy — ömrümiziň rahatlygy” atly biraýlyk dowam edýär

Ählihalk işine bagyşlanyldy Golaýda TKA-nyň etrap birleşmesiniň, TMÝG-niň etrap geňeşiniň, etrap bilim bölüminiň, etrabyň polisiýa bölüminiň bilelikde guramaklarynda etrabymyzdaky 14-nji orta mekdepde “Ýollarymyz asuda — ilimiz abadan” atly wagyz-nesihat çäresi geçirildi. Çärä ady agzalan guramalaryň işgärleri, orta mekdepleriň mugallymlarydyr, okuwçylary gatnaşdylar.

16 Sentýabr 2024

Jemgyýet

Täsirli geçen okuw maslahaty

Bütindünýä ilkinji kömegi bermek gününe bagyşlanyp Türkmenistanyň Gyzyl Ýarymaý Milli jemgyýetiniň welaýat bölümi tarapyndan geçirilen okuw we amaly maslahaty ýokary guramaçylyga beslendi. Onda çykyş edenler Türkmenistanyň Gyzyl Ýarymaý Milli jemgyýetiniň ilat arasynda köptaraplaýyn işleri alyp barýandygyny, esasy ugurlarynyň biriniň bolsa, ilkinji kömek bermegiň endiklerini öwretmek boýunça ilatyň bilim derejesini ýokarlandyrmak bolup durýandygyny bellediler. Soňra okuw we amaly maslahatyna gatnaşyjylar ýer titremede, suw joşanda, ýangynda, sil gelmede, awtoulag hadysasynda  adatdan daşary ýagdaýlar bilen tanyşdylar. Şeýle ýagdaýlar ýüze çykanda, özüňi alyp barmagyň, lukmandan ozal ilkinji kömegi bermegiň kadalaryny, ýüze çykan betbagtçylyk ýagdaýlarynda ýürek-öýken reanimasiýasyny geçirmek endiklerini, gan akmany duruzmak, ýarany daňmak we şuňa meňzeş ilkinji kömek berlişini tejribe arkaly öwrendiler. Okuw maslahatyna gatnaşanlaryň alan bilimlerini berkitmek boýunça geçirilen tejribeler, hünärmenleriň beren maslahatlary örän täsirli boldy.

16 Sentýabr 2024

Jemgyýet

Düzgünler berjaý edilmelidir

Berkarar döwletiň täze eýýamynyň Galkynyşy döwründe ýurdumyzyň ähli pudaklary, şol sanda ýol-ulag ulgamy hem döwrebaplaşdyrylýar. Muňa ulag serişdelerini tehniki barlagdan geçirmekligiň düzgünleriniň kämilleşdirilmeginiň mysalynda hem göz ýetirmek bolýar. Ulag serişdeleri Türkmenistanyň Içeri işler ministrliginiň Polisiýanyň ýol gözegçiligi gullugynyň bellige alyş we synag birliklerinde hasaba alnan ýeri boýunça tehniki barlagdan geçirilýär. Ulag serişdeleriniň tehniki barlagyny geçirmegiň esasy maksady ýol hereketiniň howpsuzlygyny üpjün etmek üçin ulag serişdeleriniň tehniki ýagdaýyna baha bermekden, olaryň sanyny, degişliligini we bellige alyş maglumatlaryny deňeşdirmekden ybaratdyr. Ýuridiki hem-de fiziki şahslar özlerine degişli ulag serişdelerini tehniki barlagdan geçirişe getirmäge borçly bolup, fiziki şahslar ulag serişdesiniň san belgisiniň soňky sanyna laýyklykda degişli aýda, ýuridiki şahslar bolsa meýilnama boýunça göz öňünde tutulan möhletde degişliligi boýunça ulag serişdelerini bellenilen ýere getirmelidirler. Ulag serişdeleriniň tehniki ýagdaýy enjamlary we serişdeleri ulanmak bilen ýa-da olary ulanmazdan gözden geçirmek arkaly ýerine ýetirilýär.

16 Sentýabr 2024

Jemgyýet

Ýol abat — il abat

Türkmenistanyň Kärdeşler arkalaşyklarynyň Etrek etrap birleşmesiniň, Türkmenistanyň Demokratik partiýasynyň etrap komitetiniň hem-de Türkmenistanyň Magtymguly adyndaky Ýaşlar guramasynyň etrap geňeşiniň bilelikde guramaklarynda etrabyň 2-nji çagalar bagynda wagyz-nesihat çäresi geçirildi. Harby we hukuk goraýjy edaralaryň wekilleriniň hem-de çagalar baglarynyň işgärleriniň gatnaşmaklarynda guralan çärede çykyş edenler ýol hereketiniň kadalaryny dogry berjaý etmek, esasan-da, sürüjileriň awtoulaglary ýokary tizlikde dolandyrmaklarynyň gadagandygy, el telefonynda gepleşilýän wagtynda ulaga erk etmeli däldigi hem-de awtoulagyň guratlygyny gözden geçirip durmalydygy barada giňişleýin söhbet etdiler.

16 Sentýabr 2024

Jemgyýet

Söwda toplumynda wagyz-nesihat çäresi geçirildi

Häzirki wagtda ýurdumyzda giň gerim bilen ýaýbaňlandyrylýan «Ýol hereketiniň howpsuzlygy — ömrümiziň rahatlygy» atly biraýlygyň çäklerinde 13-nji sentýabrda Türkmenistanyň Söwda we daşary ykdysady aragatnaşyklar ministrliginde meýilnama laýyklykda, zähmet düzgün-tertibi berkitmek, ýol hereketiniň howpsuzlygyny berjaý etmek maksady bilen, düşündiriş, öňüni alyş boýunça wagyz-nesihat çäresi geçirildi. Oňa ministrligiň garamagyndaky edara-kärhanalaryň direktorlarynyň orunbasarlary, işgärler bölüminiň, jemgyýetçilik guramalarynyň başlyklary, şeýle-de kärhanalaryň işgärleri gatnaşdylar. Türkmenistanyň Söwda we daşary ykdysady aragatnaşyklar ministrliginiň «Biznes reklama» gazetiniň baş redaktory S.Geldiýewiň alyp barmagynda geçirilen çärede Türkmenistanyň Kärdeşler arkalaşyklarynyň Milli merkeziniň Söwda we telekeçilik ugrunyň işgärleriniň Kärdeşler arkalaşyklarynyň Geňeşiniň başlygy M.Jumaýew, Türkmenistanyň Içeri işler ministrliginiň 4-nji müdirliginiň wekili, polisiýanyň podpolkownigi N.Halymow, Türkmenitanyň Içeri işler ministrliginiň Polisiýanyň Ýol gözegçiligi müdirliginiň 4-nji bölüminiň wekili, polisiýanyň maýory J.Pygyýew dagy degişli mowzuklar boýunça giňişleýin çykyş etdiler.

15 Sentýabr 2024

Jemgyýet

Söwda bilen baglanyşykly sözler

(Başlangyjy gazetiň geçen sanlarynda). LYBAS — egin-eşik, eginbaş, geýim.

15 Sentýabr 2024

Jemgyýet

ABU ALY IBN SINANYŇ ÖZ PERZENDINE BEREN NESIHATLARYNDAN

Sözlän mahalyň elleriňi hereketlendirme. ***

15 Sentýabr 2024

Jemgyýet

Hiç haçan ýeke dolandyrmaň,

şeýle-de zamanabap liderligiň beýleki düzgünleri Keýt Ferrassi, «Hiç haçan ýeke naharlanmaň» bestselleriniň awtory.

15 Sentýabr 2024

Jemgyýet

Mani ýa-da pul harplygy

Bodo ŞEFER (Başlangyjy gazetiň geçen sanlarynda).

15 Sentýabr 2024

Jemgyýet

Döredijilik bäsleşigi üstünlikli geçirildi

Berkarar döwletiň täze eýýamynyň Galkynyşy döwründe «Pähim-paýhas ummany Magtymguly Pyragy» ýylynyň her bir güni taryhy wakalara, ajaýyp zähmet üstünliklerine beslenýär. Mähriban halkymyz hormatly Prezidentimiziň parasatly baştutanlygynda ýurdumyzda giňden, uly ruhubelentlik bilen bellenilýän mukaddes Garaşsyzlygymyzyň şanly 33 ýyllyk toýuna barýar. Garaşsyz, baky Bitarap Türkmenistan döwletimizde şanly Garaşsyzlyk toýumyz mynasybetli geçirilýän dabaraly çäreler baky bagtyýarlyga beslenip, mähriban halkymyzyň her birinde ýatdan çykmajak ýakymly duýgulary galdyrýar. Toýlary toýlara, baýramlary baýramlara ulaşýan eziz Diýarymyzyň her bir güni bolsa ajaýyp pursatlardan doly. Ine, şeýle ajaýyp günlerde, has takygy, 12-nji sentýabrda Türkmenistanyň Bilim ministrliginiň, Türkmenistanyň Kärdeşler arkalaşyklarynyň Milli merkeziniň, «Mugallymlar gazeti» gazetiniň redaksiýasynyň mukaddes Garaşsyzlygymyzyň 33 ýyllygy mynasybetli yglan eden «Magtymgulynyň arzuwlan zamany geldi» atly döredijilik bäsleşiginiň jemi mynasybetli dabara geçirildi. Türkmenistanyň Jemgyýetçilik guramalarynyň binasynda geçirilen dabara ýurdumyzyň mugallymlary, bilim işgärleri işjeň gatnaşdylar. Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň tagallalary netijesinde «Pähim-paýhas ummany Magtymguly Pyragy» ýylynda akyldar şahyrymyzyň döredijiligi giňden wagyz edilýär, ýaş nesill

15 Sentýabr 2024

Jemgyýet

Yn­san­per­werlik kö­me­gi

«7/24.tm»:№38 (225) 16.09.2024 Gah­ry­man Ar­ka­da­gy­my­zyň hal­ky­my­zyň dost-do­gan­lyk, hoş­ni­ýet­li goň­şu­çy­lyk, yn­san­per­wer­lik ýa­ly asyl­ly ýö­rel­ge­le­ri­ne esas­lan­ýan döw­let sy­ýa­sa­ty hä­zir­ki wagt­da hor­mat­ly Pre­zi­den­ti­miz ta­ra­pyn­dan üs­tün­lik­li dur­mu­şa ge­çi­ril­ýär. Türk­men-ow­gan ser­he­din­de Ar­ka­da­gyň ak ýo­ly bi­len Ser­he­ta­bat — Hy­rat gaz ge­çi­ri­ji­si­niň, elekt­rik, ulag we ara­gat­na­şyk ul­gam­la­ry­nyň gur­lu­şy­gy­na ba­dal­ga be­ril­me­gi my­na­sy­bet­li, döw­let Baştu­ta­ny­my­zyň Buý­ru­gy­na la­ýyk­lyk­da, Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy­nyň ha­sa­by­na goň­şy Ow­ga­nys­ta­na yn­san­per­wer­lik kö­me­gi­niň ibe­ril­me­gi hem mu­nuň aý­dyň be­ýa­ny­dyr.

15 Sentýabr 2024

Jemgyýet

Ge­ňeş­li bi­çi­len don gys­ga bol­maz

«7/24.tm»:№38 (225) 16.09.2024 Pe­der­le­ri­mi­ziň döw­let­li­lik ýö­rel­ge­le­rin­den ugur al­nyp, il sy­lag­ly ýa­şu­lu­la­ryň, kü­müş saç­ly ene­le­ri­mi­ziň mil­li yk­dy­sa­dy­ýe­ti­mi­ziň öň­de­ba­ry­jy­la­ry­nyň, röw­şen gel­je­gi­miz bo­lan ýaş ne­sil­le­ri­mi­ziň gat­naş­mak­la­ryn­da ge­çi­ril­ýän Halk Mas­la­ha­ty hal­ky­my­zyň ag­zy­bir­li­gi­niň, je­bis­li­gi­niň, bi­rek-bi­re­ge hor­mat-sar­pa­sy­nyň ýo­ka­ry­dy­gy­nyň ny­şa­ny­dyr. Hal­ky­myz­da uly­ny sy­la­mak, ola­ra sa­la sal­mak döw­let­li­lik sa­ýyl­ýar. «Ge­ňeş­li biçilen don gys­ga bol­maz», «Ge­ňeş­li sa­la­mat bo­lar», «Ýe­di öl­çäp, bir kes» diý­len na­kyl­lar türk­men hal­ky­nyň her bir işi mas­la­hat­ly ed­ýän­di­gi­ni aň­lad­ýar. Bir sup­ra­nyň ba­şyn­da jem­le­nip, mas­la­hat et­mek, bi­rek-bi­re­ge sa­la sal­mak il-ýurt bäh­bit­li, döw­let äh­mi­ýet­li me­se­le­le­riň ag­zy­bir­lik bi­len çö­zül­me­gi­ne giň müm­kin­çi­lik­le­ri dö­red­ýär.

15 Sentýabr 2024

Jemgyýet

­«Ar­ka­dag­ly Ýaş­lar» žur­na­ly­nyň tä­ze sa­ny oky­jy­la­ra go­wuş­dy

«7/24.tm»:№38 (225) 16.09.2024 Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň ýa­nyn­da­ky «Arkadag­ly Ýaş­lar» žur­na­ly­nyň 20-nji sa­ny çap­dan çyk­dy. Elekt­ron ne­şi­riň ýu­bi­leý sa­ny onuň şu ýyl­da­ky se­ki­zin­ji sa­ny­na ga­bat gel­di.

15 Sentýabr 2024

Jemgyýet

Ýol­lar asu­da — il­ler abadan

«7/24.tm»:№38 (225) 16.09.2024 In­di bir­nä­çe ýyl bä­ri asyl­ly dä­be öw­rü­lip, do­wam edip gel­ýän «Ýol he­re­ke­ti­niň howp­suz­ly­gy — öm­rü­mi­ziň ra­hat­ly­gy» at­ly bi­raý­lyk çä­re «Pä­him-paý­has um­ma­ny Mag­tym­gu­ly Py­ra­gy» ýy­ly­myz­da hem ba­dal­ga ber­lip, giň ge­rim­de do­wam ed­ýär. Bu çä­rä­niň her ýyl­da ge­çi­ril­me­gi ýur­du­my­zyň äh­li kün­je­gin­de, Aş­ga­bat we Arkadag şä­he­rlerin­de, we­la­ýat­la­ry­myz­da, şä­her­le­ri­miz­de, kö­çe­ler­de, ýol­lar­da ýol he­re­ke­ti­ne gat­naş­ýan dür­li ky­sym­ly ulag­la­ryň sü­rü­ji­le­ri, py­ýa­da ýo­lag­çy­lar ta­ra­pyn­dan ýol-he­re­ket düz­gün­le­ri­niň do­ly de­re­je­de ber­jaý edil­me­gin­de uly äh­mi­ýe­te eýe bo­lup dur­ýar.

15 Sentýabr 2024

Jemgyýet

Küşt oý­nu­nyň ta­ry­hy­na ser sal­sak

«7/24.tm»:№38 (225) 16.09.2024 Küşt oý­ny öz göz­ba­şy­ny ta­ry­hyň jüm­mü­şin­den alyp gaýd­ýar, ýag­ny ta­ry­hy mag­lu­mat­la­ra gö­rä küşt oý­ny dür­li dö­wür­ler­de dür­li dil­ler­de dür­li at­lar bi­len at­lan­dy­ry­lyp­dyr, onuň oýun hök­mün­de ýü­ze çyk­ma­gy­na, tak­my­nan, 2000 ýyl tö­we­re­gi wagt ge­çen­dir diý­lip çak­la­nyl­ýar. Küşt oý­ny Hin­dis­tan­da dö­räp­dir diý­len çak­la­ma­lar öz göz­ba­şy­ny V-VI asyr­lar­da Hin­dis­tan­da küşt oý­nu­na ça­lym­daş oý­na­lan «ça­tu­ran­ga» oý­nun­dan alyp gaýd­ýar, şol dö­wür­ler­den bä­ri bu oý­nuň dür­li ýurt­lar­da we dür­li dö­wür­ler­de dür­lüçe at­lan­dy­ry­ly­şy bo­lup, bu­la­ryň äh­li­si hem soň­ra dün­ýä ýü­zün­de spor­tuň bir gör­nü­şi hök­mün­de oý­na­lyp baş­la­ýar. Ol adam­zat me­de­ni­ýe­ti­niň aý­ryl­maz bir bö­le­gi­ne öw­rül­di.

15 Sentýabr 2024

Jemgyýet

Ynam hyýallary hakykata öwürýar

«7/24.tm»:№38 (225) 16.09.2024 Hemme üstünlikleriň gözbaşy ynamdan başlanýar. Her bir herekediň, her bir işiň, bu işiň netijeliligine, bu işiň peýdalylygyna ynanan adam bu ýolda uly üstünliklere eýe bolýar. Muňa mysal, türgen sportdan baş alyp çykjagyna ynanmasady, türgenleşige başlamazdy. Eger, bu ynam bolmasady, biz sportda dünýä rekordlaryny görmezdik. Basketbol sportunyň ýyldyzy Maýkl Jordan egindeşleriniň arasynda özüniň bökmek we topy tora düşürmek ukyby bilen däl-de, ilki bilen, özüniň örän agyr türgenleşikleri bilen tanalardy, sebäbi onuň özüne bolan ynamy güýçlüdi. Bu ýolda üstünliklere ýetjegine aňryýany bilen ynanýardy we munuň üçin oňa uly hormat goýýardylar. Hatda ýyldyz basketbolçy hökmünde tanalmaga başlanandan soňam, bu beýik basketbolçy agyr türgenleşiklerini birjigem goýan däldir. Çünki ara sähelçe müňkürligiň ýa-da sähelçe kynçylygyň düşmegine ýol bermeýärdi. Sebäbi ynam her kimde deň bolmaýar, adamlar sähelçe kynçylygyň netijesinde ynamlaryny ýitirmek bilen bolýarlar, dessine ruhdan düşüp, niýetlerinden we maksatlaryndan el çekýärler. Ynamly adamy beýlekilerden tapawutlandyrýan ilkinji zat bolsa, olaryň ynamlarynyň ägirt uly, hatda çäksiz bolmagydyr.

15 Sentýabr 2024

Jemgyýet

Nädip üstünlik gazanmaly?

«7/24.tm»:№38 (225) 16.09.2024 «Adam ar­zuw­syz bol­maz, guş ga­nat­syz» diý­li­şi ýa­ly, adam dün­ýä inen­de ar­zuw­la­ry bi­len dün­ýä in­ýär diý­sek ha­ky­kat­dan daş düş­me­ris. Di­ňe ça­ga­lar däl, eý­sem uly ýaş­ly­lar hem öň­de go­ýan mak­sat­la­ry­na ýet­mek üçin ar­zuw ed­ýär­ler. Üs­tün­lik ga­zan­mak bol­sa ada­myň ar­zuw­dyr-is­leg­le­ri­niň ädim-ädim ama­la aşyp bar­ýan­dy­gy­nyň aý­dyň gör­ke­zi­ji­si­dir.

15 Sentýabr 2024

Jemgyýet