Türkmenmetbugat

"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Ýaşlar – döwletimiziň güýç-kuwwaty

Berkarar döwletiň bagtyýarlyk döwründe eziz Watanymyzyň geljegi bolan ýaşlaryň döwrümiziň barha ösýän talaplaryna laýyk bilim almagyny, dürli hünärleri öwrenmegini, ylym we döredijilik bilen meşgullanmagyny, merdana ata-babalarymyzyň watansöýüjilik ruhunda, ynsanperwerlige ýugrulan durmuş ýörelgeleriniň esasynda terbiýelenmegini gazanmak, şeýlelikde ruhy, ahlak we beden taýdan kämil ýaşlary kemala getirmek hormatly Prezidentimiziň baştutanlygynda ýurdumyzda amala aşyrylýan ähli özgertmeleriň esasyny düzýär. Sanly wideoaragatnaşyk arkaly geçirilen Ministrler Kabinetiniň şu ýyldaky ilkinji mejlisinde hormatly Prezidentimiz tarapyndan Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasynyň hem-de şol maksatnamany amala aşyrmak boýunça ýerine ýetirilmeli çäreleriň Meýilnamasynyň tassyklanylmagy Garaşsyz Diýarymyzda ýaşlar baradaky aladanyň döwlet syýasatynyň ileri tutulýan ugurlarynyň birine öwrülendigini aýdyň görkezýär.

13 Ýanwar 2021

On alty ýuwlukly ata

Iş telefonymyzyň batly jyňňyrdysy göýä, bir şatlykly wakany habar bermäge gyssanýan ýalydy. Aňyrdan eşidilen dogumly we şadyýan ses onuň şaýady boldy oturyberdi. Sözüni salamdan başlan ýaş ýigit türkmeniň gadymy edep-kadalaryna ygrarlydygyny subut etmek isleýän ýaly bolup, özüne gezek ýeterine garaşdy. «Aýdyberiň, näme hyzmat bolsa, sizi «Nesil» gazeti diňleýär» diýlenden soň, pikirlerini aýyl-saýyl beýan etmäge durdy. «Men S.A.Nyýazow adyndaky Türkmen oba hojalyk uniwersitetiniň 2-nji ýyl talyby Ýakup Aýdogdyýew» diýip, ol özüni tanyşdyrdy. Bir sägindi-de, ýigit sözüni dowam etdirdi: «Gazetiňizde çap edilen «Ýüz çowlukly ene» atly makalany okap, juda begendim. Sebäbi biziň öýümizde-de şeýle uzak ýaşly, giň döwletli ynsanlaryň biri ýaşaýar. 103 ýaşly garry atam Aýdogdy Amadyýewiň 38 agtygy, 88 çowlugy, 16 ýuwlugy bar. Atam bagtyýar zamanamyzyň şu eşretli günlerinde gowulyk görmegi arzuw edýär» diýdi. Il-gün bir gowy zat, ýagşyny ýaýyp, ýagşylygy ýüzüňe sylmak neneň ajaýyp?! ― diýdik-de, «Niredesiň Marynyň Peşanaly geňeşligi?!» diýip işe girişdik. Şu pursatda hormatly Prezidentimiziň bimöçber uly aladalary bilen ýurdumyzy ähli ulgamlar boýunça sanlylaşdyrmagyň ähmiýetine ýene-de bir gezek göz ýetirdik. Görsene muny, salym geçmänkä bir asyry arka atan Aýdogdy aganyň nebereleri bilen düşen suratlary-da, külterlän ömür menzilleri baradaky maglumatlar-da, 1941 ― 1945-nji ýyllaryň

13 Ýanwar 2021

Aýdyň geljegiň nury

Türkmenistanyň at gazanan arhitektory hormatly Prezidentimiz Gurbanguly Berdimuhamedowyň egsilmez yhlasy, öňdengörüjiligi hem-de çuň paýhasy bilen gözel paýtagtymyz gysga wagtyň içinde dünýäniň iň gözel şäherleriniň birine öwrüldi. Merkezi Aziýanyň merjeni hökmünde tanalýan baş şäherimiziň gözel künjekleri, seýilgähleridir ak mermere beslenen binalary, medeni-durmuş maksatly desgalary täsinligi, ajaýyp binagärligi bilen haýrana goýýar. Merjen şäherimiz Aşgabadyň özboluşly binagärliginiň, dünýä ülňülerine kybap gelýän giň we ýagty köçeleriniň, bagy-bossana beslenen seýilgähleriniň, täsin suw çüwdürimleriniň we jemgyýetçilik-medeni zolaklarynyň gysga döwrüň içinde kemala getirilmeginiň özeninde hormatly Arkadagymyzyň yhlasynyň, Watana bolan belent söýgüsiniň durandygy hemmämize mälimdir. Gözel paýtagtymyzyň ajaýyp keşbini synlamak, onuň gaýtalanmajak binagärlik aýratynlygy bilen tanyşmak maksady bilen ýurdumyza gelýän jahankeşdeleriň, daşary ýurtly myhmanlaryň sany ýyl-ýyldan artýar. Hormatly Prezidentimiziň asylly başlangyçlary bilen paýtagtymyzyň durky düýpgöter özgerip, sanlyja ýylyň içinde dünýäniň iň gözel şäherleriniň arasynda mynasyp orun eýeledi. Galyberse-de, gözelligiň taýsyz nusgasy bolan paýtagtymyz Ginnesiň Bütindünýä rekordlar kitabynda hem mynasyp orun aldy. 2013-nji ýylyň 25-nji maýynda Aşgabat ak mermer bilen örtülen binalaryň jemlenen şäheri hökmünde Ginnesiň Bü

13 Ýanwar 2021

Muny bilmek gyzykly

■ Çaganyň ilkinji görýän reňki gyzyldyr. ■ Ak reňk päkligi we arassalygy aňladýar. Şeýle hem, ak reňk yzygiderliligi we durnuklylygy aňladýar. Köplenç ak reňkli eşigiň geýilmegi hem şular bilen baglydyr.

13 Ýanwar 2021

Wagyz - nesihat çäreleri

Şanly ýylyň wezipeleri Täze — “Türkmenistan — parahatçylygyň we ynanyşmagyň Watany” diýlip yglan edilen ýyla gadam basan il-günümiz hormatly Prezidentimiziň ýolbaşçylygynda döredijilikli zähmet çekýär, gurýar we döredýär. Geçen — Türkmenistan — Bitaraplygyň mekany ýylynda gazanylan üstünlikleri, ýetilen belent sepgitleri berkitmäge gönükdirilen joşgunly zähmet täze ýylyň ilkinji günlerinden rowaç alýar. Ýaňy başlanan ýylda bolsa türkmen halkynyň öňünde möhüm wezipeler durup, olar Garaşsyz döwletimizi durmuş-ykdysady taýdan mundan beýläk-de ösdürmegiň wezipeleridir.

13 Ýanwar 2021

Döredijilik bäsleşigi

Garaşsyz, baky Bitarap Türkmenistan döwletimiz hormatly Prezidentimiziň alyp barýan parasatly we öňden görüjilikli ykdysady, medeni, durmuş syýasaty netijesinde ösüşleriň täze belentliklerine tarap bedew bady bilen ynamly öňe barýar. Ýurdumyzyň dünýä derejesindäki halkara at-abraýy barha ýokary göterilýär. Häzirki döwürde Türkmenistan dünýä jemgyýetçiligi tarapyndan giň gerimli durmuş-ykdysady özgertmeleriň amala aşyrylýan ýurdy hökmünde ykrar edildi. Gahryman Arkadagymyzyň halkymyzyň eşretli ýaşaýşy, parahat durmuşy, ýaş nesilleriň nurana geljegi ugrunda alyp barýan çäksiz uly tutumly işleriniň netijesinde ýurdumyz ähli ugurlar boýunça guwandyryjy ösüşlere eýe bolup, beýik üstünliklere ýetilýär.

13 Ýanwar 2021

«Demokratiýa we hukuk» žurnalynyň nobatdaky sany

Türkmenistanyň Döwlet, hukuk we demokratiýa instituty tarapyndan çärýekde bir gezek neşir edilýän ylmy-amaly žurnalyň nobatdaky sany çapdan çykdy. Onda ýerleşdirilen makalalar 2020-nji ýylyň şanly wakasyna — Türkmenistanyň Bitaraplygynyň 25 ýyllygyna bagyşlandy. Žurnal hormatly Prezidentimiz Gurbanguly Berdimuhamedowyň 12-nji dekabrda — Halkara Bitaraplyk gününiň hem-de şanly senäniň baýram edilmeginiň çäklerinde geçirilen «Bitaraplyk syýasaty we onuň halkara parahatçylygy, howpsuzlygy we durnukly ösüşi üpjün etmekdäki ähmiýeti» atly halkara maslahatda eden çykyşy bilen açylýar.

13 Ýanwar 2021

Şanly ýylyň hormatyna

Bilşimiz ýaly, hormatly Prezidentimiz geçen ýylyň 16-njy dekabrynda sanly wideoaragatnaşyk arkaly Türkmenistanyň Mejlisiniň Başlygynyň, Ministrler Kabinetiniň Başlygynyň käbir orunbasarlarynyň we ýurdumyzyň jemgyýetçilik-syýasy guramalarynyň ýolbaşçylarynyň gatnaşmagynda geçiren iş maslahatynyň dowamynda 2021-nji — “Türkmenistan — parahatçylygyň we ynanyşmagyň Watany” ýylynda ýurdumyzda giňden belleniljek mukaddes Garaşsyzlygymyzyň 30 ýyllyk baýramyny mynasyp garşylamak üçin zerur işleri geçirmegiň, Garaşsyzlygymyzyň ähmiýetini, many-mazmunyny ilat arasynda giňden düşündirmegiň möhümdigini nygtady. Paýtagtymyzdaky Jemgyýetçilik guramalarynyň merkezi edarasynda Türkmenistanyň Medeniýet, sport, syýahatçylyk we jemgyýetçilik guramalarynyň işgärleriniň kärdeşler arkalaşygynyň Geňeşiniň guramagynda geçirilen «Gurşap alýar bu gün uly dünýäni parahatlyk, ynanyşmak taglymy» atly dabara hem şu möhüm wezipelerden ugur alnyp guraldy. Dabarada şu ýylyň «Türkmenistan — parahatçylygyň we ynanyşmagyň Watany» ýyly diýlip yglan edilmegi bilen bagly ýerine ýetirilmeli işler, mukaddes Garaşsyzlygymyzyň toýuna şu günlerden ýokary derejede taýýarlyk görmek, şanly senäni zähmet üstünlikleri bilen mynasyp garşylamak barada gürrüň edildi.

13 Ýanwar 2021

Üçemler — geljekki goç ogullar

SURATDA: Ejegyz Çaryýewa üçem ogullary bilen.Surata düşüren Azym ŞEKEROW. Perzent — bu ynsanyň bagt guşy. Ol enaýyja guş enäniň ellerine gonanda ene ýüreginde üýtgeşik bir dünýä emele gelýär. Çünki ol kiçijik göwnüne ýanýoldaşyna bolan söýgini, gaýyn öýüne bolan sylagy, mährem çagalaryna bolan mähiri ýerleşdirmeli bolýar. Şol sebäpden-de ene hemme zatdan mukaddes saýylýar.

12 Ýanwar 2021

Ýylyň şygary — täze üstünlikleriň badalgasy

ÖŇŇIN Gökdepe etrabynyň Yzgant şäherçesiniň Mälikguly Berdimuhamedow adyndaky Medeniýet köşgünde «Türkmenistan — parahatçylygyň we ynanyşmagyň Watany» ady bilen şu ýylyň çärelerine badalga bermek mynasybetli dabara geçirildi. Dabarany welaýat häkimligi hem-de welaýatyň jemgyýetçilik guramalary bilelikde gurady. Oňa welaýatyň, etrapdyr şäher häkimlikleriniň, edara-kärhanalarynyň, şeýle-de jemgyýetçilik guramalarynyň wekilleri gatnaşdy. Dabarany Ahal welaýatynyň häkiminiň orunbasary Jennet Geldymamedowa açyp, ýygnananlary Arkadagly döwrümiziň Täze ýylynyň «Türkmenistan — parahatçylygyň we ynanyşmagyň Watany» diýlip yglan edilmegi mynasybetli gutlap, 2021-nji ýylyň ata Watanymyz, bagtyýar halkymyz üçin rowaçly ýyllaryň biri bolmagyny arzuw etdi hem-de ýylyň şygary mynasybetli geçirilýän dabaranyň ähmiýetini belledi. Onuň nygtaýşy ýaly, ýurdumyzda her ýyly özboluşly şygar astynda garşy almak, ýyla at dakmak asylly däbe öwrüldi.

12 Ýanwar 2021

Dabara gatnaşyjylaryň ýürek buýsanjy

Baýramsoltan MYRADOWA, Türkmenistanyň Kärdeşler arkalaşyklarynyň Ahal welaýat birleşmesiniň başlygy, Mejlisiň deputaty:

12 Ýanwar 2021

Döwrüň çyragy — ýylyň şygary

Düýn Türkmenistanyň Döwlet medeniýet merkeziniň Mukamlar köşgünde täze, 2021-nji ýylyň «Türkmenistan — parahatçylygyň we ynanyşmagyň Watany» ýyly diýlip yglan edilmegi mynasybetli dabaraly maslahat geçirildi. Bu dabara ýurdumyzyň medeniýet ulgamynyň wekilleri gatnaşdylar. Biz dabarada bolup, onda çykyş eden medeniýet we sungat işgärleriniň birnäçesiniň buýsançly sözlerini ýazga geçirdik. Pygy BAÝRAMDURDYÝEW,Türkmenistanyň Döwlet sirkiniň baş režissýory,Türkmenistanyň at gazanan medeniýet işgäri:

12 Ýanwar 2021

Bagtyýar çagalaryň köňül kelamy

Çagalar edil ýaş nahallar ýaly. Olaryň ösmegi, Zemin çuňluklaryna kök urup, belent daragtlar ýaly saýa salmagy, miwe getirmegi üçin hormatly Prezidentimiziň tagallasy bilen ýurdumyzda ägirt uly işler durmuşa geçirilýär. Berkarar döwletiň bagtyýarlyk döwründe ösüp, kemala gelýän ýaş zehinleri — Türkmenistanyň Magtymguly adyndaky Ýaşlar guramasynyň Merkezi geňeşiniň Gulbaba adyndaky çagalar baýragyna mynasyp bolan bagtyýar çagalary synlanyňda muňa aýdyň göz ýetirýärsiň. Geliň, kalplary Watana bolan söýgüden, garamyk gözleri bagtyýarlyk döwrümize bolan buýsançly duýgulardan doly şadyýan çagalaryň ýürek kelamlaryna diň salalyň! Pälwan MELÄÝEW,Daşoguz şäherindäki 11-nji orta mekdebiň 7-nji synp okuwçysy:

12 Ýanwar 2021

Redaksiýanyň poçtasyndan

Ýüreklerde orun tapan eserler Mähriban Arkadagymyzyň kämil paýhasynyň önümi bolan nusgalyk kitaplary mertligiň, merdanalygyň, ata-babalarymyzyň milli ýol-ýörelgeleriniň, Watana bolan päk söýginiň we ylym-bilimiň beýany bolup giň okyjylar köpçüliginiň söýlüp okalýan eserlerine öwrüldi. Bu nusgalyk kitaplar Köneürgenç etrabynyň çagalar sungat mekdebiniň mugallymlarynyň hem döredijilikli zähmet çekmeklerinde möhüm gollanma bolup durýar. Hormatly Arkadagymyzyň gymmatly eserleriniň çuňňur many-mazmuny barada çagalar sungat mekdebiniň kitaphanasynda hem mekdebimiziň mugallymlary we okuwçylary bilen täsirli gürrüňdeşlik geçirilýär. Şeýle gymmatly eserleriň ýaş nesillerimizi terbiýelemekde ata-babalarynyň ýol-ýörelgeleriniň ösdürilmegine oňyn täsir etjekdigi biziň buýsançly başlarymyzy has-da belende göterýär. Gahryman we mähriban Prezidentimiziň pähim-paýhasyndan kemal tapan «Türkmenistanyň dermanlyk ösümlikleri» atly ylmy-ensiklopedik kitaplarynyň lukmançylykda we derman senagatynyň çygrynyň has-da giňelmegine uly badalga berjekdigi ikuçsuzdyr. Biziň bu dabaraly çärelerimize gatnaşýan saglygy goraýyş ulgamynyň işgärleri hem dermanlyk ösümliklerden taýýarlanylýan melhemleriň ynsan saglygyna täsirli şypasy, ýurdumyzyň we jemgyýetiň iň gymmatly baýlygy hasaplanylýan ynsan saglygyny goramak boýunça döwletimizde giň möçberli işleriň alnyp barylýandygy barada buýsançly çykyş

12 Ýanwar 2021

Edebinde gyzyl güle deňelen

«Gyz edebi — il edebi», «Gyzly öý — gyzylly öý», «Gyzy baryň — näzi bar», «Gyz edebi — gyzyl gül» ýaly nakyllary döreden halkymyz gyz çaganyň terbiýesine aýratyn üns beripdir. Geljekde kişi maşgalasy bolan gyzlary heniz aga-gara düşünip ugranyndan eline iňňe-sapak berip, el işlerine gözükdiripdir. Ene-mamalarymyzyň gyzlarynyň eliniň çeper bolmagyndaky aladalary ýerine-de düşüpdir. Çünki her bir ýaş gyz ertirki gün bir öý-ojagyň keşigini öz egnine almaly enedir. Olar ojak eýesi diýlip arzylanýar. Haçan-da howlynyň, öýüň içi-daşy gül pürkülen ýaly tämiz bolsa, ojakdan dürli tagamlaryň jana ýakymly hoşboý ysy gelip duran bolsa, onda şol öýdäki öý bikesiniň ozal edep-terbiýe, görüm-görelde gören gyzdygyndan habar berýär. Halkymyzyň gyz perzendiniň edep-ekramyna, el işlerine bolan garaýşy halk döredijiliginde hem öz beýanyny tapýar. Munuň özi gyz maşgalanyň asylly we çeper elli bolmalydygy hakyndaky pikiri öňe sürýär. Edebinde gyzyl güle deňelýän gyzlar hakynda döredilen nakyllar pederlerimiziň durmuş tejribesinden gözbaş alan pikirlerdir. Şonuň üçin olaryň hemmesi hem, aýdylyşy ýaly, gyzylyň gyryndysy ýaly aýalyp saklanylýar. Olar diňe bir nakyllarda däl-de, rowaýatlarda, gürrüňlerde hem ilden-ile, dilden-dile geçirilip gelinýär. Ine, gyza el işlerini öwretmekde «Edip beren ýeňňemden edep beren ýeňňem ýagşy» diýlen aýtgyny ýatlalyň. Bir gelniň iki sany baldyzy bolup, olaryň biri el

12 Ýanwar 2021

Milli ruhda terbiýelemek ugrunda

Ene-mamalarymyz elmydama gelin-gyzlaryň edep-terbiýesine, görüm-göreldesine uly üns beripdirler. Haly dokamak, keşde çekmek, köýnek tikmek, alaja örmek, gaýma gaýamak ýaly el işleri bilen gyz maşgalany terbiýeläpdirler. Şeýle ýol-ýörelge bedew bady bilen okgunly öňe barýan ýurdumyzda üstünlikli dowam etdirilýär. Orta mekdepde esasy bilim berýän dersimiň daşyndan 22 ýyl bäri «Näzik» gyzlar guramasyna ýolbaşçylyk edýärin. Berkarar döwletimiziň bagtyýarlyk döwründe zehinli, ukyply, zähmetsöýer, eli işli gyzlaryň arasynda geçirilýän bäsleşiklere mekdebimiziň bu guramasynyň göreldeli gyzlary gatnaşyp gelýärler. Şäher, welaýat, döwlet derejesinde geçirilen «Güller gözelligi sizden öwrener», «Zeminiň lälesi, asmanyň Aýy», «Nowbahar», «Galkynyşly Watanyň biz bagtyýar gyzlary», «Örüm-örüm saçlaryň owsunjy mara ogşar», «Mekdep ýyllarym — ýaşlygymyň bahary» atly bäsleşiklere eli hünärli, başarjaň gyzlarymyzyň gatnaşyp, baýrakly orunlara, Hormat hatlaryna mynasyp bolmaklary zähmetimiziň ýerine düşýänliginiň subutnamasydyr. Ajaýyp zamanada gyzlar bilen işlemek, ýurdumyzyň ösüşine mynasyp goşant goşmak uly bagt. Biz — mugallymlara şeýle eşretli zamanany peşgeş beren eziz Arkadagymyza alkyş aýdýarys.

12 Ýanwar 2021

Giň dünýäniň geň habarlary

Uly haýwanat dünýäsiniň kindiwanja wekili Falabella dünýädäki iň kiçijik atlaryň bir görnüşidir. Bu atlar kiçijik göwresine garamazdan, beýleki münüş atlaryna mahsus beden gurluşyna eýedir. Şu aýratynlyk hem olary ponilerden tapawutlandyrýan taraplaryň biri. Falabellalaryň boýy 45-70 sm, agramy 20-60 kg deňdir. Bu nakysja atlaryň aýaklary inçe, kelleleri uly, beýleki atlara garanyňda 2 gapyrgasy kem bolýar.

11 Ýanwar 2021

Paýhaslar sandygyndan

■ Tejribeden döremedik bilimler netijesiz we ýalňyşlyklardan doludyr. ■ Paýhasyň çeşmesi tejribedir.

11 Ýanwar 2021

Watan waspy dillerde

Golaýda Türkmenistanyň Oguz han adyndaky Inžener-tehnologiýalar uniwersitetinde bu ýokary okuw mekdebiniň Magtymguly adyndaky ilkinji Ýaşlar guramasynyň, Bagtyýarlyk etrap häkimliginiň, TDP-niň Bagtyýarlyk etrap komitetiniň, Magtymguly adyndaky Ýaşlar guramasynyň Bagtyýarlyk etrap Geňeşiniň bilelikde guramagynda 2021-nji ýylyň «Türkmenistan — parahatçylygyň we ynanyşmagyň Watany» ýyly diýip atlandyrylmagy mynasybetli aýdym-sazly dabara geçirildi. Dabarada çykyş edenler Birleşen Milletler Guramasynyň Baş Assambleýasynyň 73-nji mejlisinde 2021-nji ýyl — «Halkara parahatçylyk we ynanyşmak ýyly» baradaky Kararnamanyň kabul edilmeginiň hemişelik Bitarap Türkmenistanyň abraýyny has-da artdyrýan taryhy waka öwrülendigini uly buýsanç bilen belläp geçdiler. Çykyş edenler milli Liderimiziň bütin dünýäde parahatçylyk medeniýetini we ynanyşmagy dikeltmek ugrundaky tagallalarynyň bu günki gün Ýer ýüzünde dabaralanýandygyny, rowaçlyklara beslenýändigini buýsanç bilen bellediler. Şeýle hem, olar Garaşsyzlygymyzyň 30 ýyllyk ýubileý dabaralaryny mynasyp zähmet sowgatlary bilen garşylajakdyklaryna ünsi çekip, Türkmenistanyň Mejlisiniň 2021-nji ýyly «Türkmenistan — parahatçylygyň we ynanyşmagyň Watany» diýip yglan etmek baradaky Kararynyň ähli türkmenistanlyny begendiren şatlykly waka öwrülendigini aýratyn bellediler.

11 Ýanwar 2021

Gül-gülüstan Aşgabat

Gyş paslynda ümür-dumanly bulutlardan gar tozgalarynyň ýagyp durmagyny aklyga, päklige deňeýän ildeşlerimiz «Ak zat alnyňa ýagşy» diýip umyt-arzuwlar bilen ýüzlerine sylýarlar. Şu günler öz işiniň ussady bolan gül we bag ösdürip ýetişdirýän bagbanlaryň halal zähmetiniň miwesi bolan gyş gülleri has-da terlenip, paýtagtymyza täsin öwüşgin çaýýar. Daş-töweregimiziň bagy-bossanlyga bürenmegi diňe bir ajaýyp gözellikleri döretmek bilen çäklenmän, her bir ynsanyň arassa howadan dem almagy üçin hem örän peýdaly. Gyş paslynyň ilkinji günlerinde döreýän tebigy gözellikler ynsana uly güýç berýär, ony täze ýeňişlere, üstünliklere ruhlandyrýar. Täze gurlup ulanylmaga berlen täsin öwüşginli desgalary bilen mähriban paýtagtymyz has-da gözel görke eýe boldy. Dünýä ülňülerine gabat gelýän, biri-birinden owadan, iki gyrasy hoştap ysly ter güllerdir şabram şelpeli baglar bilen jäheklenen köçeleri, şaýollary, seýilgähleri, läle-reýhana beslenýän ýurdumyzyň baş şäheriniň gyş gözelligini görmäge göz gerek. Milli Liderimiziň durmuşa geçirýän şähergurluşyk maksatnamalarynyň çäklerinde ýurdumyzyň baş şäherini ösdürmegiň 16-njy tapgyrynyň çäklerinde gurlan ýaşaýyş jaýlarynyň, durmuş-medeni maksatly iri desgalar toplumynyň, şol sanda Türkmenistanyň Içeri işler ministrliginiň Mälikguly Berdimuhamedow adyndaky ýaşaýyş jaý toplumynyň ulanylmaga berilmegi ýatdan çykmajak şanly pursatlara öwrüldi. Ýaşamak ü

11 Ýanwar 2021

‹
1
2
...
1296
1297
1298
1299
1300
1301
1302
1303
1304
›