Türkmenmetbugat

"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Howpsuzlyk düzgünleri berjaý edilmelidir

Ýaşaýyş jaýlarynda ulanylýan elektrik geçiriji simler ähli talaplara gabat gelmelidir, ýagny olaryň ýogynlygy, daşky örtügi, gurnalyş hem-de ýüze çykýan adatdan daşary ýagdaýlardan goraýjylary talaba laýyk edilip gurnalmalydyr. Simler bildirilýän talapdan inçe bolsa ýa-da şol simlere bir wagtyň özünde birnäçe elektrik enjamlary çatylsa, şeýle ýagdaý elektrik geçiriji simleriň geçirijilik ukybyndan has artykmaç togy geçirmegine getirýär we olaryň çakdanaşa gyzmagyna, daşky örtüginiň gurap ýanmagyna ýa-da gurap, jaýryk atyp, öz goraýjylyk ukybyny ýitirmegine getirýär. Bu bolsa gysga utgaşmanyň ýüze çykyp, ýangyn döremegine sebäp bolup bilýär. Elektrik geçiriji simleriň daşky örtügi wagtyň geçmegi bilen gurap gataýar we öz goraýjylyk ukybyny ýitirýär. Şonuň üçin olaryň daşky örtügini barlap durmalydyr we bardy- -geldi, simleriň açyk ýeri ýüze çykarylsa, derrew örtgi bilen berk saramalydyr.

16 Ýanwar 2021

Taryhy günde täze bina

Hormatly Prezidentimiziň gündogar sebitde iş saparynda bolýan günlerinde Türkmenabat şäherinde Ýangyna garşy göreş gullugynyň täze edara binasy hem açylyp, ulanmaga berildi. Bu Lebap welaýatyndaky taryhy wakalaryň döwresinde ýene bir açylyş toýuna öwrüldi. Şäheriň Alty Garlyýew adyndaky köçesiniň ugrunda ýerleşýän täze bina mundan beýläk welaýat Polisiýa müdirliginiň Ýangyna garşy göreş gullugynyň esasy dolandyryş merkezleriniň biri bolar. Munuň üçin onda ähli şertleriň döredilendigini aýratyn nygtamak gerek.

16 Ýanwar 2021

Ýüzugra edilen bellikler (Pikir ýöretme)

GABADYMDAN GÖRÜNMÄN GEÇEN GÜN Kakamyň oturýan otagynyň penjiresi pesdedi — ýerden, bolaýsa, 2-3 garyş ýokardady. Indi ýadyma düşüşine görä, ol sähel başyny galdyrsa, ýassygyny tirsekläp ýatan ýerinden hem daşarda nämeleriň bolup geçýänini görüp bilýän bolmaly. Çagalyk-da, gowur turuzman, bezzatlyk etmän bolýarmy? Penjiräniň öňünden eýläk-beýläk ötmekçi bolanymyzda, bukdaklabrak geçýärdik. Habarymyz ýok, omadaklap barsaň, has-da göze ilginç bolýanlygyndan. Beýtmegimize-de sebäp bolan zat, kakam bir gezek: «Köşek patanaklan ýaly, düňk-düňküňiz ýatmady-la...» diýip käýinipdi...

15 Ýanwar 2021

Berkararlyk nurundan ylham alýar, Aşgabat

Gahryman Arkadagymyzyň taýsyz tagallalarynyň netijesinde bu günki gün eziz Diýarymyzda we gözel paýtagtymyzda halk bähbitli, ýurt ähmiýetli işler üstünlikli durmuşa geçirilýär. Hormatly Prezidentimiziň parasatly baştutanlygynda paýtagtymyzda dürli maksatly ajaýyp binalaryň, ýaşaýyş jaý toplumlarynyň sany yzygiderli artýar. Bu binalar şäher gözelligine gözellik goşmak bilen, ençeme maşgalalary täze jaýlara eýe edýär. Garaşsyz, baky Bitarap Diýarymyzda giňden bellenilýän şanly baýramçylyklar mynasybetli dürli binalary, ýaşaýyş jaý toplumlaryny açyp ulanmaga bermek asylly däbe öwrüldi. Hemişelik Bitaraplygymyzyň şanly 25 ýyllyk baýramçylygy mynasybetli geçirilen ençeme binalaryň açylyş dabaralary halkymyzyň göwün guşuny ganatlandyrdy. Muňa mysal edip hormatly Prezidentimiziň gatnaşmagynda ýurdumyzyň baş şäherini ösdürmegiň 16-njy tapgyrynyň çäklerinde gurlan medeni-durmuş maksatly iri desgalar toplumynyň, ýagny, 12 gatly, 48 öýli ýaşaýyş jaýlarynyň 6-synyň hem-de 72 öýli ýaşaýyş jaýlarynyň 10-usynyň açylyp ulanylmaga berilmegi aýratyn bellärliklidir. Bu ýerde «Türkmen alabaýy» binasynyň, «Gül zemin» söwda-dynç alyş merkeziniň, çagalar oýun meýdançalarynyň gurulmagy daş-töwereginiň ajaýyp güller, agaçlar bilen bezelmegi bu künjegiň gözelligini has-da artdyrdy. Paýtagtymyzyň demirgazyk böleginde Çoganly şäherçesinde bina edilen Türkmenistanyň Içeri işler ministrliginiň Mälikguly Ber

15 Ýanwar 2021

Ykbalyň bagt ýyldyzy hemmelere miýesser etsin

Hamal (guzy 21.03-20.04) Geljek hepdede hamallar geleňsizlik diýlen zady ýatlaryndan çykarmaly bolarlar. Öz üstünlikleriňizi sypdyrmaň, işleriňizi başarnygyňyza görä ýerine ýetiriň. Iş ýerlerinde olar özlerini salyhatly alyp bararlar. Şahsy durmuşlarynda hyjuwdan ýaňa özlerine ýer tapmazlar. Hepdäniň ikinji ýarymynda hünär, iş orunlarynda hamallar täze başlangyçlary öňe sürüp, işlerini güýçli depginlerde alyp bararlar.

15 Ýanwar 2021

Taryhy wakanyň ýaňy

Beýik Garaşsyzlygymyzyň 30 ýyllygynyň uly toýy toýlanyljak täze — Türkmenistan — parahatçylygyň we ynanyşmagyň Watany ýylynyň ilkinji günleri taryhy wakalara beslenýär. Hormatly Prezidentimiz sanly wideoaragatnaşyk arkaly geçirilen dabarada täze desganyň — Serhetabat — Turgundy optiki-süýümli aragatnaşyk ulgamynyň açylyşyna ak pata berdi. Dünýäniň öňdebaryjy tehnologiýalary bilen enjamlaşdyrylan bu ulgam sebitde aragatnaşyk ulgamynyň hil taýdan kämil derejelere çykarylyşyna giň mümkinçilikleri açar. Şu dabaraly waka mynasybetli welaýat häkimliginde hoşallyk maslahaty geçirildi. Maslahata welaýat häkimliginiň ýolbaşçylary, jogapkär işgärleri, Türkmenistanyň Mejlisiniň deputatlary, edara-kärhanalaryň we jemgyýetçilik-syýasy guramalaryň başlyklary, saglygy goraýyş we beýleki ulgamlaryň wekilleri gatnaşdylar. Maslahatda welaýat häkimi Döwranberdi Annaberdiýew giňişleýin çykyş edip, döwlet Baştutanymyzyň parasatly ýolbaşçylygynda durmuşa geçirilýän giň möçberli işler barada durup geçdi. Ýap-ýaňy tamamlanan dabaraly çärede milli Liderimiziň Serhetabat — Turgundy halkara optiki-süýümli aragatnaşyk ulgamynyň ulanylmaga berilmegine ak pata berendigi üçin hoşallyk sözlerini aýtdy. Ýurdumyzda sanly ykdysadyýetiň ösdürilmeginde, innowasiýalaryň, kämil tehnologiýalaryň, maglumat-aragatnaşyk tehnologiýalarynyň giňden ornaşdyrylmagynda alnyp barylýan işler barada gürrüň berdi.

15 Ýanwar 2021

Milli kanunçylygymyzyň ösüşiniň şanly sahypalary

(Dowamy. Başlangyjy gazetimiziň geçen sanynda). 2020-nji ýylyň 11-nji fewralynda hormatly Prezidentimiziň Türkmenistanyň Mejlisiniň altynjy çagyrylyşynyň deputatlary bilen taryhy duşuşygy boldy. Onda hormatly Prezidentimiz ýurdumyzyň hukuk ulgamyny kämilleşdirmek we milli kanunçylygymyzy döwrebaplaşdyrmak maksady bilen, Türkmenistanyň Mejlisiniň deputatlaryna birnäçe teklipleri we tabşyryklary berdi. Olaryň hatarynda «Türkmenistanyň Halk Maslahaty hakyndaky» Türkmenistanyň Kanunyny, şeýle hem «Türkmenistanyň Mejlisi hakyndaky» Türkmenistanyň Kanunyny kämilleşdirmek, «Döwlet häkimiýetiniň ýerli wekilçilikli edaralary hakyndaky» Türkmenistanyň Kanunyna hem-de Türkmenistanyň Saýlaw kodeksine degişli üýtgetmeleri we goşmaçalary girizmegi tabşyrdy. Hormatly Prezidentimiz ýurdumyzda kabul edilmeli we rejelenen görnüşlerini işläp düzmek boýunça kodeksleriň üstünde durup geçmek bilen, Administratiw iş ýörediş kodeksini kabul etmegi, Türkmenistanyň Jenaýat kodeksiniň täze rejelenen görnüşini taýýarlamagy, Arbitraž iş ýörediş kodeksiniň rejelenen görnüşini, Raýat kodeksiniň täze redaksiýasyny, Zähmet kodeksiniň rejelenen görnüşini taýýarlamagy hem tabşyrdy.

14 Ýanwar 2021

Ýaşlaryň zähmet ýolunda kämilleşmegi

Ýaşlaryň okamagy we zähmet çekmegi, olaryň durmuş taýdan goraglylygy Türkmenistanyň Konstitusiýasyna, Türkmenistanyň Zähmet kodeksine, «Bilim hakynda», «Ilatyň iş bilen üpjünçiligi hakynda», «Ýaşlar barada döwlet syýasaty hakynda», «Ýaşlaryň zähmet çekmäge bolan hukugynyň kepillendirmesi hakynda» Türkmenistanyň Kanunlaryna laýyklykda düzgünleşdirilýär. Ýaşlaryň durmuş-zähmet hukuklaryny we kanuny bähbitlerini goramak, iş bilen üpjün etmek hem-de täze iş orunlaryny döretmek baradaky wezipelerinden ugur alnyp, ýurdumyzda ýaşlary zähmet bazaryna uýgunlaşdyrmak we olaryň iş bilen üpjünçiligini kämilleşdirmek Maksatnamalaýyn esasda alnyp barylýar.

14 Ýanwar 2021

Deňhukuklylyk — demokratiýa

Adam hukuklarynyň goraglylygyny berkitmek gender deňligi babatda hem möhüm ähmiýete eýedir. Aýallaryň hukuklarynyň deňligi BMG-niň esas goýujy ýörelgeleriniň biri bolup durýar. BMG-niň Tertipnamasynyň girişinde ynsan şahsyýetiniň mertebesine we gymmatlygyna hem-de aýallaryň we erkekleriň deňhukuklylygyna öz ynamyny tassyklamagyň onuň esasy maksatlarynyň biri bolup durýandygy kesgitlenendir. BMG tarapyndan 1948-nji ýylyň 10-njy dekabrynda kabul edilen Adam hukuklarynyň ählumumy Jarnamasynyň girişinde kesgitlenilişi ýaly, ynsan maşgalasynyň ähli agzalaryna mahsus mertebäniň hem-de deň we aýrylmaz hukuklaryň, ýagny ynsanyň tebigy hem mizemez hukuklarynyň ykrar edilmegi azatlygyň, adalatlylygyň we ählumumy parahatçylygyň esasy şerti bolup durýar. Soňky ýyllarda Türkmenistanyň Konstitusiýasynyň kämilleşdirilmegi, döwrebap kanunlaryň kabul edilmegi adam hukuklarynyň goragyny kepillendirmek bilen, ýurdumyzyň bu Jarnamanyň mizemez maksatlaryna we ýörelgelerine pugta ygrarlydygyny tassyklaýar. Çünki Esasy Kanunymyzyň 4-nji maddasynda: «Adamy goramak, goldamak we oňa hyzmat etmek döwlet häkimiýet edaralarynyň baş wezipeleridir» diýlip kesgitlenilýär. Şeýle hem Türkmenistanyň Konstitusiýasynyň 29-njy maddasynda gender deňligi babatda: «Türkmenistanda erkekleriň we aýallaryň deň hukuklary we azatlyklary, şeýle hem olary durmuşa geçirmek üçin deň mümkinçilikleri bardyr. Deňhukuklylyg

14 Ýanwar 2021

Ýaşlar röwşen geljegimiz

Bedew batly ösüşlere beslenen bagtyýarlyk döwründe ýurdumyzda ýaşlaryň hukuklaryny we azatlyklaryny gorap saklamak, olaryň ýaşaýyş derejesini we durmuş taýdan goraglylygyny ýokarlandyrmak üçin zerur şertler döredilýär. Hut şu nukdaýnazardan, ýaşlar baradaky döwlet syýasatyny durmuşa geçirmegiň hukuk esaslaryny, maksatlaryny, wezipelerini, ýörelgelerini, esasy ugurlaryny, çärelerini hem-de tärlerini kesgitlemek maksadynda ýurdumyzda «Ýaşlar barada döwlet syýasaty hakyndaky» Türkmenistanyň Kanuny kabul edildi. Bu Kanunyň hukuk ýörelgeleri esasynda yzygiderli işler amala aşyrylýar. «Türkmenistan — parahatçylygyň we ynanyşmagyň Watany» ýylymyzyň 8-nji ýanwarynda milli Liderimiziň Karary bilen tassyklanan Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasy munuň aýdyň mysalydyr.

14 Ýanwar 2021

Adalat ynsanperwerlik ýörelgelerinde rowaçlanýar

(Dowamy. Başlangyjy gazetimiziň 2020-nji ýylyň 52-nji sanynda). Hormatly Prezidentimiz 2019-njy ýylyň 14-nji fewralynda ýurdumyzyň jemgyýetçilik-syýasy guramalarynyň we medeniýet ulgamynyň wekilleri bilen bolan duşuşygynda: «Men adam öz Watanyny beýgeldip we hormatlap, ynsanlyk mertebesini ýokary tutsa, parahatçylygy we dostlugy wasp edip, ynsanperwerligi hem-de hoşniýetliligi dabaralandyrsa, ine, şol kämillige ýetmegiň ýoly diýip hasaplaýaryn» diýipdi. Durmuş mekdebiniň sapaklaryny doly hem dogry özleşdiren adamlaryň pikirleri, ýörelgeleri, gazanan durmuş tejribeleri arkaly gelen netijeleri birmeňzeş bolýan eken. Ine, Türkmenistanyň Mejlisiniň bilermen-maslahat beriş bölüminiň hukuk meseleleri boýunça bilermen-maslahat berijisi, halypa hukukçy Halykberdi Ataýew hem: «Kämillige ýetmek üçin, ilkinji nobatda, ynsanperwer, hoşniýetli, dostana bolmaly. Şu sypatlar hakyky duýgulara beslenip ýüze çykanda, ynsan gözel hem ynamdar bolýar. Adam ynsanperwer bolanda, hakyky watanperwer bolýandyr. Diňe watanperwerligiň bilen kämillige ýetip bolar. Watanperwerlik ynsana güýç berýär» diýdi.

14 Ýanwar 2021

Kanunçylyk ulgamynyň ösüşli ýoly

Hormatly Prezidentimiz döwletiň we jemgyýetiň ähli ulgamlaryny üstünlikli kämilleşdirmäge ýardam berýän hukuk namalaryny işläp düzmek, dünýä täzeliklerini we häzirki zaman ylmynyň öňdebaryjy gazananlaryny nazara almak bilen, hukuk ulgamyny ösdürmek boýunça işleriň möhümdigini nygtaýar. Şunda hukuk kadalarynyň, serişdeleriniň ýurdumyzyň ösmegine we täzeçillige hyzmat etmegi üçin kanunçylygyň pugta berjaý edilmegine, hukugyň amala aşyrylyşyna, hereket edýän kadanamalary wagyz etmegiň, düşündirmegiň wajypdygyna uly ähmiýet berilýär. Türkmenistanda konstitusion ýörelgelere, Garaşsyzlyk we hemişelik Bitaraplyk taglymatyna esaslanyp, şeýle hem Durnukly ösüş maksatlaryndan ugur alnyp, milli kanunçylyk ulgamy yzygiderli kämilleşdirilýär. Deň hukuklar we mümkinçilikler ýörelgesini amala aşyrmak üçin kanunçylyk we guramaçylyk çäreleri geçirilýär. Adamyň raýatlyk, syýasy, ykdysady we medeni hukuklarynyň amala aşyrylmagynyň, raýatyň kanuny bähbitleriniň goralmagynyň hukuk kepilliklerini pugtalandyrmak baradaky durmuş çelgili döwlet syýasaty ýurdumyzy durnukly durmuş-ykdysady taýdan ösdürmegiň, döwletimiziň hukuk esaslaryny berkitmegiň hem-de türkmen jemgyýetini has-da demokratiýalaşdyrmagyň wajyp ugry bolup durýar.

14 Ýanwar 2021

Öýüm ýyly — göwnüm ýyly

Birtekiz timarlanan gül-pudaklaryň gülpam keşbi, şaýollaryň iki gyrasyny jähekläp, elmydama ýaşyl öwsüp oturan syrdam daragtlaryň uzyn hatary şäheriň görküne görk goşýar. Daşoguz welaýat jemagat hojalygy birleşiginiň işçileri görkana şäheriň hemişe göze ýakymly, tämiz hem gözel bolmagy üçin ýagşy işleri alyp barýarlar. Baglaryň içini, ýol eteklerini, ýanýodalary, binalaryň, köp gatly jaýlaryň daş-töweregini arassalaýarlar, şäheriň owadan giňişligini abadanlaşdyryp, gül pürkülen ýaly edýärler. Birleşigiň düzümleri jemagat hyzmatlarynyň hilini gowulandyrmak, olaryň görnüşlerini artdyrmak, gündelik geçirilýän arassaçylyk, abadanlaşdyryş çäreleriniň netijeliligini ýokarlandyrmak üçin toplumlaýyn işleri alyp barýarlar. Welaýat Jemagat hojalygy birleşiginiň işçi-hünärmenleri “Türkmenistan — parahatçylygyň we ynanyşmagyň Watany” ýylyny täze zähmet üstünliklerine beslemek, öňde goýlan wezipeleri abraý bilen berjaý etmek üçin döredijilikli işlemegiň asylly nusgasyny görkezýärler.

14 Ýanwar 2021

Ýol görkeziji şamçyrag

Garaşsyz, baky Bitarap Türkmenistan döwletimiz Berkarar döwletiň bagtyýarlyk döwründe hormatly Prezidentimiziň parasatly ýolbaşçylygynda ägirt uly ösüşlere beslenýär. Mähriban türkmen halkymyz bagtly durmuşda ýaşaýar. Ajaýyp zamanamyzda Watanymyzyň ösüşine mynasyp goşant goşmagy başarýan kämil, watansöýüji nesli terbiýelemekde biziň — mugallymlaryň öňünde uly wezipe durýar. Adamzat jemgyýetiniň asyrlaryň dowamynda toplan tejribesi bolsa çaga terbiýesiniň diýseň çylşyrymlydygyna şaýatlyk edýär. Bu mesele ata-eneden, terbiýeçiden, mugallymdan, tutuş jemgyýetden köp zähmet, wagt, ukyp talap edýär.

13 Ýanwar 2021

Berkarar Diýarymyzyň tutmlary rowaç bolsun!

Hormatly Prezidentimiziň başlangyjy, agzybir halkymyzyň tüýs ýürekden goldamagy netijesinde yglan edilen «Türkmenistan — parahatçylygyň we ynanyşmagyň Watany» ýyly mynasybetli welaýat häkimliginiň hem-de welaýat medeniýet müdirliginiň guramaklarynda dabaraly maslahat geçirildi. Welaýat häkimliginiň mejlisler zalynda geçirilen maslahata Mejlisiň deputatlary, jemgyýetçilik guramalarynyň wekilleri, medeniýet, bilim ulgamlarynyň işgärleri hem-de talyplar ýokary ruhubelentlikde gatnaşdylar. Maslahatda giň gerim berlen buýsançly çykyşlarda bellenilip geçilişi ýaly, Berkarar döwletimiziň bagtyýarlyk döwrüniň her bir ýyly şöhratly täze taryhymyza altyn harplar bilen ýazylyp, hormatly Prezidentimiziň dünýä halklaryny dostluga, abadançylyga, özara ynanyşmaga, hoşmeýilli hyzmatdaşlyk gatnaşyklaryna çagyrýan döwlet syýasatynyň tutuş dünýäde uly goldawa eýe bolýandygyny tassyklaýar. Mukaddes Garaşsyzlygymyzyň şanly 30 ýyllyk taryhy senesiniň uludan toýlanyljak ýyly hem ýurt berkararlygymyzy pugtalandyrmak, ählumumy parahatçylygy berkitmek, dünýä döwletleri bilen dostlukly, özara bähbitli hyzmatdaşlyk gatnaşyklaryny has-da ösdürmek maksadyna gönükdirilen tutumlaryň rowaçlyklara beslenýän ýyllaryň biri bolar. Hormatly Prezidentimiziň hemişelik Bitaraplyk hukuk derejämiziň, şeýle-de halkymyzyň asyrlar boýy kämilleşdirip gelen ynsanperwer ýörelgelerine daýanýan, umumadamzat bähbitlerine gönükd

13 Ýanwar 2021

Synaglar kabul edildi

Golaýda podpolkownik Döwran Meläýewiň serkerdelik edýän harby bölüminde kiçi serkerdeler düzümi bilen okuw-usulyýet ýygny guraldy. Ýygnyň dowamynda harby bölümiň serkerdesiniň orunbasary, dolandyryş bölüminiň serkerdesi, kapitan Amanmuhammet Hydyrow tarapyndan okuw dersleri meýilleşdirilip, Türkmenistanyň Ýaragly Güýçleriniň düzgünnamalary, taktiki, aragatnaşyk, gumanitar, usulyýet taýýarlyklary boýunça sapaklar geçildi hem-de geljekki kiçi serkerdeler düzüminden synaglar kabul edilip, netijede üstünlikli synag tabşyranlara «kiçi seržant» harby atlary dakyldy. Synaglarda kiçi seržantlar Rejepmuhammet Gadyrow, Mekan Babaýew, Kerwen Arslanow, Babaröwşen Öwezdurdyýew, Nariman Nurmämmedow dagy has-da tapawutlandylar. Dinara MURADOWA, maýor.

13 Ýanwar 2021

Ýagşy adam ýatdan çykmaýar

Halal zähmet çekip, adamlara ýagşylyk etseň, il-gün seni hormatlaýar, sylaýar. Sary Näzmeňliýew hem şeýle adamlaryň hilindendi. Şahyr Sary Näzmeňliýew 1950-nji ýylyň 19-njy ýanwarynda Bereket etrabynyň Uzynsuw obasynda maldaryň maşgalasynda dünýä inýär. Sarynyň çagalygy kyn günde geçýär. On iki ýaşynda dädesi aradan çykyp, dört dogan ýetim galýar. Ejesi pahyr hem ene, hem ata ornunda durup, çagalaryny kemala getirýär. Sary obadaky orta mekdepde okaýar. Magtymguly adyndaky Türkmen döwlet uniwersitetine okuwa girip, onuň türkmen dili we edebiýaty fakultetini oňat bahalar bilen tamamlaýar. 1972-nji ýyldan 1976-njy ýyla çenli Bereket etrabyndaky 15-nji orta mekdepde mugallym bolup işleýär. Ýaş zehinli hünärmen işi, adamkärçiligi bilen hormata mynasyp bolýar. 26 ýaşly ýigidi etrabyň medeniýet bölüminiň müdiri edip işe alýarlar. Soňra ol «Oktýabryň ýoly» etrap gazetiniň baş redaktorlygyna bellenilýär. Öňki soýuzyň žurnalistler birleşiginiň agzalygyna kabul edilýär. Sary 1984 — 1994-nji ýyllarda raýon sowetiniň deputaty bolup, jemgyýetçilik-syýasy işi hem alyp barýar. Ol Türkmenistanyň halk magaryfynyň otliçnigidi.

13 Ýanwar 2021

Watan ýürekden başlanýar

Watan, hakykatdanam ýürekden başlanýar. Adam öz eziz görýän gymmatlyklaryny ýüreginde saklaýar. Watan bolsa şeýle gymmatlyklaryň iň arzylylarynyň, iň mukaddesleriniň biri. Özi-de, özünden aýry bolmadyk gymmatlyk. Hakyky watansöýüji ynsan, Watanyň, ilki bilen, ata-babalarymyzdan galan mukaddes mirasdygyna kemsiz akyl ýetirýär. Hawa, Watan — bize merdana pederlerimizden galan miras, Watan — biziň nesillerimize galdyrjak mukaddesligimiz. Şonuň üçin, Watan hakyndaky pikirlerdir garaýyşlar, sözlerdir setirler howaýy bolmaly däldir. Çünki Watan düýnümiz, şu günümiz, ertirimiz. Düýn, şu gün, ertir bolsa, ömür diýmekdir. Eziz Arkadagymyzyň belleýşi ýaly, ömrüň manysy — Watanyň parahatçylygynda. Adamyň ömürboýy edýän yhlasynyň özeninde Watan baradaky alada bar. Watanyň gymmaty ömürboýy eden yhlasyň bilen ölçärden hem ýokardadyr. Her adamyň süňňüniň öz topragyndan alnandygy hakynda tymsal bar. Hakykatdanam, adam öz topragyna meňzeş. Topragyna mahsus bolan aýratynlyklaryň ählisi onuň hüý-häsiýetinde kemal tapýar. Edil şonuň ýaly damarynda türkmen gany aýlanýan kişiniň edim-gylymy-da mukaddes topragymyza kybap. Agraslyk, agramlylyk, sahylyk, halallyk, merdanalyk, edermenlik — ine, türkmen topragy hakynda pikir edeniňde ilki seriňe gelýän häsiýetler. Hut şolar hem biziň milletimiziň iň bir görnükli edim-gylymlarynyň, hüý-häsiýetleriniň özenini düzýär.

13 Ýanwar 2021

Kämil kanunlar — depginli ösüşiň hukuk binýady

Hormatly Prezidentimiz Gurbanguly Berdimuhamedowyň Türkmenistanyň Mejlisiniň deputatlary bilen duşuşyp, ýurdumyzyň kanunçylyk binýadyny berkitmek, Konstitusiýamyzdan ugur alnyp kabul edilýän kanunlary işläp taýýarlamakda halkara hukugynyň umumy ykrar edilen kadalaryndan ugur almak, kanunçylyk namalarynyň döwrüň ösen derejesi bilen özara sazlaşygyna uly üns bermek baradaky tabşyryklaryndan, maslahatlaryndan ugur alnyp, milli parlamentiň deputatlary tarapyndan ýurdumyzyň döwlet durmuşynyň dürli ugurlaryna degişli kanunçylyk namalary işlenip taýýarlanylýar we kabul edilýär. Türkmenistanyň Mejlisiniň altynjy çagyrylyşynyň on ikinji maslahatynda Gahryman Arkadagymyzyň maksada okgunly, parasatly baştutanlygynda berkarar döwletimizde amala aşyrylýan düýpli özgertmeleriň kanunçylyk binýadyny berkitmek maksady bilen, «Türkmenistanyň Administratiw iş ýörediş kodeksini tassyklamak we herekete girizmek hakynda» Türkmenistanyň Kanuny ara alnyp maslahatlaşyldy we kabul edildi. «Administratiw önümçilik hakynda» Türkmenistanyň Kanunynyň kabul edilmegi bilen baglylykda taýýarlanylan Türkmenistanyň Administratiw iş ýörediş kodeksi döwlet bilen raýatyň arasyndaky hukuk gatnaşyklaryndan gelip çykýan jedeller boýunça kazyýet önümçiliginiň tertibini, kazyýetde şol jedellere seretmegiň we çözmegiň iş ýörediş ýörelgelerini we düzgünlerini belleýär.

13 Ýanwar 2021

Jemgyýet we raýat gatnaşyklary rowaçlanýar

Berkarar döwletiň bagtyýarlyk döwründe hormatly Prezidentimiziň alyp barýan döwlet syýasatyny wagyz etmekde, jemgyýetiň demokratik kadalaryny we halkymyzyň agzybirligini pugtalandyrmakda, raýat bilen jemgyýetiň, döwletiň özara baglanyşygyny üpjün etmekde jemgyýetçilik-syýasy guramalaryň ähmiýeti örän uly. Syýasy-jemgyýetçilik guramalarynyň agzalary ýurdumyzyň jemgyýetçilik durmuşynda amala aşyrylýan möhüm wakalara işjeň gatnaşyp, raýatlarymyzy döwür bilen aýakdaş gitmäge çagyrýarlar, olary ýokary zähmet üstünliklerine ruhlandyryp, ata Watanymyzyň gazanýan ösüşlerine öz mynasyp goşantlaryny goşýarlar. Hormatly Prezidentimiziň halkymyzyň we ýurdumyzyň bähbitlerine gönükdirilen maksatnamalaryny we milli Liderimiziň ýolbaşçylygynda amala aşyrylýan özgertmeleri, döwletimiz tarapyndan öňe sürülýän umumadamzat ähmiýetli başlangyçlary wagyz etmek, giň halk köpçüligine düşündirmek babatda beren tabşyryklaryndan ugur alyp, syýasy-jemgyýetçilik guramalaryň wekilleri wagyz-nesihat işlerini yzygiderli geçirýärler. Şeýle mazmunly çäreler wagyz-nesihat duşuşyklary, dabaraly maslahatlar, «tegelek stoluň» başyndaky söhbetdeşlikler görnüşinde geçirilýär. Bu işlere jemgyýetimiziň ähli gatlaklarynyň wekilleri işjeň çekilýär. Ýurdumyzyň syýasy-jemgyýetçilik durmuşy bilen bagly çärelere il sylagly ýaşulular, mährem eneler, Watanymyzyň geljegi bolan ýaşlar, şeýle hem dürli ulgamlarda, pudaklarda zäh

13 Ýanwar 2021

‹
1
2
...
1295
1296
1297
1298
1299
1300
1301
...
1303
1304
›