Türkmenmetbugat

"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Türkmenistanyň Prezidenti hormatly Serdar Berdimuhamedowa

Çuňňur hormatlanylýan Türkmenistanyň Prezidenti! Sizi doglan günüňiz mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň berkarar Watanymyzy mundan beýläk-de gülledip ösdürmäge, ykdysady kuwwatyny artdyrmaga, mähriban halkymyzyň durmuş hal-ýagdaýyny has-da ýokarlandyrmaga gönükdirilen döwrebap özgertmeleriňiziň, parahatçylyk söýüjilik, dostluk ýörelgelerine esaslanýan içeri we daşary syýasatyňyzyň, döretmek, gurmak başlangyçlaryňyzyň elmydama üstünliklere beslenmegini arzuw edýärin.

1 sagat öň

Onuň Alyhezreti, Türkmenistanyň Prezidenti jenap Serdar BERDIMUHAMEDOWA

Hormatly Serdar Gurbangulyýewiç! Doglan günüňiz mynasybetli mähirli gutlaglarymy kabul ediň!

2 sagat öň

Çuňňur hormatlanylýan Türkmenistanyň Prezidenti Serdar Berdimuhamedowa Türkmenistanyň Garaşsyzlygynyň 33 ýyllygy mynasybetli ýurdumyzyň ykdysady üstünlikleriniň sergisine gatnaşyjylaryň ÝÜZLENMESI

Çuňňur hormatlanylýan Türkmenistanyň Prezidenti! Berkarar döwletiň täze eýýamynyň Galkynyşy döwrümiziň «Pähim-paýhas ummany Magtymguly Pyragy» ýylynda Türkmenistanyň Garaşsyzlygynyň 33 ýyllygy mynasybetli ýurdumyzyň ykdysady üstünlikleriniň sergisine gatnaşyjylara iberen çuňňur many-mazmunly Gutlagyňyz hem-de bu giň möçberli çäräniň ýokary derejede geçirilmegi babatda döreden ajaýyp mümkinçilikleriňiz üçin Size tüýs ýürekden alkyş aýdýarys.

2 sagat öň

Ýurdumyz özgertmeler ýoly bilen öňe barýar

Berkarar döwletiň täze eýýamynyň Galkynyşy döwründe Türkmenistan döwletimiz Arkadagly Gahryman Serdarymyzyň parasatly baştutanlygynda bedew bady bilen öňe barýar. Şunuň bilen baglylykda, 20-nji sentýabrda hormatly Prezidentimiz Serdar Berdimuhamedowyň sanly ulgam arkaly geçiren Ministrler Kabinetiniň giňişleýin mejlisi aýratyn bellenilmäge mynasyp bolup, onda ýurdumyzy durmuş-ykdysady taýdan ösdürmegiň möhüm wezipeleri ara alnyp maslahatlaşyldy, käbir resminamalaryň taslamalaryna garaldy. Mejlise Döwlet howpsuzlyk geňeşiniň agzalary, welaýatlaryň, Aşgabat şäheriniň häkimleri hem çagyryldy. Degişli ýolbaşçylaryň hasabatlaryny diňläp, döwlet Baştutanymyz öňde durýan möhüm wezipelere ünsi çekdi we anyk tabşyryklaryň birnäçesini berdi. HALAL ZÄHMETIŇ HÖZIRINI GÖRÜP ÝAŞAMAKLARY ARZUW EDILDI

7 sagat öň

Arkadagly Gahryman Serdarymyz bilen döwletli ýolumyz ak geljege rowana

Taryh kitaplarynda haýsydyr bir döwletiň döreýşi baradaky gürrüňleriň, köplenç, «Bu döwlet pylanynjy ýylda, pylany tarapyndan esaslandyrylypdyr. Ol pylan şanyň, soltanyň hökümdarlyk eden ýyllarynda has-da gülläp ösüpdir...» diýen ýaly birmeňzeş terzde başlanýandygy hemmämize mälim. «Taryh beýik işler bilen ýazylýar. Beýik işleri bolsa beýik şahsyýetler amal edýärler» diýen jümläniň düýp many-maňzy-da şu hakykatda jemlenýän bolsa gerek. Şular hakynda oýlanýarkaň, döwürdeş şahyrymyzyň: «Bag bagdyr irginsiz idegi bilen, // Milletler tanalar Lideri bilen» diýen setirleri biygtyýar seriňe dolýar. Elbetde, Gahryman Arkadagymyzyň parasatly, öňdengörüjilikli içeri we daşary syýasaty amala aşyryp, dünýä kartasynda «Türkmenistan» atly beýik döwletiň has-da ýiti ýalkym saçmagyny gazanan Liderdigi ykrar edilen hakykat. Iki ýarym ýyl mundan ozal halkymyzyň ykbalyny egnine alan hormatly Prezidentimiz Serdar Berdimuhamedowyň peder ýoluny mynasyp dowam etdirmegi, başy başlanan döwletli tutumlary rowaçlyklara beslemegi bilen, Garaşsyz Watanymyz bu gün Ýer ýüzündäki abraý-mertebesini barha beýgeldýär. Ýaňy doglan çaganyň kemally perzent bolmagy üçin oňat terbiýäniň, binýady goýlan binanyň boýunyň ýetirilmegi üçin irginsiz zähmetiň, gunçanyň gülläp-gül açmagy üçin bagbanyň yhlasynyň gerek bolşy ýaly, döwlet syýasatynyň üstünliklere beslenmegi üçin-de, ozaly bilen-ä, dogry saýlanyp alnan ýo

7 sagat öň

Ministrler Kabinetiniň giňişleýin mejlisi

20-nji sentýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň giňişleýin mejlisini geçirdi. Onda ýurdumyzy durmuş-ykdysady taýdan ösdürmegiň möhüm wezipeleri ara alnyp maslahatlaşyldy, käbir resminamalaryň taslamalaryna garaldy. Mejlise Döwlet howpsuzlyk geňeşiniň agzalary, welaýatlaryň, Aşgabat şäheriniň häkimleri hem çagyryldy. Döwlet Baştutanymyz mejlisi açyp, Döwlet howpsuzlyk geňeşiniň sekretary, Türkmenistanyň Prezidentiniň ýanyndaky Raýatlyk we günä geçmek meseleleri boýunça teklipleri taýýarlamak baradaky toparyň başlygy B.Gündogdyýewe söz berdi. Ol jenaýat edendikleri üçin iş kesilen raýatlaryň Garaşsyzlygymyzyň 33 ýyllyk baýramy mynasybetli günäsini geçmek boýunça bu toparyň geçiren işleri barada hasabat berdi.

7 sagat öň

Beýik ykbal galkyndyrýar Watany

Galkynyşlaryň we gülläp ösüşleriň döwürlerinde il-ulsuň başynda pähim-parasat we gujur-gaýrat eýesi bolan beýik şahsyýetleriň durýandygyna taryh şaýat. Ylahy gözbaşdan güýç-kuwwat alýan Lider zamananyň şertlerine, jemgyýetiň zerurlyklaryna çuňňur göz ýetirip, kabul edýän öňdengörüjilikli çözgütleri, bitirýän asylly işleri bilen halkyň eşretli ýaşaýşyny üpjün edýär, döwletiniň berkararlygyny pugtalandyrýar. Hakyň nazary düşen halkymyz hem ata-babalarymyzyň arzuwlan ajap eýýamynda döwletli döwranyň hözirini görüp ýaşaýar. Milletiň söýgüsini, dünýäniň ykraryny gazanan Arkadagly Gahryman Serdarymyzyň döwletli tutumlary, beýik işleri bilen türkmen halkynyň şöhratly taryhynyň şanly sahypalary ýazylýar. Berkarar döwletiň täze eýýamynyň Galkynyşyna ganat beren «Watan diňe halky bilen Watandyr! Döwlet diňe halky bilen döwletdir!» diýen çuňňur mazmunly şygary ýörelge edinip, ähli sepgitlere diňe agzybirlikde ýetiljekdigine bolan ynamy kalbymyza salan hormatly Prezidentimiziň asylly başlangyçlarynyň, tutumly işleriniň ählisiniň halkyň bagtyýar durmuşynyň bähbidine gönükdirilip, rowaçlyklara beslenýändigi aýdyň hakykatdyr. Içeri syýasatda gurmagyň, döretmegiň, dowamatlylygyň ýoluna, halkara gatnaşyklarda ynsanperwerlik, hoşniýetli hyzmatdaşlyk, dost-doganlyk ýörelgelerine eýerýän Garaşsyz, hemişelik Bitarap Türkmenistanyň şan-şöhraty dünýä dolýar.

8 sagat öň

Türkmenistanyň Ministrler Kabinetiniň giňişleýin mejlisi

Aşgabat, 20-nji sentýabr (TDH). Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň giňişleýin mejlisini geçirdi. Onda ýurdumyzy durmuş-ykdysady taýdan ösdürmegiň möhüm wezipeleri ara alnyp maslahatlaşyldy, käbir resminamalaryň taslamalaryna garaldy. Mejlise Döwlet howpsuzlyk geňeşiniň agzalary, welaýatlaryň, Aşgabat şäheriniň häkimleri hem çagyryldy. Döwlet Baştutanymyz mejlisi açyp: “Hemişe bolşy ýaly, biz jenaýat edendikleri üçin iş kesilen we eden etmişlerine ökünip, ak ýürekden toba gelen raýatlarymyzyň günäsini geçýäris, olary jeza çekmekden boşatmak ýaly sahawatly çäreleri yzygiderli geçirip durýarys” diýip belledi.

21 sagat öň

Türkmenistanyň Ministrler Kabinetiniň giňişleýin mejlisi

Aşgabat, 20-nji sentýabr (TDH). Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň giňişleýin mejlisini geçirdi. Onda ýurdumyzy durmuş-ykdysady taýdan ösdürmegiň möhüm wezipeleri ara alnyp maslahatlaşyldy, käbir resminamalaryň taslamalaryna garaldy. Mejlise Döwlet howpsuzlyk geňeşiniň agzalary, welaýatlaryň, Aşgabat şäheriniň häkimleri hem çagyryldy. Döwlet Baştutanymyz mejlisi açyp: “Hemişe bolşy ýaly, biz jenaýat edendikleri üçin iş kesilen we eden etmişlerine ökünip, ak ýürekden toba gelen raýatlarymyzyň günäsini geçýäris, olary jeza çekmekden boşatmak ýaly sahawatly çäreleri yzygiderli geçirip durýarys” diýip belledi.

1 gün öň

Türkmenistanyň Prezidenti Ermenistan Respublikasynyň ýolbaşçylaryny gutlady

Hormatly Prezidentimiz Serdar Berdimuhamedow Ermenistan Respublikasynyň Prezidenti Waagn Haçaturýana, Premýer-ministri Nikol Paşinýana hem-de ýurduň ähli halkyna Ermenistan Respublikasynyň Garaşsyzlyk güni mynasybetli tüýs ýürekden gutlaglaryny we iň gowy arzuwlaryny iberdi. Döwlet Baştutanymyz dürli ugurlarda ýola goýlan we özara hormat goýmak, ynanyşmak ýörelgelerine esaslanýan dostlukly gatnaşyklaryň halklarymyzyň bähbidine mundan beýläk-de pugtalandyryljakdygyna ynam bildirdi.

1 gün öň

Türkmenistanyň Prezidenti Alžir Halk Demokratik Respublikasynyň Prezidentini gutlady

Hormatly Prezidentimiz Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Alžir Halk Demokratik Respublikasynyň Prezidenti Abdelmajid Tebbuna we ýurduň ähli halkyna iki döwletiň arasynda diplomatik gatnaşyklaryň ýola goýulmagynyň 30 ýyllygy mynasybetli tüýs ýürekden gutlaglaryny, iň gowy arzuwlaryny iberdi. Döwlet Baştutanymyz ýurtlarymyzyň arasyndaky gatnaşyklaryň birek-birege hormat goýmaga, deňhukuklylyga esaslanýandygyny, Türkmenistanyň ikitaraplaýyn hyzmatdaşlygyň giňeldilmegine gyzyklanma bildirýändigini belläp, onuň iki halkyň bähbidine mundan beýläk-de yzygiderli ösdüriljekdigine ynam bildirdi.

1 gün öň

Resmi habarlar

Beýik ata-babalarymyzyň wesýet eden rehimdarlyk we ynsanperwerlik ýörelgelerini goldanyp, türkmen jemgyýetiniň hem-de her bir maşgalanyň agzybirligini, bitewüligini has-da pugtalandyrmak maksady bilen, şeýle hem Türkmenistanyň Garaşsyzlygynyň 33 ýyllyk baýramy mynasybetli, Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow “Iş kesilenleriň Türkmenistanyň Garaşsyzlygynyň 33 ýyllyk baýramy mynasybetli günäsini geçmek hakynda” Permana gol çekdi. Resminama laýyklykda, günäsi geçilen raýatlar mundan beýläk azatlykdan mahrum etmek görnüşindäki esasy jeza çäresini, şeýle hem belli bir ýerde ýaşamak borjuny ýüklemek görnüşindäki goşmaça jeza çäresini çekmekden boşadyldy. ***

1 gün öň

Garaşsyz, hemişelik Bitarap Türkmenistanyň Prezidenti Serdar Berdimuhamedowa Türkmenistanyň oba hojalygynyň gazananlaryna bagyşlanan sergä we «Oba hojalyk ekinleriniň tohumçylygynda ýetilen sepgitler we öňde durýan wezipeler» atly halkara ylmy maslahata gatnaşyjylaryň ÝÜZLENMESI

Çuňňur hormatlanylýan Türkmenistanyň Prezidenti! «Pähim-paýhas ummany Magtymguly Pyragy» ýylynda Türkmenistanyň oba hojalygynyň gazananlaryna bagyşlanan sergä we «Oba hojalyk ekinleriniň tohumçylygynda ýetilen sepgitler we öňde durýan wezipeler» atly halkara ylmy maslahata gatnaşyjylaryň adyndan bu çäreleriň ýokary derejede, guramaçylykly geçirilmegi babatda döreden ähli mümkinçilikleriňiz üçin Size tüýs ýürekden hoşallygymyzy bildirýäris. Siziň janyňyzyň sag, ömrüňiziň uzak, il-ýurt bähbitli, dünýä ähmiýetli alyp barýan beýik işleriňiziň elmydama rowaç bolmagyny arzuw edýäris.

1 gün öň

Jogapkärli möwsüm üstünlikli geçirilmelidir

16-njy sentýabrda döwlet Baştutanymyz Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasarynyň hem-de welaýatlaryň häkimleriniň gatnaşmagynda iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan işler, Oba milli maksatnamasynyň ýerine ýetirilişi bilen baglanyşykly meselelere garaldy. Ilki bilen, welaýatlaryň häkimleri sebitlerde möwsümleýin oba hojalyk işleriniň barşy barada hasabatlary berdiler. Obasenagat toplumyna gözegçilik edýän wise-premýeriň hasabatynda hem ýurdumyzda möwsümleýin oba hojalyk işleriniň barşy barada aýdyldy.

1 gün öň

Türkmenistan — Gazagystan: hormatly Prezidentimiz ikinji «Merkezi Aziýa — Germaniýa» sammitine gatnaşdy

17-nji sentýabrda hormatly Prezidentimiz Serdar Berdimuhamedow Merkezi Aziýa döwletleriniň Baştutanlarynyň Germaniýa Federatiw Respublikasynyň Federal Kansleri Olaf Şols bilen Astanada geçirilýän ikinji duşuşygyna gatnaşmak üçin Gazagystan Respublikasynda iş saparynda boldy. Aşgabadyň Halkara howa menzilinde döwlet Baştutanymyzy resmi adamlar ugratdylar.

1 gün öň

Türkmenistanyň Prezidenti Serdar Berdimuhamedowyň “Merkezi Aziýa — Germaniýa” formatyndaky ýokary derejeli ikinji duşuşykdaky ÇYKYŞY

(Astana şäheri, 2024-nji ýylyň 17-nji sentýabry) Hormatly jenap Federal Kansler!Hormatly Merkezi Aziýa döwletleriniň Baştutanlary!Hanymlar we jenaplar!Wekiliýetleriň agzalary!

1 gün öň

Yslam ösüş bankynyň ýolbaşçysynyň Aşgabada sapary

19-njy sentýabrda hormatly Prezidentimiz Serdar Berdimuhamedow Yslam ösüş bankynyň (YÖB) ýolbaşçysy Muhammad Al Jasseri kabul etdi. Duşuşygyň başynda myhman Türkmenistan bilen köpýyllyk gatnaşyklary pugtalandyrmaga taýýardygyny tassyklady. Döwlet Baştutanymyz Yslam ösüş bankynyň ýolbaşçysyny Aşgabada şu gezekki saparynyň dowamynda geçiriljek duşuşyklaryň ikitaraplaýyn ykdysady hyzmatdaşlygy ösdürmek babatda pikir alyşmaga ýardam berjekdigine ynam bildirdi.

1 gün öň

Hormatly Prezidentimiziň kabul etmegi

19-njy sentýabrda hormatly Prezidentimiz Serdar Berdimuhamedow Yslam ösüş bankynyň (YÖB) ýolbaşçysy Muhammad Al Jasseri kabul etdi. Döwlet Baştutanymyz Yslam ösüş bankynyň ýolbaşçysyny mähirli mübärekläp, onuň Aşgabada şu gezekki saparynyň dowamynda geçiriljek duşuşyklaryň ikitaraplaýyn ykdysady hyzmatdaşlygy ösdürmek babatda pikir alyşmaga ýardam berjekdigine ynam bildirdi.

1 gün öň

Hyzmatdaşlyk giň gerime eýe bolýar

19-njy sentýabrda hormatly Prezidentimiz Serdar Berdimuhamedow Yslam ösüş bankynyň (YÖB) ýolbaşçysy Muhammad Al Jasseri kabul etdi. Döwlet Baştutanymyz Yslam ösüş bankynyň ýolbaşçysyny mähirli mübärekläp, onuň Aşgabada şu gezekki saparynyň dowamynda geçiriljek duşuşyklaryň ikitaraplaýyn ykdysady hyzmatdaşlygy ösdürmek babatda pikir alyşmaga ýardam berjekdigine ynam bildirdi.

1 gün öň

Watanymyzyň Garaşsyzlygy — gülläp ösüşleriň kepili

19-njy sentýabrda paýtagtymyzda ýurdumyzyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisi öz işine başlady. Köpugurly gözden geçiriliş “Garagum” myhmanhanasynyň arkasynda gurnalan sergi meýdançasynda ýaýbaňlandyryldy. Döredijilik toparlary, bagşy-sazandalar sergä gatnaşyjylary we myhmanlary berkarar Watanymyzy wasp edýän aýdym-sazly çykyşlar bilen mübäreklediler. Serginiň açylyş dabarasyna Hökümet agzalary, Mejlisiň Başlygy, harby we hukuk goraýjy edaralaryň, ministrlikleriň, pudaklaýyn dolandyryş edaralarynyň, welaýatlaryň, Aşgabat we Arkadag şäheriniň häkimlikleriniň wekilleri, daşary ýurtlaryň hem-de halkara guramalaryň Türkmenistanda işleýän diplomatik wekilhanalarynyň ýolbaşçylary, jemgyýetçilik birleşikleriniň, köpçülikleýin habar beriş serişdeleriniň, ýurdumyzyň işewür toparlarynyň wekilleri gatnaşdylar.

1 gün öň

1
2
3
4
5
6
7
8
...
1090
1091
›