Türkmenmetbugat

"Edebiýat we sungat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-17, 38-62-33, 38-62-01
Email: edebiyatwesungat@sanly.tm

Gazeti PDF görnüşinde ýükläp almak

Habarlar

Hindistanda dünýäniň iň beýik demirýol köprüsi synagdan geçirildi

Hindistanyň demirgazygynda ýerleşip Jammu we Kaşmir şäherlerine uzaýan dünýäniň iň beýik demirýol köprüsi synagdan geçirildi. Hindi demirýol işgärleri onuň üstünde synag otlusyny hereketlendirdiler. Häkimiýet dagyň gözel tebigatynda ýerleşýän köpriniň üstünden geçip barýan otlynyň wideoýazgysyny paýlaşdy. Dünýädäki iň beýik demirýol köprüsi Jammunyň we Kaşmiriň hindi bileleşiginiň sebitinde gurlup, Çenab derýasynyň üstünden, Gimalaý daglarynyň eteginden – 359 metr beýiklikden geçýär. Hünärmenleriň tassyklamagyna görä, Çinap köprüsi sebitde ýygy-ýygydan gaýtalanýan, ýertitremelere we 74 m/s çenli bolan güýçli ýele garşy durmaga ukyplydyr. Köpriniň uzynlygy 1,3 km bolup, onuň merkezi aralygy 467 metrdir. Onuň esasy aýlawyny gurmak üçin dünýäniň iň uzyn kabel krany ulanyldy.

25 Iýun 2024

Üstünlikde paýlary bar

«Pähim-paýhas ummany Magtymguly Pyragy» ýylynda «Türkmengaz» döwlet konserniniň «Lebapgazçykaryş» müdirliginiň guýulary ýerasty we düýpli bejeriji böleginiň agzybir we başarjaň işgärleri tutanýerli zähmet çekýärler. Olar şanly ýylyň geçen bäş aýynda guýularyň 11-sini abatlamagyň hötdesinden geldiler we bu baradaky meýilnamany berjaý etdiler. Müdirligiň geologiýa bölüminiň başlygy Berdi Kutlyýew bu üstünlikde bölegiň köp sanly işgärleriniň saldamly paýynyň bardygyny guwanç bilen habar berdi. Olaryň bir topary tebigy gazyň köp möçberlerde gazylyp alynýan ýeri bolan Malaý gaz käninde zähmet çekýär. Bu kän boýunça şu ýylyň geçen döwründe tebigy gazyň 2 milliard 227,3 million kub metrden gowragy öndürildi. Ýeri gelende müdirlik boýunça öndürilýän tebigy gazyň agramly böleginiň hut şu gaz käninde gazylyp alynýandygy-da bellenilmäge mynasypdyr. Şeýle öňegidişlik Malaýda kuwwatly gaz gysyjy desganyň işe girizilmegi netijesinde mümkin boldy. Kämil desganyň giň mümkinçiliklerinden ýerlikli peýdalanmak arkaly «mawy ýangyjyň» akymy barha artdyrylýar. Gazanylýan üstünlige Nurjan Akgaýewiň ýolbaşçylyk edýän abatlaýjylar toparynyň gaýratly hünärmenleri mynasyp goşant goşýarlar. Munuň şeýledigine toparyň agzalarynyň şu ýylyň geçen döwründe bitiren işlerine nazar aýlanyňda hem aýdyň göz ýetirip bolýar. Olar tarapyndan 76-njy belgili guýy düýpli abatlanyldy. Bu bolsa «mawy ýangyjyň» öndürilişini

24 Iýun 2024

Pakistan Türkmenistan bilen ýük dolanyşygyny artdyrar

Pakistan dökünlere barha artýan içerki talaplary kanagatlandyrmak maksady bilen gönüden-göni hökümetara ylalaşygynyň çäklerinde 200 müň tonna karbamidiň importy boýunça Türkmenistan bilen gepleşiklere başlady. Bu barada Pakistanyň ýokary wezipeli ýolbaşçysy “The News International” neşirine penşenbe güni beren interwýusynda tassyklady. Bu başlangyç Pakistanyň oba hojalyk pudagy üçin zerur bolan karbamidiň durnukly iberilişini üpjün etmek boýunça ýurduň giň gerimli strategiýasynyň bir bölegi bolup durýar. Iki ýurduň arasyndaky gepleşikleriň maksady bu möhüm çig malyň Türkmenistandan iberilişini durnukly üpjün etmekden ybaratdyr.

24 Iýun 2024

Hindistanyň günbatar kenarynda megaport gurlar

«Spalsh» tarapyndan berlen habarda hindi hökümetiniň ýurduň günbatar kenarynda, Mumbaý şäherinden 125 km uzaklykda portuň gurluşygyna başlajakdygy aýdylýar. Wadhawan port taslamasynyň bahasynyň 9,1 milliard dollar boljakdygy çaklanylýar. Gurluşygyň birinji tapgyrynyň 2029-njy ýyla çenli tamamlanmagyna garaşylýar. Portuň gurluşygy 74 %-lik paýa eýe boljak Jawaharlal Neru Port dolandyryşynyň (Nawa-Şewa portunyň resmi ady) we Maharaştra Deňiz geňeşiniň (Hindistanda bir ştat) bilelikdäki kärhanasy tarapyndan durmuşa geçiriler.

24 Iýun 2024

Hytaýdan konteýnerlerde ýük daşamagyň wagty we nyrhlary 1,5-2 esse ýokarlandy

Mart-aprel aýlarynda Hytaýdan importyň azalmagy bilen, maý aýynda konteýner ýetmezçiligi meselesini has-da kynlaşdyrýan goşmaça ýük islegi ýüze çykdy. Iýun aýynda gämide boş konteýner we boş ýer üçin garaşmagyň ortaça möhleti iki hepdä çenli artdy we saýlanan ulag ugruna baglylykda ýük daşamagyň wagty 36 – 50% ýokarlandy. «Piter.tv» tarapyndan habar berlişi ýaly, şu aýyň başyndan Hytaýdan deňiz + demir ýoly arkaly harytlary ibermegiň ortaça wagty maý bilen deňeşdirilende 55–60 güne, göni demirýol gatnawy bolsa 30 gün çenli artdy (iki esse).

24 Iýun 2024

Sirkulýar ykdysadyýete geçmegiň ösen tejribesi: ŞWESIÝA KOROLLYGY

Şwesiýa Korollygy Ýewropa Bileleşiginiň, Ykdysady Hyzmatdaşlyk we Ösüş Guramasynyň, Bütindünýä Söwda Guramasynyň agzasy, senagat taýdan ösen, ylmy-barlag we tejribe-konstruktorçylyk işlerine sarp edilýän çykdajylar boýunça dünýäniň ilkinji 20 ýurdunyň hataryna girýän, Global innowasion indeksiň reýtinginde (2022ý.) 3-nji orny eýeleýän döwlet hökmünde tanalýar. Ýurduň ykdysadyýetiniň öňdebaryjy pudaklaryna dag-magdan, tokaý hojalygy, agajy gaýtadan işlemek, metallurgiýa, maşyn gurluşygy we energetika senagaty degişlidir. Şwed ykdysadyýeti özüniň köp ugurlydygy, eksporta gönükdirilendigi, maýanyň köp möçberde jemlenendigi, ýokary hünärli işçi güýjüne eýedigi, bäsdeşlige ukyplydygy, söwdany we işewürligi alyp barmakda açyklygy hem-de erkinligi bilen tapawutlanýar. Önümleriň 90 göterim töweregi «Ericsson AB», «SKF», «Alfa Laval Group», «IKEA», «AGA», «Dyno Nobel» ýaly hususy kompaniýalar tarapyndan öndürilýär. «Legatum» britan analitik institutynyň maglumatyna görä, 2023-nji ýylda Şwesiýanyň gülläp ösüş indeksi dünýäde iň ýokary ýurtlaryň biri hökmünde kesgitlenýär. Bu reýtingde Şwesiýa ikinji orny eýeleýär. Köp ýurtlarda bolşy ýaly, Şwesiýa hem döwlet derejesinde işewürligi sirkulýar ykdysadyýetine geçirmek we daşky gurşawy netijeli goramak babatynda hereketleri goldaýar hem-de höweslendirýär. Bu ýurt sirkulýar ykdysadyýetini ösdürmek boýunça birnäçe ugurlarda işleri alyp barýar.

23 Iýun 2024

Awstraliýa Hytaýa suwuklandyrylan tebigy gazy eksport etmekde öňdebaryjy boldy

2024-nji ýylyň ýanwar — maý aýlarynda Hytaýa suwuklandyrylan tebigy gazy eksport etmekde Awstraliýa birinji orny eýeledi. Bu barada Hytaý Halk Respublikasynyň Baş gümrük müdirligi habar berýär. Hasabat döwründe Awstraliýa hytaý bazaryna umumy bahasy 6,3 milliard amerikan dollaryna deň bolan 11 million tonna suwuklandyrylan tebigy gazy iberdi. Bu ugurda ikinji ýer Katara degişli. Katar şu ýylyň bäş aýynda umumy bahasy 4,7 milliard amerikan dollaryna barabar 7,7 million tonna suwuklandyrylan gazy Hytaýa eksport edipdir. Ilkinji üçlügi bolsa Malaýziýa (umumy bahasy 1,8 milliard amerikan dollar, umumy göwrümi 3,7 million tonna) jemleýär. Bäş aýda umumy bahasy 1,7 milliard amerikan dollarlyk 2,85 million tonna suwuklandyrylan tebigy gazy Hytaýa satan Russiýa Federasiýasy bolsa dördünji orunda ýer alypdyr.

23 Iýun 2024

298 million ýük geçirmäge ukyply port gurlar

Ýakyn wagtda Hindistanyň günbatar kenarynda, Mumbaý şäherinden 125 kilometr uzaklykda dünýädäki iň uly portlaryň biriniň gurluşygyna başlanar. «Wadhawan» diýlip atlandyryljak bu portuň taslamasynyň umumy bahasy 9,1 milliard amerikan dollaryna deň bolar diýlip çaklanylýar. Onuň gurluşygy 74 göterimlik paýa eýe boljak «Jawaharlal Neru» port dolandyryşynyň («Nawa-Şewa» portunyň resmi ady) we «Maharaştra» Deňiz geňeşiniň (Hindistanda bir ştat) bilelikdäki kärhanasy tarapyndan durmuşa geçiriler. Portuň gurluşygynyň birinji tapgyryny 2029-njy ýyla çenli tamamlamak meýilleşdirilýär.

23 Iýun 2024

Eýran «Demirgazyk — Günorta» ulag geçelgesi üçin zerur bolan «Reşt-Astara» demir ýolunyň birinji bölüminiň gurluşygyny tamamlady

«Tasnim» agentligi Eýranyň demir ýolunyň Reşt şäherinden «Demirgazyk — Günorta» ulag geçelgesiniň bir bölegi bolan Hazar portuna çenli uzaýan böleginiň 20-nji iýunda ulanylmaga berilýändigini habar berdi. Geljekde ýoluň Hazar portundan Eýranyň demirgazyk-günbataryndaky Astara sebitine çenli uzaýan nobatdaky tapgyryny gurmak meýilleşdirilýär. Ýoluň uzynlygy — 37 km. Gurluşyk üçin takmynan 30 trillion rial ýa-da 630 million ýewro möçberinde karz serişdeleri çekildi. Taslamanyň umumy bahasy — 35 trillion rial ýa-da 730 milliard ýewro.

21 Iýun 2024

Energetika ulgamynyň ösüşleri

Elbetde, türkmen jemgyýetinde gazanylýan her bir ösüşler milli kanunçylygyň kämilleşmegi esasynda amala aşyrylýar. Milli kanunçylygy kämilleşdirmek boýunça toplumlaýyn işlerde halkara tejribeler içgin öwrenilýär hem-de olaryň iň ygtybarly ugurlary ornaşdyrylýar. Munuň özi täze taryhy eýýamymyzda kanunçylyk ulgamyny döwrebap kämilleşdirmegiň, olary halkara hukugynyň umumy ykrar edilen kadalaryna laýyklykda baýlaşdyrmagyň döwlet işiniň esasy ugurlarynyň biridigini doly tassyklaýar. Elektrik energetikasy ulgamynda hem döwlet syýasatyny üstünlikli durmuşa geçirmek we bu ugurda alnyp barylýan işleriň kanunçylyk binýadyny kämilleşdirmek maksady bilen, «Energiýany tygşytlamak we energiýadan netijeli peýdalanmak hakynda» Türkmenistanyň Kanuny kabul edildi. «Energiýany tygşytlamak we energiýadan netijeli peýdalanmak hakynda» Türkmenistanyň Kanunynyň esasy maksady ata Watanymyzyň energiýa çeşmelerini tygşytly ulanmakdan, netijeli peýdalanyp, geljekki nesillerimize hem ýetirmekden, şeýle-de ýaşlary energiýa serişdelerinden tygşytly we netijeli peýdalanmak ruhunda terbiýelemekden ybaratdyr.

20 Iýun 2024

Halkymyzyň bähbitlerini nazarlaýar

Ata Watanymyz dünýäde nebit-gaz, elektrik energiýasyny öndürmekde öňdäki orunlarda durýar. Ýurdumyzda öndürilýän elektrik energiýasyndan raýatlarymyzyň hiç hili bökdençsiz peýdalanmaklaryny ýola goýmak maksadynda Türkmenistanyň Prezidentiniň 2020-nji ýylyň 31-nji ýanwarynda «Ahal—Balkan» we «Balkan—Daşoguz» ýokary woltly howa elektrik geçirijisiniň we podstansiýalaryň gurluşygy üçin enjamlary, materiallary we tehnikalary satyn almak hem-de telemehanika ulgamlaryny gurnamak barada şertnamalary baglaşmak hakynda Kararynyň kabul edilmegi bilen bu iri göwrümli  bekediň gurluşygyna girişildi.  «Pähim-paýhas ummany Magtymguly Pyragy» ýylymyzyň 5-nji iýunynda Arkadagly Gahryman Serdarymyzyň Daşoguz welaýatyna amala aşyran saparynyň dowamynda Balkan — Daşoguz ugry boýunça täze howa elektrik geçirijisiniň we her biriniň güýjenmesi 500 kilowolt bolan elektrik beketleriniň işe girizilmegi bilen ýurdumyzda hereket edýän energiýa ulgamyny halkalaýyn birleşdirmek boýunça iri taslama durmuşa geçirildi.

20 Iýun 2024

Türkiýeden Türkmenistana awtomobil ätiýaçlyk şaýlarynyň eksporty $9,9 milliona barabar boldy

Türkiýeden Türkmenistana awtomobil ätiýaçlyk şaýlarynyň eksporty 2024-nji ýylyň ýanwar-maý aýlarynda 9,9 million ABŞ dollaryna barabar boldy. Bu barada Türkiýäniň Söwda ministrligine salgylanyp, “Trend” agentligi duşenbe güni habar berdi. Habara bellenilişi ýaly, diňe şu ýylyň maý aýynda Türkiýe Türkmenistana 2,6 million ABŞ dollaryna barabar bolan awtomobil senagatynyň önümlerini eksport etdi.

20 Iýun 2024

Fransiýa A10 we A85 awtoulag ýollarynyň çatrygyndaky ýük awtoulaglarynyň duralgasy döwrebaplaşdyrylýar

Tur (Fransiýa) şäheriniň golaýyndaky A10 we A85 awtoulag ýollarynyň kesişýän ýerindäki ýük awtoulaglarynyň duralgasy döwrebaplaşdyrylýar we giňeldilýär. Bu barada «40ton» hem-de «comcomtvi.fr» portallarynyň maglumatlaryna salgylanýan «Логист.Today» habar berýär. Awtoulag duralgasy 2021-nji ýylda «Center Routier Isoparc» ady bilen guruldy. Dynç alyş meýdançasy dolulygyna elektrik panelleri bilen örtülip, 146 awtoulagy goýmak üçin orunlary üpjün etdi. Şeýle-de bolsa, bu maýa goýum indi «TIP Secure Truck Parking Isoparc Sorigny» diýen adyny üýtgeden «TIP Group» kompaniýasyna geçirildi.

20 Iýun 2024

Bilermeniň pikiri: Hytaýdan Russiýa göni demir ýol gatnawy iki esse azaldy

Maý aýyndan bäri Hytaýdan eltip bermek boýunça hyzmat üçin isleg gaýtadan döräp başlady. Munuň özi tranzit wagtynyň we ýük çykdajylarynyň amatlylygy bilen baglydyr. Bu barada «Канавара Групп» kompaniýasynyň müşderiler bilen işlemek boýunça direktorynyň orunbasary Andreý Serebrýakowyň beren maglumatyna salgylanýan «Logirus» habar berdi. — Häzirki wagtda multimodal ulag üçin tranzit wagty — takmynan 60 gün, göni demir ýol ulaglary üçin 30 gün töweregi. Hyzmatlaryň köpüsinde owerbuking bellige alynýar — diýip, hünärmen belleýär. — Deňeşdirmek üçin: aprel aýynda Hytaýdan multimodal ulag üçin 40 gije-gündiz, göni demir ýol ulagyna bolsa 15 gije-gündiz gerekdi.

20 Iýun 2024

“Uzynada” — baýlyklar käni

Milli ykdysadyýetiň ähli pudaklary bilen birlikde, nebitgaz pudagynda-da döwrebap işler bitirilýär. Şeýle işler, geçen ýyllarda bolşy ýaly, şu ýyla-da mahsus ýörelgedir. Toplumyň iň iri önümçilik düzümleriniň biri bolan «Türkmennebit» döwlet konserniniň günbatar sebitde iş alyp barýan dürli maksatly kärhanalarynyň zähmet toparlary bu ugurda guwandyryjy netijeleri gazanýarlar. Konserniň «Nebitgazçykaryş» trestiniň «Gumdagnebit» nebitgaz çykaryş müdirliginde soňky ýyllarda amala aşyrylýan işler aýratyn bellärliklidir. Baýry, şol bir wagtyň özünde-de, düýpli täzelenişi başdan geçirýän kärhanada hereket edýän guýulardan alynýan uglewodorod çig malynyň möçberi yzygiderli artdyrylýar. Türkmen topragynyň genji-käni bilnen «gara altynly» ýataklary gözläp tapyp, olary senagat taýdan özleşdirmek işi bu hazynalar mesgeninde 1948-nji ýyldan gözbaş alýar. Şol ýyl gazuw işleri tamamlanyp, ulanyşa tabşyrylan 1-nji belgili guýudan bir gije-gündizde alynýan nebitiň möçberi 25 tonnadan hem geçipdir. Hut şu buýsançly wakanyň özem soňy bilen «Gumdagnebit» nebitgaz çykaryş müdirliginiň dürli ýataklardaky işleriniň depginini ymykly ýokarlandyrmaga badalga berýär.

20 Iýun 2024

Ak mermerli ajap binalar görner

Milli bilim ulgamynyň hemmetaraplaýyn ösdürilmegi hem-de onuň maddy-enjamlaýyn binýadynyň berkidilmegi, bu ulgamyň hil taýdan täze derejä çykarylmagy türkmen halkynyň Milli Lideri Gahryman Arkadagymyzyň başyny başlan hem-de hormatly Prezidentimiziň baştutanlygynda mynasyp dowam etdirilýän döwlet syýasatynyň ileri tutulýan möhüm ugrudyr. Şunuň bilen baglylykda bilim ulgamynyň kämilleşdirilmegine aýratyn ähmiýet berilýär, munuň özi milli ykdysadyýetimiziň dürli pudaklary üçin ýokary hünärli işgärleriň kemala gelmegine gönükdirilendir. Geçen ýylyň 1-nji sentýabrynda — Bilimler we talyp ýaşlar gününde hem-de täze 2023 — 2024-nji okuw ýylynyň başlanmagy mynasybetli paýtagtymyzda we ýurdumyzyň welaýatlarynda birbada ýokary okuw mekdepleriniň üçüsiniň düýbi tutulypdy. Şolaryň birisi Seýitnazar Seýdi adyndaky Türkmen döwlet mugallymçylyk institutynyň täze binalar toplumydyr. Ýakynda biz gurluşyk işleriniň depgini bilen gyzyklanyp, bu ýere geldik. 20 gektardan gowrak meýdany eýeleýän binalar toplumynyň golaýynda bizi gurluşyk meýdançasynyň başlygy Nowruz Babajanow garşylady.

19 Iýun 2024

Ykdysady ösüşde möhüm ädim

Golaýda hormatly Prezidentimiziň Daşoguz welaýatyna iş saparyny amala aşyryp, ýurdumyzda bitewi halkalaýyn energoulgamy döretmegiň taslamasynyň çäginde gurlan Balkan — Daşoguz ugry boýunça täze howa elektrik geçirijisini işe girizmek dabarasyna gatnaşmagy ýylyň möhüm wakasy hökmünde elektroenergetika pudagynyň taryhynda nobatdaky sahypany açdy. Bu taslamanyň üstünlikli amala aşyrylmagy bilen, Diýarymyzda bir bitewi halkalaýyn energiýa ulgamy emele geldi. Jemi uzynlygy 572 kilometr bolan Balkan — Daşoguz elektrik geçirijisini çekmek boýunça ähli işleriň Garaşsyzlyk ýyllarynda uly tejribe toplan türkmen gurluşykçylary tarapyndan amala aşyrylandygyny bellemek gerek. Garagumuň üstünden geçýän bu ugur alnyp barylýan işleriň hiline aýratyn talaplary bildirdi. Döwletimiziň goldaw bermegi, pudagyň işgärleriniň işiniň dogry guralmagy netijesinde, gurluşyk-gurnama amallary gysga möhletlerde durmuşa geçirildi. Her biriniň güýjenmesi 500 kilowolt bolan «Balkan» we «Daşoguz» elektrik beketleri, olary birikdirýän ýokary woltly asma elektrik geçirijisi ýurduň bitewi halkalaýyn energoulgamynyň ahyrky tapgyrynyň gurluşygynyň tamamlanandygyny alamatlandyrdy.

19 Iýun 2024

Beýik ösüşlere beslenýän eziz Diýar

«Pähim-paýhas ummany Magtymguly Pyragy» ýylynda ýurdumyz ösýär, özgerýär, röwşen geljege tarap öňe barýar. Hormatly Prezidentimiziň taýsyz tagallalary bilen ýurdumyzyň dürli künjeklerinde döwrebap desgalar gurulýar, milli ykdysadyýetimiz has-da kuwwatlanýar. Ýurdumyzda durmuşa geçirilýän şeýle beýik işler halkymyzyň bähbidini nazarlaýar, röwşen geljegimizi üpjün edýär. Biz muny halk bähbitli beýik işlerden, gurlup ulanmaga berilýän desgalardan, ýaşaýyş jaýlaryndan we medeni-durmuş ähmiýetli binalardan aýdyň görýäris. Muňa mysal edip, diňe şu ýylda gurlup ulanmaga berlen ençeme taryhy ähmiýetli desgalary görkezmek bolar. Şu ýerde Lebap sement zawodynyň ikinji tapgyrynyň açylyş dabarasy, Mary welaýatynda Aşgabat — Türkmenabat ýokary tizlikli awtomobil ýolunyň Tejen — Mary böleginiň açylyp ulanmaga berilmegi ýaly taryhy wakalary bellemek bolar. Şeýle hem Ahal welaýatyndaky ýylda 1 million tonna sement öndürmäge niýetlenen Bäherden sement zawodynyň ikinji tapgyrynyň we Ýaşlyk şäherçesindäki kuwwaty bir gije-gündizde 30 müň kub metre deň bolan suw arassalaýjy desganyň açylyp ulanmaga berilmegi, Balkan — Daşoguz ugry boýunça täze howa elektrik geçirijisi we her biriniň güýjenmesi 500 kilowolt bolan elektrik beketleri taryhy wakalaryň hatarynyň üstüni ýetirdi. Bularyň ählisi ýurdumyzyň beýik ösüşlerini, ykdysady kuwwatynyň barha ýokarlanýandygyny aýdyň beýan edýär. Häzirki ajaýyp döw

18 Iýun 2024

Gazçylaryň zähmet üstünligi

«Türkmengaz» döwlet konserniniň gazçylary hormatly Prezidentimiz Arkadagly Gahryman Serdarymyzyň döwletimizde tebigy gazyň çykarylýan möçberini artdyrmak boýunça berýän tabşyryklary esasynda tutanýerli zähmet çekmek bilen, «Pähim-paýhas ummany Magtymguly Pyragy» ýylyny üstünliklere besleýärler. Konserniň «Türkmengazburawlaýyş» müdirliginiň burawlaýjylary ýurdumyzda mukaddes Gurban baýramynyň giňden bellenilýän günlerinde gaz gorunyň möçberi boýunça dünýäde öňdäki orunlaryň birini eýeleýän «Galkynyş» gaz känindäki 259-njy ulanyş guýusyndan tebigy gazyň senagat ähmiýetli akymyny alyp, ajaýyp zähmet üstünligini gazandylar.

17 Iýun 2024

Burawlaýjylaryň üstünlikli zähmeti

«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyna» laýyklykda iş alyp barýan «Türkmennebit» döwlet konserniniň öňünde goýlan wezipeleriň üstünlikli amala aşyrylmagynda «Nebitgazburawlaýyş» trestiniň hyzmaty uludyr. Ýurdumyzyň günbatar sebitinde ýerleşýän Uzynada meýdançasy Garaşsyzlyk ýyllary içinde ady güneşli ülkämiziň nebitgaz senagatynyň taryhyna giren hazynaly ýerleriň biridir. «Nebitgazburawlaýyş» trestiniň Goturdepe, Nebitdag, Ekerem, Körpeje buraw işleri müdirlikleri bu ýerde öndürijilikli iş alyp barýarlar. Häzirki wagtda Uzynadanyň 79, 80, 81, 84, 85-nji belgili guýularynda gazuw işleri amala aşyrylýar. Bu meýdançada tebigy baýlygyň möçberini anyklamak boýunça işleriň hem utgaşykly alnyp barylýandygyny bellemek gerek.

17 Iýun 2024

‹
1
2
3
4
5
6
7
8
...
201
202
›