Türkmenmetbugat

"Edebiýat we sungat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-17, 38-62-33, 38-62-01
Email: edebiyatwesungat@sanly.tm

Gazeti PDF görnüşinde ýükläp almak

Habarlar

Türkmen dünýäsiniň baýlyk-bary Sen, Söýüp, söýenmäge Arkadagy Sen!

Türkmenistanyň Prezidentiniň «Türkmeniň Altyn asyry» atly bäsleşigine Türkmenistanyň Gahrymany, halypa şahyr Gözel Şagulyýewa bu ajaýyp setirleri ýazanda müň keren mamla. Sebäbi Garaşsyz, baky Bitarap Türkmenistan döwletimiziň ösüşiň täze ýoluna düşmegi, ägirt uly ösüşlere eýe bolmagy we halkara abraýynyň belende göterilmegi türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň taýsyz tagallalarynyň miwesidir. Milli Liderimiziň öz ata Watanyna, mähriban halkyna bolan egsilmez söýgüsi, öňdengörüjilige esaslanýan çuňňur pähim-paýhasy düýpgöter täze zamananyň binýadyny goýdy. Bu döwri-döwran, sowulmaz ýaz türkmeniň aýdyň ertä, has-da röwşen geljege ýol salan baky bagtynyň binýadydyr.

26 Iýun 2024

Türkmeniň taryhynyň we şu gününiň beýany

Garaşsyz ýurdumyzda türkmen halkynyň taryhyny, medeni mirasyny goramak, olary aýawly saklap, geljek nesillere ýetirmek, muzeýleşdirmek işleri üstünlikli amala aşyrylýar. Bu işlere muzeýimiziň hünärmenleri hem öz saldamly goşandyny goşýarlar. Muzeýimiziň etnografiýa bölüminde halkymyzyň, aýratyn-da kenarýaka türkmenleriň baý maddy we ruhy medeniýeti barada giňişleýin gürrüň berýän muzeý esbaplarynyň ençemesi sergilenýär. Olaryň arasynda türkmen zenanlarynyň dokan haly, palas önümleri, dürli ölçegdäki owadan keçeler bar.    Sergi otagynyň ep-esli ýerini tutup duran, ähli zerur esbaplar bilen gelşikli bezelen türkmeniň ak öýi muzeýe gelýänleriň bada-bat ünsüni özüne çekýär. Çünki durmuşyny gözellikler bilen baglan halkymyz elini degren zadyny sungata öwürmäge çalyşýar. Geçmişde türkmeniň gurnama ak öýleriniň süňňüni düzmek ýigitleriň paýyna düşen bolsa, onuň içki we daşky bezegini gelin-gyzlar  özleriniň on barmagynyň hünäri bilen ussatlarça ýerine ýetiripdirler. Köp sanly çitme we kakma önümleriniň ak öýleriň bezeginde hem-de hojalykda hyzmaty diýseň uly bolupdyr. Meselem, ak öýüň gapysyna ýapylyp ulanylan gapy kilimi öýüň içini yssydan, sowukdan, ýel-ýagmyrdan we tozandan gorapdyr. Öýi gurmakda peýdalanylýan düzgün ýüpi, öýüň daşky keşbine bezeg we söýeg bolup hyzmat edýän gülli ýüpi hem kakmada dokalyp taýýarlanypdyr. Gadymdan bäri öýüň içki bezegi, şonuň ý

26 Iýun 2024

Täzelikler

Mekdep okuwçylarynyň tomusky dynç alyş möwsümini has-da gyzykly, täsirli geçirmeklerini gazanmak maksady bilen Halaç etrap çagalar we ýetginjekler döredijilik öýi tarapyndan giň gerimli işler guralýar. Bu bilim ojagynyň ýanyndaky halyçylyk gurnagyna ýaşlaryň 50-ä golaýy gatnaýar. Tejribeli gurnak ýolbaşçysy Hatyja Şirowa gurnak agzalaryna türkmen halyçylyk sungatynyň döreýiş taryhy, haly gölleriniň we nagyşlarynyň aýratynlyklary barada gyzykly gürrüň berýär. Şeýle hem ýaşlara haly dokamagyň inçe tärlerini öwredýär. Hatyja Şirowanyň şägirtleri dürli bäsleşiklere hem gatnaşdyrylýar. Ýaňy-ýakynda gurnak agzasy Leýli Rüstemowa «El hünäri — il gezer» atly bäsleşigiň welaýat tapgyrynda birinji orny eýeläp, baş baýraga mynasyp boldy. Ol şu bäsleşigiň döwlet tapgyrynda bolsa höweslendiriji baýrak bilen sylaglanyldy. Halyçylyk gurnagyna gatnaýan ýaşlaryň her güni şeýle täsirli pursatlara beslenýär.

26 Iýun 2024

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkmenistanyň Dokma senagaty ministrliginiň “Dokmaçylar” medeni merkeziniň açylyş dabarasyndaky ÇYKYŞY

Hormatly dabara gatnaşyjуlar!Gadyrly medeniýet we sungat işgärleri! Biz şu gün Medeniýet we sungat işgärleriniň hem-de Magtymguly Pyragynyň şygryýet güni, şeýle hem şahyryň doglan gününiň 300 ýyllygy mynasybetli Türkmenistanyň Dokma senagaty ministrliginiň «Dokmaçylar» medeni merkeziniň döwrebap binasynyň açylyş dabarasyna gatnaşýarys. Bu şatlykly waka Arkadag şäherinde geçirilýän Medeniýet hepdeliginiň dabaralary bilen utgaşyp geldi. Bu merkez geljekde türkmen medeniýetini we sungatyny ösdürmekde, dünýä tanatmakda möhüm ähmiýete eýe bolar.

26 Iýun 2024

Türkmen halkynyň Milli Lideri, Türkmenistanyň Halk Maslahatynyň Başlygy Birleşen Arap Emirlikleriniň ykdysadyýet ministri bilen duşuşdy

25-nji iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň ýurdumyza iş sapary bilen gelen Birleşen Arap Emirlikleriniň ykdysadyýet ministri Abdulla bin Tuk Al-Marri bilen geçiren duşuşygynda özara bähbitli hyzmatdaşlygy ösdürmegiň geljegine degişli meseleler ara alnyp maslahatlaşyldy. Duşuşygyň dowamynda döwletara gatnaşyklaryň köpugurly we uzak möhletleýin häsiýete eýedigi nygtaldy. Bu gatnaşyklar özara hormat goýmak we birek-birege goldaw bermek esasynda yzygiderli ösdürilýär. Şunuň bilen birlikde, däp bolan gatnaşyklar özara düşünişmegiň we ýakyn hyzmatdaşlygyň ýokary derejesi bilen tapawutlanýar.

26 Iýun 2024

Türkmen halkynyň Milli Lideri, Türkmenistanyň Halk Maslahatynyň Başlygy Pakistan Yslam Respublikasynyň senagat we önümçilik boýunça federal ministri bilen duşuşdy

25-nji iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Pakistan Yslam Respublikasynyň senagat we önümçilik boýunça federal ministri Rana Tanwir Hussain bilen duşuşdy. Duşuşykda däp bolan dostlukly döwletara gatnaşyklary mundan beýläk-de ösdürmegiň geljegi gyzyklanma bildirilip ara alnyp maslahatlaşyldy. Duşuşygyň dowamynda Gahryman Arkadagymyz we myhman ikitaraplaýyn hyzmatdaşlygyň möhüm meseleleri boýunça pikir alyşdylar. Söwda-ykdysady ulgam hyzmatdaşlygyň esasy ugurlarynyň biri bolup durýar. Sebitde bilelikdäki energetika we kommunikasiýa taslamalarynyň durmuşa geçirilişine, hususan-da, Türkmenistan — Owganystan — Pakistan — Hindistan transmilli gaz geçirijisiniň gurluşygyna aýratyn üns berildi. Şunuň bilen birlikde, Türkmenistan — Owganystan — Pakistan ugry boýunça optiki-süýümli aragatnaşyk ulgamynyň we elektrik geçirijisiniň taslamalary uly ähmiýete eýedir. Bu iri düzümleýin taslamalaryň üstünlikli amala aşyrylmagynyň tutuş sebiti durmuş-ykdysady taýdan yzygiderli ösdürmäge itergi berjekdigine hem-de parahatçylygyň we durnukly ösüşiň möhüm şertine öwrüljekdigine ynam bildirildi. Şunda Türkmenistanyň öz tarapyndan özara bähbitli döwletara hyzmatdaşlygy ösdürmäge gönükdirilen anyk teklipleriň ilerledilmegini goldamaga taýýardygy nygtaldy.

26 Iýun 2024

Ak ýollaryň aýlawy dowamata rowandyr

Bu gün eziz Watanymyzyň halkara abraýyny, dürli ugurlarda gazanylýan üstünlikleri, gurlan we gurulýan täze desgalary, ösen durmuş ulgamy, täze galkynyşa eýe bolan medeniýet ulgamy, üstünlikli bilim özgertmeleri... ýaly islendik ugurlara ser salanyňda, Gahryman Arkadagymyzyň durmuşa geçiren beýik özgertmeleri, ýurdumyzyň gülläp ösmegi, halkymyzyň abadançylygy ugrunda alyp baran işlerine göz ýetirýärsiň. Taryhda yz galdyrjak nusgalyk işleri bitirip, halkyň ynamyna mynasyp bolmak, oňyn başlangyçlar bilen halkara giňişligine çykyp, dünýä halklarynyň arasynda tanalmak, döredijilik ýoluny gurmak beýik Şahsyýetlere başardýar. Olar öz halkynyň beýik Ogly bolup, taryha girýär. Türkmen halkynyň Milli Lideri, Türkmenistanyň Gahrymany, Türkmenistanyň Hormatly il ýaşulusy Gurbanguly Berdimuhamedow öz ylmy işleri we çeper eserleri, reformatorçylyk ukyby, maksada okgunly häsiýeti, watanperwerligi, sahawatlylyk ýörelgeleri bilen halkyň uly ynamyny, söýgüsini gazandy. Gahryman Arkadagymyzyň badalga beren «Döwlet adam üçindir!» diýen ýörelgesi döwlet syýasatynyň baş ugruna öwrülip, bu gün durmuşyň ähli ugurlarynda şöhlelenýär. Milli Liderimiziň özgertmeler syýasaty ägirt uly ykdysady kuwwaty bolan ýurdumyzyň, baý medeni we aýawly saklanýan mirasy bolan halkymyzyň tutuş dünýäde ýokary baha we ykrarnamasyna eýe bolmagyny üpjün etdi.

25 Iýun 2024

Beýik akyldara belent sarpa

Bagtyýar türkmen halky bu gün beýik akyldar şahyry Magtymguly Pyragynyň arzuwlan zamanasynda ýaşamak bilen, söz ussadynyň döredijiligine, edebi mirasyna uly sarpa goýýar. Beýik akyldaryň giň mazmunly, çuň manyly şygryýetiniň gymmaty günsaýyn ýokarlanýar, syrly pikirleri bolsa dünýä alymlarynyň ünsüni özüne çekýär. Şahyryň döredijiliginde watançylyk, gahrymançylyk, söýgi temalary eriş-argaç bolup geçýär. Ol şygyrlarynda ähli güýjüň, kuwwatyň, abraýyň iliňe, ýurduňa edýän hyzmatyňa baglydygyny yzygiderli nygtaýar. Akyldar şahyryň köptaraply döredijiliginde alymlar, ylym-bilim hakynda hem çuňňur pelsepäni görmek bolýar. Bu bolsa ýaş nesillere ylym-bilim öwretmekde, olaryň kämil şahsyýetler bolup ýetişmeklerinde bahasyna ýetip bolmajak nesihatdyr.

24 Iýun 2024

Ýatkeşligi terbiýelemek hakynda

«7/24. tm» №26 (213), 24.06.2024 Ýatkeşlik — psihikanyň iň möhüm wezipeleriniň biri. Ol tejribe toplamaga, geçmişe we şu güne dolanmaga mümkinçilik berýär.

24 Iýun 2024

Akyldar şahyryň döredijiliginde adalatlylyk taglymaty

Akyldaryň şygyrlary ýaşaýşyň gözbaşyndan başlap, şu günümize, hatda geljege düşünmekde hem gymmatly çeşme bolup durýar. «Pähim-paýhas ummany Magtymguly Pyragy» diýlip atlandyrylan bu ýylda sarpasy belent tutulyp dünýä derejesinde abraýy arşa galan türkmen şahyry Magtymguly Pyragynyň doglan gününiň 300 ýyllygynyň bellenilmegi bolsa onuň dünýä halklary tarapyndan beýik akyldar şahyr hökmünde ykrar edilmeginiň subutnamasy boldy. Magtymguly Pyragynyň döredijiligi adam durmuşynyň her bir pursadyny açyp görkezmekde iňňän ähmiýetli terbiýe beriji ensiklopediýa bolup hyzmat edýär. Şahyryň ýaşan döwründäki we ondan soňky dörän edebiýatymyzyň görnükli wekilleri hem şahyryň döredijiliginiň ugurlaryny dowam etdiripdirler. Şol nukdaýnazardan hem, Magtymguly Pyragyny türkmen şahyrlarynyň köpüsiniň halypasy diýsek ýalňyşmarys. Sebäbi onuň pelsepewi garaýyşlary döwürdeş şahyrlaryň we ondan soňky edebiýat wekilleriniň döredijiligine hem täsir edipdir.

23 Iýun 2024

Ýaş nesil hakda alada — abadan geljegiň binýady

Halkymyz çaganyň milli hem ruhy gymmatlyklardan gözbaş alýan däp-dessurlar esasynda terbiýelenmegine aýratyn ähmiýet berip, ony asyrlarboýy kämilleşdiripdir. Döwürleriň we durmuşyň synagyndan geçen gadymy däpler esasynda çagalara bolan garaýşyň milli edep-ahlak mekdebini döredipdirler. Çagada ýaşlykdan zähmet endiklerini kemala getirmekde, olarda edeplilik, lebzihalallyk ýaly ahlak sypatlaryny terbiýelemekde binýatlaýyn ýörelgeler hyzmat edipdir. Ata-babalarymyz çagalara irki ösüş döwründen zähmet çekmegi, hünäre hormat goýmagy öwredip, zähmete bolan söýgini şol döwürdäki milli oýunlaryň üsti bilen döretmegi başarypdyrlar. Çünki çaga üçin oýunlar özboluşly täsirli, terbiýeçilik ähmiýetli mekdep bolupdyr. Mysal üçin, palçykdan dürli şekiljikleri ýasamak ýaly oýunlara güýmenmekleri çagalarda irki döwürden döredijilige ukyby, zähmetsöýerligi we agzybirligi terbiýeläpdir. Olar ulaldygyça-da, kem-kemden maşgala zähmetine çekilip, guşlara, mallara seretmek ýaly ýumuşlar arkaly, zähmet endikleri kemala getirilipdir. Şeýlelikde, zähmetiň bar ýerinde berekediň, agzybirligiň bolýandygyny aňlaryna berk siňdirmek bilen, «Çekseň zähmet, ýagar rehnet», «Hünärli zor, hünärsiz hor», «Işleseň, il tanar», «Bir okana bar, birem — dokana» diýen ýaly pähimlerden ugur almagy öwredipdirler.

22 Iýun 2024

ARKADAG ŞÄHERI — BAGTYŇ ŞÄHERI

Gahryman Arkadagymyzyň başyny başlan asylly işleri hormatly Prezidentimiziň baştutanlygynda üstünlikli dowam etdirilýär. Şonuň netijesinde, ýurdumyzda giň möçberli özgertmeler amala aşyrylýar. Ýurdumyz gülläp ösýär. Oba-şäherlerimiziň keşbi tanalmaz derejede özgerýär. Paýtagtymyz Aşgabady görmäge göz gerek. Sebitde deňi-taýy bolmadyk «akylly» şäheriň — Arkadag şäheriniň döremegi türkmen topragynda durmuşyň haýran galdyryjy derejede öňe gidýändiginiň, guwandyryjy ösüşlerimiziň aýdyň güwäsidir. Milli Liderimiz Arkadag şäherine iş saparlaryny yzygiderli amala aşyrýar. Bu ýerde şäheriň gurluşygynyň ikinji tapgyrynda bina edilmegi meýilleşdirilýän dürli maksatly desgalaryň taslamalary, binalaryň bezeg aýratynlyklaryna degişli serişdeler, önümçilik desgalarynyň gurluşygy boýunça alnyp barylýan işler bilen tanyşýar. Degişli ýolbaşçylaryň gatnaşmagynda iş maslahatlaryny geçirýär. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň işini mundan beýläk-de kämilleşdirmek boýunça möhüm başlangyçlary öňe sürýär. Arkadag şäheriniň gurluşygynyň ikinji tapgyrynda, esasan, önümçilik toplumlarynyň bina ediljekdigine görä, şu ugra häzirki zaman ylmynyň gazananlarynyň gönükdirilmelidigini ýatladýar. Binagärlik keşbiniň sazlaşyklylygy, ekologik derejäniň üpjün edilmegi Arkadag şäheriniň gurluşygynda örän möhüm wezipeleriň hata

22 Iýun 2024

Türkmenistan – sport ýurdy

Türkmenistan – sport ýurdy. Bu jümläniň Ýer ýüzünde uly ykrarnama eýedigine ýurdumyzda dürli ýyllarda guralan iri halkara ýaryşlaryň hem-de döwletimiziň öňe süren umumadamzat bähbitli başlangyçlarynyň mysalynda aýdyň göz ýetirmek bolýar. Dünýäniň çar künjeginden müňlerçe janköýerleriň ünsüni eziz Diýarymyza gönükdiren şol ýaryşlar, sporty, sagdyn durmuş ýörelgesini dabaralandyrýan başlangyçlar yklymlary, halklary ýakynlaşdyrmak bilen birlikde, sportuň taryhyna altyn harplar bilen ýazylan şöhratly wakalardyr. Hormatly Prezidentimiziň: «Gahryman Arkadagymyzyň başyny başlan beýik başlangyçlary esasynda ýurdumyzyň halkara sport abraýy täze derejelere ýetdi. Dünýäde iri halkara sport ýaryşlaryny geçirmäge ukyply ýurt hökmünde ykrar edilen ata Watanymyzda dürli ýaryşlaryň, şol sanda halkara derejedäki bäsleşikleriň yzygiderli geçirilmegi sport boýunça özgertmeleriň üstünlikli amala aşyrylýandygynyň ajaýyp nyşanydyr» diýen dürdäne sözleriniň uly ykrarnama eýe bolan hakykatdygyna biz ýurdumyzda geçirilen ýaryşlara gatnaşanlaryň we sport muşdaklarynyň hoşallyklara beslenen sözlerini diňlänimizde hem aýdyň şaýat bolýarys.

21 Iýun 2024

Galkynýan göwünleriň goşa ganaty

Toýlaryň toýlara, baýramlaryň baýramlara ulaşýan döwründe ýaşamagyň, okamagyň, işlemegiň, döretmegiň, gurmagyň özi uly bagtdyr. Gahryman Arkadagymyzyň we Arkadagly Gahryman Serdarymyzyň taýsyz tagallalary bilen uly ösüşlere beslenýän Berkarar döwletiň täze eýýamynyň Galkynyşy döwründe halkymyzyň ýatdan çykmajak dabaralara besleýän baýramlarynyň biri-de Medeniýet we sungat işgärleriniň hem-de Magtymguly Pyragynyň şygryýet günüdir. «Her ýylyň 27-nji iýunynda ýurdumyzyň medeni durmuşynda şanly waka – Medeniýet we sungat işgärleriniň hem-de Magtymguly Pyragynyň şygryýet güni dabaraly bellenilýär. Bu goşa baýramyň bilelikde bellenilmeginiň özboluşly manysy bardyr. Magtymguly Pyragynyň belent daglardan şaglap gaýdýan boz bulaklar ýaly arassa duýgulara, arşy belentlige göterilen beýik pikirlere baý edebi mirasy çeper döredijilik bilen meşgullanýan medeniýet we sungat işgärleri, ýazyjy-şahyrlar, žurnalistler, suratkeşler, heýkeltaraşlar, bagşy-sazandalar, kompozitorlar, artistler üçin nusgalyk mekdepdir» diýip, hormatly Prezidentimiz nygtaýar. Şu sözlerden hem görnüşi ýaly, Magtymguly Pyragy döredijilik işgärleri, medeniýet we sungat ulgamynyň wekilleri üçin ýol görkeziji şamçyragdyr, görelde mekdebidir.

21 Iýun 2024

Talyp türgenimiziň üstünligi

Ýurdumyzyň sport älemindäki üstünliklerine mynasyp goşant goşup gelýän ýaş dzýudoçy Serdar Rahymow ýokary okuw mekdebimiziň göreldeli talyplarynyň biridir. Ol ýakynda Duşenbede geçirilen Uly tuwulga ýaryşynyň dünýä tapgyrynda altyn medala mynasyp bolmak bilen, türkmen sportunyň taryhynda ajaýyp netije gazandy. Täjigistanyň paýtagtynda guralan bu abraýly bäsleşikde Olimpiýa oýunlarynyň hem-de dünýä çempionatlarynyň baýrak eýeleriniň çykyş edendigini hem bellemek gerek. Talyp türgenimiziň olaryň arasynda hormat münberiniň ýokarky basgançagyna çykmagy guwandyryjydyr. 66 kg agramda çykyş eden Serdar Rahymow bäş tutluşyk geçirip, ählisini öz peýdasyna tamamlady. Netijede ol kadetleriň arasynda Aziýa Kubogy — 2019-nyň kümüş medalçysy B.Ulziibaýarany (Mongoliýa), Panamerikan oýunlary — 2023-niň wise-çempiony Ž.Fraskadorany (Kanada), Bakuwda geçen Uly tuwulga — 2022-niň kümüş medalynyň eýesi M.Halifaýewi (Täjigistan), ýetginjekleriň arasyndaky Aziýa Kubogy — 2019-nyň ýeňijisi B.Wajiýewi (Özbegistan), soňky ýyllarda geçirilen abraýly ýaryşlaryň birnäçe gezek baýrak eýesi O.Jebowy ahmyrda goýdy.

21 Iýun 2024

Gujurly gollar

Şol günler paýtagtymyzdaky «Aşgabat» köpugurly stadionynyň agyr atletika zaly adatdakydan köp adamly boldy. Bu ýere gelenler pauerlifting we armrestling – el göreşi boýunça geçirilen şäher çempionatynyň çekeleşikli bäsleşikleriniň şaýady boldy. Berkarar döwletimizde sport ulgamynyň ösüşine uly üns berilmegi netijesinde bu sport görnüşleri-de köpçülikleýin häsiýete eýe boldy. Bu çempionat hem onuň aýdyň mysalyna öwrüldi. Ýeri gelende aýtsak, pauerlifting – üç güýjüň bäsleşigi diýmegi aňlatsa, armrestling sözi gol, el göreşi diýmekdir. Diňe paýtagtymyzyň çäginde «Atletika» sport klubuna degişli zallarda, Aşgabat şäheriniň bedenterbiýe we sport baradaky Baş müdirliginiň 14-nji sport mekdebinde, Aşgabat Energetika orta mekdebiniň ýöriteleşdirilen zalynda bu sport görnüşleri hereket edýär. Türkmenistanly türgenler diňe bir ýurt derejesinde däl, eýsem, halkara ýaryşlaryna-da gatnaşyp, medally orunlary eýeleýärler. Bu ugurda tejribeli türgenleriň ençemesi zähmet çekýär. Şu ýerde pauerlifting, armrestling ýaly täsin we gyzykly sport görnüşleriniň ençemesiniň meşhurlyga eýe bolmagynda uly iş bitiren halypa tälimçiler, sport ussatlary Ahmet Pirowowyň, Igor Zeýnalowyň atlaryny belläp geçsek ýerlikli bolar.

21 Iýun 2024

«Dürdänedäki» şatlykly günler

Tomusky dynç alyş möwsüminde bagtyýar çagalaryň döwrebap dynç almagy, wagtlaryny peýdaly, şadyýan geçirmegi üçin ýurdumyzda hereket edýän çagalar sagaldyş we dynç alyş merkezlerinde ähli şert-mümkinçilikler döredilýär. Balkan welaýatynyň Gyzylarbat etrabyndaky «Dürdäne» çagalar sagaldyş we dynç alyş merkezi hem şolaryň biridir. Dag etegindäki ajaýyp tebigatly, sapaly howaly ýerde gurlan merkeziň daş-töweregi bagy-bossanlyga bürenendir. Çagalaryň şatlykly sesleri uzaklardan eşidilýär. Olaryň bir topary sportuň dürli görnüşleri, birnäçesi oýun oýnamak, kitap okamak bilen meşgullanýarlar. «Dürdänede» sport meýdançasy, kinozal, mejlisler zaly, amfiteatr, kitaphana, naharhana we suw howuzlary çagalaryň hyzmatynda. Bu ýerdäki ene-atalara niýetlenilen myhmanhana hem amatly şertler bilen üpjün edildi.

21 Iýun 2024

Türkmen halkynyň Milli Lideri, Türkmenistanyň Halk Maslahatynyň Başlygy O.Kononenkony doglan güni bilen gutlady

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Gahrymany, Kosmos işi boýunça «Roskosmos» döwlet korporasiýasynyň tälimçi-kosmonawt-synagçysy, kosmonawtlar toparynyň serkerdesi Oleg Kononenko şanly 60 ýaş toýy mynasybetli tüýs ýürekden gutlaglaryny iberdi. «Siz ömrüňizi kosmosy öwrenmäge, älem-jahana akyl ýetirmäge we ylmy ösdürmäge bagyşladyňyz. Biz Türkmenistanda siziň uçuşyňyzy hem-de üstünlikleriňizi ruhubelentlik bilen synlaýarys. Kosmosda bolýan wagtyňyzda hem siziň Türkmenistana bolan söýgiňizi we aýratyn ünsüňizi görmek bizi begendirýär» diýip, Gahryman Arkadagymyz gutlag hatynda belledi.

21 Iýun 2024

Türkmen topragyndan älem giňişligine çenli

Antuan de Sent-Ekzýuperiniň «Kiçijik şazada» atly kitabynda: «Her bir adamyň öz ýyldyzlary bar. Kimler üçin ýöne bir yşyk bolsa, aýlanyp ýörenlere olar ýol görkezýär» diýen jümleler bar. Laýyk 60 ýyl mundan ozal — 1964-nji ýylyň 21-nji iýunynda Jeýhun ýakasyndaky Türkmenabat şäherinde dünýä inen Oleg atly oglanjyk hem çagalygyndan sanýetmez ýyldyzlary gujagynda göterýän älem giňişligine aralaşmagy arzuw etdi. Ýyllaryň geçmegi bilen, şo-ol arzuw ýyldyzlary ony ýöne bir «kosmonawt» diýilýän arzyly käriň eýesi edip çäklenmedi. Bu gün ol älem giňişliginde bolmagyň umumy wagty boýunça dünýäniň rekordsmenine öwrüldi. Şu ýylyň 4-nji fewralynda Oleg Kononenko kosmosda jemi 878 gün, 12 sagat bolup, umumy görkezijisi babatda dünýä rekordyny goýmagy başarypdy. 5-nji iýunda, Moskwa wagty bilen sagat 00:00:20-de bolsa ol älem giňişliginde 1000 günläp bolan ýeke-täk kosmonawt hökmünde adyny taryha ýazdyrdy. Watan — beýikleri beýgeldýän mukaddeslik. Ol öz sesine sesini goşan, şan-şöhratyny beýgelden adamyň hemişe gadyryny bilýär, arzylaýar. Duz nesibäň çekip, ykbal seni nireden çykarsa-da, edil mährem eneň deýin, Watan hem elmydama saňa gujagyny açýar. «Meniň üçin eziz ýurdum — Türkmenistanda bolup geçýän wakalar hemişe möhümdir. Ýurtda gazanylýan üstünlikler meni guwandyrýar. Men Türkmenistanda doglandygyma, şu ýurt bilen baglanyşygymyň bardygyna örän buýsanýaryn» diýýän watand

21 Iýun 2024

Dokmada döredip ajap dessany...

ýa-da ýürek mähri siňen sungat barada (Dowamy. Başlangyjy gazetiň geçen sanynda).

21 Iýun 2024

‹
1
2
...
4
5
6
7
8
9
10
...
533
534
›