Magtymguly Pyragynyň doglan gününiň 300 ýyllygyna
Dana şahyryň jemgyýet hakyndaky garaýyşlary Berkarar döwlet islän beýik akyldar şahyrymyz Magtymguly Pyragynyň arzuwlan eýýamy häzirki döwürde wysala öwrüldi. Hormatly Prezidentimiziň berkarar eden döwletine bu gün «çoh garaşylan ajap eýýam» dolandy. Akyldar şahyryň jemgyýet, berkarar döwlet hakyndaky arzuwlary her bir şygrynyň süňňüne berk aralaşypdyr. Agzybirlik, dost-doganlyk, parahatçylyk, ynsanperwerlik, ynanyşmak ýaly ýörelgelere ygrarly bolmak baradaky öwüt-nesihat häsiýetli goşgulary hem aýratyn many-mazmuna eýedir. Berkarar döwletiň kämil şahsyýetini kemala getirmekde Magtymguly Pyragynyň edebi mirasynyň ähmiýeti uludyr. Bu barada Gahryman Arkadagymyz: «Magtymguly Pyragy türkmen halkynyň taryhynyň iň çylşyrymly döwründe ýaşan, agzybirlik, garaşsyzlyk, özbaşdak döwlet gurmak ýaly beýik maksatlara öz döredijiligi bilen gulluk eden ynsanperwer şahyrdyr» diýip belleýär. Akyldar şahyrymyzyň «Türkmeniň», «Ýeli Gürgeniň», «Hasar dagyndadyr», «Çowdur han», «Depe nedir, düz nedir», «Öňi-ardy bilinmez», «Başy gerekdir», «Döker bolduk ýaşymyz», «Gözlär men», «Ajap eýýam gelmedi», «Islärin», «Aýrylma» ýaly goşgularynda Watan duýgusy, mertlik, gahrymançylyk ýaly asylly häsiýetler açylyp görkezilýär. Şahyryň «Türkmeniň» goşgusynyň:
