Türkmenmetbugat

"Edebiýat we sungat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-17, 38-62-33, 38-62-01
Email: edebiyatwesungat@sanly.tm

Gazeti PDF görnüşinde ýükläp almak

Habarlar

Ýaýlanyň ýaraşygy

Ýurdumyzyň maldarçylyk hem-de guşçulyk pudagyny ösdürmek, iri we ownuk şahly mallardan bol önüm almak, halkymyzyň azyk önümlerine bolan islegini kanagatlandyrmak maksady bilen, öňde goýlan wezipelere üstünlikli amal etmekde Mary welaýat maldarçylyk we guşçulyk senagaty önümçilik birleşiginiň Tagtabazar etrap «Maldar» maldarçylyk hojalygynda netijeli işler amala aşyrylýar. Dowarlardan owlak-guzy almakda maldarçylyk hojalygynyň çarwadarlary egin-egne berip zähmet çekmegiň hasabyna oňat netije gazanmagy başarýarlar. Hojalygyň ýolbaşçy düzümi bilen bilelikde maldarçylyk bölümleriniň dowardarlarynyň arasynda saparda bolanymyzda, dowarlardan owlak-guzy almak baradaky tabşyryklaryny abraý bilen berjaý edendiklerini, häzirki wagtda mallary sonarda bakýandyklaryny gürrüň berdiler. Hojalygyň maldarlary jemi 255 müň 550 baş dowary dok we ýyly gyşladypdyrlar. Owlak-guzy möwsümini guramaçylykly geçirip, mallardan sagdyn owlak-guzy almak üçin Pendi ýaýlasynyň günorta-gündogar künjegindäki öri meýdanlaryny saýlapdyrlar. Bu bolsa olaryň yhlasynyň myrat tapmagyna getiripdir. Çopanlar «Pähim-paýhas ummany Magtymguly Pyragy» ýylynda 103 müň baş ene dowardan 100 müň 674 sany sagdyn owlak-guzy alyp, olaryň agramly bölegini ösdürime goýberipdirler. Şeýlelikde, dowarlardan owlak-guzy almakda bellenilen sepgide ýetildi. Bu işde hojalygyň «Azatlyk», «Ýaşlyk» maldarçylyk bölümleriniň merd

19 Iýun 2024

Çäjiňize bereket, gallaçy daýhanlar!

Hormatly Prezidentimiz şu ýylyň 31-nji maýynda geçiren Türkmenistanyň Ministrler Kabinetiniň mejlisinde ýurdumyzyň azyk bolçulygyny ýokarlandyrmakda saldamly goşant goşýan gallaçy daýhanlara nobatdaky orak möwsümine başlamak barada ak pata berdi. Şonda 14-nji iýunda Balkan we Daşoguz welaýatlarynda bugdaý oragyna girişmek barada hem bellenildi. Döwlet baştutanymyzyň beren ak patasyndan ruhlanyp, ýurdumyzyň günbatar we demirgazyk sebitleriniň gallaçy daýhanlary hem bugdaý oragyna gyzgalaňly girişdiler. Hudaýberdi MÄMMEDOW,«Balkanawtoulag» önümçilik birleşiginiň Bereket awtotoplumynyň sürüjisi:

18 Iýun 2024

Işler utgaşykly alnyp barylýar

Köneürgenç etrabynyň Galkynyş daýhan birleşiginiň kärendeçileri etrapda oba hojalyk işleriniň ählisinde öňdeligi saklaýarlar. Pähim-paýhas ummany Magtymguly Pyragy ýylynda daýhan birleşigiň kärendeçileri 420 gektar ýerde bugdaýyň bitginli hasylyny kemala getirdiler. Daýhan birleşigi boýunça 650 gektar ýerde ekilip, endigan gögeren gowaçalara otag, hatarara bejergi işleri ýokary depginde utgaşykly alnyp barylýar. Hatarara bejergi işlerinde daýhan birleşigine degişli bolan oba hojalyk tehnikalarynyň 3-si işledilýär. Bu tehnikalara Nurmyrat Durdyýew, Arazmuhammet Sarytaýew, Jumabaý Rejepow ýaly mehanizatorlar erk edýärler. Hatarara bejergi işleriniň geçirilmegi gowaça düýplerini ýumşatmakda, ýeriň yzgaryny saklamakda, haşal otlardan saplamakda uly ähmiýete eýedir. Bu möhüm agrotehniki işi öz wagtynda ýokary hilli geçirmäge uly üns berilýär. Her gün 25 – 30 gektar ýerde hatarara bejergi işi geçirilýär. Göreldeli kärendeçilerden Arazberdi Jumabaýew, Bazarbaý Rejepow, Jumadurdy Sarybaýew has-da tapawutlanýarlar. Olaryň göreldesine eýerip, beýleki kärendeçiler hem otag, hatarara bejergi we beýleki ideg işlerini barha ýokary depginde dowam etdirýärler. Ideg işleri kemsiz ýerine ýetirilýän gowaçalar kadaly boý alýarlar.

18 Iýun 2024

Talabalaýyk ideg edilýär

Arkadagly Gahryman Serdarymyz bazarlarymyzy özümizde ýetişdirilen miwe, bakja we gök önümler bilen üpjün etmegi oba hojalyk pudagynyň öňünde esasy wezipe edip goýýar. Halal zähmete ýugrulan edermen daýhanlar bereketli topragymyza gözleriniň göreji deýin garap, bol hasyl ugrunda aladalanýarlar. Balkan welaýatynyň kärendeçi daýhanlary Pähim-paýhas ummany Magtymguly Pyragy ýylynda esasy azyklyk önümler bolan ýazlyk ýeralmanyň we soganyň bitginli hasylyny kemala getirdiler. Welaýat boýunça şu ýyl 1 müň 600 gektar ýerde ekilen ýeralmadan 22 müň 400 tonna hasyl alyndy. 1 müň 100 gektar ýerde ekilen sogandan bolsa 27 müň 500 tonna hasyl almak göz öňünde tutulýar. Şu günler sogan ekilen meýdanlarda ideg işleri ýokary depginde alnyp barylýar. Bu möhüm işler welaýatyň Gyzylarbat we Bereket etraplarynda guramaçylykly ýola goýlupdyr. Çekilýän yhlasly zähmet kärendeçileriň boýun alan borçnamalaryny üstünlikli ýerine ýetirjekdiklerine bolan ynamy has-da pugtalandyrýar.

18 Iýun 2024

Ýeralmany tomus ekmegiň mümkinçiligi

Ýurdumyzda ýeralmanyň öndürilişini artdyrmak üçin häzire çenli doly ulanylmaýan amatly mümkinçilikleriň biri ony tomus ekip, bir möwsümde iki hasyl almak usulydyr. Bu usuly ulanmaga ýurdumyzyň toprak-howa şertleri mümkinçilik berýär. Sebäbi sentýabr aýyndan noýabr aýyna çenli ýeralmanyň ösmegi üçin amatly bolýar. Ýeralmanyň «Sedow» sortuny ilki ýaz ekip, gektardan 254 sentner, soňra geçen ýylyň tohumlyk ýeralmasyny tomus ekip, gektardan 257 sentner hasyl alyp bolýar. Aralyk ýetişýän sortlary täze tohumlyk ýeralmadan tohumlyk ekilende hem gowy hasyl berýär. Geçen ýylky we täze ýeralmadan tohumlyk serişdelerini taýýarlap, özümize gerek möçberde öndürip bolýar. Tohumlyk ýeralma giçlik ekilýän möhletlerine çenli ýönekeý şertlerde saklanyp, olary tomusda ekmek üçin ulanyp bolýar. Ýeralmany bir möwsümde iki gezek ösdürip ýetişdirmäge mümkinçilik bolup, ony ilki ir alabaharda ekip, bir hasyl alynýar. Soňra şol täze hasyldan tohumlygyny saýlap alyp, iýul aýynyň ahyrynda, awgust aýynyň başynda ikinji gezek ekilýär we noýabr aýynda hasyl alynýar. Ol joýalaryň arasyny 80 santimetr goýup, keşleriň bir gyrasyna ekilýär we keşleriň galan topragy bolsa tommaklamak üçin ulanylýar. Şeýle usul bilen ýylda her gektardan jemi 30 — 36 tonna ýeralma hasylyny alyp bolýar. Tohumlyk ýeralmany şineletmek dürli usulda geçirilýär. Ol usullardan biri ýeralma saklanýan jaýda 0,5 — 0,7 galyňlykda

18 Iýun 2024

Gallam bar — tyllam bar

Şu günler ýurdumyzyň ähli sebitlerinde köpçülikleýin galla oragyna girişildi. Galla oragyna gatnaşýan oba hojalyk ulaglaryny ilkinji zerur bolan ýangyn söndüriş serişdeleri bilen üpjün edip, olaryň tüsse çykarýan abzallaryny uçgun söndüriş enjamlary bilen enjamlaşdyryp, ýangyn howply çäklere girenlerinde tüsse çykara dakylmaly. Uçgun söndüriş enjamlary öz wagtynda gurumlardan arassalanyp durulmaly. Galla oragyna gatnaşýan tehnikalaryň duralga ýerini, tehniki hyzmat etmek, ýangyç guýmak ýa-da kebşirleýiş enjamlaryndan peýdalanmak işini hasylly meýdandan 100 metr aradaşlykda ýerleşdirip, şol ýerleriň daş-töweregi sürülmeli.

18 Iýun 2024

Gallaçylaryň armaçylary

Welaýatymyzyň ak bugdaýly meýdanlarynda galla oragy depginli dowam edýär. Şu gyzgalaňly günlerde gallaçylaryň armasynyň ýetirilip durulmagy olaryň her birini zähmet üstünligine ruhlandyrýar. BÄHERDEN. Etrabyň «Zähmet» daýhan birleşiginiň meýdan düşelgesinde guralan medeni-dynç alyş dabarasy ruhubelentlige eýe boldy. Etrap häkimligi, etrabyň jemgyýetçilik guramalary hem-de medeniýet bölümi tarapyndan gysga wagtlyk arakesme wagtynda guralan dabara gallaçy kärendeçiler, kombaýnçylar, hasyly kabul ediş nokatlaryna daşaýjy awtoulag sürüjileri we bu işe dahylly beýleki zähmetkeşler gatnaşdy. Onda häzirki jogapkärli möwsümiň ähmiýeti barada gürrüň edilip, gallaçylara zähmet üstünlikleri arzuw edildi.

18 Iýun 2024

Belent sepgit eýelendi

Sarahs etrabynyň Oraz Salyr adyndaky daýhan birleşiginiň gallaçy kärendeçileri şanly ýyly uly zähmet üstünligine beslediler. Olar 1300 gektar meýdanda däne ýetişdirmek bilen, şol meýdanlardan ak bugdaýyň 2730 tonnasyna derek 2750 tonnadan gowrak hasyl taýýarlap, tabşyryga ilkinjileriň hatarynda hötde geldiler. Daýhan birleşiginiň zähmet üstünliginde Gülşirin Orazgeldiýewa, Annamuhammet Seýitgulyýew, Öwezmyrat Berdiýew, Kerim Aýdyýew ýaly kärendeçileriň mynasyp paýy bardyr. Olar özleriniň kärende ýerleriniň her gektaryndan 40-60 sentnere çenli hasyl almagy başardylar. Bu işde kombaýnlara ussatlyk bilen erk edýän mehanizatorlaryň zähmeti öwgä mynasypdyr. Gallaçy daýhanlar meýdanlardan ýygnaljak hasylyň mukdaryny 3100 tonna ýetirip, zähmet üstünligini has-da berkitmegi maksat edinýärler.

18 Iýun 2024

Käşir — aralyk ekin

Ýurdumyzda käşir, esasan-da, ýaz we güýz aýlary ösdürilip ýetişdirilýär. Käşir ekmek üçin aralyk, ýeňil toprakly, organiki we mineral maddalara baý, haşal otlardan, zyýankeşlerden arassa toprak saýlanyp alynýar. Käşiri ekmek üçin toprak taýýarlananda, oňa degişli mukdardaky ders berlip, ýerler 30 — 35 santimetr sürülýär. Sürümden soň ýerleriň ýüzi dik-kese tekizlenip joýa çekilýär we tagt suwy berilýär. Tagt suwdan soň ýerler taba gelende dik-kese çizel borona geçirilýär we täzeden 70 santimetr aralygy bolan joýa çekilýär. Yzgarly ýere tohum ekseň tiz we endigan gögeriş berýär.

18 Iýun 2024

Galla oragyna girişildi

Halkymyzyň gadymdan gelýän milli ýörelgelerine esaslanyp, galla oragyna girişilmegi mynasybetli geçen anna gününde Görogly etrabynyň «Aksaraý» daýhan birleşiginde aýdym-sazly dabara guraldy. Oňa welaýatyň ähli künjeginden oba hojalyk ulgamynyň edara-kärhanalarynyň, medeniýet we sungat ugrunyň wekilleri, il sylagly ýaşulular, mährem eneler gatnaşdy. Altyn başly bugdaý atyzynyň ýanynda türkmen ak öýleri gurnalyp, toý gazanlary ataryldy. Möhüm möwsümde ulanyljak kombaýnlaryň, tehnikalaryň, milli gymmatlyklarymyzyň sergisi, türkmen toýuna mahsus dabara, görkezme sport çykyşlary, beýleki tomaşalar guraldy. Bu möwsümi hemmetaraplaýyn taýýarlyk bilen garşylan babadaýhanlar şu ýyl welaýat boýunça 145 müň gektar meýdanda güýzlük bugdaýyny ýetişdirip, 265 müň tonna hasyla garaşýandyklaryny aýdýarlar.

17 Iýun 2024

Belent sepgitlere ruhlandyrdy

Annaguly ANNAGULYÝEW,Gyzylarbat etrabynyň “Arkaç” daýhan birleşiginiň kärendeçisi: — Orak möwsüminiň ilkinji günlerinde hormatly Prezidentimiziň galla oragynyň barşy bilen tanyşmak üçin Balkan welaýatynyň Gyzylarbat etrabyna iş sapary bilen gelmegi, onuň dowamynda ekiz taýym Aşyrguly ikimiz bilen söhbetdeş bolmagy buýsançly başymyzy göge ýetirdi. Arkadagly Gahryman Serdarymyz biziň alyp barýan işlerimiz, maşgala ýagdaýlarymyz bilen ýakyndan gyzyklanyp, orak möwsüminde uly üstünlikleri arzuw etdi. Biz parasatly döwlet Baştutanymyza doganym ikimiziň her birimiziň kärendesine alan ýerimiziň 105 gektara ýetýändigini, indi 30 ýyla golaý wagt bäri daýhançylyk bilen meşgullanýan kakamyz Atagulynyň kärende ýeriniň 200 gektara golaýlaýandygyny, Aşyrguly bilen ata kesbini mynasyp dowam etdirýändigimizi gürrüň berdik. Şol tolgundyryjy pursatlarda hormatly Prezidentimiz bize gymmat bahaly sowgatlary gowşurdy. Munuň üçin begenjimiziň çägi ýok.

17 Iýun 2024

Türkmen topragynyň berekedi

Hormatly Prezidentimiz Serdar Berdimuhamedow 31-nji maýda Ministrler Kabinetiniň sanly ulgam arkaly geçiren mejlisiniň barşynda welaýatlarda gallanyň bol hasylynyň ösdürilip ýetişdirilendigini belläp, ýurdumyzyň Ahal, Lebap we Mary welaýatlarynda şu ýylyň 7-nji iýunynda, Balkan we Daşoguz welaýatlarynda bolsa, 14-nji iýunda galla oragyna hormatly ýaşulularyň «Bismillasy» bilen başlamaga ak pata berdi. Şonuň bilen baglylykda, geçen hepdäniň anna güni welaýatymyzda galla oragyna dili senaly ýaşulularyň gatnaşmagynda toý ruhunda girişildi. Baýramçylyk äheňinde bezelen esasy sahnada welaýatymyzyň medeniýet-sungat işgärleriniň, sahna ussatlarynyň joşgunly aýdym-saz, halk döredijilik çykyşlary giň gerime eýe boldy. Eşretli zamanamyzda daýhanlarymyzyň çekýän päk we halal zähmetiniň waspy çykyşlarda ýaýbaňlandyryldy. Sungat çykyşlaryndan göwni galkynan dabara gatnaşyjylar giň gözýetime uzap gidýän ak bugdaýly meýdanyň bir çetine ýygnandylar. «Pähim-paýhas ummany Magtymguly Pyragy» ýylynda Arkadagly Gahryman Serdarymyzyň ak pata bermegi bilen Balkan welaýatymyzyň Gyzylarbat etrabynyň «Batly gadam» daýhan hojalygynda ýaşulularyň «Bismillasy» bilen galla oragyna başlandy. Şol pursatda kuwwatly däne orujy kombaýnlar hem hatar gurap, altynbaşly bugdaýly meýdanlara girdiler. Şeýlelikde, welaýatymyzda galla oragyna köpçülikleýin girişildi.

16 Iýun 2024

Daşoguz we Balkan welaýatlarynda galla oragyna girişildi

Şu ýyl türkmen gallaçylarynyň öňünde güýzlük bugdaý üçin bölünip berlen jemi 690 müň gektar meýdandan 1 million 400 müň tonna, şol sanda Daşoguz welaýatynda 265 müň, Balkan welaýatynda bolsa 80 müň tonna bugdaý hasylyny ýygnap almak wezipesi goýuldy. Demirgazyk sebitiň ekerançylary ekiş möwsüminiň dowamynda bugdaýyň welaýatyň toprak-howa şertlerine laýyk gelýän, ýokary hasylly görnüşlerini ekdiler. 2024-nji ýylyň galla oragynda däne ýygyjy kombaýnlardan, döwrebap ýokary öndürijilikli tehnikalardan peýdalanylar. Orak döwründe göçme abatlaýyş-mehaniki toparlar gallaçylara gije-gündiz hyzmat edip, olary ähli zerurlyklar: ýangyç-çalgy ýaglary, ätiýaçlyk şaýlary bilen üpjün ederler. Mehanizatorlar, sürüjiler, oraga gatnaşýan beýleki işgärler üçin zähmeti goramak we ýangyn howpsuzlygy boýunça gözükdirme işleri geçirildi. Meýdan düşelgelerinde olaryň talabalaýyk zähmet çekmekleri, dynç almaklary babatda zerur şertler döredildi. Medeniýet işgärleriniň çykyşlary, göçme söwda nokatlarynyň işi guraldy. Ýygnalyp alnan hasylyň kabul ediş bölümlerine, ammarlara we elewatorlara daşalmagyny ýük awtoulaglary üpjün eder. «Türkmenstandartlary» baş döwlet gullugynyň barlaghanalary hem doly taýýarlyk ýagdaýynda. Olaryň hünärmenleri iň täze enjamlaryň kömegi bilen meýdanlardan gelip gowuşýan dänäniň hilini dessin kesgitlärler.

16 Iýun 2024

Bugdaýly meýdandaky owaz

Bu owazy diňlejek bolsaň, çilden aňyrrak geçmeli. Şahyr aýtmyşlaýyn: «At göwsüne ýeten bugdaý» diýdirýän ak ekiniň hoşasyny sypalap, baldagyny gysymlap görmeli. «Göz çeni» diýleniňem beýle şap geläýşini! Bize ýolbeletlik edýän adam — Türkmenistanyň Oba hojalyk ministrliginiň bölüm başlygy, ýeri çilinden, daýhany aýasyndan tanaýan Hudaýberdi Hajyýew giden bugdaýly meýdanyň içine girdi-de, derrew bir hoşasyny şatyrdadyp döwdi. Aýasynda owuçlap, towzasyny üfläp, oglanlykda gatan aýasynda goýup sanap ugrady. Ilki üns bermedigem bolsam, ahyrynda: — Bir hoşada 72 sany däne bar — diýip, gysymyndakyny maňa uzadanda, gyzyklanmam artdy. Gurbany gitdigime: «Bereket başy» diýilmegi bihal däl-ow! Sered-ä, hersi «Atyp sanabermeli» diýilýän gyzylymtyl däneleriň öwşün ataýşyna! Meýdany aýtsana! Çar töweregini dag gurşap, belent depeleriň ortasynda tegelenip oturan bugdaýly meýdan çala öwüsýän şemala tolkun atyp gidýär weli, kemsiz bişen hoşalaryň başy bir-birine degip, üýtgeşik owaz edýär. Aňyrsy gözýetime ulaşýan meýdanda bolsa, bugdaý däl-de, bir gudrat bilen tylla göterilip çykan ýaly, şeýlekin altyn reňk öwüsýär. Şonda: «Ýere urdum paltany, agzy gyzyl haltany, ýerden bir oglan çykdy, uly iliň soltany» diýleni çyn-ow» diýlen pikir göwün guşuňa perwaz berip goýberýär.

16 Iýun 2024

Daşoguz we Balkan welaýatlarynyň daýhanlary galla oragyna girişdiler

Türkmenistanda galla oragy möwsümi gyzgalaňly dowam edýär. Hormatly Prezidentimiz Serdar Berdimuhamedowyň ak pata bermegi bilen, Daşoguz we Balkan welaýatlarynyň ekerançylary hem 14-nji iýunda bu işe girişdiler. Ýurdumyzyň demirgazyk we günbatar sebitlerinde il sylagly ýaşulular halkymyzyň asyrlar aşyp gelýän asylly däbine görä, Beýik Biribardan orak möwsüminiň üstünlikli geçmegini dileg etdiler. Soňra ýaşuly nesliň wekilleri: «Harmanyňyza bereket, çäjiňize bereket!» diýen sözler bilen ilkinji bugdaý sünbüllerini ordular hem-de orlan bugdaý bogdagyny möwsümiň rowaçlanmagynyň nyşany hökmünde kombaýnçylara berdiler. Ýeri gelende bellesek, şu ýyl türkmen gallaçylarynyň öňünde güýzlük bugdaý üçin bölünip berlen jemi 690 müň gektar meýdandan 1 million 400 müň tonna, şol sanda Daşoguz welaýatynda 265 müň, Balkan welaýatynda bolsa 80 müň tonna bugdaý hasylyny ýygnap almak wezipesi goýuldy.

15 Iýun 2024

Çäjiňize bereket, edermen gallaçylar!

Galla — 2024  Welaýatymyzda galla oragyna guramaçylykly girişildi

14 Iýun 2024

Gallaly il – rysgally il

Hormatly Prezidentimiziň ak patasy bilen, welaýatymyzda galla oragyna badalga berildi Hormatly Prezidentimiziň galla oragyna girişmäge beren ak patasy, il sylagly ýaşulularyň «Bismillasy» bilen goýny üç ýüz altmyş pirli Daşoguz welaýatynda hem bu möhüm möwsüme guramaçylykly girişildi.

14 Iýun 2024

«Ak üzüm» arzyly sepgide ýetdi

Ak bugdaý etrabynyň «Ak üzüm» daýhan hojalygy etrabymyzda öňdebaryjylaryň biri hasaplanýar. Hojalykda geçen ýyllarda bolşy ýaly, üstümizdäki şanly ýylda hem galla taýýarlamak boýunça tabşyryk ilkinjileriň hatarynda berjaý edildi. Daýhan hojalygy boýunça däne ýetişdirilen 75 gektar meýdandan ak bugdaýyň 168 tonnasyna derek 475 tonna golaýy ýygnalyp, şertnamalaýyn borçnamada göz öňüne tutulandakysyndan 307 tonnadan köp hasyl taýýarlanyldy. Ýusup Bäşimowyň ýolbaşçylyk edýän daýhan hojalygynyň bu zähmet üstünligi her birimizi begendirýär.

14 Iýun 2024

“Ýaz meýdanyň” zähmet ýeňşi

Kaka etrabynyň “Ýaz meýdan” daýhan hojalygy galla taýýarlamakda ilkinjileriň biri bolup şertnamalaýyn borçnamasyny berjaý etdi. Arslan Nuryýew tarapyndan ýolbaşçylyk edilýän bu daýhan hojalygy boýunça häzirki güne çenli ak bugdaýyň 1 müň 788 tonnasynyň ýerine 1 müň 830 tonnadan gowragy ýygnalyp, bu babatdaky tabşyryk 103 göterime barabar boldy. Ýeri gelende, üstümizdäki şanly ýylyň hasyly üçin gürrüňi edilýän daýhan hojalygynyň ekerançylyk meýdanlarynyň 900 gektarynda guşgursak ak bugdaýyň bereketli hasylynyň ýetişdirilendigini, şonuň 150 gektarynda oragyň indi geçiriljekdigini bellemelidiris. Munuň özi öňdebaryjy daýhan hojalygynyň zähmet üstünliginiň has-da berkidiljekdigini görkezýär.

14 Iýun 2024

Ýüpek parça bol bolar

Ýurdumyz boýunça 2 müň 100 tonnadan gowrak çig pile öndürmegi başaran ýüpekçilerimiz bu gün Gün nuruna öwşün atýan ak piläniň çäjine seredip, ony ýüzüne sylýarlar. Elbetde, bu ýöne ýerden däl, ýüpek bu gün diňe bir gelin-gyzlarymyzyň egnindäki lybaslar bolman, eýsem, ol ýeňil senagatyň birnäçe pudaklarynda giňden ulanylýar. Çig ýüpege daşary ýurtlaryň kompaniýalary-da uly isleg bildirýärler. Lukmançylykda, dokma we himiýa senagatynda giňden ulanylýan türkmen ýüpegi öz çygryny barha giňeldýär. Gahryman Arkadagymyz «Türkmenistan — Beýik Ýüpek ýolunyň ýüregi» atly kitabynda türkmen ýüpeginiň Hytaýda, Hindistanda we dünýäniň beýleki ýurtlarynda islenilýän harytlaryň biri bolandygyny görkezýän taryhy maglumatlary getirýär. Ine, şeýle islegli haryda öwrülen türkmen ýüpegi bu günki günde hem öz gadyryny, hümmetini peseldenok. Türkmenabadyň ýüpek önümçilik birleşiginde göreniň ünsüni özüne çekýän dürli görnüşli ýüpek parçalar bilen birlikde, ýüpek halylar hem dokalýar. Alymlarymyz we hünärmenlerimiz ýüpek gurçugynyň ýurdumyzyň tebigy şertlerine uýgunlaşan we ýerli tutdan gowy ýüpek saraýan «Türkmen — 13», «Türkmen — 16», «Ak pile — 1» ýaly saýlama tohumlaryny hem döretdiler. Häzirki wagtda bu iş Türkmenabadyň we Marynyň ýüpek gurçugynyň tohumyny öndürýän zawodlarynda dowam etdirilýär.

14 Iýun 2024

‹
1
2
3
4
5
6
7
8
...
191
192
›