Atamyrat ROZYÝEW,
Türkmenabat şäher döwlet notarial edarasynyň uly döwlet notariusy, 1-nji derejeli ýurist:
— Gahryman Arkadagymyz eziz Diýarymyzyň gülläp ösmegi, halkymyzyň eşretli durmuşda ýaşamagy üçin ýadawsyz tagallalary edýär. Ýakynda Türkmenistanyň Halk Maslahatynyň hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň mejlisinde Milli Liderimize Magtymguly adyndaky halkara baýrak hem-de Türkmenistanyň «Magtymguly Pyragynyň 300 ýyllygyna» atly ýubileý medaly bilen ýadygärlik nyşan dabaraly ýagdaýda gowşuryldy. Türkmenistanyň Halk Maslahatynyň wekillerinden, ýurdumyzyň iri jemgyýetçilik birleşiklerinden, zähmetkeş toparlardan we raýatlarymyzdan gelip gowşan teklipler esasynda Gahryman Arkadagymyza berlen sylaglar ildeşlerimiziň öz Milli Liderine egsilmez alkyşynyň nyşanydyr.
