Eýran senenamasy boýunça şu ýylyň 4 aýynda ýurduň eksporty (nebit önümlerinden daşgary) 17,5 milliard amerikan dollaryna deň boldy. Bu görkeziji geçen ýylyň degişli döwründäkiden 8 göterim köpdür. «Tehran Times» neşiriniň habar bermegine görä, hasabat döwründe ýurduň daşary söwda dolanyşygy nebit önümlerini hasaba almanyňda, 36 milliard amerikan dollaryna barabar bolupdyr.
Ýeri gelende bellesek, eýran senenamasy boýunça geçen ýylda ýurduň daşary söwda dolanyşygy 153 milliard amerikan dollaryna deň bolupdy. Şonuň 35,87 milliard amerikan dollary Eýranyň eksport eden çig nebitiniň paýyna düşýär.
