Türkmenmetbugat

"Nesil" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-57, 39-96-37, 39-96-49
Email: nesil-gazeti@sanly.tm

Gazeti PDF görnüşinde ýükläp almak

Habarlar

Ülkäme bahar gelende...

Pasyllaryň soltany bolan bahar paslynda döwlet derejesinde il agzybirliginde we jebislikde toýlanylýan Milli bahar baýramy — Halkara Nowruz güni Berkarar döwletimiziň bagtyýarlyk döwrüni bezeýän şanly seneleriň biridir. Nowruz baýramynyň kökleri milliligimizden, taryhymyzdan, özboluşly ruhy dünýämizden gözbaş alýar. Ata-babalarymyz gadymdan gelýän Nowruzy täzelenişiň, abadançylygyň baýramy hasaplapdyrlar. Gahryman Arkadagly ýurdumyzda milli däp-dessurlara hormat goýmak, pederleriň sarpasyny belentde saklamak, milli ruha kybapdaş baýramçylyklary döwlet derejesinde bellemek däbe öwrüldi. Garaşsyzlyk ýyllary täzeden dikeldilen Oraza, Gurban, Nowruz baýramlary ruhy galkynyşymyza ganat bekledi. Ýurdumyzda giňden bellenilýän Milli bahar baýramy — Halkara Nowruz güni nesillerimizi watansöýüjilik, ynsanperwerlik, zähmetsöýerlik ruhunda terbiýelemekde, şöhratly geçmişimize, ajaýyp şu günümize buýsanjy artdyrmakda, geljegimize berk ynamy oýarmakda uly ähmiýete eýedir.

19 Mart 2021

Gazanlarda gaýnar durar semeni

Nowruz — bu täze günüň, täzelenişiň baýramy. Bahar paslynyň gelendigini alamatlandyrýan bu döwür adamlaryň kalbyna täzeleniş, mähir, nur paýlaýar. Gyş ukusyndan oýanan baglara jan girip, olar ap-ak güle bürenýän bolsa, sähralar ýaşyl don ýapynyp, jümjüme, gülälek, çigildem ýaly al-elwan güllere bürenýär. Babadaýhanlarymyz bolsa ekiş möwsümine girişýärler. Ýurdumyza baharyň gelşiniň üýtgeşik bolşy ýaly, Nowruzyň baýram edilip, bellenilişiniň hem öz aýratynlyklary bar. Nowruz golaýlaşdygyça, adamlar ýakymly aladalar bilen gurşalýar. Her kim bu ajaýyp baýramçylygy milli däp-dessurlara eýerip, mynasyp garşylamaga çalyşýar. Milli bahar baýramynda — Halkara Nowruz gününde dürli milli tagamlar taýýarlanylyp, goňşy-golamlara, myhmanlara hödür-kerem edilýär. Yryma görä, ol günde ýedi dürli tagam taýýarlanylypdyr. Bu däp-dessur häzirki günlerde hem dowam edip gelýär. Nowruz saçagyny bezeýän tagamlaryň naýbaşysy bolsa Äşe-Patmanyň aşy hasaplanylýan semenidir. Semeni kiçijik çagalardan başlap, uly ýaşly adamlaryň hem halaýan tagamy bolmak bilen, onuň taýýarlanylyşynyň öz aýratynlyklary bar. Çünki semenini taýýarlamak üçin ilki bugdaý dänelerini ekip, ony yzygiderli çyglandyryp durmaly. Şine ýaryp, gögerip başlan bugdaýy döwmeli we çykan şireli suwuny un bilen garyp gaýnatmaly. Semenini taýýarlamak işi wagty köp talap edýär. Gaýnap duran semenini gazanyň düýbüne ýelmeşmez ýaly, yzygider bul

19 Mart 2021

Nowruz geldi ilime

Milli däp-dessurlarymyzy özünde jemleýän nowruz baýramy özüniň gözbaşyny asyrlaryň jümmüşinden alyp gaýdýar. gadymy baýramçylygyň tebigatyň janlanýan bahar paslynyň ilkinji aýynda bellenilmeginde hem uly many bar. güneşli diýarymyzda gahryman arkadagymyzyň parasatly baştutanlygynda halkara nowruz baýramy ýurdumyzda giň gerimde bellenilip geçilýär. nowruz baýramy häzirki wagtda dünýäniň onlarça döwletinde has takygy, eýranda, owganystanda, azerbaýjanda, täjigistanda, yrakda, hindistanda, gyrgyz Respublikasynda, türkiýede, özbegistanda, gazagystanda giňden bellenilýär. 2010-njy ýylyň fewral aýynda birleşen milletler guramasynyň baş assambleýasynyň 64-nji mejlisinde her ýylyň 21-nji martyny halkara nowruz güni diýip bellemek hakynda ýörite rezolýusiýa kabul edildi. bu bolsa nowruz baýramynyň halkara derejesindäki ähmiýetiniň ýokarydygyny ýene bir gezek aýdyňlyk bilen görkezdi. Milli Liderimiz: «Nowruz baýramy halklaryň arasynda özara düşünişmäge, birek-birege hormat goýmaga we agzybirligi berkitmäge ýardam berýär. Şoňa görä-de, bu gadymy baýramy halkymyz ýakyn goňşulary bilen hoşniýetli gatnaşmak, parahatçylyk we ynsanperwerlik ýörelgelerini ösdürmek baradaky asylly däpleri mynasyp dowam edip, agzybirlikde we jebislikde garşy alýar» diýip belleýär. Nowruz baýramy 2016-njy ýylyň 30-njy noýabrynda Efiopiýanyň Addis-Abeba şäherinde geçirilen Maddy däl medeni mirasyny goramak b

19 Mart 2021

Goşgular çemeni

Bu bahar Älemgoşar bilen bezäp asmany,Zemine-de ýazdy haly bu bahar.Gözelligiň soňlanmajak dessany,Ömrüme eçildi many bu bahar.

19 Mart 2021

Baýramçylyk joşguny

Diýarymyza pasyllaryň soltany bolan baharyň gelmegi bilen sähralarymyz, dag-düzlerimiz ýaşyl begrese bürenýär. Kalbyňy heýjana salýan şeýle ajaýyp günlerde Halkara Nowruz baýramçylygy mähriban halkymyzyň ruhuny has-da belende galdyrýar. Golaýda Milli bahar baýramy mynasybetli Türkmen döwlet binagärlik-gurluşyk institutynda «Arkadagly ata Watan lälezar» ady bilen aýdym-sazly baýramçylyk dabarasy geçirildi. Dabaranyň çäginde institutymyzyň ylym-bilimde, sportda gazanan üstünliklerini, ýeten sepgitlerini giňden açyp görkezýän, halkymyzyň milli özboluşlylygyny, döwrebap ýaşaýyş-durmuşyny, döredilýän ajaýyp şertlerini giňden şöhlelendirýän sergi guraldy. Dabarada institutyň «Oguzlar» aýdym-saz topary parahatçylygyň we ynanyşmagyň Watany — eziz Diýarymyzy, hormatly Arkadagymyzyň amala aşyrýan beýik işlerini belent heňde şirin aýdymlar bilen wasp etdiler. Professor mugallymlarymyzyň, talyp ýaşlarymyzyň hormatly Arkadagymyzyň döreden ajaýyp eserleri, bahar baýramçylygy, onuň taryhy ähmiýeti dogrusynda eden gyzykly çykyşlary dabara gatnaşyjylarda uly ruhubelentlik döretdi. Dabarada mähriban halkymyza eşretli, abadan, bagtyýar durmuşy peşgeş edýän hormatly Prezidentimiziň janynyň sag, ömrüniň uzak, beýik işleriniň rowaç bolmagy babatdaky alkyşly sözler belentden ýaňlandy. 

19 Mart 2021

Innowasiýalar: sanly ulgam

Kitaphanalaryň, muzeýleriň, teatrlaryň, beýleki medeni ojaklaryň maksatlaýyn işini döwrebap guramak bilen, olarda häzirki zaman tehnologiýalarynyň tapgyrlaýyn ornaşdyrylmagy sanly ösüşi nazarlaýar. Ähli ulgamlarda önümçiligi guramagyň, dolandyrmagyň elektron-kompýuter meýilnamalaşmagy we maglumatlaşmagy, sanly ykdysadyýete geçilmegi ähli düzümiň tehniki we tehnologiýa esasyny özgerdýär. Elektron-kompýuter tehnologiýalarynyň döwrebap görnüşleriniň önümçilige barha giňden ornaşdyrylmagy işgärleriň bilim-başarnygynyň, medeniýetiniň yzygiderli ösmegi bilen aýrylmaz baglanyşyklydyr. Hormatly Prezidentimiziň 16-njy martda paýtagtymyz hem-de Ahal welaýaty boýunça iş saparynyň barşynda ýurdumyzyň ýokary okuw mekdepleriniň mugallymlarydyr talyplarynyň giň möçberli özgertmeler maksatnamasynyň durmuşa geçirilmegine işjeň gatnaşmalydyklary, olaryň ylmy işlerini peýdalanmak üçin zerur tagallalaryň edilmelidigi barada aýdanlary hem bu işe näderejede uly üns berilýändigini görkezýär. Durnukly ösüş diňe bir senagatyň ösüşini däl-de, her bir şahsyýetiň we jemgyýetiň ösüşini nazarlaýar. Ösen jemgyýetde her bir adamyň kämilleşmegi, başarnykly, ylymly, bilimli, hünärine ussat nesli ýetişdirmek esasy wezipeleriň hatarynda durýar.

19 Mart 2021

Ýürekleri ýakynlaşdyrýan sungat

Owganystan Yslam Respublikasynyň milli teatrynyň ösmegine saldamly goşant goşýan tanymal dramaturglaryň hem-de režissýorlaryň biri Fraýdon Fakorydyr. Ol köpmilletli owgan topragynda parahatçylygyň höküm sürmegi hem-de dünýä halklary bilen dost-doganlyk gatnaşyklary ösdürmek ýaly ynsanperwer ýol-ýörelgeleri öz döredijiliginde çeper keşpler arkaly täsirli beýan edýän ýazyjy hökmünde-de giňden tanalýar. F.Fakorynyň ýolbaşçylygyndaky Hyrat welaýat teatry 2019-njy ýylyň 19-23-nji noýabry aralygynda Aşgabatda geçirilen «Bagtyýarlyk döwrüniň teatr sungaty» atly III halkara teatr festiwalyna gatnaşdy. Golaýda F.Fakory özüniň mermer paýtagtymyz Aşgabadyň 140 ýyllyk baýramy mynasybetli taýýarlan makalasyny redaksiýamyza iberdi.

18 Mart 2021

Teatr täzelikleri

Türkmen döwlet gurjak teatrynda «Şäher ertekisi» atly täze spektakl taýýarlanylýar. Režissýor Y.Durdyýewiň dramaturg G.Daňatarowyň pýesasy esasynda sahnalaşdyran spektaklda başlangyç synp okuwçysynyň başdan geçirýän wakalary körpe tomaşaçylara ýakyn dilde janlandyrylýar. Çagalar üçin özboluşly sowgat boljak bu spektaklda H.Hudaýberdiýew, A.Mergenowa, N.Çaryýewa, M.Haýdarow ýaly ýaş artistler dürli häsiýetli gahrymanlaryň keşplerini dörederler. * * *

18 Mart 2021

Dostluk sazlary

Ýakynda Maýa Kulyýewa adyndaky Türkmen milli konserwatoriýasynda Türkmenistanyň Döwlet medeniýet merkeziniň mukamlar köşgüniň milli saz gurallary orkestri konsert maksatnamasy bilen çykyş etdi. Dabarada tatar, gazak halk aýdymlary, türk aýdym-sazlary, şeýle-de A.Kukubaýewiň, T.Satalganowyň eserleri ýaňlandy. Konsertiň dowamynda halypa kompozitor Nury Halmämmedowyň «Duran ýerlere» eseri, «Bibijan», «Nowaýy» atly türkmen halk sazlary, U.Gajybekowyň «Görogly» operasyna uwertýura, A.Nazarowyň eserleri ýaňlandy. Konsert P.Saryýewiň «Şatlyk» sazy bilen jemlendi.

18 Mart 2021

Agzybirligiň baýramy

Bu gün Nowruz baýram joşa gelipdir,Saçakda şerbetler noşa gelipdir. Bu gün hormatly Prezidentimiziň parasatly baştutanlygynda günsaýyn ösýän we gözelleşýän Garaşsyz Türkmenistanyň bagtyýar raýatlary gadymy milli bahar baýramymyzy — Halkara Nowruz gününi dabaraly garşylaýarlar. Nowruz baýramy halkymyz tarapyndan indi müňlerçe ýyllap örän täsin garşylanýar. Mysal üçin, bu gadymy baýrama çenli gelýän iň soňky çarşenbe güni ilkagşam türkmen obalarynyň adamlary kiçiräk şaman oduny ýakyp, ol ýerde dabara gurap, oduň üstünden bökýärler. Her bir maşgala öýlerde arassalaýyş-tämizleýiş işlerini geçirýär. Baýramçylyk günleri birek-biregi Nowruz — Täze ýyl baýramy bilen gutlap, ýurt, il-gün üçin ýagşy dilegleri edýärler.

18 Mart 2021

Nurana Nowruzym geldi

Köňülleriň soltany bahar geldi. Ol müşgi-anbar ysyny saçyp, Berkarar döwletimiziň bagtyýarlyk döwründe güneş ýaly mähir hem söýgi eçilýär. Bu gün bagtyýar halkymyz göwün törüni gülledip, täze güni — Nowruzy garşylaýar. Nowruz ýyl hasabynyň döreýşi taryhy maglumatlara görä, patyşa Jemşidiň ady bilen, ýagny bolçulyk, ýurtlaryň parahatçylygy we adamlaryň ruhy baýlygy bilen baglanyşdyrylýar. Nowruz baýramy barada ilkinji gezek «Awesta» kitabynda ýatlanylýar. Gündogaryň görnükli alymy Abu Reýhan Biruny özüniň X — XI asyrlaryň sepgidinde ýazan «Öten nesilleriň ýadygärlikleri» atly ensiklopedik işinde Nowruz baýramynyň bellibir günde bolýandygyny we oňa eýermegiň aý-ýyl hasabynyň yzygiderliligini saklamak üçin amatly we aňsat usuldygyny belläpdir. Horezm patyşalary Nowruz gününde nökerlerine ýaz geýimini geýdiripdirler. Alym Nowruz günlerinde Horezm patyşalarynyň köşgünde dürli naharlaryň, semeniniň — sömelekleriň bişirilip, myhmanlaryň kabul edilendigi barada gyzykly maglumatlary berýär.

18 Mart 2021

Görenlerden eşidenlerim

Keşşigiň ulagy ýaly... Meşhur ýazyjymyz Beki Seýtäkow ömrüniň soňky ýyllarynda näsaglap, ýygy-ýygydan keselhana girmeli bolupdyr. Muny eşiden dost-ýarlary, esasan hem, ýazyjy-şahyrlar halypany soramaga barypdyrlar. Her baran bilen degşip-gülşüp oturan ýazyjynyň ýanyna ýörite onuň degişmelerine maýyl bolup barýanlar hem az bolmandyr. Bir gezek «Edebiýat we sungat» gazetiniň işgärleri topar tutup ýazyjyny soramaga barypdyrlar. Olaryň arasynda žurnalist Keşşik Annaýew hem bar eken. Galamdaşlary:

18 Mart 2021

Nowruz hem-de tebigatyň gözelligi

Nowruzda Günüň jana ýakymly şöhlesine tebigatda oýanyş, janlanyş peýda bolýar. Şu pursat ynsanyýetiň kalbynda-da, ruhunda-da ajaýyp bir ahwal peýda bolýar. Çünki bahar paslynyň täsin, jana tenekar howasy, guşlaryň hoş owazy ynsan ruhuna, häsiýetine ýakymly täsirini ýetirýär. Nowruz dost-doganlygyň, birek-birek bilen hoşniýetli hyzmatdaşlygyň, beýik ynsanperwerligi, asuda hem rahat durmuşy alamatlandyrýan parahatçylygyň pederlerden galan gadymy baýramydyr. Nowruz baýramy dünýäniň ençeme halklarynyň, şol sanda türkmen halkynyň hem kalbynda we hakydasynda köp asyrlar bäri ýaşap gelýän iň gadymy baýramlaryň biridir. Nowruz baýramy barada Abu-Reýhan Biruny “Geçen nesillerden galan ýadygärlikler”, Lutfi “Gül we Nowruz”, Omar Haýýam “Nowruznama” ýaly eserleri hem döredipdirler, Gündogaryň ençeme akyldarlary Nowruz hakynda köp ýazgylary galdyrypdyrlar. Bu gadymy edebi miraslarymyzda beýan edilişine görä, ata-babalarymyzyň amal eden şemsi ýyl hasaby boýunça birinji aý hasaplanypdyr. Ol bolsa, hut Nowruzdan — 21-nji martdan başlanypdyr. Diýmek, Nowruz gününden başlap ajaýyp tebigatdaky ähli barlykda — janly-jandarlarda we ösümliklerde oýanyş, täzeleniş ýüze çykýar. Mukaddes ene topragymyzda uklap ýatan kökler, pyntyklar Günüň mylaýym şöhlelerinden janlanýar.

18 Mart 2021

Halklary dostlaşdyrýan baýram

Mälim bolşy ýaly, 2010-njy ýylda BMG-niň Baş Assambleýasynyň 64-nji mejlisinde 21-nji mart — Halkara Nowruz güni diýlip yglan edildi. Şondan bäri bu baýram dostlugyň-doganlygyň baýramy hökmünde dünýäde giňden bellenilip geçilýär. Bu ajaýyp baýramyň halkara derejesinde bellenmegi bilen halklary, ýurtlary ýene-de bir mertebe ýakynlaşdyrdy. Aslynda hem bahar pasly ajaýyplygyň, gözelligiň paslydyr. Bu pasylda tebigat ýylaýar, baglar gülleýär, ähli gözellikler ynsan kalbyny joşa getirýär. Şonuň üçin hem Milli bahar baýramy türkmen halkymyzda joşgunly, dabaraly bellenilýär.

18 Mart 2021

Guwanjymyz edep-terbiýeli nesil

«Maşgalam — baş galam» diýen pähimi döreden pederlerimiziň durmuşda esasy üns beren ugurlarynyň biri maşgala terbiýesi bolupdyr. Maşgalada agzybirlik, birek-birege ynam bolsa, sylag-hormat göwnejaý berjaý edilse, şol ojakda sagdyn, merdana, edep-terbiýeli, Watana, ene-ata wepaly, kämil ýaş nesliň ýetişýändigi öz-özünden düşnüklidir. Berkarar döwletimiziň bagtyýarlyk döwründe edep-terbiýeli, ylym-bilimli, giň dünýägaraýyşly nesli kemala getirmek Gahryman Arkadagymyzyň alyp barýan parasatly döwlet syýasatynda esasy orunlaryň birini eýeleýär. «Çagalaryna aýratyn söýgi, aýratyn alada bilen garamak, olara özleriniň iň gowy zatlaryny bagyş etmek türkmenleriň gadymdan gelýän däpleriniň biridir» diýip belleýän hormatly Prezidentimiziň taýsyz tagallasy bilen eziz Diýarymyzyň obalarynda, şäherçelerinde, şäherlerinde gurlup, ulanylmaga berlen çagalar baglarynda, orta mekdeplerde, çagalar sagaldyş we dynç alyş merkezlerinde, sport toplumlarynda bagtyýar nesillerimiziň bilim-terbiýe almaklary, wagtlaryny peýdaly geçirip, döwrebap dynç almaklary, bedenlerini berkitmekleri, sportuň dürli görnüşleri bilen meşgullanmaklary üçin ähli şert-mümkinçilikleriň bardygy döwrümiziň ajaýyp hakykatydyr.

17 Mart 2021

Agzy salamly — köňli kelamly

Il arasynda «Agzy salamly — köňli kelamly» diýen aýtgy ýörgünli. Halkymyzda salamlaşmaklyk edep-ekramlylygyň başy hasaplanylýar. Salamlaşmagyň dürli-dürli, ýagny baş atmak, elleşmek, egne kakmak, söz bilen salamlaşmak... ýaly görnüşleri bolup, olaryň hemmesi-de birek-birege hormat-sarpanyň beýany bolup şöhlelenýär. Şeýle-de, ozaldan gelýän ýol-ýörelgelerimize, däp-dessurlarymyza laýyklykda, kiçiniň ula, azlygyň köplüge, ýöräp barýanyň oturana, ulagly barýanyňam pyýada salam bermegi dogry hasaplanylýar. «Çaga eziz, edebi ondanam eziz» diýýän halkymyzda her bir maşgalada çaga alty, ýedi aýlyk bolanyndan eýýäm «Hany, salam edeli» diýlip, onuň kiçijik ellerini gysyp, oňa salamlaşmaklyk edebi öwredilip başlanýar. Täze doglan çaganyň gulagyna azan aýdylyp, at goýlanda hem: «Essalawmaleýkim, seniň adyň pylanydyr» diýlip, üç gezek gaýtalanýar.

17 Mart 2021

Gelse Nowruz äleme

Berkarar döwletimiziň bagtyýarlyk döwründe hormatly Prezidentimiziň çuň parasaty bilen halkymyzyň ajaýyp däp-dessurlary, baýramçylyklary we toý-dabaralary täze many-mazmuna eýe boldy. Ruhy-medeni gymmatlyklarymyz asyrlaryň dowamynda halkymyzyň kalbynda hasyl bolan arzuwlaryň özboluşly beýanyna öwrüldi. Milli Liderimiziň taýsyz tagallalary bilen ruhy-edebi we taryhy-medeni mirasymyzy öwrenmek, milli medeniýetimizi ösdürmek boýunça edilýän ähli işler giň gerimli özgertmeler syýasatyndan gözbaş alýar. Halkara Nowruz baýramçylygy, ilkinji nobatda, tebigatyň täzelenişini, topragyň janlanyşyny, ekerançylyk işleriniň başlangyjyny äleme äşgär edýär. Hormatly Prezidentimiziň medeni syýasaty halkymyz tarapyndan müňýyllyklaryň jümmüşinde döredilip, biziň günlerimize çenli gelip ýeten milli mirasymyzy, däp-dessurlarymyzy, şol sanda Halkara Nowruz baýramynyň gyzykly däplerini gorap saklamaga, ylmy taýdan çuňňur öwrenmäge, döwrebap öwüşginler bilen dikeltmäge gönükdirilendir. Hormatly Arkadagymyzyň tagallasy bilen ýurdumyzda milli mirasymyzyň dürdäne gymmatlyklaryna bagyşlanan halkara festiwallaryň, sergileriň, ylmy maslahatlaryň, medeniýet günleriniň we beýleki forumlaryň yzygiderli geçirilip durulmagy ruhy baýlyklarymyzy dünýä wagyz etmäge giň mümkinçilikleri döredýär.

17 Mart 2021

Mermer şäher, merjen şäher, Aşgabat!

Şöhlesi düşüp dur çar ýana Günüň,Burk urýan hoş ysy gelip dur gülüň,Şeýle bir nurana, gözel her günüň,Mermer şäher, merjen şäher, Aşgabat! Sen aşyklaň hemem yşkyň şäheri,Gülüp garşy alýas her bir säheri, Günleriň ýatladýar baky bahary,Mermer şäher, merjen şäher, Aşgabat!

17 Mart 2021

Ýürekleriň aýdymy

Her gezek gulluk edýän serhet galamyzyň golaýynda ýerleşýän serhet diňindäki, ýa bolmasa-da serhet galamyzyň nyzam meýdançasynyň gyrasynda ýerleşdirilen baýdak diňindäki pasyrdap duran mukaddes Baýdagymyza nazarym düşende kalbyma, özboluşly ruhy sazlaşyk aralaşýar. Gursagymda peýda bolýan bu üýtgeşik duýga men bir gez beýgelip, has-da ruhlanýaryn. Kalbymda döreýän bu duýgyny asmanda erkanalygyň, bagtyýarlygyň nyşany bolup pasyrdaýan ýaşyl Baýdagymyzyň berýän güýç-kuwwaty hasaplaýaryn. Döwlet baýdagymyzyň keşbi gulluk edýän ýerlerimi — ýaýlyp ýatan ýaşyl sähralyklaryň keşbini göz öňümde janlandyrýar. Ol Watan goragyna, oňa ak ýürekden hyzmat etmäge çagyryş bolup, dünýämizi bezeýär. Ýurt we Baýdak — bular biri-biri bilen baglanyşykly mukaddeslikdir. Asuda asmanda parlap duran Baýdagymyza nazaryň düşende, mizemez arkalydygyňa synmaz döwletlidigiňe buýsanýarsyň. Bir gezek halkara ýaryşlaryndan üstünlikli dolanyp gelen serhetçi türgenlerimiziň birinden ýeňiş münberine çykan wagtynda ýaşyl Baýdagymyzyň belende göterilmeginiň özünde galdyran täsiri hakynda soranymda, ol şeýle gürrüň beripdi:

17 Mart 2021

Wakalar, dabaralar

Döredijilige bagyşlandy Türkmenistanyň Daşary işler ministrliginiň Halkara gatnaşyklary institutynda eziz Diýarymyza bahar paslynyň gelmegi, şeýle-de Çagalaryň teleradioýaýlymlarynyň halkara güni mynasybetli aýdym-sazly döredijilik duşuşygy geçirildi. Institutyň jemgyýetçilik guramalarynyň guramagynda geçirilen duşuşyga döredijilik işgärleri, ýokary okuw mekdebiň mugallymlary we talyplary gatnaşdy. Dabarada tanymal artistler we talyp ýaşlar çeper okaýyşlary ýerine ýetirdiler.

17 Mart 2021

‹
1
2
...
275
276
277
278
279
280
281
...
292
293
›