"Nesil" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-57, 39-96-37, 39-96-49
Email: nesil-gazeti@sanly.tm

Gazeti PDF görnüşinde ýükläp almak

Habarlar

Saglygym — baş baýlygym

Tejen etrap häkimliginiň, etrabyň arassaçylyk we keselleriň ýaýramagyna garşy göreşmek gullugynyň hem-de jemgyýetçilik guramalarynyň bilelikde guramagynda etrapdaky 30-njy, 31-nji çagalar baglarynda “Saglygym — baş baýlygym” ady bilen wagyz-nesihat duşyşyklary geçirildi. Güýz paslynda howanyň sowap başlamagy bilen baglylykda ýüze çykyp biläýjek keselleriň öňüni almak maksady bilen geçirilen duşuşyklara çagalar baglrynda zähmet çekýän terbiýeçi-mugallymlar hem-de körpeleriň ene-atalary gatnaşdylar. Duşuşyklarda ýurdumyzda ynsan saglygy we bagtyýar durmuşy hakda edilýän aladalar baradaky gürrüňe üns çekilip, oňa gatnaşyjylara pasla görä geýinmek, arassaçylyk düzgünlerini doly we dogry ýerine ýetirmek, kadaly we sagdyn iýmitlenmek boýunça degerli maslahatlar berildi.

9 Oktýabr 2024

Jemgyýet

“Tegelek stoluň” başyndaky söhbetdeşlik

Tejen etrabyndaky Dikeldiş merkezinde “tegelek stoluň” başyndaky söhbetdeşlik geçirildi. Türkmenistanyň Kärdeşler arkalaşyklarynyň Tejen, Sarahs, Babadaýhan etrap birleşmeleriniň bilelikde guramagynda geçen söhbetdeşlikde Türkmenistanyň Halk Maslahatynyň nobatdaky mejlisinden gelip çykýan wezipeler bilen bagly gürrüň edildi. Söhbetdeşligiň barşynda täze taryhy döwrümizde hormatly Prezidentimiziň baştutanlygynda ýurdumyzda halkymyzyň bagtyýar durmuşda ýaşamagy, ata Watanymyzyň gülläp ösmegi, berkarar türkmen döwletiniň dowamatynyň dowam bolmagy ugrunda nusgalyk işleriň durmuşa geçirilýändigi barada buýsanç bilen durlup geçildi. Söhbetdeşlige gatnaşanlar ajaýyp zamanany peşgeş beren Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan tutumly işleriniň elmydama rowaçlyklara beslenmegini arzuw etdiler.

9 Oktýabr 2024

Jemgyýet

Aşgabadyň ýolagçylarynyň bilmeli zatlary: №18, №32 we №46 awtobus ugurlary 9-njy oktýabrdan üýtgär

Awtobus hyzmatyň hilini ýokarlandyrmak we ilatyň ýol ulagyndaky zerurlyklaryny kanagatlandyrmak maksady bilen, 2024-nji ýylyň 9-njy oktýabryndan Aşgabatda aşakdaky görkezilen belgili awtobuslaryň ugurlary üýtgär: • «Parahat - Howa menzili» №18 awtobus ugry N. Andalyp köçesinden Görogly köçesine tarap gönükdiriler. • «Awtokombinat - Kardiologiýa merkezi» №32 awtobus ugry indi Arçabil şaýolunyň halkasyndan öwrülip, N. Andalyp köçesine tarap yzyna gaýdar. • «Gurtly - Halkara nebit we gaz uniwersiteti» №46 awtobus ugry bolsa ugruny N.Andalyp köcesinden Arçabil şayoly aylawyndan günbatar tarapa Turkmenbaşy-Arçabil şayollarynyñ aylowyndan gündogarlygyna aylanyp "Mukamlar" köşgine we "Nebit we Gaz uniwerstiteti" duralgasyna, yzyna gelen ýoly bilen N.Andalyp köçesinden gaýdar. Bu üýtgeşmeler şäheriň jemgyýetçilik ulag pudagyndaky ýola goýlan hyzmatlaryň netijeliligini we medeniýetini ýokarlandyrmaga gönükdirilendir.

9 Oktýabr 2024

Jemgyýet

Beýik maksatlaryň oňyn netijeleri

«Pähim-paýhas ummany Magtymguly Pyragy» ýylynyň her bir aý-güni uly üstünliklere beslenip, täze taryhymyza altyn harplar bilen ýazylýar. Agzybir halkymyz Arkadagly Gahryman Serdarymyzyň alyp barýan içeri we daşary syýasatyny doly goldamak bilen, onuň badalga berlen başlangyçlaryny iş ýüzünde durmuşa geçirmäge işjeň gatnaşýarlar. Bu başlangyçlarda, uly tutumlarda jandan eziz görýän Watanymyzy beýik geljege tarap ynamly öňe alyp barmak, halkyň abadan, bagtyýar durmuşynyň dowamat-dowam bolmagy baradaky beýik maksatlar öz beýanyny tapýar. Mukaddes Garaşsyzlygymyzyň 33 ýyllygynyň öň ýanynda geçirilen Türkmenistanyň Halk Maslahatynyň mejlisinde hem birnäçe täze başlangyçlara badalga berildi. Onda hormatly Prezidentimiz maksatnamalaýyn çykyş edip, öňde goýlan wezipeler barada belläp geçdi, täze resminamalara gol çekdi. Ýakynda Gahryman Arkadagymyzyň başlyklygynda geçirilen Halk Maslahatynyň Prezidiumynyň mejlisinde garalan meseleler hem şol resminamalary durmuşa geçirmekde, milli ösüş ýolumyzyň dowamly bolmagynda öňde duran wezipelere gönükdirilip, jemgyýet agzybirliginde täze üstünlikleri gazanmagy nazarlaýar. Mejlisde garalan ugurlaryň biri ýurdumyzyň ylym-bilim, saglyk, sport ulgamlarynda, ýaşlary kämil derejede ýetişdirmek ugrunda alnyp barylýan işler, öňde durýan wezipeler bilen baglydyr. Hormatly Prezidentimiziň Halk Maslahatynyň mejlisinde gol çeken «Türkmenistanda ylym ulgamyn

8 Oktýabr 2024

Jemgyýet

Hünär baýramçylygynyň şanyna

Şu günler Türkmenistanyň Saglygy goraýyş we derman senagaty işgärleriniň güni mynasybetli welaýatymyzda dabaraly baýramçylyk çäreleri geçirilýär. Olara bagtyýar ildeşlerimiz ruhubelentlikde gatnaşýar. Gökdepe etrabynyň Yzgant şäherçesiniň Mälikguly Berdimuhamedow adyndaky Medeniýet köşgünde geçirilen dabaraly maslahat ýakymly duýgulara beslendi. Saglygy goraýyş we derman senagaty işgärleri welaýat häkimligi, welaýat Saglygy goraýyş müdirligi, Medeniýet müdirligi hem-de jemgyýetçilik guramalary tarapyndan guralan dabaraly maslahatyň arzyly myhmanlary boldular.

8 Oktýabr 2024

Jemgyýet

Ene göwnüniň göwheri

Geçip barýan ýyllar ynsan ömrüni onuň edim-gylymyna, häsiýetine, üşügine-başarnygyna görä edil keşde kimin bezäp barýar. Hak işi hemra tutunyp, halallyga örklenen menzilleri nazarlasaň, mertebe diýilýän mukaddeslik ykbalyňa mydama ýaran. Zähmete ykbalyny baglap, rysgal, döwlet tapan adamlar bagta hemra, abraýa şärik bolýarlar. Şonuň üçin hem «Ynsan ömrüniň manysy päk zähmetdedir» diýilýäni juda dürs pikir. Oguljeren Gullaýewa-da zähmete göwün berip, bereketli pellerden rysgal tapan zenanlardan. Şanly Garaşsyzlygymyzyň 33 ýyllygy mynasybetli ýurdumyzyň dürli künjeklerinde zähmet çekýän öňdebaryjy ildeşlerimiziň birnäçesi hormatly Prezidentimiziň Şa serpaýlaryna eýe boldular. Türkmenistanyň «Zenan kalby» ordenine mynasyp bolan Oguljeren Gullaýewa-da halal zähmeti, nusgalyk ömri bilen şeýle belent derejeli döwlet sylagyna eýe bolan zenanlaryň biri. Oguljeren ene Tejen etrabynyň Öwezmämmet Japarow adyndaky daýhan birleşiginiň «Garaşsyzlyk» geňeşliginiň ýaşaýjysy. Ýanýoldaşy Baýmyrat bilen heniz ýaş döwri daýhançylyga baş goşan bu zenanyň ömri edil täsin kyssa ýaly. Onuň zybanynda ýaňlanýan öwüt-nesihata ýugrulan sözler bolsa hut göwher gazna deýin gymmatly. «Zähmetden gaçmasaň, tutanýerliligiňi gowşatmasaň, saba bilen ýagşyzadalaryň, erenleriň örýän wagty pele girip, ak ekinler bilen didarlaşsaň, rysgalyň artyp, döwletiň goşalanyp gidiberýän eken» diýip, halallygy hemra edinen zäh

8 Oktýabr 2024

Jemgyýet

Bagtyýarlygyň gözbaşy

Saglyk, sagdynlyk adamzat durmuşynyň bahasyna ýetip bolmaýan iň gymmatly baýlygydyr. Halkymyzda «Ähli zadyň sakasy — saglyk» diýlip, adamzadyň ýaşaýşynda saglygyň, sagdynlygyň iň wajyp zerurlyk hökmünde ähmiýeti nygtalsa, akyldar şahyrymyz Magtymguly Pyragy «Bar nygmatdan ýegdir saglyk mazasy», «Saglygyň gadryny bilgil, hassa bolmazdan burun» diýip, saglygy ynsan durmuşynyň bahasyna ýetip bolmajak baýlygyna deňeýär. Ata Watanymyzda saglygy goraýyş we derman senagaty ulgamyny ösdürmek, sagdyn jemgyýeti berkarar etmek döwlet syýasatynyň ileri tutulýan ugrudyr. Her güni ösüşleriň täze menzillerine beslenýän döwletimizde halkyň saglygyny gorap saklamak, ýokary hilli lukmançylyk hyzmatlaryny amala aşyrmak babatynda uly aladalar edilýär. Ýurdumyzda adamlaryň ömrüniň dowamlylygyny uzaltmak, jemgyýetde sagdyn durmuş kadalaryny ornaşdyrmak, halk arasynda zyýanly endikleri ýok etmek, dürli keselleriň öňüni almak we olaryň garşysyna göreşmek, lukmançylyk ylmyny hem-de tejribesini ösdürmek, ulgama iň täze tehnologiýalary ornaşdyrmak ugrundaky işler üstünlikli alnyp barylýar. Häzirki döwürde ýurdumyzda lukmançylygyň dürli ugurlary boýunça keselleriň öňüni almagyň, anyklamagyň, bejermegiň ylmy usullary giňden ornaşdyryldy.

8 Oktýabr 2024

Jemgyýet

Watanymyzyň bagtly ýaşlary

Hormatly Prezidentimiz Serdar Berdimuhamedow: «Ylymly, bilimli, giň dünýägaraýyşly, sagdyn pikirlenmäge ukyply nesil döwletiň hem, milletiň hem geljegi hasaplanýar. Ýaşlaryň aň-düşünje, beden taýdan sagdyn, hünärine ezber, saýlap alan ýoluna yhlasly bolmagy üçin döredilýän mümkinçilikler örän uly we olara bildirilýän ynam hem ýokarydyr» diýip belleýär. Bu çuň manyly sözler biz — bagtyýar ýaşlary bilimleri çuňňur özleşdirmäge, ökde hünärmenler bolup ýetişmäge, gurmaga, döretmäge ruhlandyrýar. Berkarar döwletiň täze eýýamynyň Galkynyşy döwründe ýaşlar hakda edilýän aladalar bimöçberdir. Arkadagly Gahryman Serdarymyzyň «Ýaşlar — Watanyň daýanjy» atly kitabyny okanymyzda muňa has anyk göz ýetirýäris. Ýol-ýörelgämize öwrülen bu ajaýyp kitapda Garaşsyz döwletimizde amala aşyrylýan beýik işlerde ýaşlaryň tutýan orny barada aýdylýar.

8 Oktýabr 2024

Jemgyýet

Bäsleşigiň ýeňijileri sylaglandy

Her bir güni ýatdan çykmajak wakalara beslenýän «Pähim-paýhas ummany Magtymguly Pyragy» ýylynda döwletimiziň şan-şöhraty, halkymyzyň eşretli durmuşy ugrunda amala aşyrýan beýik işleri hem-de umumadamzat şahyry, türkmen edebiýatynyň nusgawy wekili Magtymguly Pyragynyň doglan gününiň 300 ýyllyk toý-dabaralary bütin dünýä ýaň salýar. Olarda ynsanperwer halkymyzyň parahatçylyk arkaly ösüş ýoluna eýerýändigi, Garaşsyzlyk ýyllarynda ýetilen belent sepgitleriň waspy, pederlerimiziň arzuwlarynyň wysaly, asyrlarboýy garaşan özbaşdaklygy, erkanalygy, türkmen danasynyň ebedi mirasynyň gymmaty mynasyp şöhlelenýär. Munuň şeýledigini ýylyň dowamynda geçirilip gelinýän döredijilik bäsleşikleri we olaryň netijeleri tassyklaýar. 13-nji sentýabrda döwlet Baştutanymyzyň sanly ulgam arkaly geçiren Ministrler Kabinetiniň nobatdaky mejlisinde beren tabşyrygyna laýyklykda, mukaddes Garaşsyzlygymyzyň 33 ýyllyk toýunyň döwlet derejesinde bellenen gününiň ertesi, ýagny 28-nji sentýabrda Türkmenistanyň Döwlet çeperçilik akademiýasynyň sergiler zalynda hem şanly seneler mynasybetli yglan edilen bäsleşikleriň birnäçesiniň jemlerini jemlemek dabarasy guraldy. Döredijilik bilen meşgullanýan dürli ýaşdaky ildeşlerimiziň, arkadaşlarymyzyň, medeniýet, sungat ussatlaryň hem-de bagtyýar talyp ýaşlaryň birnäçesini bir ýere jemlän dabara täsirli geçip, gatnaşyjylaryň kalbyny toý ruhuna besledi. Onda «Türkmen dünýäs

8 Oktýabr 2024

Jemgyýet

Saglykly sütün

◊ Golaýda «Arkadag Medisina Klasteri Menejment» kärhanasynda 6 aýdan uly bäbejikler üçin goşmaça iýmit bolan süýtli çaga şülesiniň: tüwüli, tüwüli we bananly, manny ýarmasy we ary bally, däneli ösümlikleriň şüleleri ýaly görnüşlerini taýýarlamak işi ýola goýuldy. ◊ Jadygöýler, şamanlar, porhanlar, derwüş-diwanalar, bagşy-ozanlar ilkinji lukmanlardyr. Olaryň tansa meňzeş dürli hili geň hereketleri, şeýle-de täsin sesleri çykarmaklary bilen hassanyň keselini kowýandyklaryna ynanylypdyr.

8 Oktýabr 2024

Jemgyýet

Supra ýaraşygy — myhman

Halk hökmünde kemala geleli bäri myhmanparazlyk türkmeni bezeýän iň gowy häsiýetleriň biridir. Şeýle bolansoň, halkymyz myhman barmaýan öýi asla halamandyr. Ony «Gorkut ata» kitabyndaky «Myhman gelmeýän gara öýler ýykylsa ýeg» diýlen jümle aňryýany bilen subut edýär. Ýöne nätjek, ilçilik, ýek-tük myhman kabul etmegi halamaýanlar hem tapylýar. Bu barada rowaýatlaryň birinde şeýle diýilýär: bir gyz özüne aşyk ýigidiň öňünde türkmeniň aňyna-oýuna gelmejek şerti goýýar. Ol şerte görä, durmuş guranlaryndan soň ýigit öýüne hiç haçan yzyna adam tirkäp gelmeli däl. Elbetde, şert ýöne-möne şert däl. Onuň üçin, birinjiden, milletiň myhmansöýerlik häsiýetinden ýüz öwürmeli. Ikinjiden bolsa, erkinligiňi elden giderip, ilkinji günden jylawyňy keýwanyň eline bermeli. Bu şertler hernäçe kynam bolsa, gyzy ýürekden söýen ýigit ony duluna geçirensoň terbiýelärin diýen umyt bilen razylaşýar. Şeýdip, olar toý tutýarlar.

8 Oktýabr 2024

Jemgyýet

Ýüreklerde ýer eden ýatlamalar

Golaýda Berdimuhamet Annaýew adyndaky Arkadag şäher mugallymçylyk orta hünär okuw mekdebinde «Olar ýüreklerde ebedi ýaşar» atly wagyz nesihat duşuşygy geçirildi. Bu duşuşyga jemgyýetçilik guramalarynyň hem-de köpçülikleýin habar beriş serişdeleriniň wekilleri, mugallymlar, talyp ýaşlar gatnaşdylar.

8 Oktýabr 2024

Jemgyýet

«Kalbymyzda ýaşaýar...»

«Akylly» şäherde Berdimuhamet Annaýew adyndaky Arkadag şäher mugallymçylyk orta hünär okuw mekdebinde 6-njy oktýabrda — Hatyra gününde 1948-nji ýylda Aşgabat şäherinde ýertitremesiniň pidalaryny hem-de söweş meýdanlarynda wepat bolanlary hatyralamak çäresi ömrüni ýaşlaryň ylymly-bilimli bolmagyna bagyşlan mugallym, ilhalar ynsan Berdimuhamet Annaýewiň heýkeline gül desselerini goýmak bilen başlandy. Bu çärä «akylly» şäherde ýaşaýan ak sakgally ýaşulular, kümüş saçly eneler, jemgyýetçilik guramalarynyň, köpçülikleýin habar beriş serişdeleriniň wekilleri, mugallymlar, talyplar hem-de okuwçylar gatnaşdylar.

8 Oktýabr 2024

Jemgyýet

Halypanyň ynamy şägirtde

Hormatly Prezidentimiz 2022-nji ýylyň 1-nji sentýabrynda paýtagtymyzdaky «Mekan» köşgünde bolan Türkmenistanyň Magtymguly adyndaky Ýaşlar guramasynyň VII gurultaýynda «Ýaşlar barada döwlet syýasaty hakynda» Kanunyň rejelenen görnüşine gol çekdi. Şol Kanunyň 6-njy maddasynyň 24-nji böleginde ýaşlara bilim bermekde, hünär öwretmekde, olary terbiýelemekde halypa-şägirtlik mekdebiniň ýörelgelerinden giňden peýdalanmalydygy hakynda beýan edilmegi hemmelerde kanagatlanma duýgusyny döredendir diýip pikir edýärin. Çünki ata-baba gelýän bu ýörelgäni türkmen halkynyň Milli Lideri Gahryman Arkadagymyz häzirki döwre laýyk ösdürip, ýaşlary ählitaraplaýyn kämil ynsanlar edip ýetişdirmekde halypa-şägirtlik milli mekdebimiziň ähmiýetiniň diýseň ýokarydygyny bütin dünýä äşgär etdi. Şeýle hem bu Kanun Berkarar döwletiň täze eýýamynyň Galkynyşy döwründe ýiti akyl-paýhasly, jöwher zehinli, watanperwer ýaşlary terbiýeläp ýetişdirmekde Arkadagly Gahryman Serdarymyzyň peder ýoluny mynasyp dowam edip, halypa-şägirtlik ýörelgesine uly ähmiýet berýändiginiň güwäsine öwrüldi. Ençe ýüzýyllyklaryň synagyndan geçen halypa-şägirtlik mekdebiniň ähmiýeti hakynda bolsa Gahryman Arkadagymyzyň çuň mazmunly kitaplarynda ýüregiňe jüňk bolýan söhbetler edilýär. «Özüňde baryny geljege geçirmek, dowamata galdyrmak her bir ussadyň öňündäki iňňän uly jogapkärçilikdir» diýip, hünärine kämil nesli terbiýeläp ýetişdirmekde

8 Oktýabr 2024

Jemgyýet

Wagty abraý gazanmak üçin ulanmaly

Wagt we abraý bir-biri bilen berk baglanyşykly düşünjeler. Abraýly ömür sürmek üçin wagty tygşytly ulanmak gerek. Wagty bisarpa tutup abraý gazanyp ýa-da ony isledigiňçe toplap bilmersiň. Durmuşda wagt baýlygyny her hili harçlaýan adamlar duşýar. Aň ýetirene wagt şol bir wagtda ynsana dost hem duşman. Munuň özi wagtyň rejeli ulanylyşyna bagly. «Adam ömri gysga» diýilýär. Hakykatyn-da, ol biziň çak edişimizden hem has çäkli. Aýdalyň, adam altmyş ýaşapdyr. Şonuň azyndan üçden bir bölegi uka gidýär. Ynsan ömrüniň başky on ýylyny çagalyk, soňky onlugyny garrylyk tutýar diýsek, ynsanyň şahsy durmuşyna (özüne serenjam bermek, dynç almak we ş. m.) gidýän wagty hasaba alynmanda, haýyrly işlere, ýagny abraý gazanmaga ynsana kän bir wagtam galanok... Wagt ömür ýolunyň tebigy kadalary

8 Oktýabr 2024

Jemgyýet

Maslahat geçirildi

Golaýda Beki Seýtäkow adyndaky mugallymçylyk mekdebiniň hem-de Türkmenistanyň Magtymguly adyndaky Ýaşlar guramasynyň welaýat geňeşiniň bilelikde guramagynda «Türkmenistanyň Halk Maslahaty geljekki ösüşleriň aýdyň ýoludyr» atly maslahat geçirildi. Mekdebiň dabaralar zalynda geçirilen maslahata mugallymlar we talyp ýaşlar gatnaşdylar. Maslahatyň dowamynda mugallymçylyk mekdebiniň mugallymy, Mejlisiň deputaty Ogulşad Durdymedowa, mugallymlar Saparbaý Jumaýew, Gaýypnazar Nurnazarow, Güljemal Omarowa, TMÝG-niň Daşoguz şäher geňeşiniň esasy hünärmeni Jennet Gulmyradowa, TSTP-niň şäher komitetiniň partiýa guramaçysy Döwran Atabaýew dagy çykyş edip, halk häkimýetiniň ýokary wekilçilikli edarasy bolan Türkmenistanyň Halk Maslahatynyň mejlisiniň jemgyýetiň syýasy ulgamyny mundan beýläk hem  kämilleşdirmekde uly ähmiýete eýedigi barada täsirli gürrüň etdiler. Oňa ýaňy-ýakynda işjeň ýagdaýda geçen umumymilli forumda kabul edilen taryhy çözgütleriň anyk esas bolup durýandygy nygtaldy. Maslahatyň dowamynda ýurdumyzy belent derejelere  ýetiren Arkadagly Gahryman Serdarymyza we Gahryman Arkadagymyza tutumly işlerinde rowaçlyklar arzuw etdiler.

8 Oktýabr 2024

Jemgyýet

Taryhy waka bagyşlanylan maslahat

Milli demokratiýanyň kämil nusgasy Şu günler ýurdumyzyň ähli ýerinde «Pähim-paýhas ummany Magtymguly Pyragy» ýylynyň 24-nji sentýabrynda Türkmenistanyň Halk Maslahatynyň nobatdaky mejlisiniň ýokary derejede geçirilendigi mynasybetli maslahatlar giň gerim alýar. Ýakynda Mary şäheriniň merkezine bezeg berip oturan «Mary» myhmanhanasynda «Halk maslahaty — milli demokratiýanyň kämil nusgasy» ady bilen geçirilen maslahat hem taryhy waka bagyşlanyldy. Maslahat TDP-niň welaýat, Mary şäher we etrap komitetleri hem-de TKA-nyň welaýat, Mary etrap birleşmeleri tarapyndan guraldy. Oňa ady agzalan jemgyýetçilik guramalarynyň işgärleri we işjeň agzalary, Türkmenistanyň Mejlisiniň deputatlary, welaýat, şäher, etrap halk maslahatlarynyň agzalary, il sylagly ýaşulular we mährem eneler gatnaşdylar. Maslahaty TDP-niň bölüm müdiri Myrat Ataýew alyp bardy.

8 Oktýabr 2024

Jemgyýet

Halk hakydasy nesilleriň terbiýe mekdebidir

Hatyra gününde — 6-njy oktýabrda 1948-nji ýylyň Aşgabat ýertitremesiniň pidalary hem-de söweş meýdanlarynda wepat bolanlar hatyralandy. «Halk hakydasy» ýadygärlikler toplumyna gül goýmak hatyra çäresine hormatly Prezidentimiz Serdar Berdimuhamedow gatnaşdy. Edermen Watan goragçylaryny hem-de tebigy betbagtçylykda pida bolanlary hatyralamak däbi halkymyzyň asyrlaryň jümmüşinden gözbaş alýan ynsanperwer ýörelgeleriniň möhüm bölegidir. Olary hormat-sarpa bilen ýatlamak ata-babalarymyzyň gahrymançylykly ýoluny häzirki nesillere ýetirmekde örän ähmiýetlidir. Türkmen halkyna mahsus ruhubelentligiň şol ýyllaryň kynçylyklaryny we ýitgileriniň yzasyny ýeňip geçmekde synmaz güýç bolandygyny bellemek gerek. Şoňa görä-de, ir bilen ildeşlerimiz Aşgabadyň günorta-günbatar böleginde ýerleşýän, milli gahrymanlarymyza çäksiz sarpanyň nyşany bolan «Halk hakydasy» ýadygärlikler toplumyna bardylar.

7 Oktýabr 2024

Jemgyýet

Maslahat geçirildi

Ýakynda Türkmenistanyň Jemgyýetçilik guramalarynyň merkezinde Türkmenistanyň Mejlisiniň, Türkmenistanyň Halk Maslahatynyň, syýasy partiýalaryň we jemgyýetçilik guramalarynyň bilelikde guramagynda maslahat geçirildi. «Türkmenistanyň Halk Maslahatynyň çözgütleri — Garaşsyz Watanymyzyň döwlet we jemgyýetçilik-syýasy ösüşiniň kepili» atly maslahata Türkmenistanyň Mejlisiniň, Türkmenistanyň Halk Maslahatynyň, ýokary okuw mekdepleriniň, köpçülikleýin habar beriş serişdeleriniň, jemgyýetçilik guramalarynyň wekilleri gatnaşdylar. Maslahatda Türkmenistanyň Halk Maslahatynyň nobatdaky mejlisinde, şeýle hem halk häkimiýetiniň ýokary wekilçilikli edarasy bolan Türkmenistanyň Halk Maslahatynyň Prezidiumynyň mejlisinde garalan meselelerden gelip çykýan wezipelere bagyşlanan çykyşlar diňlenildi. Olarda Türkmenistanyň Halk Maslahatynyň nobatdaky mejlisinde hormatly Prezidentimiz Arkadagly Gahryman Serdarymyzyň taryhy çykyşy, kabul edilen çözgütler esasynda gol çekilen resminamalaryň ýurdumyzy mundan beýläk-de toplumlaýyn ösdürmekdäki, şeýle hem ýurdumyzyň başlangyjy esasynda BMG-niň Baş Assambleýasy tarapyndan 2025-nji ýylyň «Halkara parahatçylyk we ynanyşmak» ýyly diýlip yglan edilmeginiň ähmiýeti bellenildi.

7 Oktýabr 2024

Jemgyýet

Adam görki — akyl, söz görki — nakyl

Asyrlaryň jümmüşinden syzylyp, şu günlerimize ýetip gelen, nesillere ýol-ýörelge bolan nakyllar halkymyzyň dilinde iň bir ýönekeýden giň manyny özünde jemleýän halk döredijiliginiň bir görnüşidir. Ata-babalarymyzyň durmuşyň ençeme synaglarynda syntgylan pähim-parasadydyr. Biziň islendik işde many ýüki ýetik nakyllara häli-şindi salgylanmagymyz hem şondan. Mukaddes Garaşsyzlygymyzyň şanly 33 ýyllygynyň öňüsyrasynda geçirilen Türkmenistanyň Halk Maslahatynyň mejlisinde Gahryman Arkadagymyz öz çykyşynda agzybirlik, jebislik, geňeşmek, maslahatlaşmak, döwletli iş tutmak dogrusynda nakyllardan käbir mysallary getirdi. Ol nakyllaryň her biri ýaş nesillerimiz üçin merdana pederlerimiziň parasatlylyga, agzybirlige, haýyr-sahawatlylyga esaslanýan döwletlilik ýoluna çagyryş bolup ýaňlandy. Gazetimiziň şu sanynda şol nakyllaryň milli terbiýe mekdebimizde tutýan orny barada söhbet etmegi makul bildik.

7 Oktýabr 2024

Jemgyýet