Türkmenmetbugat

"Nesil" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-57, 39-96-37, 39-96-49
Email: nesil-gazeti@sanly.tm

Gazeti PDF görnüşinde ýükläp almak

Habarlar

Şanly ýyl mynasybetli

Ahal welaýat gümrükhanasynyň mejlisler jaýynda maslahat geçirildi. «Türkmenistan — parahatçylygyň we ynanyşmagyň Watany» ýyly mynasybetli geçirilen maslahaty Türkmenistanyň Kärdeşler arkalaşyklarynyň welaýat birleşmesi, welaýat kazyýeti hem-de welaýat gümrükhanasy bilelikde gurady. Oňa işçi gullukçylar gatnaşdy. Maslahatda çykyşlaryň birnäçesi diňlendi. Çykyş edenler 2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagynyň ähmiýeti barada aýdyp, bu şygaryň gözbaşynda türkmen halkynyň Garaşsyz, baky Bitarap ýurdumyza,

2 Fewral 2021

Dokmaçy gelin-gyzlaryň hünär ussatlygy

Türkmenistanyň Kärdeşler arkalaşyklarynyň Milli merkeziniň, Türkmenistanyň Zenanlar birleşiginiň Merkezi Geňeşiniň hem-de ýurdumyzyň Dokma senagaty ministrliginiň bilelikde yglan eden «Arkadagly Diýarda gözelligiň nusgasy — dokmaçy gelin-gyzlar» atly bäsleşigiň etrap tapgyrlary welaýatymyzda guramaçylykly geçirildi. Halkara zenanlar güni mynasybetli yglan edilen bäsleşige dokma senagaty kärhanalarynda zähmet çekýän gelin-gyzlar işjeň gatnaşdy. BÄHERDEN. Etrapdaky Beýik Saparmyrat Türkmenbaşy adyndaky Dokma fabriginiň mejlisler jaýynda «Arkadagly Diýarda gözelligiň nusgasy — dokmaçy gelin-gyzlar» atly bäsleşigiň etrap tapgyry gyzykly we täsirli geçirildi. Ony Türkmenistanyň Zenanlar birleşiginiň etrap bölümi, Türkmenistanyň Kärdeşler arkalaşyklarynyň etrap birleşmesi hem-de etrabyň medeniýet bölümi bilelikde gurady.

2 Fewral 2021

Umumadamzat gymmatlygy

Golaýda Gökdepe etrabyndaky 14-nji orta mekdepde «Gahryman Arkadagyň kitaby — umumadamzat gymmatlygy» atly bäsleşigiň etrap tapgyry geçirildi. Türkmenistanyň Kärdeşler arkalaşyklarynyň etrap birleşmesiniň, Türkmenistanyň Zenanlar birleşiginiň etrap bölüminiň hem-de etrabyň medeniýet bölüminiň bilelikde guramagynda bolan bäsleşige etrabyň edara-kärhanalarynda dürli kärde zähmet çekýän zenanlar gatnaşdy. Bäsleşigiň esasy maksady Gahryman Arkadagymyzyň «Türkmeniň döwletlilik ýörelgesi» atly gymmatly eseriniň düýp özenini, terbiýeçilik ähmiýetini açyp görkezmekden, ýaşlarda halkymyzyň asylly ýol-ýörelgelerine buýsanjy artdyrmakdan hem-de olaryň watançylyk duýgusyny ösdürmekden ybarat boldy. Bäsleşige gatnaşyjy gelin-gyzlaryň hormatly Prezidentimiziň «Türkmeniň döwletlilik ýörelgesi» atly kitabyndan bölekleri okamak, bu gymmatly eserdäki rowaýatdyr hekaýatlaryň terbiýeçilik ähmiýetini açyp görkezmek babatdaky başarnygy aýratyn uly täsirler döretdi. Olar baý many-mazmuna eýe bolan «Türkmeniň döwletlilik ýörelgesi» atly kitabyň özlerinde galdyran täsirlerini çeper sözleriniň üsti bilen wasp etdiler.

2 Fewral 2021

Ýaşlaryň zehin başarnygy

Babadaýhan etrabyndaky 11-nji, 17-nji orta mekdeplerde «Altyn asyryň altyn zehinleri» atly bäsleşigiň çäginde ylmy döredijilik (taslama) bäsleşigiň etrap tapgyry geçirildi. Oňa etrapdaky orta mekdeplerden zehinli ýaşlaryň onlarçasy gatnaşdy. Ýurdumyzyň orta mekdepleriniň okuwçylarynyň arasynda geçirilmegi däbe öwrülen bäsleşik ýaşlaryň arasynda uly gyzyklanma we meşhurlyga eýedir. Bu bäsleşige gatnaşmaga höwes edýän ýaşlaryň sany ýyl-ýyldan artýar. Munuň şeýledigine «Türkmenistan — parahatçylygyň we ynanyşmagyň Watany» ýylynyň şu günlerinde geçirilýän ders we ylmy döredijilik (taslama) bäsleşikleri aýdyň şaýatlyk edýär.

2 Fewral 2021

Kanunlar kämilleşdirilýär

«Administratiw önümçilik hakynda» Türkmenistanyň Kanuny özüniň gurluşy boýunça umumy düzgünleri, önümçiligiň ýörelgeleri we kepillikleri, möhletleri, önümçiligiň başynda kabul edilýän administratiw nama, administratiw namanyň hakykylygy, kabul edilen administratiw nama şikaýat etmek önümçiligi, administratiw namalary ýerine ýetirmek, administratiw önümçiligiň alnyp barylmagy bilen bagly çykdajylary, administratiw önümçiligiň bozulmagy üçin jogapkärçiligi we jemleýji düzgünleri göz öňünde tutýan 10 bapdan, 62 maddadan ybaratdyr. «Administratiw önümçilik hakynda» Türkmenistanyň Kanunynyň 1-nji maddasyna laýyklykda, administratiw edara – ýerine ýetiriji häkimiýet we ýerli öz-özüňi dolandyryş edaralary, şeýle hem administratiw namalaryny kabul etmäge hukuk berlen ygtyýarly şahslardyr.

1 Fewral 2021

Anyk wezipeler, aýdyň maksatlar

Golaýda TDP-niň welaýat komiteti tarapyndan geçen ýylyň dowamynda alnyp barlan işler barada TDP-niň Syýasy geňeşiniň guramagynda Türkmenistanyň Demokratik partiýasynyň başlygy Ata Serdarow bilen göni wideoaragatnaşyk arkaly hasabat ýygnagy geçirildi. Oňa TDP-niň welaýat, şäherdir etrap komitetleriniň başlyklary, jogapkär işgärleri gatnaşdylar. Ýygnagyň dowamynda belent sepgitli ösüşleri bilen ýurdumyzyň taryhyna giren «Türkmenistan — Bitaraplygyň mekany» ýylynda partiýa işgärleriniň we işjeňleriniň alyp baran işlerine seljerme berildi. Hasabat döwründe TDP-niň Syýasy geňeşi hem-de welaýat, şäher we etrap komitetleri tarapyndan ýörite tassyklanan iş meýilnamalaryna laýyklykda, göz öňünde tutulan çäreler barada jikme-jik durlup geçildi. Dünýäde ykrar edilen milli Liderimiziň parasatlylyk bilen ýöredýän döwlet syýasatynyň ugurlaryny, bu babatda ýetilen sepgitleri, döwrüň gazananlaryny, gündelik durmuşymyzy bezeýän taryhy wakalaryň ähmiýetini, gadyr-gymmatyny, many-mazmunyny halk köpçüliginiň arasynda giňden wagyz etmek we düşündirmek babatda alnyp barlan işler mysallar arkaly delillendirildi.

1 Fewral 2021

Ýaşlar we milli terbiýe

Ata Watanymyzyň, bagtyýar raýatlarymyzyň geljeginiň has-da nurana bolmagy üçin ägirt uly işleri amala aşyrýan hormatly Prezidentimiziň döwlet syýasatynyň düýp özeninde adam hakyndaky alada esasy orny eýeleýär. Ýaşlar baradaky döwlet syýasatynyň çäklerinde ýurdumyzda ýaş nesillerimiziň ýaşaýyş-durmuş şertleriniň gowulandyrylmagy, olaryň milli ýörelgeler esasynda terbiýelenmegi we döwrebap bilim almagy üçin ähli mümkinçilikler döredilýär. Olaryň şahsyýet hökmünde kämilleşmegi, dürli ugurlarda gazanýan şahsy üstünlikleri bilen ata Watanymyzyň ösüşlerine mynasyp goşant goşmaklary üçin giň ýollary açyp berýän milli Liderimiz ýaş nesilleriň milli buýsanç ruhunda terbiýelenmegi babatda ýurdumyzyň syýasy-jemgyýetçilik guramalarynyň öňünde uly wezipeleri goýýar. Ýaşlarda medeni mirasymyza hormat, gözel Diýarymyza söýgi, halkymyzyň şanly taryhyna buýsanç duýgularyny döretmek milli terbiýäniň esasy ugurlary hasaplanýar. Ata-babalarymyz tarapyndan asyrlaryň dowamynda kemala gelen milli däp-dessurlarymyz, ruhy-ahlak ýörelgelerimiz ýaş nesillerimizde oňyn durmuş endiklerini terbiýeleýär.

1 Fewral 2021

Üns beriň, bäsleşik!

Ýaşlarda ekologiýa medeniýetini ösdürmek, olaryň tebigata, daşky gurşawa aýawly garaýşyny kämilleşdirmek, döredijiligiň üsti bilen tebigatymyzyň gözelliklerini wasp etmeklerini gazanmak, döredijilige höweslendirmek, «Türkmenistanda ýaşlar baradaky döwlet syýasatynyň 2021 — 2025-nji ýyllar üçin döwlet Maksatnamasyny» amala aşyrmak boýunça ýerine ýetirmeli çäreleriň meýilnamasyny durmuşa geçirmek maksady bilen hem-de Milli bahar baýramy mynasybetli Türkmenistanyň Magtymguly adyndaky Ýaşlar guramasynyň Daşoguz welaýat geňeşi «Daşoguz habarlary» welaýat gazetiniň redaksiýasy bilen bilelikde 16-30 ýaş aralygyndaky ýaşlaryň arasynda «Ylham berýän tebigat» atly döredijilik bäsleşigini yglan edýär. Bäsleşigiň şertleri we geçirilýän wagty

1 Fewral 2021

Zenanlar guramasynda

RUHY HAZYNANYŇ MÄHRIBANLYK JOŞGUNY Hormatly Prezidentimiziň gymmaty egsilmejek ruhy hazynalarynyň ähmiýetini giňden ýaýmak ýaly asylly işlere mähriban zenanlarymyz işjeň gatnaşýarlar. Ony zenanlar guramasy tarapyndan öňdebaryjy, başarjaň gyz-gelinleriň arasynda Gahryman Arkadagymyzyň ajaýyp kitaplaryny wasp edýän bäsleşikleriň yzygider guralmagy hem aýdyň görkezýär. Şeýle bäsleşikleriň biri golaýda ýurdumyzyň beýleki sebitlerinde bolşy ýaly, welaýatymyzda hem Türkmenistanyň Zenanlar birleşiginiň Merkezi geňeşiniň hem-de Kärdeşler arkalaşyklarynyň Milli merkeziniň yglan etmeginde milli Liderimiziň «Türkmeniň döwletlilik ýörelgesi» atly kitabynyň esasynda geçirildi. «Gahryman Arkadagyň kitaby umumadamzat gymmatlygydyr» atly şygar bilen guralan bäsleşik döwlet Baştutanymyzyň halkymyzyň asyrlaryň dowamynda sünnäläp kemala getiren asylly däp-dessurlaryny, döwletlilik ýörelgelerini özünde jemleýän gymmatly ruhy hazynasynyň aýratyn taraplaryny çeper döredijilikde giňden açyp görkezmek, wagyz etmek, many-mazmunyny, gymmatyny ýaýmak ýaly asylly maksada gönükdirildi.

1 Fewral 2021

Giň dünýäniň geň habarlary

Balykgulaklardan ýasalan heýkeller Ysraýylly hünärment Oded Dawidowyň balykgulaklardan ýasaýan heýkeljikleri köpleri örän geň galdyrýar. Adaty balykgulaklary ýelimlemek arkaly ýasalan kindiwanja heýkeller bir bitewi kompozisiýany emele getirip, belli bir wakany beýan edýärler. Atdan agyp barýan çapyksuwaryň, şüweleňde aýdym aýdýan, tans edýän adamlaryň we haýwanat dünýäsiniň wekilleriniň täsin şekilleri Odediň eserlerinde ýygy-ýygydan duş gelýär. Ol öz ýasan heýkelleri esasynda animasiýa görnüşinde düşürýän wideorolikleri bilen hem meşhurlyk gazandy.

1 Fewral 2021

Biler bolsaňyz

Pyşbaga iň haýal ýöreýän jandar hökmünde hemmelere mälimdir. Çarlz Darwin ýörite synag edip, pyşbaganyň çaltlygyny hasaplanda, ol bir sagadyň dowamynda 300 metr ýol geçipdir. *  *  *

1 Fewral 2021

Täze maksatnama — täze wezipeler

Bilşimiz ýaly, hormatly Prezidentimiziň degişli Karary bilen «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasynyň» hem-de ony amala aşyrmak boýunça ýerine ýetirilmeli çäreleriň Meýilnamasynyň tassyklanmagy ýurdumyzyň ýaşlarynyň durmuşynda aýratyn ähmiýetli wakalaryň biri boldy. Bu maksatnama ýurdumyzda ýaş nesliň beden we ruhy taýdan ösmegi, kämilleşmegi üçin ähli şertleri döretmekde, ýaşlaryň tehnologik ösüşlerden oňat baş çykarmagyny üpjün etmekde, olara döwrebap hünärleri ele almaga, kompýuter we maglumat ulgamyny, sanly innowasion tehnologiýalary özleşdirmäge ýardam bermekde täzeçil çemeleşmeleri özünde jemleýär.

1 Fewral 2021

Türkmenistanyň Magtymguly adyndaky Ýaşlar guramasynyň Merkezi Geňeşiniň Türkmenistanyň Bilim ministrligi bilen bilelikde Milli bahar baýramy mynasybetli ýurdumyzyň umumybilim berýän orta mekdepleriniň 2 — 4-nji synplarynda okaýan okuwçy gyzlaryň arasynda geçirýän «Iň eýjejik gyzjagaz — 2021» atly şadyýan bäsleşiginiň DÜZGÜNNAMASY

Bäsleşigiň esasy maksady hormatly Prezidentimiziň: «Çagalar, siz Berkarar döwletimiziň bagtyýarlyk döwründe milli aýdym-saz sungatymyzyň ösmegine goşant goşmak üçin mydama döredijilik gözleglerinde bolmalysyňyz. Bilim-ukybyňyzy, zehiniňizi okuwda, aýdym-saz, sungat äleminde, çeper döredijilikde uly üstünlikleri gazanmaga gönükdirmelisiňiz we milli sungatymyzyň şan-şöhratyny dünýä ýaýmalysyňyz» diýen sargytlaryndan, berkarar döwletimiziň bagtyýar nesilleriniň bolelin durmuşda ýaşamagy, şadyýan, sagdyn ösmegi, döwrebap bilim-terbiýe almagy, hünär öwrenmegi, geljekde ata Watanymyza peýdaly adamlar bolup ýetişmekleri üçin durmuşa geçirýän beýik işlerinden, berýän gymmatly maslahatlaryndan ugur alyp, ösüp gelýän ýaş nesilleriň sungata, döredijilige bolan söýgüsini artdyrmakdan, bilimlerini ösdürmekden, kämilleşdirmekden, zehinli çagalary ýüze çykarmakdan we olary goldamakdan, olaryň ählitaraplaýyn kämil ýaşlar bolup ýetişmeklerini gazanmakdan ybaratdyr. Bäsleşige ýurdumyzyň umumybilim berýän orta mekdepleriniň 2 — 4-nji synplarynda okaýan, ozal «Iň eýjejik gyzjagaz» bäsleşiginiň döwlet tapgyrynda ýeňiji bolmadyk okuwçy gyzlar gatnaşyp bilerler.

1 Fewral 2021

Bägül — gülleriň şasy

Tebigatyň ynsana eçilen gözellikleriniň biri-de güllerdir. Öýleri güller bilen bezemek däbiniň köpasyrlyk taryhy bar. Gelin-gyzlarymyzyň elinden çykýan nepis türkmen halylarynyň nagyşlarynda hem gülleriň bolmagy ýöne ýere däldir. Sebäbi gül diýmek — tebigat diýmek. Meşhur fransuz zenany Gabriel Bonýor Şanel ömrüniň 87 ýylyny zenanlaryň döwrebap egin-eşiklerine we gaýtalanmajak meşhur atyrlaryny ýasamaga bagyş edipdir. Koko Şanel öz atyrlarynyň köp görnüşlerini bägül güllerinden peýdalanyp ýasapdyr. Ony iň bir gyzyklandyran gülleriň biri-de kamelýa bägüli bolupdyr. Ol bu gül bilen Aleksandr Dýumanyň «Kamelýaly zenan» eserini okanyndan soňra içgin gyzyklanyp başlaýar. Kamelýa bägüli fransuzlarda sypaýy adamlaryň esasy güli hasaplanypdyr. Bu gül iki görnüşde, ýagny gyzyl we ak reňkde bolupdyr. Koko diňe ak kamelýany halapdyr. Häzirki wagtda ak kamelýadan boglan gül çemenleri Şaneliň muzeý köşgüni bezeýär. Kamelýa bägüli Şanel üçin gussaly ýatlama güli bolup galýar. Sebäbi Şanel üçin kamelýa güli söýgülisi Artur Keýpel tarapyndan berlen ilkinji we iň soňky sowgatdyr. Ysynyň ýoklugy üçin Şanel atyrlarynda kamelýany peýdalanyp bilmändir. Şonuň üçin tikýän köýneklerini kamelýa gülüniň nusgasyndaky ilikler bilen bezäpdir. Kokonyň durmuşynda bu gülüň orny uly bolupdyr.

1 Fewral 2021

Bagt mekany — Aşgabat

Hormatly Prezidentimiziň parasatly baştutanlygynda «Türkmenistan — parahatçylygyň we ynanyşmagyň Watany» ýylynda mukaddes Garaşsyzlygymyzyň 30 ýyllyk baýramçylygy uludan bellenilip geçiler. Ýurdumyzda şanly baýramçylyga gabatlanyp medeni-durmuş maksatly binalaryň ençemesi ulanmaga berler. Hormatly Arkadagymyzyň taýsyz tagallasy bilen geçen sanlyja ýylyň içinde ýurdumyzyň dürli künjeklerinde bolşy ýaly, paýtagtymyzda hem birnäçe döwrebap binalaryň hatarynda halkara derejeli myhmanhanalaryň, Söwda we dynç alyş merkezleriniň, seýilgähleriň, ýerasty geçelgeleriň, awtomobil ýollarynyň toplumlaýyn gurulmagy gurluşyk pudagynda uly üstünlikleriň gazanylmagyny hem şertlendirdi. Elbetde, munuň özi halkymyz, myhmanlardyr syýahatçylar üçin köpugurly ýaşaýyş we dynç alyş şertleriniň üstünlikli ýola goýulýandygyny aňladýar. Paýtagtymyzyň A.Nyýazow şaýoly bilen H.A.Ýasawy köçesiniň çatrygynyň golaýynda gurluşyk işleri batly depginlerde alnyp barylýan «Garagum» myhmanhanasy, Söwda we dynç alyş merkezi, suw çüwdürimli seýilgäh, ýerasty geçelgeler, nesip bolsa, baş şäherimize özboluşly gözellik berer, Garaşsyzlygymyzyň 30 ýyllygyna ajaýyp sowgat bolar. Aşgabat şäheri tebigy taýdan gözel künjekde ýerleşýär. Günortasy gojaman Köpetdagyň gerişlerinden başlanýan Garagum sährasyna çenli uzap gidýän ajaýyp ymaratlar gözel tebigatymyz bilen utgaşyp, täsin keşbi emele getirýär. Hormatly Prezidentimiz go

1 Fewral 2021

Baglarynda bilbilleri saýraýar

Berkarar döwletimiziň bagtyýarlyk döwründe merjen paýtagtymyz Aşgabat hormatly Prezidentimiz Gurbanguly Berdimuhamedowyň taýsyz tagallalary netijesinde gün-günden gözelleşýär. Milli Liderimiz Diýarymyzy dünýäniň ösen ýurtlarynyň derejesine çykarmak bilen bir hatarda, halkymyzyň hal-ýagdaýyny has-da ýokarlandyrýar. Bagy-bossanlyga bürenen gözel paýtagtymyz binagärlik sungatyna eýe bolýar. Ak mermerli gözel paýtagtymyz Aşgabadyň görki günsaýyn owadanlaşýar. Ýaşaýyş jaý we jemgyýetçilik gurluşygynyň uly gerimi, ilatyň medeni derejesiniň ýokarlanmagy halkyň çeperçilik däpleriniň ornunyň artmagyna ýardam edýär. Gün-günden rowaçlanýan, täze sepgitleriň eýelenýän döwründe gazanylýan netijeler Garaşsyz, hemişelik Bitarap ýurdumyzyň halkara abraýyny has-da belende galdyrýar. Munuň özi ýurdumyzyň binagärlik ulgamynyň milli ýörelgeler bilen döwrüň ösen tejribeleriniň utgaşdyrylmagynda sazlaşykly ösdürilýändiginden hem-de bu ösüşleriň bolsa ýurdumyzyň halkynyň ertiriniň eşretli boljakdygyndan habar berýär. Hormatly Prezidentimiziň 2021-nji ýylyň 25-nji ýanwarynda paýtagtymyz hem-de onuň töweregi boýunça iş saparyny amala aşyrmagy halk hojalygy toplumynyň ähli ugurlaryny öz içine alýan özgertmeler maksatnamalarynyň ýerine ýetirilişiniň hemişe üns merkezinde saklanýandygynyň mysaly bolup durýar. Şeýle hem, ol Aşgabadyň abadanlaşdyrylmagy we şäher gurşawynda ekologiýa abadançylygynyň üpjün ed

1 Fewral 2021

Halkymyzyň gadymy oýny «Ýaglyga towusmak»

Çagalar üçin niýetlenen milli oýunlaryň biri-de ýaglyga towusmakdyr. Bu oýun sport meýdançasynda hem oýnalýar. Ýaglyga towusmak oýnuny oýnamak üçin adyndan belli bolşy ýaly, dürli reňkli ýaglyklar ulanylýar. Oýunçylar iki topara bölünýär. Meýdançanyň ortasynda dürli beýiklikde birnäçe reňkli ýaglyklar asylýar. Oýunçylaryň esasy maksady has ýokarda ýerleşýän ýaglygy towsup almak bolup durýar. Oýunçy has ýokarda ýerleşýän ýaglygy alanda 3 utuk, ortada ýerleşýän ýaglygy alanda 2 utuk, aşakda ýerleşýän ýaglygy alanda bolsa 1 utuk gazanýar. Toparlar gezekli gezegine towusmak bilen ýaglygy almaga çalyşýarlar. Oýunda has köp utuk gazanan topar ýeňiji bolýar. Oýnuň esasy düzgüninde her oýunçynyň ýaglygy almaga bir gezek synanyşmaga hukugy bar. Eger-de oýunçy ýaglyga el degrip bilmese ýa-da ony alyp bilmese gezegi beýleki topara berýär. «Ýaglyga towusmak» gadymy milli oýunlarymyzyň biridir. Oýunda çagalaryň beýiklige bökmek, ylgamak endikleri ösdürilýär, dostluk, jebislik duýgulary kämilleşdirilýär.

1 Fewral 2021

Maslahat geçirildi

Hormatly Prezidentimiziň baştutanlygynda halkymyzyň saglygyny goramak, jemgyýetimizde sagdyn durmuş ýörelgelerini durmuşa ornaşdyrmak ugrunda uly işler amala aşyrylýar. Ýurdumyzda raýatlaryň abadan, bolelin, bagtly ýaşaýşynyň ähli zatdan ileri tutulmagy, hukuklarynyň, azatlyklarynyň goralmagy eziz Diýarymyzda «Döwlet adam üçindir!» diýen baş ýörelgäniň aýdyň dabaralanmasydyr. Döwletiň iň gymmatly baýlygy adam we onuň saglygydyr. Şol sebäpli halkyň saglygyny goramak, uzak ýaşamagyny gazanmak ugrunda döwlet tarapyndan giň mümkinçilikler açylýar.

1 Fewral 2021

Arkadagly watanda

Golaýda TKA-nyň welaýat birleşmesiniň hem-de Mary nebitgaz orta hünär okuw mekdebiniň guramagynda 2021-nji ýylyň “Türkmenistan — parahatçylygyň we ynanyşmagyň Watany” diýlip atlandyrylmagy mynasybetli “Bagtyýar biz Arkadagly Watanda” atly wagyz-nesihat çäresi geçirildi. Ady agzalan orta hünär okuw mekdebinde geçirilen çäräni TKA-nyň welaýat birleşmesiniň baş hünärmeni Eziz Meredow açdy hem alyp bardy. Çärede TKA-nyň Murgap etrap birleşmesiniň başlygy, Türkmenistanyň Mejlisiniň deputaty Gurbanmuhammet Muhammetorazow, ylym we bilim işgärleriniň KAIG-nyň başlyklarynyň Türkmengala etrap geňeşiniň başlygy Atamyrat Ýagşyýew, Mary şäheriniň 2-nji saglyk öýüniň şepagat uýasy Gülälek Kadyrowa, Mary nebitgaz orta hünär okuw mekdebiniň mugallymy Bägül Ataýewa, Mary etrabyndaky 8-nji orta mekdebiň mugallymy Muhammet Allakuliýew çykyş etdiler. Olar öz çykyşlarynda dost--doganlyk, watansöýüjilik, parahatçylyk we ynanyşmak gatnaşyklarynyň ösdürilmeginiň hormatly Arkadagymyzyň taýsyz tagallalary netijesinde giň gerime eýe bolýandygy dogrusynda gürrüň etdiler. Şeýle-de, häzirki wagtda howanyň düzüminiň üýtgemegi sebäpli, agyz-burun örtügini dakynmak, 2 metr aralygy saklamak we arassaçylyk düzgünlerini doly we dogry berjaý etmek dogrusynda durlup geçildi.

1 Fewral 2021

Adam. Jemgyýet. Kanun.

Durnukly ösüşiň ähmiýeti Garaşsyz, Bitarap döwletimizde hormatly Prezidentimiziň başda durmagynda durnukly we asuda durmuşyň pugtalandyrylmagynda, sebitiň we dünýäniň döwletleri bilen dost-doganlykly, özara peýdaly hyzmatdaşlygy ösdürmekde uly işler bitirilýär. Şeýle bähbitli ýol-ýörelgäniň milli Liderimiziň goldamagynda “Türkmenistan — parahatçylygyň we ynanyşmagyň Watany” diýlip yglan edilen täze ýylda-da rowaçlyklara beslenjekdigine berk ynam täze üstünliklere ruhlandyrýar. Ajap eýýamymyzyň ýyllary Garaşsyz döwletimiziň Bitaraplygyň mekanyna, parahatçylygyň we ynanyşmagyň Watanyna öwrülýändigine şaýatlyk edýär.

1 Fewral 2021

‹
1
2
...
1392
1393
1394
1395
1396
1397
1398
...
1410
1411
›