"Nesil" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-57, 39-96-37, 39-96-49
Email: nesil-gazeti@sanly.tm

Gazeti PDF görnüşinde ýükläp almak

Habarlar

Merdanalygyň belent sarpasy

Watansöýüjilik, ynsanperwerlik babatda bize görelde bolup durýan hormatly Belent Serkerdebaşymyz «Mertler Watany beýgeldýär» atly kitabynda gahrymançylyga beslenen baý taryhymyzy, pederleriň beýik watançylyk mekdebini, Garaşsyz döwletimiziň Ýaragly Güýçleriniň geçen ýoluny örän ussatlyk bilen seljermek hem-de beýan etmek bilen, bagtyýar ildeşlerimiziň watansöýüjilik duýgusyny joşdurýar. Milli Liderimiziň taýsyz tagallalary netijesinde ýurdumyzda ýaş nesli watançylyk ruhunda terbiýelemek, beden we ruhy taýdan kemala getirmek, bilim almaga, hünär edinmäge bolan hukuklary amala aşyrmak ýaly ugurlara uly ähmiýet berilýär. Halkymyz Watany owal-ahyr beýik mukaddeslik saýyp, nesillerini hut şu ruhda terbiýeläpdir. Mukaddeslik ähli sarpalanýan, hormatlanýan, eziz saýylýan zatlary öz içine alýar. Gymmatlyklaryň mukaddes bolşy ýaly, olaryň goragy-da mukaddesdir. Her ýylyň 27-nji ýanwarynyň Watan goragçylarynyň güni hökmünde giňden, dabaraly ýagdaýda bellenilip geçilmegi ähmiýeti taýdan çuňňur mazmuna eýedir.

22 Ýanwar 2021

Bitaraplyk

Ýyl ýylydan başlanandyr, Arkadag!

Gahryman Arkadagymyzyň goldamagy esasynda «Türkmenistan — parahatçylygyň we ynanyşmagyň Watany» adyny dakynan täze ýylymyzyň düşümli bolmagyny arzuw edýärin. Ýyl adyna eýe bolsun! Saglyk, salamatlyk, abatlyk, rahatlyk dowam bolsun! Ýüzüni açan günleriniň ajaýyp wakalar bilen başlanmagy juda ýakymly. Hormatly Prezidentimiziň, mähriban Arkadagymyzyň ilkinji sahawatly iş saparynyň Günüň dogýan ýerinden, ýagny Lebap welaýatynyň çäklerinde başlanmagynda uly many bardyr. Akylly baş oýlanyşykly oýunyň çuňdan alýan pikiriniň esasynda guraýandyr. Rysgaldan, döwletden alamat bardyr. «Ýagşy niýet — ýarym döwlet» diýýändir türkmen.

21 Ýanwar 2021

Bitaraplyk

Sungat eserlerinde parahatçylyk

Ýurdumyzda «Türkmenistan — parahatçylygyň we ynanyşmagyň Watany» ýyly mynasybetli çäreler yzygiderli geçirilýär. Türkmenistanyň Şekillendiriş sungaty muzeýinde guralan «Diýarym asuda, ýurdum parahat» ady bilen sungat eserleriniň sergisi hem ýylyň şygaryna bagyşlandy. Sergide ussat nakgaşlaryň, heýkeltaraşlaryň ýerine ýetiren sungat eserleri görkezildi. Onuň dowamynda Türkmenistanyň halk suratkeşleri Aýhan Hajyýewiň, Ýewgeniýa Adamowanyň, Annadurdy Almämmedowyň, Öwezmuhammet Mämmetnurowyň, şeýle-de ussat suratkeşler Rustam Abdullaýewiň, Şemşat Mämmedowanyň, Mekan Nurýagdyýewiň, Dmitriý Filipçenkonyň dürli ýyllarda döreden nakgaş eserleri sergilendi. Dürli keramika eserleri bilen milli şaý-seplerimiz hem serginiň bezegine öwrüldi.

21 Ýanwar 2021

Bitaraplyk

Oguz hanyň sekizburçluk nyşany

Soltan Sanjaryň kümmetiniň gümmezindäki sekizburçlugyň, ondan bölünip gidýän şahalaryň şekili Oguz hanyň ýyldyzynyň we nesilbaşymyzyň nesil şejeresiniň nyşanydyr. Gahryman Arkadagymyzyň pähim-parasady bilen bina edilen Oguz hanyň ýyldyzynyň şekilindäki täze gurlan «Mahabat» binasy atalarymyzyň ruhy siňen döwletlilik ýörelgelerimize täze röwüş — döwrebap öwüşgin çaýýar.

21 Ýanwar 2021

Bitaraplyk

Türkmenistan — parahatçylygyň mekany

Hormatly Prezidentimiz XXI asyryň täze taryhy şertlerinde dünýäniň bitewüliginden ugur alýan öňdengörüjilikli syýasaty ýöretmek bilen, Zeminiň ähli ýurtlarynyň özara sazlaşykly ösüşine ýardam edýän parahatçylygy ösdürmäge gönükdirilen halkara başlangyçlary öňe sürýär hem-de şol başlangyçlaryň durmuşa geçirilmegine ähli şertleri döredýär. Birleşen Milletler Guramasynyň Baş Assambleýasynyň 73-nji sessiýasynda ähli agza döwletler tarapyndan Türkmenistanyň öňe süren «2021-nji ýyl — Halkara parahatçylyk we ynanyşmak ýyly» atly Kararnamanyň biragyzdan kabul edilmegi hem milli Liderimiziň umumadamzat bähbitlerine gönükdirilýän başlangyçlarynyň giň goldawa eýe bolýandygynyň subutnamasy boldy. Ýeri gelende bellesek, BMG-niň Baş Assambleýasynyň 75-nji mejlisinde Türkmenistanyň başlangyjy bilen 2021-nji ýylda Türkmenistanda Halkara parahatçylyk we ynanyşmak forumyny geçirmekligiň teklip edilmegi hem parahatçylygyň adamzat üçin iň zerur şertleriň biridigini doly subut edýär. Dünýäniň ähli halklary üçin ählumumy howpsuzlyk hem-de abadançylyk, ösüş we ynsanperwerlik, ruhy kämillik we dostluk, bularyň ählisi hemişelik Bitaraplygymyzyň daşary syýasatymyzdaky beýanydyr. Türkmenistan diňe bir sebitde hoşniýetli goňşuçylyk syýasatyny alyp barmak bilen çäklenmän, dünýä döwletleri bilen hoşniýetli gatnaşyklara giň orun berýär. Döwlet Baştutanymyz tarapyndan üstünlikli durmuşa geçirilýän Bitaraplyk

21 Ýanwar 2021

Bitaraplyk

Milli Liderimiziň amala aşyrýan “Açyk gapylar” syýasatynyň ugry bilen

Daşary ýurtly hyzmatdaşlar bilen nobatdaky wideoduşuşyklar AŞGABAT, 20-nji ýanwar (TDH). Şu gün BMG-niň Ösüş maksatnamasynyň wekilleri bilen geçirilen nobatdaky onlaýn duşuşygyň çäklerinde “Türkmenistanyň Statistika baradaky döwlet komitetiniň statistika we maglumat-tehniki mümkinçiliklerini pugtalandyrmak” atly täze bilelikdäki taslamany işe girizmek boýunça guramaçylyk meseleleri ara alnyp maslahatlaşyldy.

21 Ýanwar 2021

Bitaraplyk

Mary welaýaty: döredijilikli zähmetiň miweleri

Diýarymyzyň Mary welaýatynyň ilaty döredijilikli we öndürijilikli zähmet çekmek bilen, «Türkmenistan — Bitaraplygyň mekany» diýlip atlandyrylan 2020-nji ýyly uly üstünlikler bilen jemledi. Döwlet hem-de hususy eýeçilikdäki kärhanalarda zähmet çekýän işgärlerdir hünärmenler, telekeçiler ylmyň gazananlaryny önümçilige giňden ornaşdyrmagyň hasabyna uly özgertmeleri geçirip, ýurdumyzda haryt bolçulygyny döretmäge saldamly goşant goşdular. Senagat kärhanalarynda alnyp barylýan oňyn işleriň netijesinde welaýatda senagat harytlarynyň öndürilişi görnetin artdy. Gahryman Arkadagymyzyň tagallalary bilen durmuşa geçirilýän oba özgertmelerinden, obasenagat toplumynyň işgärlerine berilýän yzygiderli goldawdan ruhlanan welaýatyň oba zähmetkeşleri bugdaýy, pagtany, gant şugundyryny, gök-bakja ekinlerini ýetişdirmekde we bereketli hasyly ýygnamakda ussatlyklaryny görkezdiler. Olar daşary ýurtlardan getirilýän önümleriň ýerini tutýan oba hojalyk we azyk önümlerini öndürmekde köpleriň alkyşyna mynasyp bolýarlar. Welaýatyň daýhanlarydyr hususyýetçileri özlerine bölünip berlen ýer böleklerinde bugdaýy, gowaçany, gant şugundyryny, ýeralmadyr, gök-bakja ekinlerini, miweli baglary hem-de banan ösdürip ýetişdirmek bilen, bazarlarymyzda bolçulygy has-da berkitmäge ýakyndan goldaw berýärler.

21 Ýanwar 2021

Bitaraplyk

Taryhy wakalara bagyşlandy

Bilşimiz ýaly, hormatly Prezidentimiziň welaýatymyza iş saparynyň barşynda birnäçe halkara taslamalara badalga berildi. Olaryň arasynda Akina — Andhoý demir ýoly, Ymamnazar — Akina, Serhetabat — Turgundy optiki-süýümli aragatnaşyk ulgamy, Kerki — Şibirgan elektrik geçirijisi we «Malaý» gaz käninde açylan kuwwatlylygy ýylda 30 milliard kub metr gaz gysyjy desga bar. Dünýä ýaň salan bu taryhy wakalar halklaryň parahatçylygyna, birek-birege ynanyşmagyna gönükdirilip, ähli watandaşlarymyza uly şatlyk, buýsanç duýgularyny paýlady. Şu mynasybetli Türkmenistanyň Zenanlar birleşiginiň welaýat bölümi we Kärdeşler arkalaşyklarynyň welaýat birleşmesi Türkmenabat şäherinde «Arkadagyň sapary ― halklaryň parahatçylygy» atly hoşallyk maslahatyny geçirdiler. Oňa jemgyýetçilik guramalarynyň işjeň agzalary gatnaşdylar.

20 Ýanwar 2021

Bitaraplyk

Watany beýgeldýän ýyl bolar

Bagtyýarlyk döwrüniň aýdyň ýoly Gahryman Arkadagymyzyň öňdengörüjilikli baştutanlygynda dost-doganlykdan, agzybirlikden we ynsanperwerlikden badalga alyp, ol dünýä nusgalykdyr. Mähriban Arkadagymyzyň saýasynda halkymyzyň her güni şatlykly wakalara, toýdur baýramlara beslenýär. Hormatly Prezidentimiziň asylly başlangyjy bilen 2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagy kalbymyzy buýsanja besledi. Döwlet Baştutanymyzyň nygtaýşy ýaly, her bir ýylyň özboluşly atlandyrylmagy öňde goýýan maksatlarymyza tarap ynamly öňe gitmäge ýardam edýär. Mukaddes Garaşsyzlygymyzyň 30 ýyllyk şanly baýramynyň dabaraly belleniljek ýylynyň şeýle atlandyrylmagy ýurdumyzyň halkara abraýyny belende götermekde, halkymyzyň parahatçylyk söýüjilik we ynanyşmak ýörelgelerini has-da dabaralandyrmakda möhüm ähmiýete eýedir.

19 Ýanwar 2021

Bitaraplyk

Taryhy döwrüň möhüm ähmiýetli desgalary halklaryň ösüşiniň we abadançylygynyň bähbidine

Türkmen halky gadymy döwürlerden bäri goňşy halklar bilen hoşniýetli, dost-doganlyk, birek-birege hormat goýmak gatnaşyklaryny saklap gelipdir. Merdana halkymyzyň bu asylly däpleri Berkarar döwletiň bagtyýarlyk döwründe has-da belentden dabaralanýar. Dünýä medeniýetiniň ösdürilmegine uly goşant goşan gadymy Beýik Ýüpek ýoly täze röwüşde gaýtadan dikeldilýär. Bu günki gün Garaşsyz, baky Bitarap Diýarymyz goňşy halklar, şeýle-de dünýä döwletleri bilen özara hem netijeli hyzmatdaşlyk gatnaşyklaryna uly ähmiýet berýär. Türkmen topragyndan dünýä ýüzüne dostluk ýollary çekilýär. Türkmenistanyň bitaraplyk ýörelgelerine esaslanýan daşary syýasatynda özara bähbitli hyzmatdaşlyk gatnaşyklaryna uly orun berilýär. Türkmen we owgan halklaryny taryhy kökler bilen birlikde, häzirki taryhy döwürde agzybirlikli, dostlukly gatnaşyklar baglanyşdyrýar. Türkmenistan bilen Owganystan Yslam Respublikasynyň arasynda dürli ugurlarda hyzmatdaşlyk gatnaşyklarynyň ysnyşykly ýola goýulmagy netijesinde iki ýurduň halklarynyň ýaşaýyş-durmuş derejesini gowulandyrmaga itergi berýän ykdysady ösüşlere eýe bolunýar. Bu babatda ýangyç-energetika, söwda-ykdysady, ulag-aragatnaşyk ulgamlaryny ileri tutulýan ugurlar hökmünde görkezmek bolar. Bular goňşy halklaryň müdimi dostlugynyň aýdyň kepiline öwrülýär. 

19 Ýanwar 2021

Bitaraplyk

Buýsanç

Türkmenistan Watanym,Bagy-bossan jennetim.Dag, deňze, gülzarlyga,Uzap gidýär gözýetim. Ýurdumyzyň ajaýyp,Ösüşlerini görýäris.Garaşsyz ülkämizde,Oýnap-gülüp gezýäris.

19 Ýanwar 2021

Bitaraplyk

Hoş geldiň, Täze ýyl, biziň illere!

Mähriban çagalar! Biz «Türkmenistan — Bitaraplygyň mekany» ýylyndan «Türkmenistan — parahatçylygyň we ynanyşmagyň Watany» ýylyna gadam basdyk. Gahryman Arkadagymyz: «Parahatçylyk we ynanyşmak adamzadyň baş gymmatlygydyr, baýlygydyr» diýýär. Bu ýyl, hormatly Prezidentimiziň belleýşi ýaly, il-ýurt bähbitli uly üstünlikleriň, parahatçylygyň hem-de ynanyşmagyň ýyly bolar. Her bir ýylymyzyň şygarynda biziň döwletimiziň halkara derejesinde ykrar edilen, adamzat gymmatlygy hökmünde kabul edilen belent ynsanperwerlik syýasatynyň çuň many-mazmuny jemlenýär. Bilşimiz ýaly, geçen ýylda ata Watanymyz Türkmenistan halk hojalygynyň ähli pudaklarynda uly ösüşlere eýe boldy. Geljegimiz bolan çagalar, siziň mynasyp bilim we terbiýe almagyňyz üçin ähli şertler, mümkinçilikler döredilýär. Döwrebap çagalar baglarydyr ak mermere beslenen mekdepler gurlup ulanylmaga berilýär. Sazlaşykly ösýän baky Bitarap Türkmenistan döwletimizde sanly ulgamy ösdürmekde iri taslamalardyr milli maksatnamalar durmuşa geçirilýär. Gahryman Arkadagymyzyň pähim-paýhasy bilen şöhratlanýan ýyllar tutuş bir taryhy döwri kemala getirýär. Arka atan ýylymyz taryhy wakalara baý ýyllaryň biri boldy. Halkara ähmiýetli sene bolan Türkmenistanyň hemişelik Bitaraplygynyň şanly 25 ýyllygyna bagyşlanyp, Aşgabat şäherinde, Ahal, Balkan, Daşoguz, Lebap, Mary welaýatlarynda täze ýaşaýyş jaý toplumlary, mekdepler, çagalar baglary,

19 Ýanwar 2021

Bitaraplyk

Arzuwly setirler

Gözel ŞAGULYÝEWA, Türkmenistanyň Gahrymany: — Ýalkym saçýar dünýä tylla seçegiň,Asyr alkymynda ýagty geljegiň,Türkmenimden dörän dana Gerçegiň,Daşyn gurşap alan iller, aman bol!

19 Ýanwar 2021

Bitaraplyk

Dünýä ynam beren taglym

Bitaraplyk başymyzyň täjidir,Il-günüm bagtyýar, asuda Diýar.Bitaraplyk — bagtymyzyň gözbaşy,Dost-doganlyk ýoly dünýä uzaýar. Bitaraplyk göwünleriň hoşudyr,Ynanyşmak birleşdirýär illeri. Bitaraplyk güneş ýaly nur saçar,Kalbymyzda güllär dostluk gülleri.

18 Ýanwar 2021

Bitaraplyk

Parahatçylyk we ynanyşmak türkmen diplomatiýasynyň döredijilik kuwwatynda şöhlelenýär

Häzirki wagtda Türkmenistanyň Merkezi Aziýa giňişligi babatda alyp barýan daşary syýasaty sebitde we bütin dünýäde ählumumy ösüşiň üpjün edilmegine doly kybap gelýär. Bu babatda ýurdumyzyň goňşy Owganystan Yslam Respublikasynda parahatçylygyň, durnuklylygyň we durnukly ösüşiň berkarar edilmegi ugrunda alyp barýan işlerini görkezmek bolar. Munuň şeýledigini «Türkmenistan — parahatçylygyň we ynanyşmagyň Watany» diýlip yglan edilen täze, 2021-nji ýylyň 14-nji ýanwarynda açylyp, ulanylmaga berlen iri halkara taslamalar hem doly äşgär edýär. 16-njy ýanwarda Türkmenistanyň Daşary işler ministrliginiň Halkara gatnaşyklary institutynda geçirilen brifingde hem bu babatdaky pikir alyşmalara giň orun berildi. Türkmen-owgan hyzmatdaşlygynyň çäklerinde açylan täze iri desgalaryň üçüsine bagyşlanan brifingde çykyş edenler ikitaraplaýyn gatnaşyklarda Türkmenistanyň alyp barýan işjeň diplomatiýasynyň möhüm orun eýeleýändigini anyk mysallar bilen açyp görkezdiler. Bellenilişi ýaly, ýurdumyz Owganystanyň sebitiň we dünýäniň halkara energetika we ulag düzümlerine hem-de hojalyk gatnaşyklaryna işjeň goşulyşmagy ugrunda uly işleri durmuşa geçirýär. Munuň özi milli Liderimiziň öňdengörüjilikli syýasaty netijesinde Türkmenistanyň owgan meselelerini çözmek babatda öňe sürýän halkara başlangyçlarynyň bu ýurtda parahatçylygyň höküm sürmegine we durnuklylygyň üpjün edilmegine gönükdirilýändigine

18 Ýanwar 2021

Bitaraplyk

Parahatçylygyň arzyly ýoly

Parahatçylygyň, ösüşiň we ählumumy abadançylygyň, rowaçlygyň bähbitlerine gönükdirilen beýik başlangyçlary amala aşyrýan baky Bitarap Türkmenistan hormatly Prezidentimiziň başda durmagynda ynamly gadamlar bilen öňe barýar. Geçen «Türkmenistan — Bitaraplygyň mekany» atly ýylymyz hem ýurdumyzyň durmuşynda halkara derejesinde bitirilen beýik işler bilen taryhyň altyn gatyna ýazyldy. Şunda hemişelik Bitaraplyk hukuk ýagdaýymyz — parahatçylygyň arzyly ýoly bolup durýar. Ýurdumyzyň döwlet gurluşynyň mundan beýläk-de kämilleşdirilmegi, demokratik başlangyçlaryň ösdürilmegi, halkymyzyň maddy, ruhy-medeni durmuşynyň has-da baýlaşdyrylmagy ähli ugurlardaky ösüşlerimize kuwwatly itergi berdi. 2021-nji ýylyň — «Türkmenistan — parahatçylygyň we ynanyşmagyň Watany» diýlip atlandyrylmagy ähli halkymyzyň guwanjyny goşalandyrdy. Hormatly Prezidentimiz Gurbanguly Berdimuhamedowyň parasatly baştutanlygynda hemişelik Bitarap Türkmenistan umumadamzat gymmatlyklaryna we demokratik ýörelgelere pugta eýermek bilen, Birleşen Milletler Guramasy we beýleki iri halkara guramalary bilen ýakyn hyzmatdaşlykda bolup, halkara gatnaşyklaryny has-da ösdürýär, asudalygy, abadançylygy pugta berjaý edýär. Häzirki wagtda ata Watanymyz beýleki ýurtlar bilen dostluk, birek-biregi çuňňur hormatlamak we ynam etmek, özara ýardam bermek esasynda döwletara gatnaşyklaryny has-da kämilleşdirýär, söwda-ykdysady gatnaşyklary p

18 Ýanwar 2021

Bitaraplyk

Daşoguz we­la­ýa­ty: döw­let­li iş­le­r, ro­waç gadamlar

Ýur­du­my­zy dur­muş-yk­dy­sa­dy taý­dan ös­dür­mek ba­bat­da­ky mil­li mak­sat­na­ma­la­ra la­ýyk­lyk­da, «Türk­me­nis­tan — Bi­ta­rap­ly­gyň me­ka­ny» ýy­lyn­da Da­şo­guz we­la­ýa­tyn­da-da yk­dy­sa­dy pu­dak­la­ryň işi­ni mun­dan beý­läk-de kä­mil­leş­dir­mek, ola­ra öň­de­ba­ry­jy dün­ýä tej­ri­be­si­ni or­naş­dyr­mak hem-de san­ly ul­ga­ma geç­mek bo­ýun­ça giň ge­rim­li iş­ler al­nyp ba­ryl­dy. Ila­tyň aba­dan­çy­ly­gy, bag­ty­ýar­ly­gy üçin, şol san­da ylym-bi­lim, sag­ly­gy go­ra­ýyş ýa­ly dur­muş ul­gam­la­ry­ny ös­dür­mek bi­len bag­ly ne­ti­je­li çä­re­ler dur­mu­şa ge­çi­ril­di. Mil­li Li­de­ri­mi­ziň baş­lan­gyç­la­ry hem-de he­ma­ýat-gol­daw­la­ry esa­syn­da, de­mir­ga­zyk se­bit­de mil­li yk­dy­sa­dy­ýe­ti­mi­ziň ýer­li dü­züm­le­ri saz­la­şyk­ly ös­ýär we tä­ze kuw­wat­lyk­lar dö­re­dil­ýär. Döw­re­bap oba­lar­da, ýur­duň çäk-do­lan­dy­ryş bin­ýa­dy­ny pug­ta­lan­dyr­ýan tä­ze şä­her­çe­de, tä­ze ýa­şa­ýyş jaý we des­ga­lar top­lu­myn­da hä­zir­ki za­ma­nyň ösen is­leg­le­ri­ne la­ýyk gel­ýän kä­mil dur­muş düzümleri ke­ma­la ge­ti­ril­ýär. Bu aja­ýyp­lyk­lar eg­sil­mez eş­ret­le­riň hö­zi­ri­ni gör­ýän, ýa­şa­ýyş-dur­muş şert­le­ri­niň ýo­ka­ry de­re­je­si bi­len üp­jün edi­len bag­ty­ýar adam­la­ryň kal­byn­da buý­sanç hem söý­gi, mi­ze­mez ynam duý­gu­la­ry­ny dö­red­ýär, ola­ry zäh­met ýe­ňiş­le­ri­ne, tä­ze üs­tün­lik­le­re ruh­lan­dyr­ýar.

16 Ýanwar 2021

Bitaraplyk

Resmi habarlar gysga setirlerde

Türkmenistanyň Prezidenti Karara gol çekdi. Resminama laýyklykda, Türkmenistanyň içerki sarp edijileri üçin 2021-nji ýylda nebit önümleriniň möçberleri, şol sanda awtobenzin, dizel ýangyjy we awiakerosin boýunça möçberi tassyklanyldy. * * * Türkmenistanyň Prezidenti Karara gol çekdi. Resminama laýyklykda, degişli gazetleriň baş redaktorlarynyň orunbasary wezipesi olaryň bellenen işgär sanyny üýtgetmezden ýapyldy. Türkmen döwlet neşirýat gullugyna Maliýe we ykdysadyýet ministrligi, Zähmet we ilaty durmuş taýdan goramak ministrligi hem-de Adalat ministrligi bilen bilelikde Karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak we Ministrler Kabinetine bermek tabşyryldy.

16 Ýanwar 2021

Bitaraplyk

Türkmenabadyň toýly günleriniň şanly wakalary

Türkmenabatda Akina — Andhoý (Owganystan Yslam Respublikasy) menzilleriniň arasyndaky 30 kilometrlik demir ýolunyň ulanmaga berilmegi, Kerki (Türkmenistan) — Şibirgan (Owganystan) ugry boýunça güýjenmesi 500 kilowolt bolan 153 kilometrlik elektrik geçiriji ulgamyň, şeýle hem ýurtlarymyzyň arasyndaky Ymamnazar — Akina hem-de Serhetabat — Turgundy optiki-süýümli halkara ulgamyň işe girizilmegi mynasybetli teleköpri arkaly birleşdirilen dabaralaryň yzysüre şäheriň ýaşaýjylarynyň şatlygyna şatlyk goşan ýene-de bir dabara bolup geçdi. Şäheriň Alty Garlyýew köçesiniň ugrunda welaýat polisiýa müdirliginiň ýangyn howpsuzlygy gullugynyň täze, döwrebap binalar toplumy ulanylmaga berildi. Häzirki wagtda bu köçäniň ugrunda dolandyryş-edara jaýlarynyň döwrebap binalarynyň giden bir hatary ýerleşýär: ýangyn howpsuzlygy gullugynyň edara jaýy olaryň sazlaşykly hatarynyň üstüni ýetirdi.

16 Ýanwar 2021

Bitaraplyk

Parahatçylyk — baky abadançylyk

«Türkmenistan — Bitaraplygyň mekany» ýylynda milli Liderimiz Gurbanguly Berdimuhamedowyň öňdengörüjilikli syýasatynyň üstünlikli amala aşyrylmagynyň netijesinde berkarar Diýarymyz ösüşleriň täze belentliklerine eýe boldy. Geçen ýyl ýurdumyzyň hemişelik Bitaraplyk hukuk ýagdaýyna eýe bolanyna 25 ýylyň dolmagy bilen demokratik, hukuk we dünýewi döwletimiziň durmuşynda möhüm wakalar boldy. 2015-nji ýylyň 3-nji iýunynda BMG-niň Baş Assambleýasynyň 69-njy mejlisinde «Türkmenistanyň hemişelik Bitaraplygy» hakynda Rezolýusiýanyň ikinji gezek kabul edilmegi bütin Ýer ýüzünde taryhy waka öwrüldi. 2015-nji ýylyň 25-nji sentýabrynda BMG-niň Baş Assambleýasynyň 70-nji mejlisi bolup geçdi. Onda döwlet Baştutanymyz çykyş edip, umumadamzadyň baş wezipesi bolup durýan dünýä ähmiýetli meselelere halkara jemgyýetçiliginiň ünsüni çekdi.

15 Ýanwar 2021

Bitaraplyk