"Nesil" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-57, 39-96-37, 39-96-49
Email: nesil-gazeti@sanly.tm

Gazeti PDF görnüşinde ýükläp almak

Habarlar

Galla oragyna taýýarlyk

Ýurdumyzyň beýleki sebitleri bilen bir hatarda Tejen etrabynyň zähmetkeşleri hem galla oragyna şu günlerden taýýarlyk görýärler. Oba hojalygyndaky bu jogapkärli möwsümi guramaçylykly başlamak we bökdençsiz alyp barmak babatda kombaýnlaryň taýýarlygyna uly orun degişlidir. Etrap boýunça «Obahyzmat» önümçilik kärhanasynda galla orujy kombaýnlaryň 97-si we beýleki kuwwatly oba hojalyk tehnikalary doly derejede gözden geçirilip, taýýarlyk hatarynda goýuldy. Tejen etrabynyň «Obahyzmat» önümçilik kärhanasynda göreldeli zähmet çekýän bejeriji ussalardan, mehanizatorlardan we degişli hünärmenlerden möwsümde galla orujy kombaýnlaryň saz işledilmegini gazanmakda Resul Ataýewiň, Mälikpälwan Babaýewiň, Hydyr Aşyrowyň netijeli işleri alyp barýandyklary guwandyryjydyr. Türkmenistanyň Kärdeşler arkalaşyklarynyň Tejen etrap birleşmesiniň kärdeşler arkalaşyklarynyň ilkinji guramasynyň işgärleri galla oragyna taýýarlyk işleriniň çäginde «Obahyzmat» önümçilik kärhanasynyň göreldeli işçi hünärmenleri, bejeriji ussalary we mehanizatorlary bilen duşuşyp, olar bilen tehniki howpsuzlyk boýunça düşündiriş işlerini geçirýärler.Olar duşuşyklarda öňde duran galla oragyna taýýarlykly barmak, möwsümde tehniki howpsuzlygynyň kadalaryny berjaý etmek, ýokary öndürijilikli kombaýnlara aýawly garamak hem-de galla oragyny gysga wagtda we ýitgisiz ýygnamak bilen bagly işe mynasyp goşant goşmagyň ähmiýeti dogrusyn

30 Aprel 2024

Oba hojalyk

Ekin eken eklener

Daýhançylygy kesp-kär edinen ata-babalarymyz ene topraga eklenç çeşmesi hökmünde garap, onuň her bir daban ýerini mukaddeslige deňäpdirler. Toprak bilen iş salşyp, onuň bilen bagry badaşan daýhanlaryň Güneşden nur alan nurana ýüzlerini synlanyňda göwnüň galkynýar. Şeýle adamlaryň biri-de, Ahal welaýatynyň Ak bugdaý etrabynyň «Üzümli toprak» daýhan hojalygynyň ýolbaşçysy Annageldi Annaýewdir.

30 Aprel 2024

Oba hojalyk

Topragyň bahar demi

5. Ýazda şabat joş urýar Ahala, Lebaba, Balkana, Mara seredeniňde, bu ýerlere bahar gijräk gelýär. Bir ujy gazak gyrlaryna sapýan Aýböwür taraplarda, Üstýurt belentlikleriniň eteklerinde dagy bahar burnuny bir aý çemesi giç görkezýär. Şonda-da Şabat ýakalaryndaky daýhanlaryň «Baharky meýdan işleri» diýlen tutuma irgözin girişendiklerini atyz gyrasyna baranyňda, derrew duýup bolýar.

30 Aprel 2024

Oba hojalyk

Zyýankeşlere garşy göreş çäreleri

Güneşli Diýarymyzda ösdürilip ýetişdirilýän ekinleridir baglary zyýankeşlerden, kesellerden goramakda Türkmenistanyň Oba hojalyk ministrliginiň Ösümlikleri goramak gullugynyň biolaboratoriýalarynda önjeýli iş alnyp barylýar. Ýurdumyzyň dürli künjeklerinde bar bolan biolaboratoriýalarda öndürilýän bioönümler kärendeçileriň alyp barýan işinde uly ähmiýete eýe. Olar gowaçadyr bugdaýa we beýleki oba hojalyk ekinlerine howp salýan mör-möjeklere garşy giňden peýdalanylýar. Şeýle bioönümleriň biri-de altyngözlüjedir. Hünärmenleriň gürrüň bermegine görä, ol meýdana goýberilenden soň, ekin üçin howply zyýankeşler bilen iýmitlenýär hem-de ýumurtga berýär. Türkmenistanda bugdaýyň esasy zyýankeşlerinden ýasmygy, sülükpisint gallaçy tomzagy, däne şirejesini, däne sowkasyny, bugdaý bitini, bürepisint ýaprakçy tomzagy bellemek bolar. Şularyň ählisine garşy altyngözlüjäniň liçinkasy ulanylýar. Biolaboratoriýalarda ony 20 — 25 günüň dowamynda bal bilen iýmitlendirip ýetişdirýärler. Zyýankeşlere garşy ulanylýan bu serişdäni gyş paslyndan başga wagty ulanyp bolýar. Eger-de howanyň derejesi 18 — 20 gradusdan geçmese, olary ekin meýdanlaryna goýbermek maslahat berilmeýär. Ony ýylda üç gezek, her gezekde 1 gektara 300 sanysyny ulanmak dogry hasap edilýär.

30 Aprel 2024

Oba hojalyk

Hatarara bejergi geçirilýär

Möwsüme hemmetaraplaýyn taýýarlykly gelen Mary welaýatynyň hasyl ussatlary gowaça ekişine ýurdumyzda öňdäkileriň hatarynda girişdiler. «Ir ekilen ekiniň köki çuňa urar» diýlişi ýaly, ekiş geçirilen meýdanlarda eýýäm ýaşajyk gowaçalar hatar tutup ugrady. Kärendeçilerdir gaýry önüm öndürijiler topraga sepen gowaça tohumynyň kadaly ösüşini görüp-buýsanyp, ilkinji hatarara bejergi işlerine-de guramaçylykly girişdiler. Möwsümleýin çäreleriň aýny wagtynda, ýokary hilli geçirilmegi üçin Mary «Obahyzmat» önümçilik birleşiginiň etraplardaky tehniki hyzmat ediş kärhanalarynda bejergi traktorlarynyň hem-de gurallarynyň ýeterlik möçberi irgözinden taýýar edilip, gowaçalaryň ilkinji bejergi işleri Tagtabazar etrabynyň ekin meýdanlarynda ýokary depginde alnyp barylýar. Aýratyn ussatlygy talap edýän bu çäräni geçirmek köpýyllyk iş tejribesi bolan halypa mehanizatorlara ynanylypdyr. Olaryň yhlasly zähmeti netijesinde, ekin meýdanlarynda işler barha gyzyşýar. Edermen pagtaçylar möwsümde 162 müň gektarda gowaça ekmegi meýilleşdirip, häzir ekiş bilen bejergi işlerini utgaşykly alyp barýarlar.

30 Aprel 2024

Oba hojalyk

MELE MEÝDANYŇ AK SOGANY

Ilersinde gojaman Köpetdagyň alagarly gerişleri seleňläp duran, gaýrasynda Garagumuň guba çägeleri ýaýraw tutan meýdanyň beýle ýap-ýaşyl bolup ýatyşyny gör-le! Günçykar gapdalynda lummurdaýan kiçeňräk ýabyň köçe gyrasyna ekilen miweli agaçlar indi gülüni döküp ugrapdyram weli, şonda-da edil älemgoşar ýere gaçan ýaly. Aňyrsy gözýetim bilen sepleşýän meýdan bolsa ýaşyl don geýdirilene çalymdaş. Ýok, daşdan şeýle görünýär. Suw barýan salmasyndan ätläp, çilinden geçýärsiňem weli, toprak göterip oturan hasyl. Özem hersi ýumrukdan uly ak soganlar: «Hany, gel, meni gopar!» diýýäne meňzeş. Hawa, öseriniň dik ujy tümmerip, baldaklaram joýa tarap ýatypdyr. Diýmek, sogan doly ýetişipdir. Indi «Gyssagyň özüň bilen» diýleni. Ine-gana synlap durkaňam, sogan hakda bilýän, eşiden zatlaryň ýene hakyda dolup gidýär.

28 Aprel 2024

Oba hojalyk

Oba hojalygynyň batly gadamlary

Gahryman Arkadagymyzyň, Arkadagly Gahryman Serdarymyzyň öňdengörüjilikli pähim-paýhaslary bilen ýurdumyzda oba hojalygy pudagynyň ösdürilmegi, ýerden netijeli peýdalanylyp, ekinlerden bol hasyl alynmagy, şeýlelikde, azyk bolçulygynyň döredilmegi ugrunda uly aladalar edilýär. Şu ýylyň 9-njy fewralynda geçirilen Ministrler Kabinetiniň giňişleýin mejlisinde hormatly Prezidentimiz Serdar Berdimuhamedowyň gol çeken Permanyna laýyklykda, ekinleriň hasyllylygyny ýokarlandyrmak, maldarçylygy we guşçulygy ösdürmek, ýokary hilli oba hojalyk önümlerini öndürýän häzirki zaman önümçilikleri döretmek, döwrebap tehnologiýalary ornaşdyrmak maksady bilen, Türkmenistanyň Oba hojalyk ministrliginden bölünip aýrylmagy arkaly, täze düzümleriň — Türkmenistanyň Azyk senagaty, Maldarçylyk we guşçulyk senagaty, «Türkmengallaönümleri», «Türkmenobahyzmat» döwlet birleşikleriniň, «Türkmenpagta» döwlet konserniniň döredilmegi-de munuň aýdyň güwäsi boldy. Täze kabul edilen «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynda» önümçilik kärhanalarynyň kuwwatlyklarynyň doly işledilmegini gazanmak, gaýtadan işleýän senagaty ösdürmek, eksporty artdyrmak we importyň ornuny tutýan önümçilikleri ösdürmek, ekologik taýdan arassa, ýokary hilli oba hojalyk we beýleki azyk önümleriniň öndürilişini artdyrmak, amatly işewür gurşawyny döretmek esasy maksatlaryň hatarynda görkezile

26 Aprel 2024

Oba hojalyk

Bugdaýyň bol hasyly ugrunda

Ak bugdaý etrabynyň gallaçylary güýzlük bugdaý ekilen meýdanlarda ideg işlerini agrotehnikanyň talaplaryna laýyklykda alyp barýarlar. Üstümizdäki ýylda guşgursak ak bugdaýyň bol hasylyny öndürmek ugrunda yhlasly zähmet çekýän daýhan birleşikleriniň we daýhan hojalyklarynyň zähmetkeşleri häzirki meýdan işleriniň her birine jogapkärli çemeleşýärler. Bugdaý ekilen meýdanlary mineral dökünler bilen iýmitlendirmekde, ösüş suwuny tutmakda etrabyň “Ak üzüm”, “Üzümli toprak” daýhan hojalyklarynda alnyp barylýan işler öwgä mynasypdyr. Agzalan hojalyklaryň göreldesine beýleki hojalyklaryň daýhanlary hem eýerýärler.

25 Aprel 2024

Oba hojalyk

Kümüşsöw çäjiň ilkinji kilogramlary

Kerki etrabynyň «Mürzebeggala» daýhan birleşiginiň ýüpekçileri her ýyl möwsümde ýüpek gurçugyndan bol pile öndürmegi başarýarlar. Olar geçen ýyl hem 916 gap ýüpek gurçugyny idedip, 35 müň 600 kilogramdan geçirip, çig mal öndürmegiň hötdesinden geldiler. «Pähim-paýhas ummany Magtymguly Pyragy» ýylynda daýhan birleşiginiň ýüpekçileriniň öňde goýan maksatlary has-da belent. Olar 916 gap gurçuk tohumyndan meýilnamada görkezilen 31 müň 500 kilograma derek 36 tonna pile öndürmegi maksat edinýärler.

24 Aprel 2024

Oba hojalyk

Ataly-ogluň maksatlary bir

Çärjew etrabynda ene toprakdan bol hasyl almagy başarýan ussat kärendeçileriň uly topary zähmet çekýär. Daýhançylygyň maşgala kesbine öwrülen ýerleri hem bar. Türkmenistanyň «Watana bolan söýgüsi üçin» medalynyň eýesi Bahram Şirow hormatly dynç alyşdadygyna garamazdan, daýhançylyk bilen meşgullanmagyny dowam etdirýär. Mundan kyrk ýyl ozal häzirki S.A.Nyýazow adyndaky Türkmen oba hojalyk uniwersitetini tamamlan ýaşulynyň durmuş ýolunyň köp bölegi «Lebap» daýhan birleşigi bilen baglanyşykly geçipdir. Ol üç ýyllap hojalygyň agronomy bolup işläpdir. Şondan soň otuz ýyldan gowrak wagtlap topar ýolbaşçysy wezipesinde zähmet çekipdir. Şol ýyllaryň dowamynda gowaça ekilsin ýa-da bugdaý, tapawudy ýok, öňde goýlan wezipeleri artygy bilen berjaý edip gelipdir. Ömrüni ene ýeriň hyzmatyna bagyşlan ýaşuly pensiýa çykanyndan soň hem iki elini gowşuryp oturyp bilmändir. Daýhan birleşiginden iki gektar ýeri kärendesine alyp, onda ekin çalşygyna laýyklykda bugdaý, gowaça ýetişdiripdir. Hemişe bolşy ýaly, onuň şertnamalaýyn borçnamasyny artygy bilen ýerine ýetirmedik ýyly ýok.

24 Aprel 2024

Oba hojalyk

Sähralarda çopan yhlasy görünýär

Welaýatymyzyň maldarlary dowarlardan owlak-guzy almak meýilnamasyny üstünlikli ýerine ýetirdiler. Bu jogapkärli möwsümde Hojambaz etrabynyň «Tallymerjen» maldarçylyk hojalygynyň maldarlary hem aýratyn tapawutlandylar. Şu günlerde maldarlar dowarlara, şeýle hem ösdürilmäge galdyrylan owlak-guzulara göwnejaý ideg edýärler. Çopanlaryň iş keýpleri oňat. Möhüm möwsümi netijeli jemlän maldarlar gazanylan netijelerden göwünleriniň hoşdugyny begenç bilen buşlaýarlar. Uzak örüdäki çopanlar armasyny ýetirmäge gelýän myhmanlary hemişe ýitirip-tapan ýaly garşylaýarlar welin, bu gezek möhüm möwsümiň üstünlikli tamamlanan günlerine gabatlap gelen adamlary has-da gadyrly garşyladylar. Maldarçylyk hojalygynyň tohumçylyk boýunça zootehnigi Hanjar Ýarow olaryň işi barada gürrüň berýän mahalynda «tallymerjenlileriň» ilkinjileriň hatarynda pellehana gelendiklerini sözüne goşýar. Çopanlar ene dowarlardan owlak-guzy almak meýilnamalaryny Çärjew etrabynyň «Serdar» maldarçylyk hojalygyndan soňra ikinji bolup ýerine ýetiripdirler. Bu ýerde 20-30 ýyl iş tejribesi bolan halypalaryň onlarçasy zähmet çekýär. Olar yssyda-sowukda mallaryny bakmagyň usullaryny gowy bilýärler. Dowarlardan owlak-guzy almagy we beýleki möwsümlerde öz iş tejribelerini, ussatlyklaryny ýerlikli ulanmagy hem başarýarlar.

24 Aprel 2024

Oba hojalyk

Ýaşyl meýdanlar — bol hasyldan nyşan

Welaýatymyzyň gallaçy daýhanlary hormatly Prezidentimiziň goldaw-hemaýatlaryndan ruhlanyp, «Pähim-paýhas ummany Magtymguly Pyragy» ýylynda 145 müň gektar meýdanda ak bugdaýyň bereketli hasylyny ýetişdirmek ugrundaky işleri ýokary depginde amala aşyrýarlar. Şonuň netijesinde, şu günlerde idegi ýetirilýän bugdaý düýpleri günsaýyn boý alyp, atyz-meýdanlara bezeg berýär. Belli bolşy ýaly, Boldumsaz etrabynyň «Abadanlyk» daýhan birleşiginiň kärendeçileri hem şu ýyl 695 gektar meýdanda bu ugurda iş alyp barýarlar. Şeýlelikde, birleşik boýunça gallaçylykda zähmet çekýän 313 kärendeçiniň haýsy birine berkidilen meýdanda ýaşyl öwsüp, köpüň ünsüni çekip oturan bugdaý düýplerini synlasaň hem edilýän yhlasyň ýerine düşýändigini görmek bolýar.

24 Aprel 2024

Oba hojalyk

Gowaça ekişi öndürijilikli barýar

Oba hojalygynda gyzgalaňly möwsüm bolan gowaça ekişi Köneürgenç etrabynda hem üstünlikli dowam edýär. Etrabyň «Watan» daýhan birleşiginiň pagtaçy kärendeçileri «Pähim-paýhas ummany Magtymguly Pyragy» ýylynda 1275 gektar ýerde ekiş geçirip, «ak altynyň» bereketli hasylyny almagy maksat edinýärler. Irki ekişiň ýokary hasyl almagyň gözbaşy bolup durýandygyna oňat düşünýän ýer eýeleri bu jogapkärçilikli möwsümi gysga möhletde amala aşyrmak üçin yhlaslaryny gaýgyrmaýarlar. Daýhan birleşiginde kärendeçiler toparynyň 15-si bolup, häzirki wagtda Dowul Dolanowyň ýolbaşçylygyndaky 9-njy hem-de Gurbangeldi Arazowyň baştutanlygyndaky 10-njy kärendeçiler toparlarynda gowaça ekişi has ýokary depginde dowam edýär. Pagtaçy kärendeçileriň arasynda Döwlet Mamalakow, Mährijemal Artykowa, Tirkeş Arazow, Ýagmyr Ýagmyrow ýaly toprak bilen iş salyşmakda tejribesi ýetik, gowaçadan bereketli hasyl almakda köplere görelde görkezýän guýmagursak daýhanlaryň ençemesi bar. Ekişe taýýar edilen ýerleri agrotehnikanyň talaplaryna laýyk sürmekde, ekiş geçirmekde etrap «Obahyzmat» önümçilik kärhanasynyň mehanizatorlary Şyhmyrat Myradow, Baýramgeldi Halbaýew, Baýram Geldiýew, Hydyr Gulamow dagy aýratyn gaýratlylyk görkezýärler.

24 Aprel 2024

Oba hojalyk

Ýüpekçilik

Jogapkärli möwsüme badalga berildi Ozal habar berlişi ýaly, hormatly Prezidentimiziň Kararyna laýyklykda, şu ýylyň ýüpekçilik möwsüminde welaýatymyz boýunça 500 tonna ýokary hilli pile öndürmek göz öňünde tutulyp, oňa derwaýys taýýarlyk işleri öz wagtynda geçirildi. Düýn welaýatymyzyň ýüpekçilerine öňde duran möwsümde idetmek üçin ýaş gurçuklar paýlanylyp başlandy. Munuň üçin gurçuk tohumlaryny örüzmek boýunça hereket eden 67 sany merkezde ähli zerur şertler döredildi. Olarda jemi 13690 guty ýaş gurçuklary paýlamak bellenilip, bu iş ilkinji günden ýokary guramaçylyga eýe boldy. Şonuň netijesinde bu möhüm çäre ýakyn günlerde doly tamamlanar.

24 Aprel 2024

Oba hojalyk

Oba hojalygy: bol hasylyň aladasy

Bugdaý — meýdanlaryň ýaraşygy Halkymyzda bugdaý uly iliň soltany hasaplanyp, ony ösdürip ýetişdirmäge aýratyn üns berilýär. Bu babatynda hormatly Prezidentimiziň baştutanlygynda gallaçylygy ösdürmekde uly işler alnyp barylýar. Işlemäge, bol hasyl ýetişdirmäge döredilýän mümkinçilikleriň netijesinde gallaçy daýhanlar ak ekiniň — bugdaýyň bereketli hasylyny ýetişdirmek maksady bilen tutanýerli zähmet çekýärler. Olar häzirki günlerde bugdaýyň idegini agrotehnikanyň talaplaryna görä üstünlikli dowam etdirýärler.

24 Aprel 2024

Oba hojalyk

Ýüpekçilik — 2024

Pileçileriň zähmet joşguny Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň tagallalary bilen ýurdumyzyň oba hojalyk pudagyny ösdürmekde oňyn özgertmeler durmuşa geçirilýär. Bu bolsa, zähmetsöýer babadaýhanlary, kärendeçileri halal zähmet çekip, ene toprakdan bol hasyl almaklyga ruhlandyrýar. Şu günler etrabymyzda hem ýüpek gurçuklaryny idetmek işleri ýokary depginde alnyp barylýar. “Pähim-paýhas ummany Magtymguly Pyragy” ýylynda etrabymyzyň pileçi kärendeçileri ýüpek gurçuklaryna edilýän ideg işlerini uly ruhubelentlik bilen, ýokary guramaçylykly ýola goýýarlar. Şu ýyl etrabyň pileçileri etrap boýunça 19 müň 247 gram ýüpek gurçugyny idedip, meýilnama boýunça 37 tonna pile tabşyrmaklygy maksat edinýärler. Bu gün ýüpek gurçugynyň bol hasylyny almak ugrunda edilýän aladalar, döredilip berilýän mümkinçilikler edermen pileçi kärendeçileriň ruhuna ruh goşýar.

24 Aprel 2024

Oba hojalyk

Ýaprakdan nur – ýüpek önýär

Hormatly Prezidentimiziň parasatly ýolbaşçylygynda Berkarar döwletiň täze eýýamynyň Galkynyşy döwründe «Pähim-paýhas ummany Magtymguly Pyragy» ýylynda milli ykdysadyýetimiziň ähli pudaklary bilen bir hatarda ýurdumyzyň oba hojalyk pudagy hem uly ösüşlere, özgerişlere eýe bolýar. Ýurdumyzda ýüpekçilik pudagyny ösdürmek boýunça öňde goýlan wezipeleri üstünlikli durmuşa geçirmek, şeýle hem piläniň öndürilýän möçberini artdyrmak we hilini ýokarlandyrmak maksady bilen, Türkmenistanyň Prezidenti Karara gol çekdi. Şuňa laýyklykda, «Türkmenpagta» döwlet konsernine hem-de welaýatlaryň häkimliklerine 2024-nji ýylda 2 müň 100 tonna, şol sanda Ahal welaýatynda 155 tonna, Balkan welaýatynda 25 tonna, Daşoguz welaýatynda 500 tonna, Lebap welaýatynda 1 müň 10 tonna, Mary welaýatynda 410 tonna pile öndürmek meýilleşdirildi we ýüpek gurçugyny idedýänler ýokary hilli tohumyň zerur mukdary bilen üpjün edildi. Şu günler ýüpekçiler üçin möhüm möwsüm gyzgalaňly dowam edýär. Welaýatymyzyň gündogar etraplarynyň ýüpekçileri ýüpek gurçuklaryny idetmäge beýleki etraplardan hem 3 – 4 gün ir girişdiler. Şu ýyl olar 1 müň 10 tonna pile öndürmegi meýilleşdirýärler.

23 Aprel 2024

Oba hojalyk

Bakja önümleriniň berekedi

Eziz Diýarymyzda daýhanlaryň yhlasly zähmeti netijesinde azyk önümleriniň bolçulygy döredilýär. Lebap welaýatynyň Çärjew etrabynyň edermen daýhanlary hem 1 müň 533 gektar meýdanda ýazlyk ýeralma, käşir, sogan, kelem we beýleki ekinleri ekdiler. Ýazlyk soganyň ekişi bu ýerde fewral aýynyň soňky ongünlüginiň ortalarynda tamamlandy. Etrapda daýhan hojalyklarynyň we önüm öndürijileriň uly topary gök we bakja ekinlerini ösdürip ýetişdirmek bilen meşgullanýar. Şu günler ýazlyk ýeralma ideg edilýär. Ýazlyk ýeralma 480 gektar meýdanda ekilip, şonça meýdandan 6 müň 720 tonna hasyl ýygnamak meýilleşdirildi. Çärjew etrabynyň ekerançylarynyň sogan ösdürip ýetişdirmekde baý iş tejribesi bar. Olar her ýylda sogan ekilen meýdanlaryň her gektaryndan 250 sentnerden geçirip, hasyl ýygnamagyň hötdesinden gelýärler. Etrapda 230 gektar ýerde ýazlyk sogan ösdürilip ýetişdirilýär. Şu ýyl bakjaçy daýhanlar Ýylgynagyz, Bataş ýaýlalaryndaky kärende ýerlerinde soganyň ekişini irgözinden tamamladylar. Tejribeli ekerançylar sogan eken meýdanlaryndan 5 müň 750 tonna hasyl aljakdyklaryny ynam bilen aýdýarlar.

23 Aprel 2024

Oba hojalyk

Tohumyňyz müňlesin!

Hormatly Prezidentimiziň taýsyz tagallalary netijesinde häzirki wagtda ýurdumyzda pagta, galla bilen bir hatarda daýhan birleşiklerinde gök, bakja we miweli bagy ösdürip ýetişdirmek boýunça giň mümkinçilikler döredildi. Akdepe etrabynyň Nurmuhammet Andalyp adyndaky daýhan birleşiginde-de bu işler talaba laýyk amala aşyrylýar. Daýhan birleşigine degişli bolan 1 müň 160 gektar ekin meýdanynyň Pähim-paýhas ummany Magtymguly Pyragy ýylynda gowaça, bugdaý bilen bir hatarda, şol meýdanyň 350 gektar ýerine ýeralma ekmek meýilleşdirildi. Meýilleşdirilen meýdanyň 166 gektar ýerine ýeralmanyň Gazagystan döwletinden satyn alnan «Gala» sorty, galan ýerine «Santo» ýerli sortunyň tohumlary agrotehnikanyň talaplaryna laýyklykda ekildi.

23 Aprel 2024

Oba hojalyk

Gallaçylar tijenýärler

Balkan welaýatynyň gallaçylary şu oba hojalyk ýylynda yhlasly zähmet çekmek bilen, gallanyň bol hasylyny Watan harmanyna tabşyrmak üçin tutanýerli işleýärler. Welaýatyň Bereket etrabynyň gallaçy daýhanlary şu ýyl 17 müň 500 gektar meýdana bugdaý ekip, 28 müň tonna guşgursak dänäni döwlet harmanyna tabşyrmagy borçnama edip aldylar. Etrabyň daýhan hojalyklarynyň irgözinden gören taýýarlyk işleri ekin meýdanlaryndaky bugdaýly ýerleriň gök dona bürenmegine getirdi. Şu günler kärendeçiler dänäniň üçünji suwaryş suwuny tutmak bilen, ikinji dökün bilen gurplandyrmak çärelerini utgaşykly alyp barýarlar. Kuwwatly tehnikalar gyzgalaňly işledilip, ekin meýdanlarynda zähmet gaýnap joşýar.

23 Aprel 2024

Oba hojalyk