Türkmenmetbugat

"Nesil" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-57, 39-96-37, 39-96-49
Email: nesil-gazeti@sanly.tm

Gazeti PDF görnüşinde ýükläp almak

Habarlar

Ýyldyzlar näme diýýär? Size gowulyk garaşýar 2021-nji ýyl Dekabr

1.HAMAL (Guzy 21.03—20.04) Hamallar üçin dekabr aýynyň ilkinji ongünlügi gyzgalaňly geçer. Hünär-iş orunlarynda olar täze başlangyçlary öňe sürerler, işlerini batly depginlerde alyp bararlar. Hamallaryň öňünde hünär ugurlarynda kämilleşmek üçin giň mümkinçilikler açylar. Tejribeli hünärmenler bilen pikir alşyň. Hünär ugrunda ýörite kitaplary okaň. Aýyň ikinji ýarymynda hamallara gyzykly duşuşyklar garaşýar. Dekabr aýy at-abraýy galdyrmagyň, kärdeşleriňiz bilen dil tapyşmagyň döwrüdir.

26 Noýabr 2021

Maşgalam — baş galam

Biziň döwletimiz ynsan mertebesini ähli zatdan ileri tutýan kuwwatly döwletdir. Döwletimizde adam ykbalyna sähelçe-de biparh garalmaýar. Bu alada her bir raýatyň rahat ömür sürüp we erkin zähmet çekip bilmegine gönükdirilen adyl kanunlarymyz arkaly kepillendirilip, garaşsyzlyk ýyllarynda döwlet tarapyndan birnäçe täze maksatnamalar, kada-kanunlar kabul edildi. Oňa mysal edip, Türkmenistanyň Konstitusiýasyny, Türkmenistanyň Maşgala kodeksini, Türkmenistanyň Raýat kodeksini we beýlekileri görkezmek bolar. Şu ýylyň 13-nji noýabrynda hem «Türkmenistanyň Ilaty durmuş taýdan goramak hakynda kodeksine üýtgetmeler we goşmaçalar girizmek hakynda» Türkmenistanyň Kanuny kabul edildi. Agzalan Kanuna laýyklykda, 2012-nji ýylyň 19-njy oktýabrynda tassyklanylan Kodeks arkaly bäş, alty, ýedi çagany dogran ýa-da çagalygyndan maýyplygy bolan çagasy bar bolan (maýyplygy bolan çaga diýip ykrar edilen wagtyna garamazdan) we olary sekiz ýaşa çenli terbiýeläp ýetişdiren, hökmany pensiýa ätiýaçlandyrmasyna gatnaşygy 15 ýyldan az bolmadyk, 54 ýaşy dolan aýal maşgalalaryň, şeýle hem sekiz we şondan köp çagany dogran we olary sekiz ýaşa çenli terbiýeläp ýetişdiren, hökmany pensiýa ätiýaçlandyrmasyna gatnaşygy 10 ýyldan az bolmadyk, 52 ýaşy dolan aýal maşgalalaryň hukuklary berkidildi. 2022-nji ýylyň 1-nji ýanwaryndan herekete giriziljek bu Kanun ýurdumyzda maşgala gatnaşyklarynyň has-da pugtalanmagy ugru

25 Noýabr 2021

Zenan — Zemin görki

Döwletimizde hormatly Prezidentimiziň tagallalary netijesinde zenanlar we çagalar meselesine, olaryň konstitusion ýagdaýyna, eneligiň durmuş taýdan goldanylmagyna we maşgalanyň goralmagyna yzygiderli üns berilýär. Şu ýylyň 25-nji sentýabrynda Garaşsyzlygymyzyň şanly 30 ýyllygynyň baýram edilen günlerinde geçen Türkmenistanyň Halk Maslahatynyň mejlisinde döwlet Baştutanymyz Türkmenistanyň «Ene mähri» diýen hormatly adyna mynasyp bolan eneleriň pensiýalarynyň, çaga ideg etmek boýunça döwlet kömek pullarynyň, durmuş kömek pullarynyň möçberleriniň artdyrylmalydygyna ünsi çekdi. Şeýle hem sekiz we şondan köp çagany terbiýeläp ýetişdiren eneleriň has ir pensiýa çykmagy bilen baglanyşykly degişli kanunlara täze kadalar girizilse, çaganyň doglandygy üçin döwlet kömek pullarynyň möçberlerine täzeden seredilse, bäş we şondan köp çagany terbiýeläp ýetişdiren zenanlara berilýän döwlet kömek pullarynyň möçberi artdyrylsa, köp çagaly maşgalalaryň hal-ýagdaýyny gowulandyrmaga ýardam etjekdigini beýan etdi.

25 Noýabr 2021

Tämiz kalplaryň keşdesi

Türkmen gelin-gyzlarynyň uz barmaklaryndan dörän el işleriniň arasynda mynasyp orny bolan keçeler şöhratly taryhymyzdan habar berýän ajaýyp senetdir. Milli mirasymyza Ülker ýyldyzy kimin nur çaýýan bu gymmatlykda zenan kalbynyň owazy ýaňlanýar. Türkmen zenanlarynyň ruhy dünýäsiniň gözelligini açýan bu sungatyň nagyşlarynyň, gülleriniň, alajalarynyň her biri pähim-paýhasa ýugrulan köňül aýdymy bolup jahana dolýar. Şonuň üçin türkmen keçeleriniň dünýäniň medeni mirasynyň sanawynda mynasyp orny bar. Nepis halylarymyz kimin, keçeler hem irki döwürlerde han-begleriň nazarynda bolupdyr. Owadan nagyşlary, ýumşaklygy hem-de berkligi bilen birlikde, bu senediň saglyga peýdasy onuň gymmatyny beýgeldipdir.

23 Noýabr 2021

Gözellik terbiýesi

Çaganyň içki dünýäsi, şeýle hem erki, özüni raýat diýip saýmagy ýaly duýgulary maşgalada kemala gelýär. Adam özüniň durmuş ýoluny saýlamakda erkindir, kämillik ýaşyna ýetende, öz raýatlygyny kesgitlemek hukugyna eýedir. Ynsana mahsus bolan bu aýratynlyklar onuň alan terbiýesine esaslanýar. Gepi-sözi ýerinde bolan, gatnaşyklary-hereketleri, edebi, aň-düşünjesi we pikirlenişi taýdan ajaýyp adamy kemala getirmek estetiki terbiýäniň esasy maksady bolup durýar. «Estetika» sözi grekçe «Duýgy, akyl ýetirme» diýen ýaly manylary aňladyp, ol ilkinji gezek nemes filosofy Aleksandr Gotlib Baumgarten (1714 — 1762) tarapyndan ylmy dolanyşyga girizilýär. Ylmyň estetika pudagyna bu ýerde duýgy arkaly akyl ýetirmek ylmy hökmünde garalýar. Nemes filosofy Immanuil Kant (1724 — 1804) «Estetika — duýgy hakyndaky ylym» diýen netijä gelýär. Estetika hakynda başga-da «erkin sungat», «gözellige akyl ýetirmek sungaty», «gözelligi akyl ýetirip syzma» diýen ýaly dürli garaýyşlar dowam edýär.

23 Noýabr 2021

Güýz ýapraklaryndan şekiljikler

Eziz çagalar, altyn güýzüň gelmegi bilen «ýaşyl donly» agaçlaryň ýapraklary ilki tyllaýy öwüşgin alyp, soňra-da altyn-sary reňke boýalyp, ýere dökülmäge başlaýar. Dökülen ýapraklaryň üýşmekleri bolsa sähel şemala ygşyldaşyp, baglaryň düýbünde ýatandyr. Asmana uçjak-uçjak bolup ýatan sary ýelek ýaly ýapraklaryň içinde owadanlaryny saýlap, ýörite şekiljikleri ýasamaklygyň çagalar üçin aýratyn gyzygy bar.

22 Noýabr 2021

Ýaşajyk aşpezlere maslahat

Kökejikler Gerekli önümler:

22 Noýabr 2021

Halkymyzyň asylly ýörelgesi

Öý-ojak, maşgala, nesil terbiýesi mukaddes hasaplanýar. Her bir halkyň Watan, il-gün, maşgala ojagy hakynda özüne mahsus däp-dessury, ýol-ýörelgesi bar. Taryha nazar aýlanymyzda, türkmen halkynyň Watana, öz maşgala ojagyna bolan sarpasy, söýgüsi has-da belent derejelere eýedir. Halkymyzyň taryhy döwürlerde toplan durmuş tejribesi esasynda milli terbiýeçilik ýörelgesi, medeniýeti, ruhy düşünjesi döräp, biziň günlerimize gelip ýetipdir. Türkmen halky «Maşgalam — baş galam» diýen pähime uýup, maşgala ojagynyň binýadynyň berk, kämil derejede bolmagyna örän ünsli garaýar. Ata-babalarymyz perzendi döwletlilik hasaplapdyr.

21 Noýabr 2021

«Ejeň saňa aýtjaklary bar» (hekaýa)

Güýz günleri ahyrlap ýördi. Meýdanlardan hasyl doly ýygnalyp gutarylypdy. Howa-da mazaly sowapdy. Gyş pasly hem indi uzakda däldi, eýýäm haçandan bäri öz hökümini ýöretmäge häzirlenýän ýaly, bosagadan jyklap durdy. Mydama nowbahar oglunyň ýokary okuw mekdebini tamamlap gelerine sabyrsyzlyk bilen garaşan Annatäç ejäniň bu günki gün oglunyň oba mekdebinde mugallym bolup işläp ýörenine üç ýyl bolupdy. Hemme eneler ýaly, Annatäç eje-de ogluny gözli-başly etmegiň, agtyk söýmegiň aladasy bilen ýaşaýardy. Ýöne ogly Selimiň ata-enesine ýüregini açan, olaryň ýanynda öýlenmek, özbaşdak durmuş gurmak hakda dil ýaran gezegi bolmandy. Bardy-geldi bu barada gepden gep çykaýanda-da, heniz özüniň öýlenmekçi däldigini çürt-kesik aýdýardy. Bu boluş, elbetde, Annatäç ejäni otursa-tursa ynjalykdan gaçyrman durmaýardy. Onsoň uzakly gününi lapykeç halda oturyp, içini gepledip geçirýärdi. Ýaman ýeri, onuň pikirini goldap, adamsam tijeniberenokdy. Ýogsam, aýalynyň goňşynyň bala-çagalaryny dyzynda oturdyp, oýnadyp, käte-käteler aýaklarynda ýatyryp, wagtynyň köpüsini şolara gümra bolup geçirýändigini göre-göre gelýärdi. Onda-da kelam agyz gep goşanokdy.

19 Noýabr 2021

Eneler ýylgyrsa, älem ýylgyrýar

Ene mähribanlygy diýen jümläniň aňrysynda ullakan many bar. Ene mähri ynsan göwnüni güneş ýaly ýylylygy, älem kimin giňligi bilen maýyl edýär. Ene mährinde gudrat bar, güýç bar. Mähriban eneleriň ýüreginde joş urýan şol mähir-muhabbet, olara goýulmaly hormat-sarpa hormatly Prezidentimiziň «Enä tagzym — mukaddeslige tagzym» atly ajaýyp kitabynda çuň mazmunly rowaýatdyr tymsallaryň, dürdäne jümleleriň, parasatly pähimleriň üsti bilen giňden beýan edilýär. Maşgalanyň ruhy daýanjy we mähir çeşmesi bolan eziz enelere bagyşlanan bu kitapdaky: «Ene» diýmegiň özi ähli gowy zatlary aňladýandyr. Şonda diňe «söýgi» diýen düşünje bärden gaýdýar. Ene biziň üçin ähli gowy zatlaryň, ynsanlyga mahsus asylly ýörelgeleriň jemini aňladýar. Şonuň üçin hem ene iň mähriban we mukaddes ynsandyr» diýen jöwher jümleleri okanyňda, Gahryman Arkadagymyzyň halkyň göwün güzerinden inip, ýürek sesini duýýandygyna we ony dürdäne eserlerinde aýdyň şöhlelendirýändigine doly göz ýetirýärsiň. Mähriban eneleriň maşgala mukaddesligini goramaga gönükdirýän yhlasy, ogul-gyzlaryna berýän edep-terbiýesi her bir türkmen maşgalasynda ýakyn hossarlar bilen birlikde, il-halka, ata Watana, ene topraga goýulýan hormatyň dury çeşmesi bolup durýar. Şulary nazara alyp, biziň ählimiz geljekde hersi bir maşgala ojagynyň öý bikeleri boljak gyz perzentlerimizi milli ýol-ýörelgeleriň ugry bilen, bilim-terbiýeli, edep-ekramly, eli çe

18 Noýabr 2021

Ýaşlary terbiýelemegiň milli ýörelgeleri

Berkarar döwletimiziň bagtyýarlyk döwründe ýaş nesliň döwrebap bilim, kämil terbiýe almagy üçin eziz Diýarymyzda düýpli işler durmuşa geçirilýär. Bilim-terbiýeçilik edaralarynda ýaş neslimiziň orta mekdepleri tamamlanlarynda durmuşda ukyply, hünärlere taýýarlykly we başarnykly bolup ýetişmekleri üçin giň mümkinçilikler döredilýär. Şoňa baglylykda, bu günki gün ýaşlar barada alada döwlet syýasatynyň ileri tutulýan ugurlarynyň biridir. Çünki ösüş-özgerişlere beslenýän ýurdumyzda kämil düşünjeli, watansöýüji, sagdyn pikirli nesli ýetişdirmek, halkymyzyň milli gymmatlyklaryny sarpalamak iň esasy wezipeleriň biri bolup durýar. Ata-babalarymyzyň durmuş tejribesinden geçip, biziň günlerimize ýetip gelen terbiýeçilik mekdebi kämilligiň özenidir. Terbiýäniň kämil bolmagy barada aladalanan pähimdar pederlerimiz ýaş nesli edepli edip ýetişdirmegiň nusgalyk mekdebini ýörelge edinipdirler. Olar çagalary terbiýelemegiň ýolunyň göreldede jemlenýändigine düşünipdirler. Maşgalada ilkinji dünýä inen perzent uly söýgi, mähir bilen gurşalyp, soň ýagşy görelde bilen zähmete ugrukdyrylypdyr. Islendik ukyp-başarnyk irginsiz zähmet bilen gazanylýar. Çagalar “Bar, otur, tur, getire” ýarap başlandan olara güýçýeter ýumuşlar tabşyrylyp ugralypdyr. Netijede özbaşdak, zähmetsöýer, başarjaň, ukyply şahsyýet kemala gelipdir. Maşgalada soňra dünýä inen çagalar ilkinji perzendiň görüm-göreldesine eýeri

18 Noýabr 2021

Bagtyýar körpeleriň diýary

Çagalary juda ezizleýän milli Liderimiz Garaşsyz Türkmenistany bagtly çagalygyň ýurduna öwrüp, halkymyzy bagtyýar döwre eýe etdi. Berkarar Diýarymyzda ýaşlar döwlet derejesinde uly alada bilen gurşalyp alynýar. Mukaddes Garaşsyzlygymyzyň şanly 30 ýyllygy mynasybetli hormatly Prezidentimiziň halkymyza sowgat eden «Aşgabat» binalar toplumy özüniň binagärlik özboluşlylygy we ähli babatda mümkinçiliklere baýlygy bilen tapawutlanýar. Toplum açylaly bäri, sanlyja günleriň içinde ildeşlerimiziň iň bir gelim-gidimli, şol sanda, çagalaryň şadyýan dynç alýan ýerleriniň birine öwrüldi. Toplumyň töweregindäki ajaýyp bagy-bossanlyga, suw çüwdürimlere beslenen gözel seýilgäh zolagy bu ýerde maşgala bolup gezelenç etmäge höwes döredýär.

17 Noýabr 2021

Agzybir maşgala — jemgyýet jebisliginiň gözbaşy

Berkarar döwletimiziň bagtyýarlyk döwri ýurdumyzyň bedew batly ösüşler bilen öňe barýan hem-de jemgyýet jebisliginiň iň bir pugtalanan zamanasyna öwrüldi. Bu döwürde jemgyýetdäki ösüşleriň her biri maşgala agzybirligidir nesil terbiýesi bilen aýrylmaz baglanyşyk esasynda dowam edýär. Muňa Gahryman Arkadagymyzyň: «Maşgala näçe berk boldugyça, jemgyýet hem şonça hemmetaraplaýyn baýdyr» diýen sözleri hem şaýatlyk edýär. Şundan ugur alyp, Ahal welaýat häkimligi, Türkmenistanyň Zenanlar birleşiginiň welaýat bölümi we «Ahal durmuşy» welaýat gazetiniň redaksiýasy bilelikde «Agzybir maşgala — jemgyýet jebisliginiň gözbaşy» diýen at bilen tegelek stoluň başynda söhbetdeşlik geçirdi. Ahal welaýat kitaphanasynda guralan bu söhbetdeşlige Ak bugdaý etrabynyň ýaşaýjysy, mährem ene Ogulşirin Muhammetgulyýewa, welaýat häkimliginiň esasy hünärmeni, Zenanlar bölüminiň başlygynyň orunbasary Aýsoltan Derýaýewa, welaýatyň Polisiýa müdirliginiň jemgyýetçilik howpsuzlygy bölüminiň kämillik ýaşyna ýetmedikler bölümçesiniň müdiri Bilbil Modyýewa, welaýat kitaphanasynyň 1-nji derejeli kitaphanaçysy Ogulsabyr Alowowa, Kaka etrap häkimliginiň Raýat ýagdaýynyň nama ýazgylary bölüminiň müdiri Mähri Amangeldiýewa, Bäherden etrabynyň Bäherden şäher geňeşliginiň hünärmeni, «Ene mähri» ordeniniň eýesi Orazbike Pirmuhammedowa we Ak bugdaý etrabyndaky 10-njy orta mekdebiň mugallymy, «Ene mähri» diýen hormatly

16 Noýabr 2021

Nesil terbiýesi — wajyp wezipe

Ýokary hilli bilim — döredijilikli zähmet Hormatly Prezidentimiziň ajaýyp başlangyçlary, öňdengörüjilikli içeri hem daşary syýasaty netijesinde, Garaşsyz, hemişelik Bitarap Türkmenistan “Öňe, diňe öňe, jan Watanym Türkmenistan!” diýen ruhubelent şygar astynda ösüşiň täze belentliklerini nazarlap, durmuşyň ähli ugurlarynda belent sepgitlere ýetýär.

15 Noýabr 2021

Maşgala — baş gala

Ata-babalarymyz maşgala aýratyn mukaddeslik hökmünde garap, onuň abadançylygyny, agzybirligini ähli zatdan ýokary tutupdyrlar. Şonuň üçinem halk arasynda «Maşgalalar näçe agzybir bolsa, jemgyýet hem şonça jebisdir» diýilýär. Ýurdumyzda her bir maşgalanyň agzybirligi, abatlygy hemişe wajyp mesele bolup durýar. Maşgala jemgyýetimiziň düzüm bölegi bolup, onuň mäkämligi tutuş jemgyýetimiziň abadançylygyny emele getirýär. Ata Watanymyzyň kämil kanunçylygy bolsa, bu meseläniň oňyn çözgüdini gazanmaga zerur şertleri döredýär. Gahryman Arkadagymyzyň tagallalary netijesinde kämilleşdirilýän kanunçylyk namalarynda, şol sanda Türkmenistanyň Maşgala kodeksinde maşgalany berkitmek, är-aýalyň, çagalaryň hukuklaryny, kanuny bähbitlerini goramak babatda kadalar göz öňünde tutulandyr.

12 Noýabr 2021

Edep-ekram - ynsan bezegi

Ýurdumyzda adam hukuklaryny we azatlyklaryny üpjün etmek ugrunda alnyp barylýan işleri has-da kämilleşdirmek, halkara hukugynyň ynsanperwer ugry boýunça kadalary kanunçylyga ornaşdyrmak we hukuk ulanyş tejribesinde durmuşa geçirmek ileri tutulýan ugurlaryň hatarynda durýar. Geçmişde enelerimiz gyzlaryna keşde çekmegi, haly dokamagy, dürli naharlary taýýarlamagy öwretse, atalar ogullaryna ekin ekmegi, mal-gara seretmegi, ussaçylyk işlerini, umuman, hünär öwredipdirler. Parasatly pederlerimiziň uzak ýyllaryň dowamynda döredip, syntgylap, kämilleşdirip, şu günlerimize ýetiren täsin eserleri häzirki günde-de terbiýäniň esasy çeşmesi bolup hyzmat edýär. Medeni mirasymyzyň ähli ugurlarynyň maksady ýetişip gelýän ýaş nesillerimize terbiýe bermek, ilhalar, hakyky halal ýoldan ýöreýän, gözellige düşünýän adamlary terbiýeläp ýetişdirmekdir.

10 Noýabr 2021

Nesilleriň ýörelgesi

Ak bugdaý etrabyndaky 16-njy orta mekdebiň mejlisler jaýynda «Eneleriň göreldesi — nesilleriň ýörelgesi» ady bilen wagyz-nesihat duşuşygy geçirildi. Türkmenistanyň Magtymguly adyndaky Ýaşlar guramasynyň welaýat Geňeşiniň guramagynda bolan duşuşyga ýokary synp okuwçy gyzlar hem-de ýaş mugallymlar gatnaşdy. Ene-mamalarymyzdan gelýän asylly ýörelgeleri, ahlak kadalaryny, urp-adatlary ýaşlaryň arasynda wagyz-nesihat etmek maksady bilen geçirilen duşuşykda täsirli çykyşlara orun berildi. Çykyş edenler Arkadagly döwrümizde durmuşyň dürli ugurlarynda amala aşyrylýan taryhy ähmiýetli işler, bilim almaga, hünär öwrenmäge, döretmäge döredilýän giň mümkinçilikler, gelin-gyzlary bezeýän oňat häsiýetler, ene-mamalarymyzdan gelýän milli ýol-ýörelgeler barada aýdyp, milli mirasymyza, däp-dessurlarymyza goýulýan belent sarpanyň ähmiýetine ünsi çekdiler. Watansöýüjilik, päk ahlaklylyk, maşgala mukaddesligi, agraslyk bilen bagly aýdylan gymmatly öwüt-ündewler duşuşyga gatnaşyjylarda uly täsirleri döretdi.

9 Noýabr 2021

Iki asyryň şaýady

Uzak ýaşly, mähir-muhabbetiň, päkligiň hem ýagşylygyň janly nusgasyny ýüzüňize sylaýyn diýseňiz, gadymy Maru-şahu jahan topragynyň gözel tebigatly Murgap derýasyny etekläp oturan Şordepe obasyna myhman bolup geliň! Elbetde, dünýäde uzak ýaşly ynsanlar ähli adamlaryň ünsüni özünde egleýär. Şeýlekin ynsan biziň obamyzda-da bar. Ol hakda hemmeleriň bilmegini isläp, gojaman saýaly belent daragta meňzäp, bagtyýar maşgalanyň buýsanjy bolup oturan Küti ene bilen didarlaşmagy, söhbetdeş bolmagy müwessa bildim. Men Küti enäniň oturýan jaýyna baryp:

9 Noýabr 2021

Eneligiň we çagalygyň goragy

Berkarar döwletimiziň ähli ugurlarda uly ösüşlere beslenmegi bilen, halkymyzyň ýaşaýyş-durmuş, üpjünçilik şertleri günsaýyn gowulanýar. Gahryman Arkadagymyzyň enelere goýýan sarpasynyň netijesinde ruhy we beden taýdan sagdyn nesilleri kemala getirýän, mähremligiň, gözelligiň, päkizeligiň, edep-ekramyň ajaýyp nusgasy bolan mährem enelerimiz, zenanlarymyz bagtyýar zamanamyzda uly hormatdan peýdalanýar. Ýurdumyzda hormatly Prezidentimiziň öňdengörüjilikli syýasatyndan ugur alnyp, Garaşsyz, hemişelik Bitarap döwletimiziň geljegi bolan bagtyýar nesillerimizi ynsanperwerlik, milletimiziň ruhy-ahlak ýörelgelerine ygrarlylyk, zähmetsöýerlik ruhunda terbiýeläp ýetişdirýändikleri üçin eziz enelerimize aýratyn hormat goýlup, her ýyl Halkara zenanlar güni mynasybetli 8 we şondan köp çagany dünýä inderip, olary mynasyp terbiýelän zenanlaryň ençemesi Türkmenistanyň «Ene mähri» diýen hormatly adyna mynasyp bolýar. Hormatly Prezidentimiz şu ýylyň 25-nji fewralynda Türkmenistanyň Milli Geňeşiniň Mejlisiniň deputatlary bilen geçiren duşuşygynda eden çykyşynda: «Biz maşgala gymmatlyklaryna aýratyn üns berýäris. Ýaşlarymyzyň belent ahlak sypatlary şol gymmatlyklar esasynda kemala gelýär» diýmek bilen, maşgalada çaga terbiýesine aýratyn ähmiýet bermelidigini belledi. Munuň özi, ýurdumyzda adamlaryň ýaşaýyş-durmuş zerurlyklary barada yzygiderli aladalaryň edilmegine, her bir ojakda maşgala gatnaşyk

8 Noýabr 2021

Maşgala baş gala bolmaly bolsa...

Dana halkymyzyň “Maşgalam — baş galam” diýen parasatly pähimi bar. Hakykatdanam, hemmämiziň baş galamyz maşgalamyz. Sebäbi şatlykly günleriň begenjini, durmuşda duş gelýän agyr günleriň gaýgy-gussasyny maşgalamyz bilen deň paýlaşýarys. Aslynda, biz näme üçindir hemişe maşgalamyza howlugýarys. Sebäbi ol ýerde bize şatlygyňam, gaýgy-gamyňam deň paýlaşýan mähriban ynsanlar garaşýar. Ýöne her birimiz üçin şu ýörelge baş ýörelge bolmasa, onda maşgala özüniň baş galalyk ähmiýetini ýitirýär. Maşgalamyzyň baş gala, onda-da mizemez gala bolmalydygy parasatly atalarymyzdan, geçirimliden sabyrly mährem enelerimizden galan mirasdygyny unutmak biz üçin peslik bolar. Maşgalamyzyň baş galalygynyň mukaddesligi ýanýoldaşymyz, ogul-gelnimiz, gyzymyz ýa-da agtyklarymyz birki günlük myhmançylyga gitseler olary göresimiziň gelýänligindedir. Şu mukaddesligem sabyr-takat bilen her gün we hemişe goramalydyrys. Bu ýagdaý gaýyn bilen gelniň, gelin bilen öýde bar bolsa baldyzyň arasyndaky gatnaşykda aýratyn ähmiýete eýe bolýar. Durmuşda maşgalada sylag-sarpaly, mähirli gatnaşyk her birimiziň eýeleýän ornumyza garamazdan, ilki bilen, düşünjeliligimize, geçirimliligimize, sabyrlylygymyza baglydyr. Mysal üçin, gelin özüniň düýnki baldyzdygyny ýadynda saklap, baldyzam ertir özüniň gelneje boljakdygyny unutmasa, maşgalanyň agzybirliginiňem, mäkämliginiňem has berkejekdigine şübhelenmese bolar. Gaýyn bilen gel

8 Noýabr 2021

‹
1
2
...
37
38
39
40
41
42
43
...
54
55
›