"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Dumly-duşdan dürli-dümen

Daşdan öý Alymlar Perunyň Saýwite arheologik toplumynda ýerleşýän Rumiwasi daşynyň irki döwürlerde astronomiýa jisimlerine we wakalaryna syn etmek üçin edilendigini çaklaýarlar. Bu gadymy ýadygärlik «Daşdan öý» diýen manyny berýär. Ol äpet daşdan kesilip taýýarlanyp, ýörite bellikler edilipdir. Mundan başga-da, bu ýerde suw bilen bagly ýerli däp-dessurlar ýerine ýetirilipdir. Sebäbi bu ýerde suw ýaşaýşyň we berekediň nyşany hasaplanypdyr. Daşdan taýýarlanan täsin gurluş günüň uzalyp we gysgalyp başlaýan wagtlaryny, gije bilen gündiziň deňleşýän döwürlerini hasaba almak üçin peýdalanylypdyr.

1 gün öň

Jemgyýet

Şatlygymyz goşalandy

Täze ýylyň bosagasynda Ak bugdaý etrabynda lagym suwuny arassalaýjy desganyň gurlup ulanylmaga berilmegi şatlykly wakalaryň üstüni ýetirdi. Häzirki zaman desgasynyň açylyş dabarasyna gatnaşmak biz — ýaşlar üçin has-da ýakymly boldy. Täze desga aýlanyp gördük, onuň çägindäki binalarda ornaşdyrylan enjamlaryň aýratynlygy bilen tanyşdyk. Dünýäniň ösen ýurtlarynyň soňky tehnologiýalaryny, kämil enjamlaryny görüp diýseň begendik. Telekeçilerimiziň şeýle desgalary ýokary talaplara laýyklykda gurýandygyna guwanjymyz artýar.

1 gün öň

Jemgyýet

Ýakymly täsirleri döretdi

Sarahs etrabyndaky “Döwletabatgazçykaryş” müdirliginde dabaraly duşuşyk geçirildi. Agzalan müdirligiň ilkinji Ýaşlar guramasynyň guramagynda bolan duşuşyga ýaş işçi-hünärmenler gatnaşdy. Duşuşykda tamamlanyp barýan 2024-nji ýylda eziz Diýarymyzda ykdysady, medeni we beýleki ugurlarda gazanylan üstünlikler, ýetilen belent sepgitler barada söz açylyp, ýaşlar syýasatynyň rowaçlyga beslenilişi bilen bagly gürrüňe üns çekildi. “Döwletabatgazçykaryş” müdirliginiň ilkinji Ýaşlar guramasy tarapyndan zähmetkeşler bilen geçirilen wagyz-nesihat duşuşyklaryň, maslahatlaryň, sport we dabaraly çäreleriň netijeli häsiýete eýe bolandygy aýratyn bellenip geçildi.

1 gün öň

Jemgyýet

Bagtyýarlygyň goýnunda

“Pähim-paýhas ummany Magtymguly Pyragy” ýyly şatlykly wakalara baýdygy bilen ýadymyzda galar. Çünki tamamlanyp barýan şanly ýyl bize tolgundyryjy pursatlaryň ençemesini peşgeş berdi. Änew şäheriniň 2024-nji ýylda “Türki dünýäsiniň medeni paýtagty” diýlip yglan edilmeginiň çäreleriniň çäginde guralan aýdym-sazly dabaralara, täsirli maslahatlardyr sergilere, taryhy künjeklere syýahatlara etrabymyzyň ýaşlary egsilmez ruhubelentlik bilen gatnaşdylar. Etrabymyzyň çäginde açylyp ulanylmaga berlen desgadyr binalaryň birnäçesiniň açylyş dabaralaryna şaýat bolduk. Iň begendiriji zatlaryň hatarynda ulanylmaga berlen täze, döwrebap önümçilik maksatly desgalarda ýaşlaryň ýüzlerçesine täze iş orunlaryň açylmagy boldy. Bu gün bagtyýar ýaşlar täze iş orunlarynda gujurly we yhlasly zähmet çekýärler, ýurdumyzda giňden bellenýän şanly seneler mynasybetli çärelere işjeň gatnaşýarlar.

1 gün öň

Jemgyýet

Täze ýyl baýramçylygynyň gyzgalaňly söwda pursatlary

Täze ýyl. Hemmelere bagt we şatlyk, ýagşy umyt-arzuwlary eçilýän, çagalaryň köp garaşan Täze ýyl baýramy hem ýetip geldi. Bu baýramçylyk ajaýyp bir dünýewi baýramçylyk bolup, dünýäniň ähli künjeklerinde giňden bellenilýär. Elbetde Täze ýyl baýramy maşgala baýramy. Halkymyzda toý-baýramlary uly şatlyk-şowhun bilen garşy almak, baýramçylyk saçaklaryny dürli naz-u-nygmatlar bilen bezemek asylly däpleriň biridir. Häzirki wagtda ýurdumyzyň ähli welaýatlarynda, şol sanda Aşgabat, Arkadag şäherlerinde ýetip gelýän Täze ýyl baýramçylygyna bagyşlanan baýramçylyk söwda nokatlary ýola goýuldy. Bereketli bol harytly, elýeter bahaly bazarlar ýurdumyzyň abadançylygyny, raýatlarymyzyň bagtyýarlygyny has-da ýokary derejelere göterýär.

1 gün öň

Jemgyýet

Bitarap Diýara Täze ýyl geldi!

Türkmenistanyň Kärdeşler arkalaşyklarynyň Sarahs, Tejen etrap birleşmeleriniň hem-de medeniýet bölümleriniň bilelikde guramagynda Tejen etrap merkezindäki «Bagt ýoly» toý mekanynda «Bitarap Diýara Täze ýyl geldi!» ady bilen baýramçylyk dabarasy geçirildi. Agzalan jemgyýetçilik guramasynyň işgärleridir işjeň agzalarynyň we beýleki myhmanlaryň gatnaşmagynda bolan dabara şatlyk-şowhuna beslendi. Baýramçylyk dabarasynda Täze, 2025-nji ýyl mynasybetli gutlaglar we ýagşydan ýagşy arzuwlar aýdyldy, aýdym-sazly çykyşlara tomaşa edildi. Sarahs we Tejen etraplarynyň artistleriniň ýerine ýetiren degişme sahnalary, halkyň söýgüsini gazanan bagşy-sazandalaryň mahmal owazly, şirin mukamly aýdym-sazlary gyzgyn garşylandy. Joşgunly aýdym-sazlar bilen sazlaşan milli öwüşginli tans we halk döredijilik çykyşlary ýakymly duýgulary döretdi. Dabaranyň dowamynda öňdebaryjy zähmetkeşlere baýramçylyk sowgatlary gowşuryldy.

1 gün öň

Jemgyýet

Şanly ýyla bagyşlandy

Ýakynda Kaka etrabynyň jemgyýetçilik guramalarynyň hem-de medeniýet bölüminiň bilelikde guramagynda etrabyň Medeniýet öýünde «Pähim-paýhas ummany Magtymguly Pyragy» ýyly mynasybetli aýdym-sazly dabara geçirildi. Etrabyň dürli ýerlerinden gelen bagtyýar ýaşlaryň ruhubelentlikde gatnaşmagynda geçen dabarada Magtymguly Pyragynyň doglan gününiň 300 ýyllygynyň giňden bellenilen ýylynda eziz Diýarymyzda bolup geçen taryhy wakalar, beýik akyldar şahyrymyzyň edebi mirasyna bagyşlanan giň göwrümli çäreler hakda täsirli gürrüň edildi.

2 gün öň

Jemgyýet

Täsir galdyran syýahat

Türkmenistanyň Magtymguly adyndaky Ýaşlar guramasynyň Ahal welaýat Geňeşiniň guramagynda Ak bugdaý etrabynyň çägindäki Seýit Jemaleddin ýadygärlikler toplumyna syýahat guraldy. Oňa Türkmenistanyň Magtymguly adyndaky Ýaşlar guramasynyň welaýat we Ak bugdaý etrap Geňeşleriniň işgärleridir işjeň agzalar gatnaşdy. Änew şäherinden uzak bolmadyk ýerde ýerleşýän Seýit Jemaleddin ýadygärlikler toplumy gadymy türkmen topragynyň şan-şöhrata beslenen taryhynyň beýanydyr. XV asyrda bina edilen bu ýadygärlikler toplumy binagärlik sungatynyň gaýtalanmajak keşbini özünde jemleýär. Oňa gyzyklanmanyň ýokary bolmagy hem ýönelige däl.

2 gün öň

Jemgyýet

Hoş geldiň, Täze ýyl, salam Täze ýyl!

Babadaýhan etrabynyň Toý mekanynda «Hoş geldiň, Täze ýyl, salam Täze ýyl!» ady bilen etrap häkimliginiň, etrabyň jemgyýetçilik guramalarynyň hem-de medeniýet bölüminiň bilelikde guramagynda baýramçylyk dabarasy geçirildi. Täze ýyl toý saçagynyň giňden ýazylmagynda geçen dabara edara-kärhanalaryň, guramalaryň işgärleri, bagtyýar ýaşlar, ýaşuly nesliň wekilleri gatnaşyp, baýramçylyk gutlaglaryny beýan etdiler, Täze — 2025-nji ýylyň her bir öýe rysgal-bereket, nur eçilmegini arzuwladylar, ýurdumyzyň ösüşleri hakda gürrüň etdiler.

2 gün öň

Jemgyýet

Islegimiz rowaçlyga telwasdyr

2024-nji ýyl meniň üçin juda düşümli ýyl boldy. Şu ýyl maňa biologiýa dersi boýunça geçirilen bäsleşikleriň birnäçesinde öňdäki orunlara mynasyp bolmak başartdy. Şolaryň hatarynda iňlis dilinde geçirilýän FISO halkara internet olimpiadasyny, UNIPO halkara taslama bäsleşigini, «Altyn asyryň altyn zehinleri» atly ders bäsleşiginiň jemleýji tapgyryny we ýurdumyzyň ýokary okuw mekdepleriniň birnäçesi tarapyndan geçirilen internet olimpiadalaryny görkezip bolar. Täze ýylda ak mekdepden uçurym bolmaga taýýarlanýaryn. Nesip bolsa, bu üstünlikleri dowam etdirip, lukmançylyk hünäri boýunça okuwa girmegi meýilleşdirýärin. Goý, Täze ýyl her kim üçin düşümli ýyllaryň biri bolsun! Gahryman Arkadagymyzyň we Arkadagly Gahryman Serdarymyzyň saýasynda täze üstünlikler täze ýylyň her gününi bezesin!

2 gün öň

Jemgyýet

Zergärlerimiz hormatly adyň eýesi boldular

Welaýatymyzyň zergärleriniň ikisi ― Saýat etrabyndaky 28-nji orta mekdebiň mugallymy Ogulnur Öräýewa bilen Hojambaz etrabynyň Döwletli şäherçesiniň medeniýet merkeziniň suratkeş-bezegçisi Hemra Taganow «Çeper döredijiligiň halk ussady» diýen hormatly adyň eýesi boldular. Bu at her ýyl Türkmenistanyň Medeniýet ministrligi tarapyndan pederlerimizden gelýän el işlerimizi häzirki günlerde hem kämil dowam etdirýän we ýaş nesle geçirmekde uly tagalla edýän ildeşlerimize berilýär. Lebaply zergärler bilen birlikde ýurdumyzyň beýleki sebitlerinde ýaşaýan, işleýän amaly-haşam sungatynyň ussatlarynyň hem 8-si bu hormatly adyň eýesi boldular.

2 gün öň

Jemgyýet

Baýramçylyk dabarasy geçirildi

Saýat etrabynyň merkezindäki «Balsaýat» toý mekanynda geçirilen baýramçylyk dabarasy «Hoş gelipsiň, Täze ýyl, gül Diýara!» diýlip atlandyryldy. Ony etrap häkimligi syýasy partiýalaryň we iri jemgyýetçilik guramalarynyň ýerli edaralary hem-de medeniýet bölümi bilen bilelikde gurady. Baýramçylyk dabarasyna etrabyň çägindäki edara-kärhanalaryň öňdebaryjylary hormatly myhman boldular. Aýdym-sazly çykyşlaryň arasynda olaryň baýramçylyk gutlaglary hem diňlenildi. Çykyşlarda aýdylyşy ýaly, «Pähim-paýhas ummany Magtymguly Pyragy» ýyly Saýat etraby üçin düşümli ýyllaryň biri boldy. Etrabyň zähmetkeşleri iki ýylyň sepgidindäki baýrama öz sowgatlary bilen geldiler. Şu ýyl etrapda Gahryman Arkadagymyzyň we Arkadagly Gahryman Serdarymyzyň taýsyz tagallalary bilen täze umumybilim berýän orta mekdep hem açylyp, ulanylmaga berildi.

2 gün öň

Jemgyýet

Ýürekdeş duşuşyklar

Welaýat adalat bölüminiň mejlisler jaýynda harby we hukuk goraýjy edaralaryň wekilleriniň gatnaşmaklarynda ýygy-ýygydan geçirilýän duşuşyklar ildeşlerimiziň uly gyzyklanmasyna eýe bolýar. Bu duşuşyklara Türkmenabat şäher prokuraturasynyň işgärleri hem işjeň gatnaşýarlar. Her aýda iki gezek geçirilýän duşuşyklarda dürli meseleler we ugurlar boýunça kanuny gözükdirmeler berilýär. Şunda milli parlamentimiz tarapyndan üsti ýetirilen we täze kabul edilen kanunçylyk namalaryndan aýratyn ugur alynýar. Şeýle hem bu duşuşyklarda ildeşlerimiz degişli gulluklaryň işgärlerine özlerini gyzyklandyrýan sowallar bilen ýüzlenip, olara kanagatlanarly jogap alýarlar. Bu duşuşyklar berkarar döwletimizde bagtyýar ýaşaýşy we kanunçylyk namalarynyň berk goraglylygyny üpjün edýär.

2 gün öň

Jemgyýet

Göwher sözüň ýakymy

Welaýat kitaphanasynda Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy geçirildi. Oňa Türkmenabat şäherindäki bilim-terbiýeçilik edaralarynyň işgärleri, orta hünär okuw mekdepleriniň talyp ýaşlary, Türkmenistanyň Magtymguly adyndaky ýaşlar guramasynyň welaýat geňeşiniň wekilleri gatnaşdylar. Çykyşlarda Gahryman Arkadagymyzyň «Hakyda göwheri» atly kitabynyň akyldar şahyrymyzyň doglan gününiň 300 ýyllygynyň dünýä derejesinde uludan bellenilýän günlerinde halkymyza sowgat berilmeginiň uly many-mazmuna eýedigi bellenildi. Kitaba salgylanylyp, Magtymguly Pyragynyň döredijiliginiň adamzat gymmatlyklaryna ýetiren täsiri, şöhratly taryhymyzyň beýany, milli medeniýetimiziň dünýä siwilizasiýasyna goşan goşandy barada getirilen maglumatlar dabaranyň täsirini has-da artdyrdy. Dabaranyň dowamynda oňa gatnaşyjylar Gahryman Arkadagymyzyň mundan beýläk-de döwet galamynyň ýiti bolmagyny, ajaýyp eserleriniň höwrüniň köp bolmagyny arzuw etdiler.

2 gün öň

Jemgyýet

Täze ýyl — ýagşy arzuwlaryň baýramy

Welaýat kitaphanasynda kitaphana işgärleriniň we «Türkmen gündogary» gazetiniň redaksiýasynyň bilelikde guramaklarynda «Täze ýyl — ýagşy arzuwlaryň baýramy» atly «tegelek stoluň başynda» söhbetdeşlik geçirildi. Oňa welaýatymyzyň iri edara-kärhanalarynyň, syýasy partiýalaryň we jemgyýetçilik guramalaryň wekilleri, şeýle-de çeper döredijilik bilen meşgullanýan mekdep okuwçylary gatnaşdylar. Söhbetdeşlikde güneşli Diýarymyzda tamamlanyp barýan 2024-nji ýylda gazanylan üstünlikler we ýetilen belent sepgitler barada giňişleýin gürrüň edildi. Çykyş edenler hormatly Prezidentimiziň parasatly baştutanlygynda «Pähim-paýhas ummany Magtymguly Pyragy» ýylynda ýurdumyzyň ähli sebitleri bilen bir hatarda welaýatymyzda hem düýpli özgertmeleriň durmuşa geçirilendigini, möhüm ähmiýetli desgalaryň we binalaryň açylyp, ulanylmaga berlendigini uly buýsanç bilen bellediler.

2 gün öň

Jemgyýet

Bahasyna ýetip bolmajak gymmatlyk

Her bir halk öz medeniýetiniň, sungatynyň özboluşlylygy, ýeten kämillik derejesi bilen tanalýar. Muňa Milli Liderimiziň halkymyzyň taryhynyň we medeniýetiniň gadymy köklerinden we aýratynlyklaryndan söz açýan «Hakyda göwheri» atly kitabyny okanyňda has-da aýdyň göz ýetirýärsiň. Gahryman Arkadagymyz taryhda öçmejek yz goýan beýik şahsyýetlerimiziň gahrymançylygyndan, edermenliginden nusga almak, olaryň merdi-merdanalygyny, pähim-parasatlylygyny dünýä ýaýmak boýunça bimöçber uly işleri durmuşa geçirip, halkymyzyň däp-dessurlaryny, medeniýetini inçelik bilen duýmagy başarýan, onuň barha ösmegi üçin goşandyny goşjak nesilleri terbiýeläp ýetişdirmekligi häzirki döwrüň wajyp wezipeleriniň biri hökmünde kesgitleýär. Bu möhüm wezipäni ýerine ýetirmekde Gahryman Arkadagymyzyň täze kitaby bahasyna ýetip bolmajak gymmatlykdyr. Täze kitabyň söz ussady Magtymguly Pyragynyň doglan gününiň 300 ýyllygynyň dünýä derejesinde bellenilýän ýylynda elimize gowuşmagy ildeşlerimiziň her biriniň baýramçylyk şatlygyny goşalandyrdy. Bu kitaby okap, pederlerimiziň müňýyllyklaryň jümmüşinde döreden, kämilleşdiren, baýlaşdyran medeniýetiniň çuňňur pelsepä ýugrulandygyna doly göz ýetirýärsiň. Her bir milli ýörelgäniň, ruhy däp-dessuryň manysynyň, nazaryýetine siňdirilen pelsepewi mazmunyň biziň pikir edişimizden we çaklaýşymyzdan hem çuňdugyna düşünýärsiň. Gahryman Arkadagymyzyň çeper söz ussatlygy, pähim-

2 gün öň

Jemgyýet

Gülläp ösüşiň we abadançylygyň hatyrasyna

Hormatly Prezidentimiziň taýsyz tagallalary netijesinde Garaşsyz, baky Bitarap döwletimiz daşary syýasatynda parahatçylyk, hoşniýetli goňşuçylyk we özara bähbitli hyzmatdaşlyk etmek ýörelgelerine eýermek bilen jogapkärli we ygtybarly hyzmatdaş hökmünde dünýäde tutýan ornuny barha berkidýär. Birleşen Milletler Guramasynyň Baş Assambleýasynyň kabul eden Kararnamalaryna laýyklykda ýurdumyzyň hemişelik Bitaraplyk hukuk ýagdaýynyň dünýä bileleşigi tarapyndan iki gezek ykrar edilmegi hem halkymyzyň ençeme müňýyllyklaryň dowamynda toplanan taryhy tejribesini, ynsanperwer taglymatlaryny özünde jemleýän bitaraplyk ýörelgämize berlen ýokary bahadyr. Hut şunuň esasynda Birleşen Milletler Guramasynyň Baş Assambleýasy tarapyndan üstümizdäki ýylda ýurdumyzyň teklibi esasynda «2025-nji ýyl — Halkara parahatçylyk we ynanyşmak ýyly» diýlip yglan edildi. Bu bolsa ata Watanymyzyň ählumumy gülläp ösüşiň we abadançylygyň hatyrasyna Milletler Bileleşigi bilen hyzmatdaşlygy giňden ýaýbaňlandyrýandygyny, diňe bir sebitde däl, eýsem, tutuş dünýäde parahatçylygyň, asudalygyň üpjün edilmegi ugrunda tagalla edýändigini ýene-de bir gezek tassyklaýar we dünýä jemgyýetçiliginiň öňünde ýurdumyzyň abraýyny öňküden-de belende galdyrýar. Hormatly Prezidentimiziň umumadamzat bähbitli öňe sürýän başlangyçlarynyň dünýä jemgyýetçiliginde giň goldaw tapyp, güneşli Diýarymyzyň halkara abraýynyň has-da belende göter

2 gün öň

Jemgyýet

Mi­nistr­ler de­re­je­sin­dä­ki mas­la­hat

«Türkmenistan Sport»: № 4 (24), 2024 2024-nji ýy­lyň 8-nji no­ýab­ryn­da paý­tag­ty­myz­da­ky «Ýyl­dyz» myh­man­ha­na­syn­da «Mer­ke­zi Azi­ýa­da ra­ýat­syz­ly­gyň so­ňu­na çyk­mak» bo­ýun­ça mi­nistr­ler de­re­je­sin­dä­ki mas­la­hat ge­çi­ril­di.

2 gün öň

Jemgyýet

Döw­let äh­mi­ýet­li tek­lip­ler

«Türkmenistan Sport»: № 4 (24), 2024 2024-nji ýy­lyň 1-nji aw­gus­tyn­dan Da­şa­ry iş­ler mi­nistr­li­gi­niň dü­zü­min­de Da­şa­ry sy­ýa­sy ha­bar­lar we san­ly dip­lo­ma­ti­ýa de­par­ta­men­ti işe baş­la­dy. Onuň esa­sy we­zi­pe­si ýur­duň da­şa­ry sy­ýa­sa­ty­ny ama­la aşyr­mak­da hal­ka­ra mag­lu­mat gi­ňiş­li­gin­den has ne­ti­je­li peý­da­lan­mak­dan, Türk­me­nis­tan ba­ra­da dün­ýä jem­gy­ýet­çi­li­gi­niň ha­bar­ly­ly­gy­ny art­dyr­mak­dan yba­rat­dyr. Şu aý­dy­lan­lar göz as­ty­na al­nyp, Türk­me­nis­ta­nyň Da­şa­ry iş­ler mi­nistr­li­gi ta­ra­pyn­dan bir­nä­çe tek­lip taý­ýar­lan­dy.

2 gün öň

Jemgyýet

Eziz diýar parahat

«Türkmenistan Sport»: № 4 (24), 2024 Türk­men hal­ky­nyň asyl­ly ýö­rel­ge­sin­de pa­ra­hat­çy­lyk tag­ly­ma­ty aý­ra­tyn orun eýe­le­ýär. Şo­nuň üçin hem ýur­du­my­zyň ba­ky Bi­ta­rap­ly­gy ta­ry­hy geç­miş­den göz­baş al­ýar. Hal­ky­my­zyň myh­man­sö­ýer­lik, hoş­ni­ýet­li goň­şu­çy­lyk, yn­san­per­wer­lik, öza­ra dü­şü­niş­mek, yla­la­şyk­ly­lyk ýa­ly mil­li aý­ra­tyn­lyk­la­ry­na da­ýan­ýar. Bu­la­ryň äh­li­si bi­ziň gün­le­ri­mi­ze çen­li sak­la­nyp ga­lan däp-des­sur­la­ry­myz­da öz be­ýa­ny­ny tap­ýar.

2 gün öň

Jemgyýet