Türkmenmetbugat

"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Bagtyýarlyk mekany

Ak mermerli Aşgabadyň barha özgerýän nurana keşbi hormatly Prezidentimiziň ýurdumyzyň baş şäherini mundan beýläk hem hemmetaraplaýyn ösdürmek barada edýän taýsyz tagallalaryndan, döwletli tutumlaryndan gözbaş alýar. Mälim bolşy ýaly, Gahryman Arkadagymyz paýtagtymyz boýunça iş saparyny yzygiderli amala aşyryp, merjen şäherimizde ýaýbaňlandyrylan şähergurluşyk-binagärlik maksatnamasynyň durmuşa geçirilişini hemişe öz gözegçiliginde saklaýar. Häzirki wagtda Aşgabadyň möhüm düzüm bölegini düzýän desgalar, daş-töweregi döwrebap abadanlaşdyrylan jemgyýetçilik binalary, suw çüwdürimlerine beslenen seýilgähler, ýaşyl zolaklar özara sazlaşygyň ajaýyp nusgasyny kemala getirýär, ak mermerli şäheriň gözelligini artdyrýar. Milli Liderimiz golaýda paýtagtymyza iş saparynyň barşynda Aşgabadyň gözel künjekleriniň birinde bina edilýän köpugurly işewürlik merkezli kaşaň «Garagum» myhmanhanasynyň we onuň golaýynda ýerleşen seýilgähiň hem-de Aşgabat — Türkmenabat awtobanynyň gurluşyk işleriniň barşy bilen tanyşdy. Özboluşly döwrebap gurluşy we bezeg aýratynlygy bilen tapawutlanýan 6,9 gektar meýdany eýeleýän 9 gatly bu myhmanhana ýakyn wagtlarda Aşgabadyň kämil binagärlik toplumynyň aýrylmaz bölegine öwrüler. Şeýle hem bu ýerde gurulýan Söwda-dynç alyş merkezi we 9,75 gektar meýdany öz içine alýan döwrebap seýilgäh diňe bir şäherimiziň ýaşaýjylarynyň däl, eýsem, Aşgabada gelýän myhmanlaryň hem wa

29 Ýanwar 2021

Ykbalyň bagt ýyldyzy hemmelere miýesser etsin

Hamal (guzy 21.03-20.04) Geljek hepde hamallar üçin wakalara baý bolup, örän gyzgalaňly geçer. Hepdäniň birinji ýarymy şowly bolar, öňden galan meseleleriňizi çözmek üçin amatly pursada öwrüler. Hamallara täze tanyşlyklar garaşýar. Ýöne olara dostluk bilen işewürlik aragatnaşyklarynda araçäk goýup, şertnamalary içgin öwrenmek maslahat berilýär.

29 Ýanwar 2021

Möhüm işleriň öň hatarynda

Ýaş nesli watansöýüjiligiň we ynsanperwerligiň belent ruhunda terbiýelemek möhüm wezipeleriň biridir. Birek-biregiň arasynda özara paýhasly gatnaşygy berkitmek, ýaşlary jemgyýete peýdaly işe ugrukdyrmak, olarda asylly sypatlary terbiýelemek we ösdürmek halkymyzyň müňýyllyklaryň dowamynda döreden milli terbiýesiniň möhüm kadalary we ýörelgeleri bolup durýar. Bu il-ýurt bähbitli işe Türkmenistanyň Magtymguly adyndaky Ýaşlar guramasynyň işjeň agzalary hem mynasyp goşant goşýarlar. Ştatdan daşary habarçymyz Ödegeldi Kulyýew bu jemgyýetçilik guramasynyň Kerki etrap geňeşiniň başlygy Arzuw Rahmanowa bilen söhbetdeş bolup, 2021-nji ýyl üçin olaryň öňünde kesgitlenilen wezipeler boýunça alyp barýan işleri hakynda gürrüň bermegini haýyş etdi. — Ýaş nesliň döwlet tarapyndan goraglylygynyň üpjün edilmegi, şu maksat bilen kabul edilýän maksatnamalar, durmuşa geçirilýän meýilnamalar bizi ruhlandyrýar. Arkadag Prezidentimiziň baştutanlygy bilen 2013-nji ýylyň awgustynda kabul edilen «Ýaşlar barada döwlet syýasaty hakyndaky» Türkmenistanyň Kanunynyň kabul edilmegi, 2014-nji ýylda Türkmenistanyň Mejlisinde Ylym, bilim, medeniýet we ýaşlar baradaky komitetiň döredilmegi hem-de Türkmenistanyň Ministrler Kabinetinde ýaşlaryň meseleleri bilen meşgullanýan ýörite bölümiň döredilmegi ýaşlar hakda edilýän aladanyň ähmiýetiniň iňňän uludygyny görkezýär.

29 Ýanwar 2021

Daş ýaran zehin (sungat ussatlary)

Sungat baryp, gadymdan bäri mukaddes saýylypdyr. Bu inçelikleri, ajaýyplyklary döredýänem halk, oňa teşne bolýanam. Ol döredijilik ynsanyň kalbyndan syzylyp çykýan jadyly güýçdür. Halk oňa kalbynyň töründen orun beripdir. Türkmen ilinde sungatyň jadysy bilen muşdaklaryny maýyl edýän artist, aýdymçy, dabaraçy, sirk oýunçylary ýaly döredijilige bagry badaşan zehinli adamlara uly sarpa goýlup, toý-meýlisde iň hormatly orna mynasyp görülýär. Olar hemişe halkyň hyzmatynda bolup, halka hezil bermek, ruhuny götermek bilen ýaşaýarlar, döredýärler, zähmet çekýärler. Sungat wekilleri bolan şeýle ynsanlar barada gürrüň etmegiň özi-de örän ýakymlydyr. Öz döredijilik ýoluny tapyp, kesp-kärine uly söýgi bilen jogapkärçilikli çemeleşýän zehinleriň biri-de Türkmenistanyň halk artisti Öwezguly Gelenowdyr.

29 Ýanwar 2021

Kitaplaryň jadyly dünýäsinde (oçerk)

Okuw sapaklarynyň gutaranyna bir-iki sagat geçse-de, Durdynyýaz näme üçindir öýlerine gara beribermedi. Öňler beýle däldi, okuw tamam bolan badyna kän garaşdyrman, öýlerine gelerdi. Bu ýagdaý Oguljan gelnejäni ynjalykdan gaçyrdy. Ol gyzyndan habar bilmek üçin mekdebe ýetmäge howlukdy. Bärden barşyna, gyzynyň synp ýolbaşçylarynyň ýanyna bardy. Baýramgül mugallym Durdynyýazyň boş wagt tapsa, kitaphana gatnaýanyndan habarlydy. Şonuň üçin, ol Oguljan gelneje bilen bile Durdynyýazdan habar bilmek üçin ilki bilen kitaphana bardy. Özüni idäp gelendiklerini bilenden soň, Durdynyýaz kitaphanada eglenmeli boljagyny öýlerine habar etmändigini kitap bilen güýmenip oturyşyna ýadyndan çykaranyny ýaňy bilip galdy. Ýagdaýa göz ýetiren ejesi gyzynyň ýüzüne seredip, diňe ýylgyrmak bilen oňaýdy...

29 Ýanwar 2021

Il bähbitli tutumlar, döwletli çözgütler

2021-nji ýylyň 1-nji ýanwaryndan zähmet haklarynyň, pensiýalaryň we döwlet kömek pullarynyň, talyp we diňleýji haklarynyň möçberleriniň 10 göterim ýokarlandyrylmagy ýurdumyzyň parahatçylygyň we ynanyşmagyň Watany hökmündäki abraýyny has-da artdyrmaga, halkara giňişlikde Türkmenistany mundan beýläk-de abadançylygyň höküm sürýän ýurdy hökmünde tanatmaga şert döredýär. Halkyň bähbidine gönükdirilen islendik syýasat ýurduň ösüşinde beýik sepgitleri nazarlamaga mümkinçilik berýär. Islendik şygaryň çagyryş mazmunly wagyz bolup durýandygyny, şol bir wagtda onuň döwrüň wajyp meseleleriniň gysgaça aňlatmasy bolup çykyş edýändigini nazara alsak, 2021-nji ýylyň şygarynyň «Türkmenistan — parahatçylygyň we ynanyşmagyň Watany» diýlip atlandyrylmagynyň özboluşly aýratynlygyna göz ýetirmek bolýar: ýurt berkararlygyny pugtalandyrmagyň möhüm şertleriniň biri bolan parahatçylykly ösüş ýolunyň oňyn netijeleri türkmen ýolunyň nusga alarlyk ýoldugy, ählumumy derejede parahatçylygyň gazanylmagy üçin dünýä ýurtlarynyň tagallalarynyň birleşdirilmelidigi, munuň üçin olaryň arasynda özara ynanyşmagyň zerurdygy aýan bolýar. Dünýäde asudalygy, parahatçylygy üpjün etmek meselesi ählumumy gün tertibinde hemişe wajyp meseleleriň biri bolupdy we häzirki döwürde hem şeýle bolmagynda galýar. Ýöne ozalky döwürlerden tapawutlylykda, häzirki wagtda ýurtlaryň arasynda syýasy, ykdysady we medeni-ynsanperwer ug

29 Ýanwar 2021

Ynsanperwerligiň aýdyň nusgasy

Mähriban Watanymyzyň raýat jemgyýetiniň gymmatlyklarynyň durmuşa ornaşdyrylmagynyň, ýurdy syýasy, ykdysady we medeni-durmuş taýdan ösdürmek boýunça gazanylýan üstünlikleriň gözbaşynda beýik syýasat, amala aşyrylýan belent işler durýar. Ýurdumyzyň her bir raýatynyň, halkynyň bähbitlerine laýyk gelýän parasatly döwlet syýasaty eziz Diýarymyzy ajaýyp zähmet ýeňişlerine, belent sepgitlere ýetirdi. Türkmenistan halkara tagallalaryň birleşdirilmegini talap edýän meselelere aýratyn üns berýär. Şol tagallalar bosgunlar we raýatlygy bolmadyk adamlar bilen bagly meseleleri çözmäge hem gönükdirilendir. Birleşen Milletler Guramasynyň doly hukukly agzasy bolan ýurdumyz parahatçylygy we howpsuzlygy üpjün etmek meseleleri boýunça hyzmatdaşlyga işjeň gatnaşyp, belent ynsanperwer maksatlary hem-de gymmatlyklary ykrar etmek bilen, bu ugurda köp sanly halkara şertnamalara we konwensiýalara goşuldy. Şunuň bilen birlikde, Türkmenistan halkara ynsanperwer guramalar bilen ýakyn gatnaşyk saklaýar. 1995-nji ýyldan bäri ýurdumyzda BMG-niň Bosgunlaryň işi baradaky Ýokary komissarynyň müdirliginiň wekilhanasy işleýär. 2013-nji ýyldan başlap, Türkmenistan Migrasiýa boýunça halkara guramanyň hemişelik agzasy bolup durýar. Biziň döwletimiz bu düzümler bilen işjeň hyzmatdaşlyk edýär, dünýä bileleşiginiň tagallalaryna mynasyp goşandyny goşýar, bosgunlara, raýatlygy bolmadyk adamlara kömek bermek hem-de

29 Ýanwar 2021

Demokratiýanyň döwrebap nusgasy

Türkmenistanyň Prezidenti Gurbanguly Berdimuhamedow:— Ata-babalarymyzyň, müňlerçe ýyl mundan ozal binýadyny döredip giden demokratiýasynyň esaslary ýolbaşçylaryň saýlawlylygyny, häzirki aýanlyk şertlerinde aýdylyşy ýaly, her bir adamyň erk-islegini erkin beýan etmegini aňladýar. Bu meseleleriň ählisi biziň däp-dessurlarymyzda we kada-kanunlarymyzda öz beýanyny tapýar. Şonuň üçin hem saýlawlar ýurdumyzyň ähli ýerlerinde guramaçylykly we tertip-düzgüne laýyklykda geçirilmelidir. Türkmenistanyň Milli Geňeşiniň Halk Maslahatynyň agzalygyna 30 ýaşy dolan, ýokary bilimi bolan we soňky on ýylyň dowamynda Türkmenistanda hemişelik ýaşaýan Türkmenistanyň raýaty saýlanyp bilinýär.

29 Ýanwar 2021

Döwre buýsanç - zähmete hyjuw

Batyr HYDYROW,Saparmyrat Türkmenbaşy etrabynyň prokurorynyň tälim alyjy kömekçisi: — Ýurdumyzda demokratik başlangyçlary ykrar etmek we ösdürmek, döwletimiziň adam hukuklary babatdaky halkara borçnamalaryny ýerine ýetirmek boýunça hem möhüm işler durmuşa geçirilýär. Gahryman Arkadagymyzyň baştutanlygynda «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion kanunynyň kabul edilmegi bilen demokratik ýörelgelere täze itergi berildi. Esasy Kanunymyza girizilýän üýtgetmeler we goşmaçalar ýurdumyzyň kanun çykaryjy edaralarynyň palatalarynyň deňhukuklylyk, özbaşdaklyk, adalatlylyk, açyklyk we aýdyňlyk ýörelgeleri esasynda sazlaşykly işlemegini üpjün eder. Bu özgertmeleriň baş maksady Türkmenistanyň Halk Maslahaty we Mejlis ýaly ýokary wekilçilikli guramalaryň işini kämilleşdirmekden ybaratdyr.

28 Ýanwar 2021

Zähmete hormat

Hormatly Prezidentimiziň parasatly baştutanlygynda bedew bady bilen öňe barýan ýurdumyzda toýlar toýa ulaşýar. Şeýle şanly seneleriň biri hem hormatly Belent Serkerdebaşymyzyň Türkmenistanyň harby we hukuk goraýjy edaralarynyň harby gullukçylarynyň we işgärleriniň baýramyny bellemek hakyndaky Permany esasynda bellenilýän Watan goragçylarynyň günüdir. Harby we hukuk goraýjy edaralary ýurdumyzyň we halkymyzyň howpsuzlygyny, kanunçylygy üpjün etmekde hem-de Türkmenistanyň hemişelik Bitaraplyk hukuk ýagdaýyndan gelip çykýan hukuklaryny we borçlaryny berjaý etmekde, jemgyýetiň we döwletiň bähbitleriniň goralmagyny üpjün etmekde wajyp we jogapkärli işleri alyp barýar. Harby gullukçylaryň we işgärleriň tutanýerli zähmetini dabaralandyrmak maksady bilen bellenilýän bu baýram her bir Watan goragçysy üçin mukaddes senedir. Bilşimiz ýaly, ýakynda «Türkmenistanyň Watan goragçysy» diýen hormatly ady döretmek hakynda» Türkmenistanyň Kanuny kabul edildi. Watan goragçylarynyň zähmetine, birkemsiz gullugyna mynasyp baha berlip, döwlet sylaglary bilen sylaglanylmagy, hormatly atlaryň dakylmagy harby we hukuk goraýjy edaralaryň işgärlerini uly zähmet üstünliklerine ruhlandyrýar.

28 Ýanwar 2021

Täze neşirlerimiz

Türkmenistanda döwlet gurluşy halkymyzyň baý taryhy mirasyna, onuň syýasy we hukuk medeniýetine esaslanýar. Milli Liderimiziň parasatly syýasaty jemgyýetde syýasy durnuklylygy, ýurduň öňe gidýän ykdysady ösüşini we adalatlylyk ýörelgesiniň durmuşa geçirilmegini üpjün edýär. Ýurdumyzyň hukuk ulgamynyň berk kanunçylyk binýady döredildi. Türkmenistanyň Adalat ministrligi hakyndaky Düzgünnama laýyklykda, ministrligiň esasy wezipeleriniň biri neşir etmek işini amala aşyrmakdyr. Şunuň bilen bagly, ýurdumyzyň Adalat ministrligi tarapyndan kabul edilen wagtyndan bäri birnäçe üýtgetmeler we goşmaçalar girizilen Türkmenistanyň Zähmet kodeksi we «Salgytlar hakynda» Türkmenistanyň bitewi Kanuny ministrlikleriň we pudaklaýyn dolandyryş edaralarynyň islegleri esasynda kitapça görnüşinde türkmen we rus dillerinde neşir edildi.

28 Ýanwar 2021

Wagyz-nesihat duşuşygy

Magtymguly adyndaky Türkmen döwlet uniwersitetinde «Eneleriň kesbi çeper ellerde, eneleriň waspy şirin dillerde» atly wagyz-nesihat duşuşygy geçirildi. Uniwersitetiň zenanlar guramasynyň guramagynda geçirilen bu çärä talyp gyzlar gatnaşdylar. Duşuşykda hormatly Prezidentimiziň “Enä tagzym — mukaddeslige tagzym” atly eseri görelde nusgasy boldy. Mugallymlar kitapda ene hakynda aýdylan öwüt-ündewler, olaryň waspy barada bu ýere ýygnanan talyplara gürrüň berdiler, manysyny düşündirdiler. Enelere degişli rowaýatdyr tymsallary mysal getirdiler. Gelin-gyzlar üçin el-işleriniň we öý işleriniň möhümdigi, arassaçylyk kadalarynyň doly berjaý edilmeginiň ähmiýeti dogrusynda aýratyn nygtaldy.

28 Ýanwar 2021

Watanperwerligiň baýramy

Düýn paýtagtymyzda Watan goragçylarynyň güni ir-säher bilen «Halk hakydasy» ýadygärlikler toplumyndaky «Baky şöhrat» we «Milletiň ogullary» ýadygärliklerine hem-de Türkmenistanyň Goranmak ministrliginiň Berdimuhamet Annaýew adyndaky 1-nji Ýöriteleşdirilen harby mekdebinde hormatly Belent Serkerdebaşymyzyň atasy Berdimuhamet Annaýewiň heýkeline ter gül desselerini goýmakdan başlandy. Baýramçylyk çäreleri Türkmenistanyň Goranmak ministrliginiň Merkezi Serkerdeler öýünde dabaraly maslahat bilen dowam etdi. Maslahatyň başynda Türkmenistanyň hormatly Prezidentiniň Watan goragçylarynyň güni mynasybetli iberen Gutlagy okaldy. Soňra dabarada watansöýüjilige ýugrulan çykyşlara orun berildi. Çykyşlarda ýurt goraýan gerçekleriň ata Watanymyzyň goragynda mydama sak durjakdygy, ýurt asudalygynyň, il abadançylygynyň bar zatdan ileridigi, Watany goramagyň iň belent hem-de mukaddes borçdugy nygtaldy. Dabaraly maslahatyň ahyrynda Watan goragçylarynyň güni mynasybetli baýramçylyk dabarasyna gatnaşyjylaryň Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedowa Ýüzlenmesi okaldy. Dabaraly maslahat baýramçylyk konserti bilen utgaşdy.

28 Ýanwar 2021

Toý şatlygyny artdyran binalar

2021-nji — «Türkmenistan — parahatçylygyň we ynanyşmagyň Watany» ýyly halkymyza ýatdan çykmajak şatlykly pursatlary bagyşlaýar. Bu ýylda şanly Garaşsyzlygymyzyň 30 ýyllyk toýy ýokary derejede belleniler, il bähbitli, taryhy ähmiýetli işler amal ediler, kaşaň-kaşaň binalar gurlup, ulanylmaga berler. Düýn, 27-nji ýanwarda ýurdumyzda ata Watanymyzyň polat galkany hasaplanýan Watan goragçylarynyň güni ýokary derejede bellenildi. Baýramçylygyň öňüsyrasynda Türkmenistanyň Döwlet serhet gullugynyň düzüminde hem ähli amatlyklary özünde jemleýän ajaýyp binalar açylyp, ulanylmaga berildi.

28 Ýanwar 2021

Abadan diýaryň goragynda

Berkarar döwletimiziň bagtyýarlyk döwründe hormatly Belent Serkerdebaşymyzyň baştutanlygynda ata Watanymyzyň goraglylygyna gönükdirilen parahatçylyk söýüjilikli harby syýasaty üstünlikli durmuşa geçirilýär. «Eziz Watanymyz — elýetmez baýlygymyz. Biz Watanymyzy başymyza täç edýäris» diýýän hormatly Belent Serkerdebaşymyzyň watançylyk taglymaty harby gullukçylar bilen geçirilýän dabaralaryň, duşuşyklaryň, maslahatlaryň, sapaklaryň we harby-döredijilik işleriniň içinden eriş-argaç bolup geçýär.

28 Ýanwar 2021

Mukaddes borja wepalylyk

Dünýäde iň gowy, asylly işler Watanyň beýgelmeginiň hatyrasyna amal edilýär. Watana söýgi maşgalanyň agzybirligidir, ýurduň parahatçylygydyr. Gahryman Arkadagymyzyň jöwher paýhasyndan dörän «Mert ýigitler gaýrat üçin dogulýar», «Watan goragy mukaddesdir», «Mertler Watany beýgeldýär», «Älem içre at gezer», «Türkmeniň döwletlilik ýörelgesi» we beýleki kitaplarynyň merdana harby gullukçylary taýýarlamakda, olara watançylyk terbiýesini bermekde aýratyn orny bardyr. Watançy gerçekleriň synmaz gaýraty her bir döwürde ýaşlarymyz üçin nusgalykdyr. Hormatly Prezidentimiziň «Mertler Watany beýgeldýär» kitabynda: “Halkymyz ýaş nesillerini toprak, ene, öý-ojak, saçak... ýaly mukaddeslikleri hakyndaky düşünjeler bilen kemala getirýär» diýip belleýşi ýaly, hakyky Watan ogullaryny terbiýelemek, olarda ata Watanymyza, ene topragymyza, parahat ýurdumyza söýgi döretmek harby serkerdeler tarapyndan söweşjeň we gumanitar okuw sapaklarynyň gidişinde ýylyň dowamynda işjeň alnyp barylýar.

28 Ýanwar 2021

Täze jaýlarda — durmuşyň höziri

Watan goragçylarynyň güni mynasybetli, Daşoguz şäherinde Türkmenistanyň Içeri işler ministrliginiň welaýat polisiýa müdirliginiň işgärleri üçin ähli amatlyklary bolan, şäher gurluşygynyň hem-de häzirki zaman binagärliginiň iň öňdebaryjy talaplaryna laýyk gurlan täze ýaşaýyş jaýlarynyň birbada üçüsi ulanylmaga berildi. Welaýat merkeziniň günbatar künjegindäki Nowruz — 2 ýaşaýyş jaý toplumynda bina edilen her biri 24 öýli, dört gatly täze jaýlaryň gurluşyk işlerini Türkmenistanyň Senagat we gurluşyk önümçiligi ministrliginiň Daşoguz şäherindäki «Demirbetonönümleri» zawodynyň işçi-hünärmenleri alyp bardylar. Häzirki zaman durmuş ulgamynyň kemala gelýän ýaşaýyş jaý toplumynyň döwrebap desgalarynyň, belent başly binalarynyň hataryna goşulan bu jaýlaryň açylyş dabarasy şatlyk-şowhuna beslendi. Dabaranyň dowamynda jaýyň gurluşygynda has tapawutlanan işçilere Gahryman Arkadagymyzyň adyndan sowgatlar gowşuryldy.

28 Ýanwar 2021

Berkarar Diýar saýlawlara barýar

Türkmenistanyň Milli Geňeşiniň Halk Maslahatynyň agzalarynyň saýlawlary rowaçlyklara beslenýän ýurdumyzda halk häkimiýetiniň, asyrlardan dowam edip gelýän milli demokratik däplerimiziň häzirki zaman öwüşgininde belentden dabaralandyrylar. Bu möhüm ähmiýetli syýasy çäre döwletimiziň demokratik esaslaryny pugtalandyrmakda, döwlet bilen raýatlaryň gatnaşyklaryny ysnyşykly alyp barmakda, jemgyýetimiziň ahlak sütünlerini, ynsanperwer ýörelgelerini saklamakda we ösdürmekde, Watanymyzyň halkara gatnaşyklarynda ýeten ýokary derejesini mundan beýläk-de pugtalandyrmakda jemgyýetimiziň kämilligini dünýä äşgär eder. Baş Kanunymyzda we beýleki kanunçylyk namalarymyzda adam iň gymmatly baýlyk bolup, şahsyýetiň mertebesini dünýewi, demokratik ýörelgeler arkaly goramak kepillendirilendir, onuň hukuklary, erk-islegleri hem-de syýasy garaýyşlary giňden beýan edilendir.

28 Ýanwar 2021

Maslahat

Işjeňligiň döwrebap nusgasy Hormatly Prezidentimiziň parasatly baştutanlygynda uly üstünlikler bilen jemlenen «Türkmenistan — Bitaraplygyň mekany» ýylynda Türkmenistanyň Zenanlar birleşiginiň welaýat bölümi tarapyndan ýerine ýetirilen işleri ara alyp maslahatlaşmak maksady bilen maslahat geçirildi. Welaýat häkimliginiň mejlisler zalynda geçirilen maslahata welaýat zenanlar bölüminiň, şäherdir etrap zenanlar guramalarynyň başlyklary, işjeň agzalary, Türkmenistanyň Mejlisiniň deputatlary, hukuk goraýjy edaralaryň we jemgyýetçilik guramalarynyň wekilleri, welaýatyň ähli pudaklaryndan ilkinji zenanlar guramalarynyň başlyklary, RÝNÝ bölümleriniň müdirleri, bilim, saglygy goraýyş, medeniýet ulgamlarynda zähmet çekýän, şeýle hem öý hojalykçy zenanlar, mährem eneler, talyp gyzlar gatnaşdylar.

28 Ýanwar 2021

Belent ynam bilen ýagty geljege

Hormatly Prezidentimiziň Ministrler Kabinetiniň 8-nji ýanwarda geçirilen sanly wideoaragatnaşyk arkaly 2021-nji ýyl boýunça ilkinji mejlisinde «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» hem-de ony amala aşyrmak boýunça ýerine ýetirilmeli çäreleriň Meýilnamasyny tassyklamagy türkmen ýaşlarynyň durmuşyndaky giň gerimli özgertmelere täzeçe badalga boldy. Ol «Türkmenistan — parahatçylygyň we ynanyşmagyň Watany» diýlip yglan edilen ýylda bellenilýän mukaddes Garaşsyzlygymyzyň şanly 30 ýyllygyny mynasyp netijeler bilen dabaralandyrmakda ýaşlarymyzy belent sepgitlere ruhlandyrdy. Ýaşlar — ýurduň geljegi, ýagty ertirlere bolan ynamymyz. Şoňa görä-de, bu günki gün ýurdumyzyň ygtybarly geljegini üpjün etmek üçin ylymly-bilimli, ýokary hünärli nesilleri terbiýelemek, ýaşlary ilhalar ynsanlar edip ýetişdirmek ugrunda yzygiderli alada edilýär. Olara döwrebap derejede bilim almaklary, ylym we döredijilik bilen meşgullanmaklary üçin ähli şertler döredilýär. Ýaş raýatlarymyzyň doly derejeli hukuk we durmuş goraglylygy üpjün edilip, olaryň hukuklaryny we azatlyklaryny goramak maksady bilen, degişli kanunçylyk binýady pugtalandyrylýar. 2013-nji ýylda kabul edilen «Ýaşlar barada döwlet syýasaty hakynda» Türkmenistanyň Kanuny bu ugurda esasy hukuk resminamasy bolup hyzmat edýär. Ýaşlar syýasaty boýunça geljek bäş ýyla niýetlenen tä

27 Ýanwar 2021

‹
1
2
...
1285
1286
1287
1288
1289
1290
1291
...
1301
1302
›