Durmuşda görelde, işde ýörelge
Medeniýetimiziň, sungatymyzyň hak howandary Gahryman Arkadagymyzyň ýiti zehininden kemal tapan ajaýyp eserleri biz — medeniýet işgärleri üçin durmuşda görelde, gündelik işimizde ýörelge bolup hyzmat edýär. Hormatly Prezidentimiziň pähim-paýhasa ýugrulan eserlerini okap, türkmen halkynyň baý taryhyna, milli mirasymyza göz ýetirýäris. Ata-babalarymyzyň, enelerimiziň ýiti zehininden, ýadawsyz zähmetinden kemal tapan bedew atlarymyzyň, halylarymyzyň, alabaý itlerimiziň, şaý- -seplerimiziň, saz gurallarymyzyň Beýik Ýüpek ýolunyň üsti bilen bütin dünýä ýaýrap uly meşhurlyga eýe bolandygyna buýsanýarys. Gahryman Arkadagymyzyň “Türkmeniň döwletlilik ýörelgesi” atly ajaýyp kitaby hem beýleki eserleri ýaly diňe bir türkmen halkynyň däl, eýsem, dünýäniň köp halklarynyň hem uly söýgüsine mynasyp boldy. Bu ajaýyp eserde türkmen halkynyň gadymdan gözbaş alýan ajaýyp ýörelgeleriniň, ata-babalaryň pähim-paýhasyndan, görüm-göreldesinden mazaly taplanan, kemsiz sünnälenen rowaýatlardyr tymsallaryň döwrebap röwüşde timarlanyp, täze pikirler, ýordumlar bilen üsti ýetirilip, eseriň mazmunyna sazlaşykly suratlar bilen bezelip, çeper dilde beýan edilmegi bada-bat okyjynyň ünsüni özüne çekýär. Bu kitabyň terbiýeçilik taýdan uly täsiri, ösüp gelýän ýaş nesillerde pähim-paýhas, ahlak hem ruhy kadalary kemala getirmekde möhüm ähmiýeti bar. Eserde sagdyn pikirlenmegiň, keramatly kitaplaryň, Watana bolan s
