"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Hoşallyk maslahaty

Dost-doganlyk gatnaşyklary berkeýär Welaýat häkimliginiň mejlisler zalynda hormatly Prezidentimiz Serdar Berdimuhamedowyň teleköpri arkaly ak pata bermegi, şeýle-de türkmen halkynyň milli Lideri Gahryman Arkadagymyzyň welaýatymyza iş sapary bilen gelmegi mynasybetli welaýatymyzda Serhetabat — Turgundy demir ýol geçelgesiniň türkmen-owgan serhedindäki uzynlygy 177 metrlik demir ýol köprüsiniň açylyş dabarasynyň we “Şatlyk-1” gaz gysyjy desgasynyň düýbüni tutmak, Türkmenistan — Owganystan — Pakistan — Hindistan transmilli gaz geçirijisiniň taslamasynyň Arkadagyň ak ýoly bilen Serhetabat — Hyrat gaz geçirijisiniň, Serhetabat — Hyrat optiki-süýümli aragatnaşyk geçirijisiniň, “Turgundy” demir ýol bekediniň “gury portunda” ammarlar toplumynyň, Turgundy — Hyrat demir ýolunyň birinji tapgyrynyň Turgundy — Sanabar böleginiň gurluşyk işlerine badalga bermek, şeýle hem Türkmenistan — Owganystan — Pakistan elektrik geçirijisiniň taslamasynyň birinji tapgyryny durmuşa geçirmegiň çäklerinde Owganystanyň Hyrat welaýatynda ýerleşýän “Nur-el-Jahad” elektrik bekedini işe girizmek dabaralary mynasybetli hoşallyk maslahaty geçirildi.

12 Sentýabr 2024

Jemgyýet

Wagyz-nesihat çäreleri

Ýolumyz asuda — ilimiz abadan TMÝG-niň etrap geňeşiniň, etrabyň polisiýa we etrap bilim bölümleriniň bilelikde guramagynda «Ýolumyz asuda — ilimiz abadan» ady bilen wagyz-nesihat duşuşygy geçirildi. Duşuşyga TMÝG-niň etrap geňeşiniň işgärleri we işjeň agzalary, ýaşuly nesliň wekilleri, bilim ulgamynyň, polisiýa bölüminiň işgärleri, etrapdaky 7-nji, 30-njy orta mekdepleriň mugallymlarydyr okuwçylary gatnaşdylar.

12 Sentýabr 2024

Jemgyýet

Düzgünleri berjaý etmek borjumyzdyr

Gahryman Arkadagymyzyň başlangyjy bilen geçirilmegi däbe öwrülen «Ýol hereketiniň howpsuzlygy — ömrümiziň rahatlygy» atly biraýlyk Berkarar döwletiň täze eýýamynyň Galkynyşy döwründe hem baý many-mazmunly çärelere beslenýär. Munuň şeýledigine «Pähim-paýhas ummany Magtymguly Pyragy» ýylynyň häzirki günlerinde eziz Diýarymyzyň ähli ýerinde giň gerim alan köçe-ýol hereketi bilen baglanyşykly düşündiriş işleri, maslahatlardyr duşuşyklar, bäsleşikler hem şaýatlyk edýär. Ýol hereketiniň düzgünlerini herekete gatnaşyjylaryň ählisi — pyýadalar-da, sürüjiler-de berk berjaý etmelidir. Herekete gatnaşyjylaryň aglabasy pyýadalardyr. Olaryň käbiri ýol hereketiniň düzgünlerini bilmän ýa-da bilip hem bilmezlige salyp, gadagan edilen ýerlerden geçýär, hereket edip barýan ulagyň öňüni kesýär, şonuň ýaly-da, awtobusdan düşende, köçeden geçmek kadalaryny dogry ýerine ýetirmän, ulagyň öň tarapyndan geçip, ýol-ulag hadysalarynyň döremegine sebäp bolýar. Şoňa görä-de, şu günler Polisiýanyň ýol gözegçilik gullugynyň işgärleri pyýadalaryň, şol sanda ýaşlaryň arasynda wagyz-nesihat, düşündiriş işlerini yzygiderli geçirýärler.

12 Sentýabr 2024

Jemgyýet

Maýa goýum forumy: täze ösüşleri nazarlap

Öňňin paýtagtymyzda Türkmenistanyň maýa goýum forumy hem-de ugurdaş sergi, ýurdumyzyň ykdysadyýetine ýokary tehnologiýalary we innowasiýalary çekmek boýunça halkara maslahat, «HI-TECH Türkmenistan — 2024» atly sergi geçirildi. Ýurdumyzyň Daşary işler, Maliýe we ykdysadyýet ministrlikleriniň hem-de Söwda-senagat edarasynyň bilelikde guramagynda geçirilen giň gerimli işewürlik çäreleriniň gün tertibine ýurdumyzda iri taslamalary durmuşa geçirmek we bu ugurda halkara hyzmatdaşlygy mundan beýläk-de ösdürmek bilen baglanyşykly meseleler girizildi. Maýa goýum forumyna dünýäniň abraýly bilermenleri, öňdebaryjy milli we halkara nebitgaz, energetika, gurluşyk, ulag-kommunikasiýa kompaniýalarynyň, halkara guramalaryň, maliýe düzümleriň we ylmy merkezleriň wekilleri hem-de ýolbaşçylary gatnaşdylar.

12 Sentýabr 2024

Jemgyýet

Dünýä nusgalyk «akylly» şäher

Golaýda Arkadag şäheriniň häkimliginde «Arkadag şäheri — dünýä nusgalyk «akylly» şäher» atly hoşallyk maslahaty geçirildi. Türkmen wekiliýetiniň Koreýa Respublikasynda «World Smart City Expo» atly halkara sergä gatnaşyp, onuň çäklerinde Arkadag şäheriniň üç sany baýraga mynasyp bolmagyna bagyşlanyp geçirilen bu maslahata Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy, Arkadag şäheriniň häkimi, edara-kärhanalaryň ýolbaşçylary, il sylagly ýaşulular, kümüş saçly eneler, «akylly» şäherde zähmet çekýän işgärler, jemgyýetçilik guramalarynyň, köpçülikleýin habar beriş serişdeleriniň wekilleri hem-de talyp ýaşlar gatnaşdylar. Bu dabaraly maslahata gatnaşanlar, ilki bilen, Arkadag şäheriniň häkimliginiň eýwanynda guralan sergä syn etdiler. Bu sergide «akylly» şäheriň ýeten üstünlikleri hem-de indi gurulmagy meýilleşdirilýän binalaryň şekilleri sergilendi.

12 Sentýabr 2024

Jemgyýet

Ýollar abat — iller abat

Bäherden etrabynyň bedenterbiýe we sport bölüminiň guramagynda etrabyň sport mekdebinde «Ýol hereketiniň howpsuzlygy — ömrümiziň rahatlygy» atly biraýlygyň çäklerinde wagyz-nesihat duşuşygy geçirildi. Sport mekdebiniň tälimçileriniň we türgenleriniň gatnaşmagynda bolan duşuşykda etrap polisiýa bölüminiň polisiýanyň ýol gözegçilik bölümçesiniň wekili çykyş edip, ýol hereketiniň düzgünlerini berjaý etmek, pyýadalaryň we sürüjileriň borçlary barada durup geçdi. Işjeň häsiýetde geçen duşuşykda oňa gatnaşanlara ýol hereketiniň howpsuzlygy boýunça degerli maslahatlar berildi. Bu çärä gatnaşanlar ýollarymyzyň asuda, abadan, parahat bolmagy üçin bimöçber alada edýän Gahryman Arkadagymyzyň hem-de hormatly Prezidentimiziň janlarynyň sag, ömürleriniň uzak bolmagyny, il-ýurt bähbitli tutumly işleriniň mydama rowaçlyklara beslenmegini arzuw etdiler.

11 Sentýabr 2024

Jemgyýet

Şöhraty dünýä dolýan şäher

Koreýa Respublikasynyň Seul şäherinde geçirilen «akylly» şäherleriň «World Smart City Expo» atly halkara sergisinde Arkadag şäheriniň «Iň tapawutlanan «akylly» şäher», «Daşary ýurt «akylly» şäheri», «World Smart City Expo 2024» atly halkara sergisine goşan uly goşandy üçin» diýen ugurlar boýunça ýörite sylaglara mynasyp bolandygy hakdaky şatlykly habar ulus-ilimizi begendirdi. Nobatdaky abraýly baýraklar dag eteginiň gözel künjegindäki «akylly» şäheriň Ýer ýüzündäki şöhratynyň dabaralanýandygynyň nyşanydyr. Geçen ýylynyň tomsunda dabaraly ýagdaýda açylan, döwlet ähmiýetli şäher diýen aýratyn hukuk derejesine eýe bolan Arkadag şäheri bu gün göreni haýrana goýýar. Ozal hem halkara güwänamalardyr sylaglaryň 20-den gowragynyň eýesi bolan bu şäherde ornaşdyrylan sanly ulgamyň mümkinçilikleri we iň häzirki zaman tehnologiýalar, ýaşaýyş üçin döredilen iň amatly gurşaw «akylly» şähere gyzyklanmany artdyrýar.

11 Sentýabr 2024

Jemgyýet

Dilde dessan paýtagtymyz

Gözel paýtagtymyzyň hemmetaraplaýyn beýik ösüşleri döwletiň, jemgyýetiň we şahsyýetiň arasyndaky sazlaşykly gatnaşyklary has-da ýygjamlaşdyrýar. Gahryman Arkadagymyzyň, Arkadagly Gahryman Serdarymyzyň paýtagtymyzy mundan beýläk-de ähli görkezijiler, şol sanda hil we netijelilik, estetika, ekologiýa boýunça ýokary derejeli gurmagyň we abadanlaşdyrmagyň meselelerini berk gözegçilikde saklaýandygynyň netijesinde bitirilýän beýik işler biziň her birimiziň guwanjymyzy goşalandyrýar. Paýtagtymyzyň Bitarap Türkmenistan, Garaşsyzlyk, Türkmenbaşy, Gurbansoltan eje, Arçabil, Çandybil, A.Nyýazow, Magtymguly, N.Andalyp, G.Kulyýew, Taslama ýaly onlarça şaýollarydyr köçeleri, «Parahat 7», «Täze zaman», «Çoganly», «Gurtly» ýaşaýyş toplumlary gözelligi, köpugurly şertleri, özboluşlylygy bilen köpleriň ünsüni çekýär. Gözel paýtagtymyz berkarar Diýarymyzyň beýik ösüşlerini, halkymyzyň bagtyýar ýaşaýşyny, arzuw-isleglerini aýdyň şöhlelendirýär. Häzirki wagtda berkarar Diýarymyzyň ýüregi ak mermerli Aşgabadyň ajaýyp seýilgähleri, ýaşyl bossanly, owadan güllere beslenip oturan köçeleri, täsin binagärlik toplumlary aşgabatlylaryň hem-de myhmanlaryň kalbynda ajaýyp duýgulary döredýär. «Ylham» çeperçilik-seýilgäh toplumy, «Aşgabat» medeni-dynç alyş, Arkadag, «Bagtyýarlyk», «10 ýyl Abadançylyk», «Garaşsyzlyk», «Altyn asyr», «Garaşsyzlygyň 10 ýyllygy», N.Halmämmedow seýilgähleri gür baglary, ajaýyp gül

11 Sentýabr 2024

Jemgyýet

Dünýä ýaň salan şäher

Her bir güni şanly taryhyň altyn sahypalaryna ýazylýan eziz Diýarymyzda hoş habarlar göwünlere ganat berýär. Türkmen halkynyň Milli Lideri Gahryman Arkadagymyzyň yhlasyndan binýat bolan ajaýyp Arkadag şäheriniň ýakynda Koreýa Respublikasynda geçirilen «World Smart City Expo 2024» halkara sergisinde «Iň tapawutlanan «akylly» şäher» (Smart city excellence award) atly baş baýraga mynasyp bolmagy şanly ýylymyzda gazanylan üstünlikleriň biri boldy. Bellenilişi ýaly, dünýäniň 60-dan gowrak döwletiniň we kompaniýalarynyň gatnaşmagynda geçirilen sergide jemi 116 pawilýon görkezildi. Şolaryň arasynda bu baýragyň Arkadag şäherine ilkinji bolup gowşurylmagy Gahryman Arkadagymyzyň we hormatly Prezidentimiziň şähergurluşyk maksatnamalarynyň halkara ykrarnamasyna eýe bolýandygyny alamatlandyrýar. Koreýa Respublikasynda geçirilen halkara sergide «akylly» Arkadag şäheri «Daşary ýurt «akylly» şäheri» (Foreign city award); «World Smart City Expo 2024» halkara sergisine goşan goşandy üçin» (WSCE 2024 Contribution award) atly baýraklara-da mynasyp boldy. Bularyň ählisi sebitde deňi-taýy bolmadyk ajaýyp şäheriň şan-şöhratynyň bütin dünýä içre ýaýylýandygynyň nyşanydyr.

11 Sentýabr 2024

Jemgyýet

Sport diplomatiýasynyň dabaralanmagy

«Pähim-paýhas ummany Magtymguly Pyragy» ýylynyň uly üstünliklere beslenýän günlerinde Birleşen Milletler Guramasynyň Baş Assambleýasyndan gelip gowşan hoş habar halkymyzyň buýsanjyny artdyrdy. Bitarap Türkmenistanyň başlangyjy bilen 87 döwletiň awtordaşlyk etmeginde «Birleşen Milletler Guramasynyň oýunlary» atly Kararnamanyň kabul edilmegi biz — sport işgärlerini diýseň begendirdi, buýsandyrdy. Hormatly Prezidentimiziň baştutanlygynda ýurdumyzda sportuň, köpçülikleýin bedenterbiýäniň ösdürilmegine aýratyn uly üns berilýär. Şu ýylyň 6-njy sentýabrynda Birleşen Milletler Guramasynyň Baş Assambleýasynyň 78-nji sessiýasynda kabul edilen bu taryhy Kararnama ýurdumyzyň alyp barýan sport diplomatiýasynyň dabaralanýandygynyň aýdyň nyşanyna öwrüldi. Şu ýylyň maý aýynda paýtagtymyzda geçirilen GDA-nyň Hökümet Baştutanlarynyň Geňeşiniň mejlisinde Aşgabat şäheriniň «Arkalaşygyň täze sport mümkinçilikleriniň şäheri» diýlip yglan edilmegi hem ýurdumyzyň sport abraýynyň barha artýandygyny tassyklaýar.

11 Sentýabr 2024

Jemgyýet

Kämil kanunlar — döwlet gurluşynyň binýady

Berkarar döwletiň täze eýýamynyň Galkynyşy döwründe ýurdumyzda her bir raýatyň hukuklary we azatlyklary kepillendirilip, döwlet gurluşy kämilleşdirilýär. Esasy Kanunymyzda döwlet gurluşynyň ähli ugurlary, raýatlaryň hukuklaryny we azatlyklaryny goramak, ylmyň we medeniýetiň, saglygy goraýşyň, dünýä ülňülerine laýyk gelýän bilimiň elýeterli bolmagyny üpjün etmek boýunça döwletimiziň ýöredýän syýasatynda ileri tutulýan ugurlary kesgitlenilýär. Konstitusiýada we onuň esasynda kabul edilýän kanunlarda döwletimiziň durmuşynyň esasy meseleleri baradaky syýasatynyň beýan edilmegi we ählisiniň mazmuny raýatlaryň bähbitlerini goramak bilen baglydyr. «Döwlet adam üçindir!», «Watan diňe halky bilen Watandyr! Döwlet diňe halky bilen döwletdir!» diýen şygarlar döwlet syýasatynyň baş ýörelgesi hökmünde yglan edildi. Şonuň üçin hem, Türkmenistanyň döwlet we jemgyýetçilik durmuşyny öz milli aýratynlyklarymyzy göz öňünde tutmak bilen demokratiýalaşdyrmak, Konstitusiýasyny kämilleşdirmek, häkimiýet we dolandyryş edaralarynyň ulgamynyň sazlaşykly hereket etmegini, raýat jemgyýetiniň institutlaryny berkarar etmegi we ösdürmegi döwlet syýasatynyň baş wezipesi maksadynda durmuşa geçirmek ileri tutulýan ugur hökmünde kesgitlendi.

11 Sentýabr 2024

Jemgyýet

Halk Maslahaty — beýik işlere badalga

Milli Demokratiýanyň aýdyň ýoly bilen Berkarar döwletiň täze eýýamynyň Galkynyşy döwründe Gahryman Arkadagymyzyň hem-de Arkadagly Gahryman Serdarymyzyň tagallalary bilen täze özgertmelere beslenýän döwrebap durmuş gurşawy halkymyzyň bagtyýar ýaşaýşyny şertlendirýär, döwletimiziň ykdysady kuwwatyny berkidýär. Halk bilen jebislik, sazlaşyk, bitewi güýje, sarsmaz sütüne öwrülmek bilen, döwlet hem jemgyýetçilik durmuşynda agzybirligiň pugtalandyrylmagyny, ösüşleriň berkidilmegini üpjün edýär.

11 Sentýabr 2024

Jemgyýet

Enä tagzym — mukaddeslige tagzym

Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistanyň ylym, bilim we medeni ulgamlarda alyp barýan halkara dostlukly gatnaşyklary uly rowaçlyklara beslenýär. Halklaryň özara gatnaşygynda söz hem saz birek-birege ynanyşmagyň, hormat goýmagyň iň ygtybarly we bähbitli serişdesi hökmünde hiç döwürde-de öz ähmiýetini ýitirmän gelýär. Halkymyzda «Dilim bar — dünýäm bar», «Bir dil bilen bir adam, köp dil bilen köp adam», «Dil bilen dünýäni gezer» ýaly pähimler durmuş tejribeleri esasynda ýüze çykypdyr. Dil diňe bir bilim almagyň, ylymly bolmagyň çeşmesi bolman, eýsem, terbiýeçilik işinde-de ägirt uly täsir ediji güýje eýedir. Türkmen halkynyň Milli Lideri Gahryman Arkadagymyzyň «Enä tagzym — mukaddeslige tagzym» atly eseri bu babatda örän uly ähmiýete eýedir. Ynsanyň kalbynda orun alan mähribanlyklara, milli gymmatlyklara bolan sylag-hormat, söýgi çäk hem wagt talap etmeýän düşünjeler hasaplanýar.

11 Sentýabr 2024

Jemgyýet

Hepdäniň habarlary

Duşuşyk geçirildi Golaýda Türkmen oba hojalyk institutynda Türkmenistanyň Zenanlar birleşiginiň welaýat bölüminiň guramagynda «Zenan, nesil, millilik — döwletliligiň sarsmaz sütüni» atly şygar bilen duşuşyk geçirildi. Talyp gyzlaryň arasynda maşgala mukaddesligini ündemek, nesilden-nesle geçip gelýän milli gymmatlyklarymyzy, däp-dessurlarymyzy, ahlak-edep kadalaryny wagyz etmek maksady bilen geçirilen duşuşyga institutyň talyp gyzlary hem-de zenan mugallymlary gatnaşdylar.

11 Sentýabr 2024

Jemgyýet

Halk Maslahaty — agzybirligiň berk binýady

«Pähim-paýhas ummany Magtymguly Pyragy» ýylynda hem eziz Diýarymyzyň her bir güni toýdur baýramlara, şatlykly wakalara beslenýär. Şu günler ýurdumyzyň syýasy-jemgyýetçilik durmuşyndaky möhüm waka —Türkmenistanyň Halk Maslahatynyň nobatdaky mejlisine bagtyýar raýatlarymyz sabyrsyzlyk bilen garaşýarlar. Mähriban halkymyz mukaddes Garaşsyzlygymyzyň şanly 33 ýyllyk baýramyna uly zähmet üstünlikleri bilen barýar. «Maslahatly biçilen don gysga bolmaz» diýen halk pähimine hem-de ata-babalarymyzyň taryhy tejribesine esaslanyp geçirilýän Türkmenistanyň Halk Maslahatynyň halkymyzyň agzybirligini berkitmekde, ýurdumyzy ösüşlere beslemekde ähmiýeti uludyr. Halk Maslahatynda ata Watanymyzy mundan beýläk-de ösdürmek, halkymyzyň hal-ýagdaýyny ýokarlandyrmak, olaryň bagtyýar durmuşda ýaşamagyny, zähmet çekmegini üpjün etmek ýaly il-ýurt bähbitli, döwlet ähmiýetli meseleleriň birnäçesi ara alnyp maslahatlaşylar. Berkarar döwletiň täze eýýamynyň Galkynyşy döwründe ýaş nesillere berilýän bilim has-da kämilleşdirilýär. Ýaşlaryň döwrebap bilim almagy üçin okuw kitaplarydyr gollanmalar yzygiderli neşir edilýär. Şu ýyl hem ýurdumyzda täze okuw ýylynyň başlanmagy bilen 1-nji synpa gelen körpejelere hormatly Prezidentimiziň adyndan «Bilimli» atly kompýuter gowşuryldy. Elleri täze kompýuterli körpeleriň ümzügi ileri. Täjigistan Respublikasynda hem akyldar şahyrymyz Magtymguly Pyragynyň adyny göterýän t

11 Sentýabr 2024

Jemgyýet

Ýolumyz rowan — menziller dowam

Gahryman Arkadagymyzyň başlangyjy bilen her ýylyň 1 — 30-njy sentýabry aralygynda ýurdumyzda «Ýol hereketiniň howpsuzlygy — ömrümiziň rahatlygy» atly ýol hereketiniň howpsuzlygynyň biraýlygynyň geçirilmegi halkymyzyň abadançylygyny gorap saklamak bilen baglanyşykly asylly maksatlardan ugur alýar. Berkarar döwletiň täze eýýamynyň Galkynyşy döwründe gözel Diýarymyzyň aýna ýaly döwrebap ýollary durmuşymyzy has-da gözelleşdirýär. Awtomobil ýollarymyz dünýä ülňülerine laýyk getirilip, awtoulaglara edilýän hyzmatlar hem ýokarlandyrylýar. Ýollaryň hem adamyň howpsuzlygy üçin wajyp bolan öz tertip-düzgüni, ýerine ýetirilmeli hökmany kadalary bar. Häzirki bagtyýar zamanamyzda oňyn özgertmeleriň netijesinde günsaýyn ösýän ýurdumyzda ulaglaryň sanynyň köpelýändigi göz öňünde tutulyp, döwrebap awtoduralgalar gurulýar, sürüjiler we pyýadalar bilen ýol hereketiniň howpsuzlygy barada möhüm işler amala aşyrylýar. Mekdeplerde we mekdebe çenli çagalar edaralarynda ýol hereketiniň düzgünleriniň ýerine ýetirilmeginiň üpjün edilmegine, şikes ýetmeleriň öňüniň alynmagyna gönükdirilen düşündiriş işleri yzygiderli geçirilýär. Ýol gözegçilik gullugynyň işgärleri bilen bilelikde geçirilýän çärelerde ýol hereketiniň kadalary barada giňişleýin gürrüň edilýär. Bu bolsa, aýratyn hem, ýaş nesliň ýol hereketi baradaky düşünjeleriniň baýlaşmagyna, köçelerde seresap bolmagyna kömek edýär. Köçe-ýol hereketiniň d

11 Sentýabr 2024

Jemgyýet

Döwrebap ulaglar ilatyň hyzmatynda

Berkarar döwletiň täze eýýamynyň Galkynyşy döwründe Garaşsyz ýurdumyzyň ulag ulgamyny ýokary derejelere çykarmak ugrunda uly işler amala aşyrylýar. Munuň özi halk hojalyk ýükleriniň ygtybarly daşalmagynyň üpjün edilmegi bilen birlikde, ýolagçy gatnatmakda döwrüň talaplarynyň üstünlikli ýerine ýetirilmegine gönükdirilendir. Bu babatda «Daşoguzawtoulag» önümçilik birleşiginde alnyp barylýan işler barada kärhananyň ýolagçy awtoulag toplumynyň başlygy Şatlyk Jumaşow bilen söhbetdeş bolduk. — Şatlyk, welaýatymyzyň çäklerinde ýolagçylara edilýän awtoulag hyzmatynyň hiliniň ýokarlanýandygy guwandyrýar. Munuň özi ilat üçin oňaýly şertleriň döredilýändigini alamatlandyrýar.

11 Sentýabr 2024

Jemgyýet

Ykbalyň bagt ýyldyzy hemmelere miýesser etsin!

Hamal (guzy 21.03-20.04) Hamallara geljek hepdede täze tanyşlyklar garaşýar. Bu täze tanyşlygyň siziň geljegiňiz bilen bagly çözgütleriňize üýtgeşme girizmegi ahmal. Maddy mümkinçiligiňize oýlanyşykly çemeleşmegiňiz gerek.

11 Sentýabr 2024

Jemgyýet

Ýol hereketiniň howpsuzlygy — ömrümiziň rahatlygy

Hereket howpsuzlygynyň goragynda Berkarar döwletiň täze eýýamynyň Galkynyşy döwründe ýurdumyzda halkymyzyň abadan, asuda durmuşda ýaşamagy babatynda beýik işler durmuşa geçirilýär. Her ýylyň sentýabr aýynda ýurdumyzda giň gerime eýe bolýan «Ýol hereketiniň howpsuzlygy — ömrümiziň rahatlygy» atly biraýlygyň geçirilmegi indi asylly däbe öwrüldi.

11 Sentýabr 2024

Jemgyýet

Berjaý edilmeli kadalar

Türkmenistanyň Içeri işler ministrliginiň Döwlet ýangyn howpsuzlygy gullugy bilim edaralarynyň binadyr desgalarynda, olaryň çäklerinde gaýragoýulmasyz ýangyn howpsuzlyk düzgünlerini ýatladýar. Elektrik ulgamyna birikdirilen enjamlary gözegçiliksiz galdyrmazlyk, ütügi ýörite otagda ulanmak maslahat berilýär. Näsaz hem-de aşagyna goýulýan oda durnukly gatlagy bolmadyk mahalynda olary ulanmakdan saklanmaly. Kebşirleýiş we açyk ot ulanmak arkaly işleri bilim edaralarynyň ýolbaşçysynyň resmi rugsady bolmasa geçirmek gadagandyr. Bu işler diňe ýörite hünärmenler tarapyndan alnyp barylmaly. Şular ýaly işler geçirilýän ýerleri ilkinji ýangyn söndüriş enjamlarydyr gurallar bilen üpjün etmeli. Bilim edaralarynyň ähli binalary we otaglary ilkinji ýangyn söndüriş serişdeleridir enjamlary bilen üpjün edilip, olaryň iş kadalary bilen ähli işgärleri tanyşdyrmaly. Mugallymlardyr terbiýeçiler we beýleki işgärler synp otaglarynda okuw sapaklary gutarandan soň, otaglary örän ünsli gözden geçirip, ýüze çykarylan kemçilikleri düzedip, elektrik ulgamynyň öçürilendigini barlamaly.

11 Sentýabr 2024

Jemgyýet