Ukyp-başarnyklaryny görkezdiler
Bäherden etrabynyň bedenterbiýe we sport bölümi şanly ýylymyzyň şygaryndan ruhlanyp, “Dana Pyragynyň öwütleri nesilleri sagdyn durmuşa, watansöýüjilige we agzybirlige çagyryşdyr” ady bilen ýaryş gurady. Sportuň woleýbol we ýeňil atletika görnüşleri boýunça geçirilen ýaryşa sport mekdebiniň türgenleri gatnaşyp, olar 100, 200 metr aralyga ylgamak we uzynlygyna bökmek boýunça özara bäsleşdiler. Woleýbol ýaryşynda “Galkynyş” topary 1-nji, “Berkarar” topary 2-nji, “Bagtyýarlyk” topary 3-nji orunlary eýelemegi başardylar. Çekeleşikli geçen ylgaw ýaryşynda ussat türgenler Atageldi Annagulyýew, Allamyrat Sopyýew, Annadurdy Serdarow, Orazgeldi Bäşgulyýew, Merdan Maksadow, Remezan Şyhberdiýew, uzynlygyna bökmek boýunça Nurmuhammet Mämmedow, Salyh Myratdurdyýew, Jeýhun Gurbanow oňat netije görkezip, baýrakly orunlary eýelediler. Ýaryşda ýeňiş gazanan türgenlere etrabyň bedenterbiýe we sport bölüminiň hormat hatlary we ýadygärlik sowgatlary gowşuryldy.