Türkmenmetbugat

"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Jemgyýeti jebisleşdirmegiň möhüm güýji

Beýik akyldar Magtymguly Pyragynyň «Berkarar döwlet istärin» diýip arzuwlan Garaşsyz, Bitarap Türkmenistan döwleti halkymyzyň agzybir, asuda we abadan durmuşyny üpjün edip, ösüş arkaly parahatçylyk ýoly bilen Garaşsyzlygyň 33 ýyllyk toýuny toýlamaga dürli ugurlardaky üstünlikler bilen barýar. Berkarar döwletiň täze eýýamynyň Galkynyşy döwründe, «Pähim paýhas ummany Magtymguly Pyragy» ýylynda ýurdumyzda durmuş-ykdysady ösüşler bilen birlikde milli demokratik ýörelgeler hem dabaralanýar. Munuň özi umumadamzat ösüşine mynasyp goşant goşýan türkmen jemgyýetine durnukly ösüşiň, türkmen medeniýetine, däp-dessurlaryna özboluşlylyklaryň mahsusdygynyň aýdyň nyşanydyr. Asylly demokratik däpleri we maddy medeniýetiň ynsanperwer ýörelgelerini döwrebap derejede baýlaşdyrýan Türkmenistanda jemgyýetiň döredijilik, öndürijilik güýjüni netijeli ugurlara gönükdirmegi üpjün edýän jebisleşdiriji institutlar döredilýär. Olaryň işi yzygiderli kämilleşýär.

12 Sentýabr 2024

Muhammatkarim KURMANOW, Halkara maglumatlaşdyrma akademiýasynyň akademigi, pedagogika ylymlarynyň doktory, professor:

— Özüm Astanada ýaşaýaryn. Maşgalamyz bolup, sport ýaryşynyň açylyşyna geldik. Men ýaşlykdan sportuň janköýeri. Häzir 83 ýaşymda bolsamda, halkara sport çäresine gatnaşmak höwesimiň egsilmänligi ýöne ýerden däl. Sport — güýç-kuwwat. Sportda ýaşaýşa söýgi, ýaşlyk bar. 40 ýyla golaý iş tejribämiň dowamynda sport aýratyn orny eýeledi. Ol meniň üçin ylym dünýäsine hem ylham boldy. Çarwadarlaryň oýunlary türki dünýä mahsus meşhur oýunlary özünde jemleýär. Şu ýerde Gündogaryň beýik akyldary Magtymguly Pyragyny ýatlaman geçmek bolmaz. Bir wagtlar Moskwada aspiranturada okan ýyllarymda türkmen ýigitleri maňa Magtymguly barada köp zatlary aýdyp beripdiler. Soň ony özüm hem ürç edip öwrendim. Akyldar şahyryň döredijiligi çuňňur ylma ýugrulan. Men beýik akyldaryň döredijiligine uly hormat goýýaryn.

12 Sentýabr 2024

Astana agşamy: ymgyr sähradaky duşuşyk

Gahryman Arkadagymyzyň Gazagystan Respublikasyna iş sapary hakda söhbet Biri-biriňe myhmançylyga, görme-görşe barmak, gadyrly gatnaşmak, baýramyna begenmek gadymdan bäri ynamyň, ynanyşmagyň iň asylly ýörelgeleriniň özenidir. Halklaryň arasynda hem şeýle ýörelgeler mäkäm dowam edip gelýär. Hormatly Prezidentimiziň, Gahryman Arkadagymyzyň daşary ýurtlara bolan iş saparlary hoşniýetli, dostana gatnaşyklaryň nusgasydyr. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň 8-nji sentýabrda Gazagystan Respublikasyna amala aşyran iş saparynyň özi hem aýdanlarymyzy tassyk edýär.

12 Sentýabr 2024

Maslahatly il myrada ýeter

«Pähim-paýhas ummany Magtymguly Pyragy» ýylynda mukaddes Garaşsyzlygymyzyň şanly 33 ýyllygynyň öňüsyrasynda ak mermerli paýtagtymyz Aşgabatdaky Maslahat köşgünde Türkmenistanyň Halk Maslahatynyň nobatdaky mejlisi geçiriler. Halk häkimiýetiniň ýokary wekilçilikli guramasy bolan Türkmenistanyň Halk Maslahatynda Garaşsyz, hemişelik Bitarap Türkmenistan döwletimiziň ösüş ýollarynda gazanylan üstünliklerine mynasyp baha berlip, geljekde ýurdumyzyň ykdysady, syýasy, medeni durmuşynda amala aşyrylmaly wezipeler kesgitleniler. 1991-nji ýylda başy başlanan täze taryhy döwürde Garaşsyz, hemişelik Bitarap Watanymyzyň syýasy, ykdysady, durmuş we medeni taýdan ýokary depginlerdäki ösüşini üpjün etmekde, Garaşsyzlygymyzyň we Bitaraplygymyzyň binýadyny has-da berkitmekde ýurdumyzda ägirt uly işler durmuşa geçirilip gelinýär. Şol beýik işleriň çözgüdi Türkmenistanyň Halk Maslahatynda ara alnyp maslahatlaşylýar.

12 Sentýabr 2024

Garaşsyzlyk bagty

Hormatly Prezidentimiziň parasatly baştutanlygynda ýurdumyzda amala aşyrylýan giň gerimli işler, durmuşa geçirilýän beýik özgertmeler, gazanylýan uly zähmet üstünlikleri mukaddes Garaşsyzlygymyzyň esaslaryny has-da pugtalandyrýar. Şu günler mähriban halkymyz mukaddes Garaşsyzlyk baýramçylygyna zähmet üstünlikleri bilen barmak üçin yhlasly zähmet çekýär. Garaşsyzlyk — bu berkarar Diýarymyzyň özygtyýarlylygyny we bitewüligini şöhratlandyrýan mukaddeslikdir. Bagtyýar halkymyz Gahryman Arkadagymyzyň, Arkadagly Gahryman Serdarymyzyň çuň parasaty bilen ajaýyp Watanymyzyň beýik geljeginiň hatyrasyna gurýar we döredýär, Garaşsyzlygyň peşgeş eden bagtyna çäksiz buýsanç duýgusy bilen ýaşaýar. Mähriban halkymyz bu mukaddes baýramçylygy has-da şowhunly, dabaraly belläp geçmek üçin ykjam taýýarlanýar. Çünki türkmen döwletiniň beýik we nurana baýramy — mukaddes Garaşsyzlyk güni kämillige tarap ösýän we özgerýän jemgyýetimiziň gymmatlygydyr, ildeşlerimize ruhubelentlik, çäksiz güýç berýän buýsançly toýumyzdyr.

11 Sentýabr 2024

Ýaş zehinleriň owazy

«Garaşsyzlygyň merjen däneleri» — bagtyýar çagalaryň şatlygy Ýakynda Ahal welaýatynyň Ak bugdaý etrabynyň Nowruz ýaýlasyndaky «Türkmeniň ak öýi» binasynda Watanymyzyň Garaşsyzlygynyň 33 ýyllygyna bagyşlanan «Garaşsyzlygyň merjen däneleri» çagalar aýdym-saz bäsleşiginiň jemleýji tapgyryna gatnaşyjylaryň konserti boldy.

11 Sentýabr 2024

Göwünlerde we giňişliklerde ykrar

Koreýa Respublikasy diýlende, ilki bilen ýadymyza düşýän aýratynlyklaryň gysgaça sanawyny düzeliň! Meşhur tehnologiýa brendleri, dünýä belli ulaglar, binagärlik sungatynyň ajaýyp nusgalary we beýlekiler. Hususan-da, ýurduň tas ähli şäherlerinde diýen ýaly bulutlary boýlaýan binalara baý bolan toplumlar dünýä syýahatçylaryny bu döwlete has köp çekýär. Şundan ugur alsaň, koreý halky beýleki döwletleriň binagärlik we şähergurluşyk aýratynlyklaryna haýran galmajak ýaly. Ýöne täsin binagärlik çözgütleri bilen şeýle derejede ösen döwlet ýurdumyzdaky ilkinji «akylly» şäheri üç sany uly baýraga mynasyp gördi. Munuň özi baş taslamasy Gahryman Arkadagymyza degişli bolan şäheriň dürli aýratynlyklary boýunça dünýäde seýrek gabat gelýän şäherleriň biridigini ýene bir ýola tassyklaýar. Merkezi metbugat sahypalarynda hem habar berlişi ýaly, bu baýraklar Arkadag şäherine dostlukly döwletde geçirilen «World Smart City Expo» atly halkara sergisiniň çäklerinde gowşuryldy. Bu ýerde dünýä jemgyýetçiligi Merkezi Aziýadaky ilkinji «akylly» şäheriň mümkinçilikleri bilen gaýybana tanyş boldular.

11 Sentýabr 2024

Täze belentliklere tarap

Ýakyndaky we alysdaky döwletler bilen ynanyşmak, özara bähbitlere esaslanýan gatnaşyklary ösdürmek Garaşsyz, hemişelik Bitarap Watanymyzyň daşary syýasatynyň düýp özenini düzýär. Şeýle gatnaşyklaryň netijesinde Ýer ýüzünde parahatçylygy pugtalandyrmak, halklaryň abadan ýaşamagyny üpjün etmek ýaly tutuş adamzat ähmiýetli meseleleri üstünlikli çözmäge-de berk esaslar peýda bolýar. Muňa öňňin paýtagtymyzda geçirilen Türkmenistanyň maýa goýum forumynyň, ýurdumyzyň ykdysadyýetine ýokary tehnologiýalary we innowasiýalary çekmek boýunça halkara maslahatyň hem-de ugurdaş sergileriň ýokary üstünlige beslenmegi hem aýdyň şaýatlyk edýär.

11 Sentýabr 2024

Şanly ösüşleriň şuglasy

Hormatly Prezidentimiziň alyp barýan tutumly başlangyçlarynyň ählisi ýurdumyzyň ösüş ýollaryny nazarlaýan sepgitler bolup, olarda geljegimiz bolan ýaş nesliň bagtyýarlygyny üpjün etmegiň maksatlary göz öňünde tutulýar. Ýaşlaryň ädimme-ädim bilim basgançaklaryny geçip, göwün söýen hünärlerine eýe bolmaklary, durmuşda öz orunlaryny tapmaklary üçin ýurdumyzda amatly şertler döredilýär. Hormatly Prezidentimiziň taýsyz tagallalary netijesinde her täze okuw ýylynyň başynda döwrebap bilim we terbiýeçilik edaralary açylyp, ulanylmaga berilýär. Birinji synpa okuwa barýan körpelere netbuk kompýuterleriniň sowgat berilmegi-de indi asylly däbe öwrüldi. Bu özgerişlikler ýaş nesliň innowasion tehnologiýalardan kämil baş çykarmaklaryna, döwrebap ösüş giňişligine aralaşmaklaryna, dünýäde täze ýüze çykýan hünärler bilen tanyşmaklaryna giň ýol açýar. Orta mekdeplere täze dersleriň girizilmegi bilen bir hatarda okuwçylaryň meýillerine we ukyplaryna laýyklykda bilim almaklary üçin anyk ugurlar esasynda sapaklar geçirilýär. Bu usulyň girizilmegi bilen ýokary synp okuwçylarynyň kesp-kär saýlamak mümkinçilikleri has-da artdy. Olaryň saýlap alan käri, hünäri boýunça bilim derejesini kämilleşdirmeklerine oňyn şert döredi. Okuw maksatnamasyna laýyklykda orta mekdeplerde türkmen, rus, iňlis dilleri bilen birlikde nemes, ýapon, hytaý, pars dilleriniň çuňlaşdyrylyp öwredilmegi netijesinde da

11 Sentýabr 2024

Zehin yhlas bilen utgaşanda

Berkarar döwletimizde mukaddes Garaşsyzlygymyzyň 33 ýyllygyny baýram etmäge uludan taýýarlyk görülýär. Ynha, şu toýly günler hem ýurdumyzyň ähli ýerinde dabaralaryň, döredijilik bäsleşikleriniň geçirilmegi bilen utgaşýar. Geçen şenbe güni geçirilen «Ýaňlan, Diýarym!» telebäsleşiginiň jemleýji tapgyry hem baýramçylyk dabaralarynyň şatlyk-şowhunyny has-da artdyrdy. Bäsleşige güneşli Diýarymyzyň ähli welaýatlarynyň, Aşgabat hem-de Arkadag şäherleriniň wekilleri bilen bir hatarda lebaply ýaş höwesjeň aýdymçylaryň ikisi gatnaşdy. Olar bäsleşigiň şertlerine görä, häzirkizaman kompozitorlarynyň döreden aýdymlaryny we türkmen halk aýdymlaryny ýerine ýetirmekde ukyp-başarnyklaryny, ussatlyklaryny görkezdiler. Esasan-da, Hojambaz etrabynda önüp-ösüp, şu mekanda sungat ýoluna gadam goýan, häzirki wagtda Türkmenistanyň Döwlet çeperçilik akademiýasynda okaýan ildeşimiz Serdar Jumaýewiň hoş owazy, aýdymlary ýerine ýetirişi, sahna ussatlygy eminler toparynyň agzalarynyň has-da göwünlerinden turdy. Şunlukda, ýaş aýdymçy «Ýaňlan, Diýarym!» telebäsleşiginiň jemleýji tapgyrynyň ýeňijisi diýlip yglan edildi we hormatly Prezidentimiziň altyn zynjyry bilen sylaglanyldy. Sungat älemindäki bu ýeňşi onuň naýbaşy baýramymyza ajaýyp sowgady boldy.

11 Sentýabr 2024

Garaşsyzlygyň merjen dänesi

Golaýda mukaddes Garaşsyzlygymyzyň şanly 33 ýyllyk baýramy mynasybetli «Garaşsyzlygyň merjen däneleri» atly bäsleşigiň ýurdumyz boýunça jemleýji tapgyry geçirildi. Däp bolşy ýaly, bäsleşigiň düzgünnamasyna laýyklykda oňa gatnaşan zehinli ýaşlaryň arasyndan iň dogumly hem başarjaň çagalaryň ýedisi bäsleşigiň ýeňijisi diýlip yglan edildi. Bäsleşikde Dänew etrabyndaky ýöriteleşdirilen 17-nji orta mekdebiň okuwçysy Merjen Abaýewa üstünlik gazanyp, Şa serpaýyna mynasyp boldy. Ýaş sungaty söýüji eýýäm 3 ýaşyndan bäri aýdym aýdyp gelýär. Häzirki wagtda ol Dänew etrap çagalar sungat mekdebinde hem iň göreldeli okuwçylaryň hatarynda tanalýar. Mekdepde Merjene baýry mugallym Mähriban Ergeşowa fortepiano hünärinden tälim berýär. Sungatda öz ornuny tapan, ajaýyp sesi bilen tanalan Merjen ýurdumyzyň iri çärelerinde hoş owazly aýdymlary bilen çykyş edýär.

11 Sentýabr 2024

Mukaddes Garaşsyzlygymyzyň 33 ýyllygyna

Uly toýa mynasyp sowgat Mundan 33 ýyla golaý wagt ozal dünýä kartasynda peýda bolan Türkmenistan döwletimizi bu gün dünýä tanaýar. Garaşsyzlygyň, özbaşdaklygyň aýdyň ýoluna düşen Türkmenistan döwletimiz syýasy, ykdysady-durmuş we medeni taýdan çalt depginlerde ösdi we özgerdi. Onuň dünýäniň ösen döwletleriniň hataryna goşulmagynda aýgytly ädimler ädildi. Birleşen Milletler Guramasynyň we beýleki halkara guramalarynyň agzasy bolmak bilen, ýurdumyzyň halkara abraýy ýokarlandy.

11 Sentýabr 2024

Garaşsyzlyk — kalbymyza ylham berýän ruhy ganat

Binýady berkden gurlan eziz Watanymyzyň mukaddes Garaşsyzlygy halkymyzy baky bagta ýetirdi. Hut şonuň üçin halkymyz Garaşsyzlyk baýramyna berkararlygyň we bagtyýarlygyň mukaddes baýramy hökmünde aýratyn sarpa goýýar. Biz golaýlap gelýän mukaddes Garaşsyzlygymyzyň 33 ýyllyk şanly toýuny joşgun hem ruhubelentlik bilen garşylamaga taýýarlanýarys. Bu senäniň hormatyna guralýan dabaralar halkymyzyň asylly däp-dessurlary, asyrlaryň dowamynda döreden ruhy gymmatlyklary we aýdyň maksatly ýörelgeleri bilen utgaşýar. Häzirki günlerde Diýarymyzyň ähli künjeginde mukaddes Garaşsyzlygymyzyň şanly 33 ýyllyk baýramy mynasybetli dabaraly çäreler yzygiderli ýaýbaňlandyrylýar. Merdana Watan goragçylary hem bu şanly toýy öz mynasyp sowgatlary bilen garşylaýarlar. Şeýle baýramçylyk çäreleri polkownik Röwşen Aýazowyň serkerdelik etmeginde, harby ýörişe gatnaşýan harby gullukçylaryň gatnaşmagynda hem uly dabaralara beslenip geçirilýär. Ýürekleri Watana bolan söýgüden pürepür Watan goragçylary dabaraly harby ýörişiň taýýarlygyna hyjuwly hem-de yhlasly gatnaşýarlar. Geçirilýän türgenleşikleriň dowamynda nyzam taýýarlykda hem-de harby tertip-düzgüni berjaý etmekde aýratyn tapawutlanýan harby gullukçylar ýokary serkerdeleriň adyndan Hormat hatlary we ýadygärlik sowgatlar bilen sylaglanýarlar. Şeýle harby gullukçylardan dabaraly ýörişiň asmana atyjylar batalýonyndan kiçi seržant Allaýar Gündogdyýew, mo

11 Sentýabr 2024

Watançylyk terbiýesi

Watana guwanmak, ony söýüp, gözüň göreji ýaly aýamak mukaddes borçdur. Edermen ata-babalarymyz mukaddes topragy gorap, onuň kuwwatlanmagy, şöhratlanmagy ugrunda göreşipdirler. Beýik taryhy ýoly geçen halkymyz ýeňil bolmadyk synaglara döz gelip, özbaşdak ýurt, döwlet bolmagyň arzuwynda ýaşapdyr. 1991-nji ýylyň güýzünde halkymyz arzyly Garaşsyzlygyna eýe boldy. Watanymyz Garaşsyzlygyny alanyndan sanlyja aýdan soň, ýurduň polat galasy — Türkmenistanyň Ýaragly Güýçleri döredildi. Türkmenistan Garaşsyz, hemişelik Bitarap döwlet diýlip ykrar edildi. Gysga döwrüň içinde ýaş türkmen döwleti özüni bütin dünýä tanatdy we ykdysady üstünlikleri bilen ösen ýurtlaryň hataryna goşuldy. Bu gün bolsa ýurdumyz Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda belent sepgitleri nazarlaýar. Gerçek ata-babalarymyzyň watansöýüjilikli ýörelgelerini dabaralandyrýan döwlet Baştutanymyz ene topragyň mukaddesligi, onuň her daban ýerini gözüň göreji ýaly gorap saklamalydygy hakynda öz çykyşlarynda öwran-öwran nygtaýar.

11 Sentýabr 2024

Sport diplomatiýasynyň dabaralanmagy

Halkara Olimpiýa Komitetiniň, Aziýanyň Olimpiýa Geňeşiniň agzasy bolan Garaşsyz, baky Bitarap Türkmenistan döwletimiz dünýä we sebit möçberinde halkara ýaryşlaryň geçirilýän merkezine öwrüldi. Eziz Diýarymyzda Ýapyk binalarda we söweş sungaty boýunça V Aziýa oýunlarynyň, «Amul — Hazar 2018» halkara awtorallisiniň, Agyr atletika, Kuraş boýunça dünýä çempionatlarynyň, hokkeý boýunça halkara ýaryşyň üstünlikli geçirilmegi ýurdumyzyň sport döwleti hökmünde ornuny berkidýändigini görkezýär. Sport halkara hyzmatdaşlygyň möhüm ugry bolup durýar. Şonuň üçinem ýurdumyz sporty ösdürmäge aýratyn üns berýär we halkara sport çärelerini guramaga işjeň gatnaşýar. Arkadagly Gahryman Serdarymyzyň: «Türkmenistan sport mümkinçiliklerini parahatçylygyň we dostlugyň bähbitlerine gönükdirip, ilkinji nobatda, dünýä bileleşigi bilen hyzmatdaşlygy yzygiderli pugtalandyrýar» diýen parasatly sözleri bu gün alnyp barylýan işleriň durmuşda öz hakyky manysyna eýe bolýandygynyň kepiline öwrülýär. Ýurdumyz Birleşen Milletler Guramasy bilen ysnyşykly hyzmatdaşlyk edýär. Bu sport babatynda hem şeýledir. Türkmenistanyň başlangyjy bilen BMG-niň  Baş Assambleýasynyň sport babatda kabul eden Kararnamalary ýurdumyzyň bu ugurda geçirýän işleriniň netijeli häsiýete eýedigini ýene bir ýola anyk subut edýär. BMG-niň Baş Assambleýasynyň 3-nji iýuny «Bütindünýä welosiped güni» diýip yglan etmek hakynda, «Durnukly ös

11 Sentýabr 2024

Müdimi mukaddeslik

Mukaddes Garaşsyzlygymyzyň şanly 33 ýyllygyna Garaşsyzlygymyzyň şuglasynyň türkmen halkyna nur saçan gününden bäri geçen her ýyl, aý, gün däl, eýsem, her bir sagat taryha zer harplar bilen ýazylýar. Ine, bu gün gadymy hem nowjuwan türkmen topragy ýene-de toý lybasyny geýdi. Mukaddes Garaşsyzlygymyzyň şanly 33 ýyllygy mynasybetli guralýan dabaralar kalplara joşgun hem ganat berýär.

11 Sentýabr 2024

Garaşsyzlyk — guwanjymyz

Mukaddes ata Watan, ene toprak türkmen halkynyň köňül köşgüniň ruhy sütünidir. Döwlet Garaşsyzlygymyz bolsa başymyzyň tylla täjidir. Garaşsyzlyk bize milli baýramlarymyzy, pederlerimizden gelýän däp-dessurlarymyzy gaýdyp berdi. Ýurdumyz gysga döwrüň içinde asyrlara barabar taryhy ýol geçdi. Arkadagly Gahryman Serdarymyzyň baştutanlygynda bedew bady bilen öňe barýan Garaşsyz, baky Bitarap döwletimiz dost-doganlygyň, agzybirligiň, jebisligiň has-da gülläp ösýän mekanyna öwrüldi. Eziz Diýarymyzda halk bilen döwletiň jebisligi ähli ösüşleriň, öňegidişlikleriň kepili bolup durýar. Hormatly Prezidentimiz: «Watan diňe halky bilen Watandyr! Döwlet diňe halky bilen döwletdir!» diýip, ilkinji nobatda, halkymyza, onuň agzybirligine we jebisligine, aň-düşünjesine hem-de merdanalygyna bil baglaýar. Bu günki gün ýurdumyz parahatçylygyň mekany hökmünde dünýäde giňden tanalýar. Hormatly Prezidentimiziň daşary syýasatynyň netijesinde Türkmenistan bilen dünýä döwletleriniň arasynda hyzmatdaşlyk barha berkeýär. Dünýäniň ösen döwletleri bilen özara bähbitli ikitaraplaýyn hem-de köptaraplaýyn gatnaşyklaryň ýola goýulmagy, Watanymyzyň kuwwatynyň halkara derejede pugtalandyrylmagy, ýurtda we dünýäde parahatçylygy, asudalygy, abadançylygy berkitmekde durmuşa geçirilýän işler munuň aýdyň subutnamasydyr. Halkymyz döwletimiziň döreden eşretlerinden peýdalanyp, agzybirlikli zähmet çekmek we Arkadagly Gahr

11 Sentýabr 2024

Dünýä dolan belent mertebe

Mukaddes Garaşsyzlygymyz merdana halkymyzyň köňlünde besläp gelen arzuw-hyýallarynyň wysal bolmagydyr. «Erer ol erkin mydam, budur ki türkmen binasy» diýen beýik Pyragynyň goşgularynda hem berkarar döwlet gurmak, erkin, asuda ýaşamak, agzybir bolmak baradaky pikir-garaýyşlar agdyklyk edýär. Garaşsyzlygymyzy almagymyz bilen dana şahyryň çoh garaşan ajap eýýamy geldi. Bir supranyň başyna jemlenen türkmeniň ykbaly göterildi. Halkymyzyň ýüregindäki ajaýyp arzuw-umytlaryny ebedilik hasyl eden mukaddes Garaşsyzlygymyzdyr. Garaşsyzlygymyz türkmen döwletiniň, halkynyň at-abraýyny dünýä doldurdy. Hut şonuň üçinem biziň her birimiziň Garaşsyzlygymyza bolan söýgi-buýsanjymyz egsilmezdir. Ol bize her bir işde güýç-kuwwat, ylham-joşgun berýär. «Garaşsyzlyk biziň şöhratly geçmişimizdir, bagtyýar şu günümizdir, beýik geljegimizdir. Garaşsyzlyk biziň dünýä dolan belent at-abraýymyzdyr hem-de şan-şöhratymyzdyr» diýip nygtaýan Arkadagly Gahryman Serdarymyzyň pähim-paýhasly ýolbaşçylygynda Berkarar döwletiň täze eýýamynyň Galkynyşy döwründe ýurdumyz bedew bady bilen ösüşiň täze belent basgançaklaryna tarap barýar. Häzirki wagtda Garaşsyzlygyň gazananlaryny pugtalandyrmak bilen, tutumly işler dowam etdirilýär. Ata Watanymyzyň alyp barýan hoşniýetli we parahatçylyk söýüji içeri hem-de daşary syýasaty netijesinde halkara abraýy belende galýar. Munuň özi döwletimiziň sebit we dünýä möçberinde alyp ba

11 Sentýabr 2024

Dünýä nusgalyk Arkadag şäheriniň belent ykrarnamasy

Agzybir hem zähmetsöýer türkmen halky ýurdumyzyň Garaşsyzlygynyň şanly 33 ýyllyk baýramyna ýokary ruhubelentlikde, kalbyny buýsanja, guwanja besläp barýar. Bir asyryň üçden birine hem ýetmeýän, taryhy jähetden alanyňda bolsa, ujypsyz hasaplanylýan şol döwrüň içinde, esasan hem, onuň soňky ýyllarynda Garaşsyz, hemişelik Bitarap Türkmenistan Watanymyzda durmuşa geçirilen tutumlary, gazanylan ösüşleri asyrlara barabar diýip, buýsanç bilen taryplamaga doly hakymyz bardyr. Türkmen halkynyň Milli Lideri Gahryman Arkadagymyzyň binýadyny goýan beýik işlerini Berkarar döwletiň täze eýýamynyň Galkynyşy döwründe täze-täze üstünliklere besläp dowam etdirýän Arkadagly Gahryman Serdarymyzyň şol ösüşleri has-da öňe ilerletmek babatda edýän taýsyz tagallalarynyň netijesinde ýurdumyzyň gözelligi-de, halkara abraýy-da, halkymyzyň ýaşaýyş-durmuş derejesi-de barha ýokary göterilmek bilen. Eýsem-de, eziz Diýarymyzda täze taryhy döwürde amala aşyrylan ägirt uly işleri asyrlara barabar diýip häsiýetlendirmegimiziň düýp özeninde ajaýyp hakykat, özem ençeme subutnamalara eýe bolan hakykat durýandyr. Muňa diňe bir mysalyň, Gahryman Arkadagymyzyň pähim-paýhasy bilen gadymy Köpetdagyň eteginde dörän nowjuwan şäheriň — Arkadag şäheriniň mysalynda hem aňryýany bilen göz ýetirmek bolýar.  

11 Sentýabr 2024

Ösüşli menziller

Röwşen geljegine tarap ynamly barýan ata Watanymyz hormatly Prezidentimiziň parasatly baştutanlygynda ösüşleriň täze belentliklerini nazarlaýar. Ýurdumyzyň dürli ulgamlarynda, pudaklarynda uly ösüşler gazanylýar, belent sepgitlere ýetilýär, halkymyzyň ýaşaýyş-durmuş derejesi has-da gowulanýar. Täze taryhy döwürde ýurdumyzyň gazanýan ösüşleri bütin dünýäde ykrar edilýär we ýokary baha mynasyp bolýar. Ýurdumyz oba hojalyk, senagat taýdan ösmek bilen, dünýä ýüzünde uly abraýdan peýdalanýar. Milli ykdysadyýetimizi ösdürmäge gönükdirilýän düýpli maýa goýumlaryň möçberi has-da artýar. Yzygiderli amala aşyrylýan giň gerimli durmuş-ykdysady özgertmeleriň netijesinde halkyň ýaşaýyş-durmuş derejesi ýokarlanýar. Hormatly Prezidentimiziň ajaýyp zamanada il-ulsumyzyň eşretli ýaşaýşyny, röwşen geljegini nazarlaýan başlangyçlary şanly hem taryhy wakalar bilen dabaralanyp, eziz Diýarymyzda abadançylyk, asudalyk, agzybirlik höküm sürýär. Özleri hakda edýän şeýle aladalary üçin halkymyzyň Milli Liderimize, döwlet Baştutanymyza alkyşynyň çägi ýok.

11 Sentýabr 2024

‹
1
2
...
4
5
6
7
8
9
10
...
559
560
›