Türkmenmetbugat

"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Gerçeklik mekdebiniň mynasyp dowamy

«Türkmenistan — parahatçylygyň we ynanyşmagyň Watany» ýylynda Milli Goşunyň döredilenine 29 ýyl dolýar. Täze ýylyň ilkinji günlerinde döwlet derejesinde bellenilýän bu baýramçylyk ata Watanymyza bolan söýgimizi, halkymyz bilen Milli Goşunymyzyň jebisligini şöhlelendirýär. Şanly sene mynasybetli döwlet Baştutanymyzyň Türkmenistanyň Ýaragly Güýçleriniň serkerdelerine, esgerlerine, gullukçylaryna we harby talyplaryna iberýän Gutlagy, ýurdumyzyň harby we hukuk goraýjy edaralarynyň harby gullukçylaryna hem-de işgärlerine harby we ýörite atlary dakmak hem-de hünär derejelerini bermek bilen baglanyşykly Permanlary merdana Watan goragçylarynyň wezipe borçlaryna bolan höwesini we jogapkärçiligini has-da ýokarlandyryp, täze üstünliklere ruhlandyrýar. Uludan tutulýan toý bagtyýar raýatlarymyzyň watançy ogul-gyzlaryna bolan buýsanjyny dabaralandyrýar. Baýramçylygyň şanyna giňden ýaýbaňlandyrylýan medeni çäreler, göwün göteriji aýdym-sazly çykyşlar, teatrlaşdyrylan sahnalar mert pederlerimiziň Watana, halka wepalylyk ýaly asylly ýörelgelerini döwrebap harby däp-dessurlar arkaly dowam etdirýän harby gullukçylaryň hem-de olaryň ýerine ýetirýän belent borjunyň waspyny ýetirýär.

26 Ýanwar 2021

Bagtyýarlygyň şuglasy

Berkarar döwletimiziň bagtyýarlyk döwründe ýaş nesli okatmagyň we terbiýelemegiň täze ugurlary üstünlikli durmuşa ornaşdyrylýar. Hormatly Prezidentimiz mugallymlaryň hünär ussatlygyny kämilleşdirmeklerine ähli mümkinçilikleri döredýär. Şonuň üçin hem häzirki döwürde ylym-bilim ösdürilýär, ýaşlara döwrebap bilim berilýär. Hormatly Prezidentimiz hünär ussatlygyňy kämilleşdirmek üçin diňe ýadawsyz zähmet çekmegi, öz bilimiňi yzygider artdyrmagy, hünär derejäňi we ussatlygyňy kämilleşdirmegi, täze usullary özleşdirmegi maslahat berýär. Ýurdumyzda täze döwrebap usullar bilim ulgamyna ornaşdyryldy. Bilim ojaklarynda bilim berilmeginiň hilini hem-de netijeliligini artdyrmak üçin bu ulgama döwrebap maglumat we aragatnaşyk tehnologiýalary girizildi. Orta we ýokary okuw mekdepleri kompýuter enjamlary bilen üpjün edilýär. Bilim ulgamynyň döwrebaplaşdyrylmagy netijesinde, orta mekdepleriň okuw tertipnamasyna düýpli täzelikler girizildi. Şunuň bilen baglylykda, ykdysadyýetiň esaslary, Türkmenistanyň medeni mirasy, dünýä medeniýeti, modelirleme we grafika, maglumat-kommunikasiýa tehnologiýalary hem-de döwrebap tehnologiýalar, ekologiýa, özüňi alyp barmagyň medeniýeti ýaly dersler binýatlaýyn sapaklaryň hataryna goşuldy. Okuwçylaryň öwredilýän daşary ýurt dilleriniň sanawyny artdyrmak hakyndaky çözgüt hem kabul edildi. Iňlis, fransuz, nemes we ýapon dillerini öwredýän mekdepleriň sany

26 Ýanwar 2021

Watany goramak mukaddes borçdur

Türkmenistanyň Prezidenti Gurbanguly BERDIMUHAMEDOW:— Ajaýyp döwürde mukaddes borjy harby kasama laýyklykda ak ýürek bilen ýerine ýetirip, Watanymyzyň hem-de halkymyzyň bähbitleriniň goragynda durmak, ýurdumyzyň hemmetaraplaýyn ösüşlerine goşant goşmak uly bagtdyr, belent mertebedir. Watansöýüjiligiň beýik nusgasyny görkezýän Gahryman Arkadagymyzyň ajaýyp eserlerinde ýurt goragynyň mukaddesdigi, oňa gulluk etmegiň belent mertebedigi, harby kasama ygrarlylygyň, wepalylygyň, mertligiň, gaýduwsyzlygyň türkmen ýigitlerine mahsus häsiýetlerdigi nygtalýar. Hormatly Belent Serkerdebaşymyz Watan goragçylaryna Watana wepalylygyň ajaýyp göreldesini görkezýär.

26 Ýanwar 2021

Ýaşlar syýasaty: döwrebap özgertmeler, aýdyň netijeler

Berkarar Watanymyzyň geljegi bolan ýaş nesil hakyndaky alada ýurdumyzyň döwlet syýasatynyň möhüm ugurlarynyň biri bolup durýar. Ýaşlar baradaky döwlet syýasaty Garaşsyz, hemişelik Bitarap Türkmenistanyň ýaş raýatlarynyň hukuklarynyň, erkinliginiň amala aşyrylmagyna gönükdirilen durmuş-ykdysady, syýasy, guramaçylyk hem-de hukuk çäreleriniň ulgamydyr. Türkmenistanyň ýaşlar baradaky döwlet syýasaty hukuk, ykdysady, durmuş we guramaçylyk babatynda zerur şertleriň döredilmegine, ýaşlaryň jemgyýetçilik birleşikleriniň ösüşine hem-de olary goldamaga gönükdirilýär. Gadymdan gelýän milli ynsanperwer ýörelgelere laýyklykda iň döwrebap enjamlar, interaktiw tehnologiýalar bilen enjamlaşdyrylan bilim edaralarynda ýaşlara halkara derejesinde bilim bermäge, olaryň hukuklaryny we kanuny bähbitlerini goramaga, durmuş, medeni, ruhy we beden taýdan ösüşine ýardam etmäge gönükdirilen toplumlaýyn maksatnamalar üstünlikli durmuşa geçirilýär.

26 Ýanwar 2021

Eşretli döwrümiziň waspy

Gökdepe şäheriniň Medeniýet köşgünde «Dünýäde parahatçylygy üpjün etmek we birek-birege ynanyşmak türkmen halkynyň ebedilik ýol-ýörelgesidir» ady bilen dabara geçirildi. «Türkmenistan — parahatçylygyň we ynanyşmagyň Watany» şygary astynda geçýän şanly ýyla bagyşlanan dabarany etrap häkimligi, etrabyň jemgyýetçilik guramalary hem-de medeniýet bölümi bilelikde gurady. Edara-kärhanalaryň zähmetkeşleriniň, jemgyýetçilik guramalarynyň wekilleriniň gatnaşmagynda bolan dabarada täsirli çykyşlara aýratyn orun berildi. Bagtyýar ildeşlerimiz çykyşlarynda Arkadagly döwrümiziň gadyr-gymmaty, ata Watanymyzyň arşa göterilýän abraý-mertebesi, şöhratly ýyllarymyzyň üstünliklere beslenilişi dogrusynda söz açyp, «Türkmenistan — parahatçylygyň we ynanyşmagyň Watany» şygary astynda geçýän ýylymyzyň ilkinji günleri bolup geçýän şatlykly wakalar hakynda buýsanç bilen gürrüň etdiler.

26 Ýanwar 2021

Edepli ile ýarar

Ata-babalarymyz hemişe nesil terbiýesine uly üns berip gelipdirler. Aslynda, asyllylyk, edeplilik, terbiýelilik — bu halkyň milliliginiň gözbaşy. Nesil terbiýesi babatynda hormatly Prezidentimiziň bize peşgeş beren atalyk kitaplary nusga alarlyk ýol-ýörelge bolup hyzmat edýär. Milli Liderimiziň tagallasy bilen çap edilen «Paýhas çeşmesi» atly kitapda pederlerimizden bize miras galan nakyllardyr atalar sözleri ýerleşdirilen. Çuň many-mazmuna, pähim-paýhasa ýugrulan bu ajaýyp kitap ýaş nesli milli ruhda terbiýelemekde, olarda ahlaklylyk, ynsanperwerlik, watansöýüjilik häsiýetlerini kemala getirmekde örän ähmiýetlidir.  Onda «Edep bilen bagt tapylar, sabyr bilen tagt», «Edepli ile ýarar», «Ýigide müň dürli hünär hem az», «Gyz edebi — il edebi» ýaly dürdäne sözler bar. Terbiýe meselesinde her bir çaganyň özüne mahsus bolan aýratynlygyna, häsiýetine, islegine görä çemeleşmek zerur. Ata-babalarymyz çaga terbiýesi bilen bagly gündelik durmuşynda gabat gelýän ýörelgeleri, terbiýeçilik ähmiýeti bolan, geljekde halka nepi degjek däp-dessurlary döredipdirler, olardan netijeli peýdalanypdyrlar.

26 Ýanwar 2021

Ertir — Watan goragçylarynyň güni

Watanymyzyň asudalygy — jemgyýetimiziň bitewüliginiň esasy Garaşsyz, hemişelik Bitarap Türkmenistan döwletimiz hormatly Prezidentimiz Gurbanguly Berdimuhamedowyň parasatly ýolbaşçylygynda taryh üçin örän gysga döwrüň dowamynda dünýä derejeli ösüş gazandy. Ýurduň döwlet syýasatynyň esasy ugurlaryny gyşarnyksyz durmuşa geçirmek bilen, özgertmeleriň täzeçil menzillerinde ata Watanymyzyň belent hem ygtybarly ösüşini berkidip, dünýä giňişliginde mynasyp orun tapmagyny gazanyp beren Gahryman Arkadagymyzyň beýik işleriniň ählisi bu günki gün nusgalyk häsiýete eýe bolýar. Döwlet Baştutanymyzyň «Ilkinji nobatda meniň ähli aladam halkym bolar» diýen baş maksady ýurdumyzyň asudalygyny, halkymyzyň abadançylygyny pugtalandyrmaga gönükdirilen tutumly işlerden gözbaş alýar. Ol «Döwlet adam üçindir!» diýen baş taglymatyň esasynda durmuşa geçirilýär. Şeýle belent wezipeleriň amal edilmeginde Watan goragçylarynyň orny aýratyn ähmiýete eýedir.

25 Ýanwar 2021

Şanly seneleriň şanyna

Häzirki wagtda mähriban Diýarymyzda Türkmenistanyň Garaşsyzlygynyň 30 ýyllyk baýramyny mynasyp garşylamaga giňden taýýarlyk görülýär. Bu ajaýyp sene mynasybetli giň gerimli baýramçylyk dabaralaryny we beýleki çäreleri geçirmek meýilleşdirilýär. Bular barada Ministrler Kabinetiniň geçen hepdäniň anna güni sanly wideoaragatnaşyk arkaly geçirilen mejlisinde hem giňişleýin gürrüň edildi. Hususan-da, mejlisde eziz Watanymyzyň Garaşsyzlygynyň 30 ýyllygy mynasybetli döredijilik bäsleşiklerini yglan etmek boýunça geçirilýän işler barada hasabat berildi. Bellenilişi ýaly, degişli ministrlikler, pudaklaýyn dolandyryş edaralary hem-de jemgyýetçilik guramalary bilen bilelikde şanly senä bagyşlanan dürli bäsleşikler yglan edilýär. Döredijilik bäsleşikleriniň birnäçesi gazetleriň we žurnallaryň redaksiýalary tarapyndan yglan edildi. Bu ugurdaky işler dowam etdiriler.

25 Ýanwar 2021

Resmi habarlar gysga setirlerde

Türkmenistanyň Prezidenti Karara gol çekdi. Resminama laýyklykda Maliýe we ykdysadyýet ministrligine satylmagy bellenen degişli söwda dükanlaryny, restorany we söwda öýüni olaryň işiniň esasy ugurlaryny we iş ýerlerini saklap galmak şertinde Senagatçylar we telekeçiler birleşmesiniň agzalaryna bellenen tertipde göni (salgyly) satmak arkaly hususylaşdyrmak tabşyryldy. * * *

25 Ýanwar 2021

Täzelikler

Köýtendagly telekeçi Baýpolat Ergeşowyň 3,5 gektar meýdanda ýerleşýän ýyladyşhanalarynyň 27-sinde ýetişdirýän gök we bakja önümleri diňe bir welaýatymyzyň däl, eýsem, paýtagtymyzyň hem bazarlarynda halkymyza terligine, elýeterli bahalardan hödürlenilýär. Ýyladyşhanalaryň 12-sinde pomidor, 5-sinde hyýar, galanlarynda hem bolgar burçy ösdürilip ýetişdirilýär. Geçen ýylyň sentýabr, oktýabr aýlarynda ekilen gök ekinler ýylyň ahyrynda ýetişdi. Olardan ýygnalan hasyl ilatyň Täze ýyl baýramçylyk saçaklarynyň berekedine bereket goşdy. Pomidordan 1 tonna, hyýardan 8 tonna golaý hasyl alyndy. Şu günlerde telekeçi bolgar burçunyň hasylyny ilata günübirin ýetirýär. Hormatly Prezidentimiziň ýakyndan goldaw-hemaýat bermegi, ýeňillikli şertleri döretmegi bilen ene ýerden bol hasyl alýan hususyýetçileriň ýüzlerçesiniň yhlasly zähmetiniň netijesinde welaýatymyzyň bazarlarydyr dükanlarynda gök we bakja önümleriniň bolçulygy üpjün edilýär. Telekeçiler öz önümlerini dünýäniň dürli döwletlerine eksporta hem iberýärler.

25 Ýanwar 2021

Parahatçylygyň owazy dünýä ýaň salýar

«Türkmenistan — parahatçylygyň we ynanyşmagyň Watany» atly ganatly şygara beslenen üstümizdäki ýylymyzyň ilkinji günlerinde badalga berlen döwletli tutumlar parahatçylyksöýüjilikli, ynsanperwerlikli ýol-ýörelgelere eýerýän merdana halkymyzyň ýürek owazyny dünýä doldurdy. Garaşsyz döwletimiziň dünýä ýaň salýan beýik şan-şöhraty, parahatçylygyň we dostlugyň ýurdy hökmünde halkara abraýynyň yzygiderli artýandygyna şaýatlyk edýän taryhy wakalar halkymyzy beýik üstünliklere ruhlandyrýar. Hormatly Prezidentimiziň taýsyz tagallalary bilen ata Watanymyzda ykdysady, medeni-durmuş babatda gazanylýan şanly ösüşler giň gerimli maksatnamalary, durmuş-ykdysady özgertmeleri üstünlikli durmuşa geçirmäge ýardam berýär. Nebitgaz, oba hojalyk, gurluşyk, energetika, ykdysadyýet, medeniýet, ylym-bilim, saglygy goraýyş, sport, syýahatçylyk ulgamlarynda güneşli Diýarymyzyň ykdysady taýdan ýokary depginler bilen ösýän hem-de ynamly öňe barýan döwletdigini ykrar edýän giň gerimli işler amala aşyrylýar.

25 Ýanwar 2021

Watan goragy mukaddesdir

Jeýhun bilen bahry Hazar arasy eý, eziz Diýar! Goýnuňda ýaşaýan her bir ynsan üçin senden uly gymmatlyk, uly baýlyk ýokdur. Çünki seniň topragyň asty hem, üsti hem — egsilmez hazyna! Seniň goýnuňda bagtyýarlyk höküm sürýär. Ýurt parahatçylygy, asuda ýaşaýyş we erkinlik Watana bolan söýgini has hem artdyrýar. Halkyna erkanalygy, özbaşdaklygy, gülläp ösüşi bagyş eden jan Türkmenistanym, saňa näçe buýsansaň hem, guwansaň hem az! Biz pederlerimiziň arzuwlan bagtyýar durmuşynyň bagty çüwenleridiris. Ata-babalarymyz şeýle ajaýyp ýurdy gurmak, berkarar etmek üçin ömürlerini bagyş etdiler. Muňa şöhratly taryhymyzyň her güni şaýat. Watany başynyň täjine deňän il ogullary seniň ýeke daban ýeriňi goramak ugrunda gör, nähili agyr hupbatlary başdan geçirdiler! Sarahs, Mary, Gazawat, Garrygala, Gökdepe söweşlerinde gör, näçe ärler seniň goragyňda başlaryny gurban etdiler! 1941 ― 1945-nji ýyllarda merdana gerçekleriň görkezen edermenligi hem öçmez-ýitmezdir. Biz Watanymyzy döş gerip goran şol gahrymanlarymyza, merdanalarymyza guwanýarys, olaryň mertebesini hemişe belentde tutýarys. Çünki nesilden-nesle geçip, halkyň kalbynda ebedi orun alan Watan ogullarynyň gahrymançylykly ýollary biziň üçin mähriban ýurduňy, onuň erkinligini söýmegiň we goramagyň beýik mekdebidir.

25 Ýanwar 2021

Garaşsyzlyk — beýik bagtymyz

Mundan otuz ýyl ozal ata Watanymyzyň Garaşsyzlygynyň jar edilmegi bilen güneşli Diýarymyzyň nurana geljeginiň we şanly rowaçlyklarynyň sarsmaz binýady tutuldy. Hut şonuň üçin biz her ýyl Watanymyzyň berkararlygyny, milli bitewiligimizi şöhratlandyrýan mukaddes baýram hökmünde bu şanly senäni beýik watansöýüjilik ruhunda — ajaýyp zähmet sowgatlary bilen garşy alýarys. Gahryman Arkadagymyzyň: «Garaşsyzlyk bahasyny hiç zat bilen ölçäp bolmajak beýik düşünjedir, döwletimiziň mizemezliginiň, halkymyzyň agzybirliginiň we jebisliginiň müdimi binýadydyr» diýip belleýşi ýaly, Garaşsyzlyk Watanymyzyň demokratik, dünýewi we hukuk döwleti hökmünde dünýä bileleşigine ynamly goşulmagyna mümkinçilik berdi, taryhy ýollary gahrymançylyga beslenen gaýduwsyz hem-de merdana halkymyzyň dostluk, parahatçylyk, ynsanperwerlik ýörelgelerini rowaçlandyrdy, bagtyýar hem-de abadan durmuşy bagyş etdi. Garaşsyzlyk halkymyzyň agzybirligini we jebisligini, müňýyllyklardan gözbaş alyp gaýdýan beýik mertebesini, parahatçylyksöýüji, hoşniýetli we dostluk ýörelgelerini hem Ýer ýüzünde giňden dabaralandyrýar. Eziz Watanymyzyň Garaşsyzlygynyň ösüşli ýyllaryndaky gazanylanlary pugtalandyrmak bilen birlikde, ykdysadyýetimiziň döwrebaplaşdyrylmagyna, halkymyzyň hal-ýagdaýynyň has-da gowulandyrylmagyna ýardam berýän syýasy, ykdysady, medeni, ylmy-tehniki özgertmeleriň, tutumly maksatnamalaryň üstünlikli amala aşyrylmag

25 Ýanwar 2021

Rowaýat

Ir zamanda bir patyşanyň iki ogly bolupdyr. Ol ýaşlykdan ogullarynyň hersini bir adama terbiýelemäge beripdir. Garransoň, bir gün ogullarynyň birini öz ýerine tagta oturtmak isläp, olary synaga — aw awlamaga çagyrypdyr. Uly ogly kakasynyň ýanyna bezenip, beslenip, emma kiçi ogly sypaýy, arassa geýnip gelipdir. Patyşa kiçi ogluna: — Oglum, saňa şu bolçulykda geýmäge zat tapylmadymy? — diýipdir. Ogly:

25 Ýanwar 2021

Bagtymyzyň gözbaşy

Hormatly Prezidentimiz 2020-nji ýylyň 23-nji dekabrynda wideoaragatnaşyk arkaly ýurdumyzyň medeniýet ulgamynyň işgärleri, habar beriş serişdeleriniň wekilleri bilen duşuşdy. Garaşsyz Türkmenistan döwletimiziň medeniýet ulgamyny ösdürmäge, habar beriş serişdeleriniň işini kämilleşdirmäge bagyşlanan şol iş maslahatynda döwlet Baştutanymyz 2021-nji ýylda öňde durýan belent maksatly wezipeleri kesgitledi. Hormatly Prezidentimiziň tabşyryklary Garaşsyz ýurdumyzyň bagtyýar raýatlarynyň her biri, aýratyn-da medeniýet we sungat, döredijilik işgärleri üçin aýdyň ugur-ýol görkezijidir. Garaşsyz ýurdumyzda Gahryman Arkadagymyzyň başda durmagynda gazanylýan ösüşler, oňyn özgertmeler eziz Watanymyzyň ykdysady kuwwatyny, halkymyzyň ýaşaýyş-durmuş derejesini has-da ýokarlandyrýar. Döwlet Baştutanymyzyň daşary hem içeri syýasatda alyp barýan parasatly ýörelgeleri halkymyza gülläp ösüşiň miwelerini eçilýär, mukaddes Garaşsyzlygy tug edinen türkmen döwletiniň at-abraýyny dünýä ýaýýar. Hormatly Prezidentimiziň tagallalary bilen ýurdumyzda amala aşyrylýan oňyn özgertmeler, milli maksatnamalar, durmuşa geçirilýän taslamalar döwlet Baştutanymyzyň adam hakdaky aladalaryndan gözbaş alýar. Şonuň üçin hem halkymyz asuda durmuşda, parahat ýaşaýşyň hözirini görüp ýaşaýar.

25 Ýanwar 2021

Döwrümiziň binagärlik waspy

Hormatly Prezidentimiziň sanly wideoaragatnaşyk arkaly geçiren Ministrler Kabinetiniň 2021-nji ýyldaky ilkinji mejlisinde «Türkmenistanyň Garaşsyzlygynyň 30 ýyllyk şanly baýramy mynasybetli dabaralary we çäreleri ýokary derejede geçirmek boýunça Guramaçylyk komitetini döretmek hakynda» Karara gol çekmegi, maslahatlardyr iş saparlarynda öňde goýýan wezipeleri taryhy ähmiýetli şanly senä uludan taýýarlyk görülýändigine şaýatlyk edýär. Türkmenistanyň döwlet Garaşsyzlygyna eýe bolmagynyň 30 ýyllygy bellenilýän bu ýylda iri önümçilik we durmuş maksatly binalaryň hem-de desgalaryň ençemesini açyp, ulanmaga bermek meýilleşdirilýär. Bu dabaralar bilen birlikde, Türkmenistanyň Milli Geňeşiniň Halk Maslahatynyň agzalarynyň saýlawlarynyň geçirilmegi, Aşgabatdaky Olimpiýa şäherçesinde Welotrek boýunça dünýä çempionatynyň, tennis boýunça Dewisiň Kubogy ugrundaky halkara ýaryşyň guralmagy, Lebap welaýatyndaky Medeniýet hepdeligi we beýleki taryhy wakalar Garaşsyzlygyň gymmatlyklaryny, ýurdumyzyň özygtyýarly ösüş ýolundaky gazananlaryny dabaralandyrar.

25 Ýanwar 2021

Şanly toýa uly tutumlar bilen...

22-nji ýanwarda hormatly Prezidentimiz Gurbanguly Berdimuhamedow sanly wideoaragatnaşyk arkaly Türkmenistanyň Ministrler Kabinetiniň nobatdaky mejlisini geçirdi. Mejlisde döwlet durmuşyna degişli möhüm meseleler ara alnyp maslahatlaşyldy, şeýle hem ýurdumyzy durmuş-ykdysady taýdan ösdürmäge gönükdirilen resminamalaryň taýýarlanylan taslamalaryna garaldy. Mejlisiň barşynda Ministrler Kabinetiniň Başlygynyň orunbasary E.Orazgeldiýew şu günler ýurdumyzyň welaýatlarynda möwsümleýin oba hojalyk işleriniň dowam edýändigi, gowaça hasylynyň düýbüni tutmak boýunça ýazky ekiş möwsümine taýýarlyk işleriniň geçirilýändigi barada hasabat berdi. Şunda ýerleri gowaça ekişine taýýarlamak, pagta arassalaýjy kärhanalarda tohumlyk çigitleri taýýarlamak işleri utgaşykly alnyp barylýar.

24 Ýanwar 2021

Türkmeniň nurana ýoly parahatçylyk, abadançylyk, durnukly ösüş ýoludyr

Bagtyýar ýaşaýşy üpjün etmek üçin ilkinji nobatda, parahatçylyk, abadançylyk, durnukly ösüş zerur. Täze taryhy eýýamda zähmet we bagtyýarlyk mukamy sazlaşykly hem-de belentden-belent ýaňlanýan ýurdumyzda hormatly Prezidentimiziň parasatly baştutanlygynda hut şu zerurlyklary üpjün etmäge möhüm ähmiýet berilýär. Bu belent maksada döwletimiziň içeri we daşary syýasatyny üstünlikli durmuşa geçirmek bilen ýetilýär. Şonuň netijesinde eziz Watanymyzyň we mähriban halkymyzyň sene ýazgysyna şanly wakalar ýazylýar. Häzirki wagtda ýurdumyzyň içeri we daşary syýasatynyň, ösüşi üpjün etmäge gönükdirilen maksatnamalaryň üstünlikli durmuşa geçirilmegi bilen Garaşsyz Türkmenistan gülläp ösüşiň mekanyna, arzuwlaryň hasyl bolýan ýurduna, parahatçylygyň merkezine, halklaryň dostluk-doganlyk gatnaşyklarynyň has-da pugtalanmagyna gönükdirilen halkara forumlaryň geçirilýän ýerine öwrüldi. Şeýlekin ösüş, belent sepgitlere ýetilmegi halkymyzyň asylly ýol-ýörelgeleri, döredijilikli zähmet, dostlukly gatnaşyklar, özara bähbitli hyzmatdaşlyk arkaly üpjün edildi.

24 Ýanwar 2021

Üstünlikler — ösüşlere badalga

Gahryman Arkadagymyzyň parasatly baştutanlygynda eziz Diýarymyzda bagtyýar ýaşaýan halkymyz ýagşy umytlar, arzuwlar bilen 2021-nji «Türkmenistan — parahatçylygyň we ynanyşmagyň Watany» ýylyny garşy aldy. Parahatçylygyň, asudalygyň, ynanyşmagyň mekany hökmünde at-owazasy dünýä dolan Türkmenistan ýurdumyz ösüşleriň aýdyň ýoly bilen barýar. Ykdysadyýetde, syýasatda, medeniýetde, sungatda, umuman, ähli ulgamlarda gazanylýan üstünlikler ýurduň kuwwatlanmagyna we halkara abraýynyň has-da artmagyna alyp barýar. Ösüp gelýän ýaş nesle berilýän bilimiň hilini dünýä derejesine çykarmak, talyp ýaşlaryny ylymly-bilimli, häzirki zaman tehnologiýalaryndan baş çykarýan hünärmenler edip ýetişdirmek esasy ugurlaryň biri bolup durýar. Hormatly Prezidentimiziň bilim ulgamyndaky amala aşyrýan özgertmeleri biziň ählimizi — mugallymlary, talyplary örän buýsandyrýar. Bilimde bolup geçýän özgertmeler bolsa, barmak büküp sanardan köpdür. Hormatly Prezidentimiziň taýsyz tagallasy bilen, bagtyýarlyk döwrümizde okuw mekdeplerinde zehinli ýaşlary ýüze çykarmaga, okatmagyň interaktiw usullaryndan peýdalanmaga, sapaklarda sanly tehnologiýalardan we dünýä tejribesinden peýdalanmaga giň mümkinçilikler döredildi. Interaktiw usul mugallymy we okuwçyny, talyby täze tehnologiýa esasynda taýýarlanylan ders maglumatlaryndan netijeli peýdalanmaga gönükdirýär. Şeýle hem okatmagyň bu usuly mugallymlary we talypl

24 Ýanwar 2021

«Dostluk» — türkmen-azerbaýjan dost-doganlygynyň we netijeli hyzmatdaşlygynyň nyşany

21-nji ýanwarda türkmen paýtagtynda Hazar deňzindäki “Dostluk” ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasynda özara düşünişmek hakyndaky Ähtnama gol çekmek dabarasy boldy. Hormatly Prezidentimiz Gurbanguly Berdimuhamedow hem-de Prezident Ilham Aliýew onlaýn görnüşde bu möhüm resminamanyň kabul edilmegini mübäreklediler. Bu resminamada gadymdan gelýän hoşniýetli goňşuçylyk we dostlukly türkmen-azerbaýjan döwletara gatnaşyklarynyň ýokary derejesi beýan edilýär. Gol çekmek dabarasynyň öňüsyrasynda hormatly Prezidentimiz Gurbanguly Berdimuhamedow Azerbaýjan Respublikasynyň daşary işler ministri Jeýhun Baýramowy kabul etdi.

23 Ýanwar 2021

‹
1
2
...
552
553
554
555
556
557
558
559
560
›