"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

ROWAÝATLARA SIŇEN GADYMY KÖNEÜRGENÇ

Pederlerimiz geçmişden ybrat alyp, geljege ýörelge edinmegi nesillere hikmetli sözleriň, dessanlardyr rowaýatlaryň üsti bilen pent-nesihat edipdirler. Ata-babalarymyzyň şöhratly ýoluny yzlamak, ata Watanyň mertebesine buýsanmak, ene topragyňy gözüň göreji deý ezizlemek halkymyzyň durmuş ýörelgesidir. Bu durmuş kadasy nesilden-nesle geçip gelýän mukaddes duýgudyr. Şu nukdaýnazardan ugur alyp, ata Watanymyzyň çäginde ýerleşýän taryhy ýadygärlikleri ylmy taýdan öwrenmek, şöhratly taryhymyzy bütin dünýäde wagyz etmek we pederlerimizden miras galan bu taryhy-medeni gymmatlyklarymyza buýsanç duýgularyny döretmek ýaşlaryň kalbynda belent watanperwerlik duýgularyny oýarýar. Halkymyzyň milli buýsanjy bolan taryhy-medeni ýadygärliklerimiziň biri hem gadymy Köneürgenç ýadygärlikleridir. Gadymy Köneürgenç XI-XII asyrlarda medeniýetiň, sungatyň we ylmyň gülläp ösen, kuwwatly döwlet öwrülen Horezmşalar döwletiniň paýtagtydyr. Bu taryhy künjek Beýik Ýüpek ýolunyň möhüm ugurlarynyň biri bolupdyr. Bu döwürde bina edilen taryhy-arhitektura ýadygärlikleri häzirki wagtda Köneürgenç taryhy-medeni döwlet goraghanasynyň çäginde ylmy taýdan öwrenilýär.

6 Maý 2024

Garaşsyzlyk

ANNAGYLYÇ MÄTÄJI – USSAT ŞAHYR

Edebiýatda adamyň durmuşy, ýaşaýyşy, häsiýeti we arzuwy söz arkaly suratlandyrylýar. Adam edebiýatyň üsti bilen kämilleşýär. Çeper edebiýat adamy we onuň durmuşyny beýan etmek bilen şolaryň esasynda adamlara dogry ýoly salgy berýär. Edep-ekramly nesilleri ýetişdirmek edebiýatyň baş maksadydyr. Türkmen edebiýatynda hem nesilleri kämillige çagyrýan ençeme şahyrlar bar. Türkmen nusgawy edebiýatynda özüniň ajaýyp goşgulary bilen orun alan hem-de ähli döwürlerde-de ähmiýetini ýitirmeýän şygyrlary bilen yz galdyran ussat şahyrlaryň biri hem Annagylyç Mätäjidir. Mätäji XIX asyr türkmen edebiýatynyň görnükli wekilleriniň biri bolup, beýik Magtymgulynyň edebi däplerini içgin öwrenen we dowam etdiren şahyrdyr. Annagylyç Mätäjiniň şygyrlary şirinligi, many-mazmuna baýlygy, halky äheňi bilen söýgä mynasyp bolupdyr. Şahyryň şygyrlary häzirki wagtda hem owazlylygy, aýdym-saz äheňliligi bilen halk arasynda meşhurdyr.

6 Maý 2024

Garaşsyzlyk

BEDEN TERBIÝESI — GÖZELLIGIŇ GÖZBAŞY

Berkarar döwletiň täze eýýamynyň Galkynyşy döwründe hormatly Prezidentimiziň ýurdumyzyň bilim ulgamyny döwrebaplaşdyrmak babatdaky oňyn özgertmeleri, il-ýurt bähbitli işleri halkymyzyň, ösüp gelýän ýaş neslimiziň şu gününe we röwşen geljegine bolan ynamyny has-da berkidip, ruhuny belende göterýär. Türkmen halkynyň Milli Lideriniň: «Men adam hakyndaky aladalary bedenterbiýe we sport babatda döredilen esasy şertleriň, şolar esasynda sagdyn durmuş ýörelgeleriniň kemala gelmegi bilen bitewülikde görýärin» diýen sözleri sagdyn durmuş ýörelgeleriniň ösdürilmegine, sportuň goldanylmagyna we ýaşlaryň kämil şahsyýetler bolup ýetişmegine gönükdirilen wezipelerde milli kanunlarymyzda öz beýanyny tapýar. Adam hakyndaky aladany ilkinji orunda goýýan Gahryman Arkadagymyz hem-de Arkadagly Gahryman Serdarymyz lukmançylyk hyzmatlarynyň hiliniň ýokarlandyrylmagy, saglygy goraýyş edaralarynyň iň kämil enjamlar bilen üpjün edilmegi ugrunda yzygiderli aladalanýar. Şol bir wagtda ynsan saglygynyň ilki bilen her bir adamyň özüne baglydygyny göz öňünde tutup, sagdyn durmuş ýörelgesini durmuşa ornaşdyrmak boýunça ägirt uly işler amala aşyrylýar. Ýurdumyzyň ähli ýerlerinde gurulýan sport desgalary hem-de mekdepler, saglyk ýollary ilatyň köpçülikleýin sport we bedebterbiýe bilen meşgullanmagyna mümkinçilik berýär. Sagdyn jemgyýet ýurduň ähli ösüşleriniň gözbaşydyr. Sport bolsa sagdynlygy, berk bedenlili

6 Maý 2024

Garaşsyzlyk

HALKLARY BIRLEŞDIRÝÄN KÖPRI

Halkyň maddy hal-ýagdaýynyň derejesi gönüden-göni döwletiň ykdysady ösüşine bagly bolup durýar. Ýurduň ykdysady kuwwatyny berkitmek, ösüşiň belent sepgitlerine ýetmek üçin giň dünýägaraýyşly, sowatly, Watana wepaly hünärmenlere bil baglanylýar. Olaryň ylymda, bilimde dünýäniň soňky gazananlaryndan baş çykarmagy, hususan-da sanly ulgamlara erk edip bilmegi, daşary ýurt dillerini çuň öwrenmegi bu ugurda alnyp barylýan işleriň özenini düzýär. Çünki aýdylanlar bilen bir hatarda, dünýä dilleriniň kämil bilinmegi halkara hyzmatdaşlygy ösdürmekde ähmiýetli orun eýeleýär. Islendik halkyň dilini bilmek, olaryň medeniýetini öwrenmäge hem giň mümkinçiligi döredýär. Dil halklary özara birleşdirýän ruhy köpri bolup hyzmat edýär. Haýsydyr bir halkyň dilini bilmek, medeniýetine düşünmek özboluşly dünýäniň gapysyny açýar, dünýägaraýşyňy giňeldýär, kämillige eltýär.

6 Maý 2024

Garaşsyzlyk

ÝAŞLAR YLYM DÜNÝÄSINDE

Ýaş alym elektron resminama dolanyşygyny amala aşyrýan web sahypany hödürleýär

6 Maý 2024

Garaşsyzlyk

DIL ÖWRENMEKDE TEHNOLOGIÝANYŇ ARTYKMAÇLYKLARY

Häzirki zaman jemgyýetçilik we ynsan durmuşyny tehnologiýalarsyz göz öňüne getirmek asla mümkin. Döwrebap tehnologiýalar we tehnikalar adamzat durmuşyna şeýle bir çuň aralaşdy welin, sanly we maglumat tehnologiýalarsyz ynsan özüni jemgyýetden üzňeleşýän, döwürden, ösüşden yzda galýan ýaly duýgyny başdan geçirýär. Dünýä jemgyýeti ösüşiň täze tapgyrynda diňe tehnologiýalara we innowasiýanyň soňky gazananlaryna daýanýar. Kämil kompýuter tehnologiýalary maglumat akymlarynyň jemgyýetde tiz ýaýramagyny  üpjün  edýär  we  ägirt  uly   maglumat  giňişligini emele  getirýär. Dünýäniň globallaşýan döwründe bilim ulgamy hem tehnologiýanyň ösüşleri bilen aýakdaş galkynýar. Döwrüň öňe sürýän talaplaryna laýyklykda sanly bilim konsepsiýasy häzirki wagtda dünýä jemgyýetçiliginde uly seslenme döredýän meseleleriň biridir. Çünki, islendik jemgyýetiň, döwletiň ösüşi ylym-bilim bilen berk baglanyşyklydyr.

6 Maý 2024

Garaşsyzlyk

ENERGETIKA PUDAGYNYŇ MILLI WE HALKARA DEREJESINDE ÖSÜŞ UGURLARY

Milli ykdysadyýetiň kuwwatyny pugtalandyrmakda energetikanyň wajyp orny eýeleýändigi nukdaýnazaryndan, bu möhüm ulgamyň ösdürilmegine durmuşa geçirilýän giň gerimli döwlet maksatnamalarynda aýratyn orun berilýär. Berkarar döwletiň täze eýýamynyň Galkynyşy: Türkmenistany 2022–2052-nji ýyllarda durmuş-ykdysady taýdan ösdürmegiň Milli Maksatnamasyna laýyklykda, Türkmenistanyň nebitgaz toplumyny giň gerimler bilen ösdürmäge we toplumyň halkara energetika ulgamyna işjeň goşulyşmagyna gönükdirilen energetika syýasatyny yzygiderli durmuşa geçirmek dowam etdirilýär. Toplumyň pudaklarynyň ýurduň özgeriş durmuş-ykdysady ösüşiniň esasy maliýe çeşmesi bolmagyndaky orny pugtalandyrylýar. Geçen ýylyň noýabrynda hormatly Prezidentimiziň gatnaşmagynda Türkmenbaşy etrabynyň çäginde täze, kuwwaty 1574 megawata deň bolan, utgaşykly dolanyşykda işlejek döwrebap elektrik stansiýasynyň, şeýle hem etrabyň Guwlymaýak şäherçesinde medeni-durmuş maksatly binalaryň düýbüniň tutulmagy, şonuň ýaly-da, Mary — Ahal ugry boýunça ýokary woltly asma elektrik geçirijisiniň, Türkmenbaşydaky nebiti gaýtadan işleýän zawodlar toplumynda iki sany gaz turbina desgasynyň dabaraly açylyp ulanylmaga berilmegi aýdylanlary doly tassyklaýar. Şeýle-de, türkmen energogurluşykçylarynyň yhlasly zähmet çekmegi netijesinde Balkan — Daşoguz ugry boýunça ýokary woltly asma elektrik geçirijisiniň gurluşygyny şu ýylda tamamlamak meýi

6 Maý 2024

Garaşsyzlyk

Ne­sil­le­re nus­ga­lyk yn­san

«7/24. tm» №19 (206), 06.05.2024 Har­by gul­luk­çy­lar we hu­kuk go­raý­jy eda­ra­la­ryň iş­gär­le­ri Wa­ta­ny­my-zyň we hal­ky­my­zyň öňün­dä­ki mu­kad­des bor­ju­ny my­na­syp ýe­ri­ne ýe­tirmek bi­len, ata-ba­ba­la­ry­my­zyň gah­ry­man­çy­lyk­ly däp­le­ri­ni do­wam et­dirýär­ler. Türk­men hal­ky­nyň ta­ry­hy, Wa­ta­ny­my­zyň şöh­rat­ly ogul­la­ry­nyň çäk­siz eder­men­lik­le­ri­niň hem-de gaý­duw­syz­lyk­la­ry­nyň my­sal­la­ry­na baýdyr. Ola­ryň ha­ta­ryn­da hor­mat­ly Pre­zi­den­ti­mi­ziň ata­sy Berdimu­ha­met An­na­ýew hem bar. Mu­gal­lym we es­ger, öz top­ra­gy­nyň wa­tan­çy­sy bol-mak bi­len, ol Be­ýik Wa­tan­çy­lyk ur­şun­da gaý­duw­syz sö­weş­di. Gah­ry­man Ar­ka­da­gy­my­zyň ata­sy, mu­gal­lym, es­ger, il­ha­lar yn­san Ber­di­mu­ha­met An­na­ýe­wiň ýo­ka­ry nus­ga­lyk gö­rel­de­si bü­tin hal­ky­myz üçin edep-ter­bi­ýä­niň, wa­tan­sö­ýü­ji­li­giň, yn­san­per­wer­li­giň mek­de­bi­dir. Berdimuhamet aga­nyň Wa­ta­ny go­ra­mak­da, ýaş­la­ra bi­lim ber­mek­de bi­ti­ren iş­le­ri, maş­ga­la, per­zent ter­bi­ýe­si ba­ba­tyn­da kä­mil ýö­rel­ge­si, ýo­ka­ry adam­kär­çi­li­gi kal­by­myz­da yn­san­per­wer­lik, zäh­met­sö­ýer­lik, wa­tan­çy­lyk duý­gu­la­ryny ös­dür­ýär.

6 Maý 2024

Garaşsyzlyk

Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň howandarlyk etmeginde geçiriljek «Biz — Arkadag Serdarly Watanyň bagtyýar nesilleri» atly surat çekmek bäsleşiginiň düzgünnamasy

I. Umumy düzgünler «Pähim-paýhas ummany Magtymguly Pyragy» diýlip atlandyrylan 2024-nji ýylda, Magtymguly Pyragynyň doglan gününiň 300 ýyllygynyň giňden dabaralandyrylýan günlerinde Berkarar döwletiň täze eýýamynyň Galkynyşy döwrüniň ajaýyp keşbini, eziz Watanymyza, ene topragymyza, maşgala mukaddesligine, gözel tebigatymyza bolan söýgini çeperçilik işlerinde beýan edýän ýaş nesilleriň ukyp-başarnyklaryna mynasyp baha bermek, surat çekmek bilen meşgullanýan çagalaryň döredijilik ukybyny açyp görkezip, zehinli ýaşlary ýüze çykarmak hem-de olary höweslendirmek maksady bilen, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň howandarlyk etmeginde «Biz — Arkadag Serdarly Watanyň bagtyýar nesilleri» atly surat çekmek bäsleşigi yglan edilýär.

6 Maý 2024

Garaşsyzlyk

Sylag–hormatdan peýdalanýan weteran

«7/24. tm» №19 (206), 06.05.2024 Uruş we­te­ra­ny Ata Tut­ly­kow et­ra­by­my­zyň uly sy­lag-hor­mat­dan peý­da­lan­ýan bag­ty­ýar ýa­şaý­jy­sy­dyr. Ýaş ne­sil­le­ri­mi­zi wa­tan­çy­lyk, gah­ry­man­çy­lyk, mert­lik ru­hun­da ter­bi­ýe­le­mek­de we hal­ky­my­zyň ag­zy­bir­li­gi­ni, je­bis­li­gi­ni ber­kit­mek­de ola­ryň alyp bar­ýan iş­le­ri aý­ra­tyn bel­le­nil­mä­ge my­na­syp­dyr. Bu gün dur­mu­şy­my­zyň be­ze­gi bo­lup ýa­şa­ýan Ata aga-da hor­mat­ly Pre­zi­den­ti­mi­ziň taý­syz ta­gal­la­la­ry ne­ti­je­sin­de uly üns-ala­da bi­len gur­şal­ýar. Et­ra­byň Goz­gan oba­syn­da ýa­şa­ýan Ata Tut­ly­ko­wy aja­ýyp se­ne my­na­sy­bet­li gut­la­mak hem-de hor­mat­ly Pre­zi­den­ti­mi­ziň gym­mat ba­ha­ly sow­gat­la­ry­ny gow­şur­mak üçin ola­ryň döw­let­li ojak­la­ryn­da et­rap hä­kim­li­gi, şeý­le-de jem­gy­ýet­çi­lik gu­ra­ma­la­ry­nyň we­kil­le­ri myh­man­çy­lyk­da bol­du­lar. Olar go­ja es­ge­re döw­let Baş­tu­ta­ny­my­zyň sow­gat­la­ry­ny da­ba­ra­ly ýag­daý­da gow­şur­mak bi­len, iň go­wy ar­zuw­la­ry­ny be­ýan et­di­ler. Ata aga­nyň sö­weş we dur­muş ýo­ly ha­kyn­da be­ren tä­sir­li gür­rüň­le­ri bu du­şu­şy­ga baý ma­ny goş­dy. Toý gü­nün­dä­ki du­şu­şyk­lar ýa­kym­ly duý­gu­la­ra bes­len­di. Uruş we­te­ra­ny Ata Tut­ly­kow sow­gat­la­ry üçin hor­mat­ly Pre­zi­den­ti­mi­ziň ady­na ýü­rek­den çyk­ýan al­kyş söz­le­ri­ni be­ýan et­di. Ýe­ri ge­len­de, döw­let­li ojak­l

6 Maý 2024

Garaşsyzlyk

Ar­ka­da­gy­my­zyň eser­le­ri ruh­lan­dyr­ýar ne­sil­le­ri

«7/24. tm» №19 (206), 06.05.2024 Türk­men hal­ky­nyň Mil­li Li­de­ri: «Ki­tap adam­za­dyň kö­ňül nag­şy­dyr, ol me­de­ni gym­mat­lyk hök­mün­de ru­hy baý­ly­ga öw­rü­lip, adam­la­ryň ýü­rek­le­ri­ne ýol sa­lyp bil­ýär» di­ýip bel­le­mek bi­len, ki­ta­ba mu­kad­des­lik hök­mün­de ga­ra­ýar. Ki­tap hiç wagt hem gym­ma­ty­ny ga­çyr­ma­ýan ru­hy baý­lyk­dyr. On­da çäk­siz gud­rat, güýç bar. Ol geç­miş bi­len gel­je­giň, halk­lar bi­len ýü­rek­le­riň ara­syn­da­ky köp­ri. Kalp­la­ra bar­ýan ýol göz­ba­şy­ny ki­tap­dan alyp gaýd­ýar. Çün­ki «Ýü­rek­den çy­kan söz ýü­re­ge ba­rar» diý­li­şi ýa­ly, ki­tap­da kal­byň owa­zy ýaň­lan­ýar. Oky­jy ki­ta­by özü­ne ýol­daş edi­nip, dö­wür­le­re, älem-ja­ha­na sy­ýa­hat ed­ýär.

5 Maý 2024

Garaşsyzlyk

«Ýa­şa­syn, pa­ra­hat dur­muş!»

«7/24. tm» №19 (206), 06.05.2024 Türk­men hal­ky bu gün­ki gün be­ýik Py­ra­gy­nyň ar­zuw­lan Ber­ka­rar döw­le­ti­ň tä­ze eý­ýa­my­nyň Gal­ky­ny­şy döw­rün­de Gahry­man Ar­ka­da­gy­my­zyň, Ar­ka­dag­ly Gah­ry­man Serda­ry­my­zyň taý­syz ta­gal­la­la­ry­nyň sa­ýa­syn­da asu­da as­ma­nyň, pa­ra­hat ze­mi­niň üs­tün­de ýa­şa­ýar. «Pä­him-paý­has um­ma­ny Mag­tym­gu­ly Py­ra­gy» ýy­lyn­da biz 1941 — 1945-nji ýyl­lar­da­ky Be­ýik Wa­tan­çy­lyk ur­şun­da ga­za­ny­lan be­ýik Ýe­ň­şiň 79 ýyl­ly­gy­ny bel­le­ýä­ris.

5 Maý 2024

Garaşsyzlyk

Ýüwrük atyň bahasy bolmaz

Türkmenler öz ajaýyp atlaryna hemişe-de ynamdar ýoldaş, wepaly dost hökmünde garapdyrlar. Halkymyzyň ýelden ýüwrük bedewlere söýgüsi we sarpasy çäksizdir. Şan-şöhrata beslenen taryhymyzyň dowamynda türkmen ýigidini häsiýetlendirýän mertlik, batyrlyk, gaýduwsyzlyk barada söz açylanda, bu häsiýetler, ilkinji nobatda, bedew atlar bilen baglanyşdyrylypdyr. Magtymguly Pyragynyň: At gazanar goç ýigidiň,Owal bedew aty gerek —

4 Maý 2024

Garaşsyzlyk

TÜRKMENISTANYŇ HARYTLAR WE HYZMATLAR BAZARYNY ÖSDÜRMEGIŇ ESASY UGURLARY

Türkmenistanyň Prezidentiniň maksatnamalaýyn strategiýasy döwlet kadalaşdyrylyşynyň netijeli usullarynyň biri bolup, ol durnukly ösüşi üpjün etmekde wajyp orun eýeleýär. Häzirki döwürde ýurdumyzda ýakyn, orta we uzak möhlete niýetlenen birnäçe maksatnamalaryň hereket etmegi geljekki ösüş ugurlarymyzyň takyk hasaplamalara, berk ylmy esaslandyrmalara laýyklykda, örän oýlanyşykly kesgitlenendigine güwä geçýär. Şunda ilatyň ýaşaýyş-durmuş derejesini ýokarlandyrmak bilen bagly wezipeler kabul edilen we täze kabul edilýän ähli maksatnamalaryň içinden eriş-argaç bolup geçýär. Dünýä ösüşinde maliýe-ykdysady çökgünligiň dowam edýän, beýleki döwletler bilen özara baglanyşygyň has-da güýçlenýän, durmuş-ykdysady ýagdaýlaryň çalt üýtgeýän şeýle çylşyrymly şertlerinde milli ykdysadyýetiň ösüş depginini durnukly saklamak meselesi gün tertibiniň wajyp meseleleriniň biri bolup, bu ýagdaý tiz ornaşdyrmaga ukyply bolan usullaryň, çemeleşmeleriň ulanylmagyny talap edýär. Bu milli ykdysadyýeti döwrüň çagyryşlaryna laýyklykda dolandyrmagyň inkär edip bolmaýan şertleriniň biridir. Maksatnamalaýyn çemeleşme şeýle usullaryň biri bolup, onda häzirki ösüş tapgyrynda wajyp meseleleriň çözgüdine gönükdirilen maksatlary netijeli durmuşa geçirmegiň ýollaryna, gurallaryna, serişdelerine aýratyn ähmiýet berilýär. Belli bir maksat bilen işlenip taýýarlanýan milli maksatnamalar häzirki zaman ösüşiniň durmuş-ykdy

3 Maý 2024

Garaşsyzlyk

TURKMEN TRADITIONS OF HOSPITALITY IN MAGTYMGULY’S POETRY

Magtymguly Pyragy’s poetry is written from different points of view, particularly about Turkmen society, patriotism, moral purity, love, hospitality, bravery, courage, heroism, unity, women’s dignity, hard work, decency and other issues that still echo in our days with a clear voice and shine brightly. In his book «The Unquenchable Torch in the Crown of the Spirit», Hero Arkadag noted that the wise poet’s literary heritage is rich in the valuable ideas, the best traditions of humankind. The wise poet underlined the Turkmen traditions of hospitality in his poems. Turkmenistan – our motherland is renowned for its hospitality. Hospitality is a symbol of generosity and statehood. Magtymguly is a great thinker whose creativity founded a model school of upbringing of the younger generation in compliance with high moral standards. Hospitality is one of the most wonderful traditions and moral standards of the Turkmen people. This is fully confirmed by the proverb «Guest is greater than your father».

3 Maý 2024

Garaşsyzlyk

«MAGTYMGULY, SÖZLERIM SAZA GOŞSAŇ, UZ BOLAR»

Magtymguly Pyragynyň doglan gününiň 300 ýyllygynyň halkara derejesinde bellenip geçilmegi onuň hormatynyň dünýä çykarylyp, halkyň baýlygyna öwrülendiginiň aýdyň subutnamasydyr. Akyl dürüniň egsilmez hazynasy bolan Magtymguly Pyragy türkmen saz sungatynyň taryhyna-da ady baky ornaşan şahyrdyr. Onuň ady, şahyrana owazy daglardan eşidilýän ýaň ýaly bolup, älem-jahana ýaýrady. Bu adyň we owazyň özboluşly, iňňän gymmatly tarapy onuň ýeke-täk bir şahsyýetiň mertebesini aňlatman, eýsem tutuş bir milletiň – türkmeniň at-owazasyny, abraýyny belende galdyrandygy bilen häsiýetlidir. Türkmen kompozitorlarynyň döredijiliginde Pyragynyň goşgularyna bagyşlanan dürli žanrlardaky ululy-kiçili eserler örän kändir. Bu eserlerde heň bilen mazmun bir perdeden gopup, ikisi hem bir daragt deý örboýuna galýar. Kompozitor Aşyr Kulyýew döredijilige ilkinji gadam basan ýyllarynda  Magtymgulynyň «Depe nedir, düz nedir» diýen goşgusyna ýüzlenip, goşgy setirlerindäki gahrymançylykly häsiýeti örän göwnejaý teswirlemegi başarypdyr. Kompozitor ruhubelentlik öwüşgini dolulyga berlen eserinde ýöriş heňine mahsus käbir alamatlary peýdalanýar. Aýdymyň dowamynda aýal hem-de erkek sesleriň sazlaşykly arabaglanyşygy milli esasda ösdürilýär, eser liriki-dramatik häsiýetde ýaňlanýar.

3 Maý 2024

Garaşsyzlyk

PLACE OF TURKMEN AKHALTEKE HORSES IN WORLD ARENA

In the era of the Revival of the new epoch of the powerful state, the national activities are being conducted to promote the political, economic and cultural development of our country, build modern villages and cities and digitalize all aspects of our life. These are Ashgabat located at the foothills of the Kopetdag Mountains, the wonderful work of architectural art of the National Leader of the Turkmen people, Hero Arkadag. Arkadag City has the latest specimens of urban construction, engineering and technical development of the world. Under the leadership of our esteemed President Serdar and Hero Arkadag, world-class stadiums and sports complexes are built and put into operation throughout the country to promote healthy lifestyles. Recently, Aba Annaev International Equestrian Academy and the Equestrian Research and Production Centre in Arkadag City were opened. They are the vivid examples of  large-scale work being done in the new historical period to preserve the purity of the horse breed that is are national pride of the Turkmen people, promote equestrian sports, train specialists on an integrated and science basis, increase the number of purebred Akhalteke horses and foster love for our heavenly horses in our youth.

3 Maý 2024

Garaşsyzlyk

KITAP – PAÝHASLAR UMMANY

23-nji aprel “Bütindünýä kitap güni” Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda «Döwlet adam üçindir» diýen ynsanperwer ýörelgä esaslanyp, ýurdumyzyň ylym-bilim, medeniýet ulgamyny ösdürmek, milli mirasymyzy gaýtadan dikeltmek, aň-bilim ojaklaryny yzygiderli gurmak işleri güýçli depginlerde alnyp barylýar.

3 Maý 2024

Garaşsyzlyk

MILLI PARLAMENT: ÝAŞ PARLAMENTARILER WE DEMOKRATIK ÖSÜŞLER

Häzirki döwürde hukuk gatnaşyklaryň mazmunynyň döwrebaplaşmagy we hususan-da demokratik häsiýetliligiň mahsuslygy bilen ösmegi netijesinde dünýä döwletleriniň, şol sanda Türkmenistanyň kanunçykaryjylyk tejribesine hem oňyn täsir edýär. Ata-babalarymyzdan miras galan ynsanperwer däplere, umumy ykrar edilen halkara ýörelgelere eýerip, demokratik ýörelgelerimiz döwrüň talabyny nazara alyp işjeňleşýär. Şeýle depgindäki demokratik däpler hormatly Prezidentimiziň gatnaşmagynda Türkmenistanyň Mejlisiniň ýedinji çagyrylyşynyň birinji maslahatynyň dowamynda Mejlisiň ýolbaşçylaryny wezipä bellemek we onuň düzümini tassyklamak meselelerinde-de beýanyny tapdy. Bu maslahatda oňa gatnaşyjylar Türkmenistanyň Mejlisiniň saýlanan deputatlarynyň aglabasynyň ýaş nesliň wekilleridigini aýratyn bellediler. Hormatly Prezidentimiz bu maslahatda eden çykyşynda «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda» kesgitlenen wezipeleriň kanunçylyk-hukuk taýdan üpjün edilmegi babatda Türkmenistanyň Mejlisi tarapyndan geçirilmeli zerur işleriň anyk ugurlaryny beýan etdi. Maslahatda Arkadagly Gahryman Serdarymyz döwletimiziň we jemgyýetimiziň milli gymmatlyklaryny şeýle hem, täzeçillikleri çelgi edinip raýat-hukuk gatnaşyklaryny kämilleşdirmek maksady bilen, häzirki döwrüň talaplaryndan we oňyn halkara tejribeden ugur

3 Maý 2024

Garaşsyzlyk

ÖÝÜM BAR – ÜLKÄM BAR

Türkmen halky öýüne, ojagyna keramat, mukaddeslik hökmünde garaýar, öýüni hemişe bela-beterden, gözden-dilden goramaga çalyşýar. Täze öý tutunmak maşgalanyň durmuşynda möhüm waka bolup, ol uly dabara beslenýär.Geçmişde ak öýüň süňňüni ýasamak bilen baglanyşykly birnäçe yrymlar bolupdyr. Meselem, ak öýüň süňňüni ýasaýan ussa – gerekçi hiç haçan öýüň gabsasyny ýasamandyr. Türkmen öýüniň bosagasy, söýeleri dagdan agajyndan edilipdir. Gapylary dagdan agajyndan bolan öýe göz degmeýär diýip ynanypdyrlar. Türkmenlerde jübüt sanlar gowy görlensoň, öýüň täriminiň sany hem jübüt edilipdir. Ene-mamalarymyz hem öý dulunyň ýükünde hökman iki, ýagny goşa artmak goýupdyrlar, tärimden asylýan çuwallaram jübüt bolupdyr. Häzirki wagtda-da jübüt sanlaryň ähmiýeti saklanyp galýar: türkmen toýlaryna çörek jübüt eltilýär, atgulak jübüt asylýar.

3 Maý 2024

Garaşsyzlyk